كسّاب الطيب
17/01/2013, 08:00 PM
السلام عليكم
عندي مشكلة في كورولا 98 أتمنى أخذ رأيكم فيها
المشكلة : هي أن زيت المكينة والدركسون بينقصوا كثير وأنا ملاحظ هذا الشيء من فترة طويلة وصرت أعبيهم كل يومين تقريباً , المهم بعد فترة طفشت وقلت خلني أقضي ع المشكلة نهائياً ورحت لعدة ميكانيكيين أغلبهم تقريباً إتفق على
1- بالنسبة للمكينة : التهريب من الصوف الأمامية والخلفية + تحتاج المكينة تسقيط شنبر .
2- بالنسبة للدركسون : التهريب من الدودة + مشكلة في الطرمبة
المهم قلت خلني ابدأ في المكينة والدركسون لاحقين عليه , إخترت أحد الميكانيكيين بناء على توصية أحد الأصدقاء والذي ندمت أشد الندم ع إختياره ولكن لافات الفوت ماينفع الصوت .
بدأ بفك الرأس وطلب
1- طقم وجيه
2- شنبر
3- بلوف
4- بواجي
5- سبائك متحرقة
6- فلتر زيت
7- سليكون
بعد ما إنتهى من المخرطة ركب القطع وطبق المكينة وجيت إستلمت السيارة وقال لي أمش على 70 وبعد 600 كم رجع لي السيارة علشان أغير الزيت الأول وأعمل وزن للبلوف .
مشيت في اليوم الأول 100 كم ووقفت السيارة وفي الصباح شيكت أسفل السيارة ووجدت كميات من بقع الزيت في عدة أماكن , قلت يمكن بقايا زيت قديم متعلق في الكارتير أو نحوه , المهم قلت بسافر ع السيارة وأشوف .
سافرت 300 رايح , 300 راجع ووقفت السيارة عند البيت وفي الصباح شيكت أسفل السيارة ووجدت نفس البقع وبأماكن مختلفة , وشيكت على عيار الزيت ووجدته كامل , ركزوا على الكلمات اللي عليها خط وتعرفون في نهاية الموضوع .
المهم وديت السيارة لميكانيكي غير اللي إشتغلت عنده وقال لي التهريب من صوفة المكينة الخلفية ( اللي بين الجربوكس والمكينة ) ومن جوانب الكارتير ( تحتاج سليكون ) ومن ربلة الغطاء .
رجعت للميكانيكي اللي عمل التوضيب وطرت بحلقه وإعترف لي إنه ما غير الصوفة الخلفية لأنه كان يتوقع أنها ماتهرب , المهم خليته يفك الجربوكس ويركب الصوفه قدامي , وقبل مايطبق الجربوكس قال لي ( صحن الكلتش والديزك والفحمات ) يحتاج لها تغيير , ورحت إشتريت أصلي وخليته يركبها .
بعد ماخلصت من تركيب الجربوكس قال لي جيب إصلاح للكلتش وجبت إصلاح وإثناء التركيب حصل تهريب للزيت , طلع المشكلة من السلندر حق الكلتش , وجبنا جديد وركبه .
بعد ماخلص من كل شيء خليته يفضي الزيت حق المكينة القديم , علشان أحط زيت جديد , المهم أعطيته 3 علب زيت وإستغرب الميكانيكي قال باقي علبة , قلت له المكينة فقط 3 علب , وشفت وجهه تغيير 180 درجة , وجلس ساكت لمدة دقيقة , المهم قال لي أنا يبغى يقول لك حاجه بس أنت مافي زعل , قلت له قول مافي مشكلة , قال في المرة الأولى أنا حطيتوا قريب 4 علب , علشان كذا زيت يهرب , وأنا الحين معلوم , المهم صبرت وقلت الحمد لله على كل حال .
الزبدة والمهم في الموضوع ( بعد ماشغل السيارة قام يدوس بقوة وطلع دخان أبيض كثيف من الشكمان , والله يا أني إنصدمت , وبعد نصف دقيقة تحول إلى لون أسود ) , وسألته قال هذا من كاربريتر إن شاء الله مافي مشكلة , مع العلم أني غيرت البنزين من أخضر إلى أحمر وأيضاً السيارة كانت واقفة لمدة 3 أيام .
