المساعد الشخصي الرقمي

مشاهدة النسخة كاملة : الدينالي مكينتها جيمت وش الحل


ابوخالد45
16/01/2013, 10:16 PM
السلام عليكم ورحمه الله وبركاته ، عندي يوكن دينالي 2007 فجأه اليوم جيت اشغلها طلع فيها صوت طقطقه خفيفه رجه قويه في الماكينه بشكل رهيب.
فقلت احسن شي اسرع لاقرب ورشه وانا ماشي مافيه عزم في السياره وزاد صوت الطقطقه . وعند وصولي للورشه طبعاً سوري صاحبها، قال لي التكايات ، وقال لي طف وشغل ، فلما طفيت وجيت اشغل جيمت المكينه وماعاد دارت .
دلوني يالربع عن الحل ووين افضل ورشه في الرياض اوديها لها.
بن الزايد
16/01/2013, 10:36 PM
كيف جيمت ما تدور المكينه او سلف ما يدور
SGL
16/01/2013, 10:39 PM
ماتجيم المكينة ألا أذا مافيها زيت أو طرنبة الزيت خربانه وشاك فيها أو الجنزير أنقطع بس لو الطرنبة خربت تولع لنبة في الطبلون
بن الزايد
16/01/2013, 11:53 PM
بحثت في الموقع الاجنبية الخلال من صفية البنزين او طرمبة البنزين او البطارية
1تفتيش خنق الحرارةالحرارة خانقة تمسك أو عمل غير صحيح.
2تفتيش فلتر الوقودالقذرة أو انسداد فلتر الوقود.
3تفتيش ترحيل-بومبات الوقودخلل التتابع مضخة الوقود.
4تفتيش منظم الضغط حاقن الوقودمنظم الضغط حاقن الوقود الخاطئ.
5تفتيش مضخة الوقودضغط الوقود منخفض.
6تفتيش حاسوب التحكم بالمحركمعلومات التشغيل غير صحيحة ويجري تسليمها وأرسلت .
7تفتيش مصفاة مضخة الوقودانسداد أو القذرة سترينيرات مضخة قود
ls1.5700
17/01/2013, 03:42 AM
لاتتعب نفسك المكينه مجيمه وتحتاج توضيب بس دور على مهندس فاهم بالامريكي لانه ماهو حي الله واحد يشتغله وخاصه الدينالي 000
تبي تاكد انها مجيمه قل للمكانيكي يدور المكينه عن طريق بكرة السيور اللي طالعه من عمود الكرنك
يجيب حبه او رنق مقاس اعتقد23 ويدورها بيده طبعاً القير في وضعية n اذا دارة المكينه معناته ماهو صحيح
المكينه مجيمه واذا مادارة الله يعينك على التوظيب
هذا والله اعلم
- بو فيصل
17/01/2013, 05:36 AM
كان معي جي اكي آر 2006 كنت اجرب السياره بسرعه 160 وفجئه وقفت السيارة في الخط والنتيجه المكينه جيمت بسبب احد البساتم انكسر

الله يعينك على التوضيب 8 سلندر فوق 9 الاف
الشهابة
17/01/2013, 11:44 AM
لا حول و لا قوة إلا بالله .. و الحمد لله على كل حال .. و أهم شي إنك طيب و عساه فيما يهون و يخلف .. و الله ييسر أمرك و تنحل مشكلتك على أهون سبب بإذن الله ..


و لكن يا الغالي ..
سيارتك استخدام سعودي أو أمريكي أو خليجي ؟
و هل أنت أول مستخدم إذا كانت السيارة سعودية أو شاريها مستخدمه ؟
و كم ماشي العداد ؟
وش نظامك و طريقتك في الصيانة و تغيير الزيت ؟
العابر2222
17/01/2013, 10:28 PM
أخوووي

انت الي خليتها تجيم وانت الي تسببت بتخبيط المكينه

المشكله في البدايه كانت بسيطه المفروض تطفي السياره وتشيلها على سطحه للورشه لاكن انت مشيت عليها وتطورت المشكله

المشكله في الاساس عدم وصول الزيت لأجزاء المكينه والسبب طرنمبة الزيت تعطلت عندك وتكلفت تصليحا بالقطع يمكن ما توصل 1000 ريال
لاكن انت مشيت بالسياره (كانك مفرغ الزيت والمكينه بدون زيت) والحديد يحك في بعض الين عضت المكينه

والأفضل فك المكينه عن شخص محترف وابعد عن السوري وشف هل اجزاء المكينه تلفانه بالكامل او لا يمكن حتى التوظيب ما ينفع