سؤالي / ماهو الدخان الأبيض اللي طلع في البداية , وهل تأثرت المكينة ب 4 علب الزيت اللي حطها ع الرغم أن الكمية المفروض تكون 3 علب ؟
عندي مشكلة في كورولا 98 أتمنى أخذ رأيكم فيها
المشكلة : هي أن زيت المكينة والدركسون بينقصوا كثير وأنا ملاحظ هذا الشيء من فترة طويلة وصرت أعبيهم كل يومين تقريباً , المهم بعد فترة طفشت وقلت خلني أقضي ع المشكلة نهائياً ورحت لعدة ميكانيكيين أغلبهم تقريباً إتفق على
1- بالنسبة للمكينة : التهريب من الصوف الأمامية والخلفية + تحتاج المكينة تسقيط شنبر .
2- بالنسبة للدركسون : التهريب من الدودة + مشكلة في الطرمبة
المهم قلت خلني ابدأ في المكينة والدركسون لاحقين عليه , إخترت أحد الميكانيكيين بناء على توصية أحد الأصدقاء والذي ندمت أشد الندم ع إختياره ولكن لافات الفوت ماينفع الصوت .
بدأ بفك الرأس وطلب
1- طقم وجيه
2- شنبر
3- بلوف
4- بواجي
5- سبائك متحرقة
6- فلتر زيت
7- سليكون
بعد ما إنتهى من المخرطة ركب القطع وطبق المكينة وجيت إستلمت السيارة وقال لي أمش على 70 وبعد 600 كم رجع لي السيارة علشان أغير الزيت الأول وأعمل وزن للبلوف .
مشيت في اليوم الأول 100 كم ووقفت السيارة وفي الصباح شيكت أسفل السيارة ووجدت كميات من بقع الزيت في عدة أماكن , قلت يمكن بقايا زيت قديم متعلق في الكارتير أو نحوه , المهم قلت بسافر ع السيارة وأشوف .
سافرت 300 رايح , 300 راجع ووقفت السيارة عند البيت وفي الصباح شيكت أسفل السيارة ووجدت نفس البقع وبأماكن مختلفة , وشيكت على عيار الزيت ووجدته كامل , ركزوا على الكلمات اللي عليها خط وتعرفون في نهاية الموضوع .
المهم وديت السيارة لميكانيكي غير اللي إشتغلت عنده وقال لي التهريب من صوفة المكينة الخلفية ( اللي بين الجربوكس والمكينة ) ومن جوانب الكارتير ( تحتاج سليكون ) ومن ربلة الغطاء .
رجعت للميكانيكي اللي عمل التوضيب وطرت بحلقه وإعترف لي إنه ما غير الصوفة الخلفية لأنه كان يتوقع أنها ماتهرب , المهم خليته يفك الجربوكس ويركب الصوفه قدامي , وقبل مايطبق الجربوكس قال لي ( صحن الكلتش والديزك والفحمات ) يحتاج لها تغيير , ورحت إشتريت أصلي وخليته يركبها .
بعد ماخلصت من تركيب الجربوكس قال لي جيب إصلاح للكلتش وجبت إصلاح وإثناء التركيب حصل تهريب للزيت , طلع المشكلة من السلندر حق الكلتش , وجبنا جديد وركبه .
بعد ماخلص من كل شيء خليته يفضي الزيت حق المكينة القديم , علشان أحط زيت جديد , المهم أعطيته 3 علب زيت وإستغرب الميكانيكي قال باقي علبة , قلت له المكينة فقط 3 علب , وشفت وجهه تغيير 180 درجة , وجلس ساكت لمدة دقيقة , المهم قال لي أنا يبغى يقول لك حاجه بس أنت مافي زعل , قلت له قول مافي مشكلة , قال في المرة الأولى أنا حطيتوا قريب 4 علب , علشان كذا زيت يهرب , وأنا الحين معلوم , المهم صبرت وقلت الحمد لله على كل حال .
الزبدة والمهم في الموضوع ( بعد ماشغل السيارة قام يدوس بقوة وطلع دخان أبيض كثيف من الشكمان , والله يا أني إنصدمت , وبعد نصف دقيقة تحول إلى لون أسود ) , وسألته قال هذا من كاربريتر إن شاء الله مافي مشكلة , مع العلم أني غيرت البنزين من أخضر إلى أحمر وأيضاً السيارة كانت واقفة لمدة 3 أيام .
سؤالي / ماهو الدخان الأبيض اللي طلع في البداية , وهل تأثرت المكينة ب 4 علب الزيت اللي حطها ع الرغم أن الكمية المفروض تكون 3 علب ؟