ماهو نوع الزيت وعياره الي يصلح للجيب عندنا بأجواء االسعودية.

[ابو عبد الرحمن]

السلام عليكم ورحمة الله.
طال عمركم أكثر الناس بالسعوديه تغير الزيت للجكس آر والفكس آر بأنواعه والنيسان عيار 50ـ20

وش الي صار:D:
1-طلع عندنا مثقفين :cool: وبينو أنه هذا المصطلح خطأ..وذكرو المشاكل الي سببها هذا العيار خاصة للجموس :mad:.
2- أيضا الكتلوج للجكس آر والفكس آر لم يعترف بعيار 20ـ50 بل جعله آخر القائمه :eek: بينما جعل عيار 30ـ10 و30ـ5 هو الاول والمفضل وهنا توافق تيوتا وجمس بالأفضليه على عيار 30ـ5 بينما جمس لم يفصل بل طبع هذا العيار على غطاء الزيت.

3- الوكاله كتيوتا تستخدم عيارين بينهما الفارق الكبير وهم 20-50 و10ت30 والان 40ـ5
وهذا بينهم الفارق الكبير وتعليلهم أن هذا خاص للمشي 5000وهذا للممشا 1000الآف غير مبرر ..
** مسؤال دخول الصيانه لأحد وكلات تيوتا قالي الافضل الي يمشي عشر آلاف ومذكور هو الافضل بالكتلوج عيار 30ـ10...ثم علق قوله أنه لايصلح للي يسرع فوق 140 :no2: كما هو معلق أيضا بالكتلوج أنه لايصلح لسرعات ولالتحميل. (أعني راعين البر...)

بعد ذلك دخلت مرحله :looney: زي كثير من الاعضاء.

وش رايكم :looney::looney::looney:

نبي الي يصلح للجيوب الأفضل النوع والعيار بالسعودية وش قناعك ومن أين ...... وفكونا من :looney::looney::looney::p

[0راعي الجبيل0]

ترتيب القائمة الموجودة بكتيب المالك ماهي مبنية على الافضل والاسوأ
هي ترتيب على الدرجات اللي يكون فيها اداء الزيت على حسب الحرارة وهي من الاقل الى الاعلى


تحياتي
ابوحمدان

[owwn]

على حسب موترك
إذا جديد عليك بالزيوت التخلقيه او نصف تخلقيه مثل موبيل 1 وكاسترول إدج وماقنتك وفيه زيت عند تويتا بعد
إذا موترك قديم اشوف الترا سفن ممتاز وكذلك زيت اي سي ديلكو عيار 20/50 تراه صناعه امريكيه

[ماء نوفا]

بعد اﻷذن وش رايكم بزيت تويوتا لشاص

[شت قان]

انا استخدم للفكسار سوبر جتي للشتا والصيف

[عام1433]

لزوجة 5w40 ممتاز لسيارات 8 سلندر

[سليمان الصقر]

لا زم تعرف الارقام وش معناها :
50-20 مهناها اذا درجة حرارة الجو 50 تصير درجة حرارة الزيت 100 واذا درجة حرارة الجو صفر تصير درجة حرارة الزيت 20
30-10 مهناها اذا درجة حرارة الجو 30 تصير درجة حرارة الزيت 100 واذا درجة حرارة الجو صفر تصير درجة حرارة الزيت 10
40-5 مهناها اذا درجة حرارة الجو 40 تصير درجة حرارة الزيت 100 واذا درجة حرارة الجو صفر تصير درجة حرارة الزيت 5
وبهذه الطريقة تستطيع تحديد اللزوجة المناسبة لموترك أما أنا شخصيا معي جيب جي اكس آر2001 بالشتاء استخدم 30-10 وبالصيف استخدم 50-20 وكنت أحط زيت الترت7 والآن حولت على كاسترول

[mekshaat]

المشكله الآن ماهي اللزوجه المناسبه فقط لأني كنت عند مهندس راعي خبره تخصصه
توضيب مكاين وراني مكاين فاكها بورشته وكلها عليها ترسبات زيت قويه يقول هذا
سبب تخبيط أكثر المكاين ولا لها علاقه بنوع السياره حتى انه وراني مكينة جي اكس ار
فاكها يوضبها كلها ترسبات ماشيه 400الف كم أو أكثر لكن يقول الممشى ماله علاقه
بالتخبيط السبب من شخال الزيت اللي بالكارتيرماصار يشفط الزيت بسبب الترسبات وجيمت
المكينه ويقول مكاين الحديد القديمه مايترسب عليها الزيت الابشكل خفيف بعكس مكاين
الالمنيوم الجديده والحل بنظره يقول اذا سمعت صوت طقطقه بالمكينه وامبير الزيت ينخفض
معها او اذا صارت لمبة الزيت تأشر للي ماعندهم امبير زيت معناها لازم تفحص الطرمبه
وتنظف الشخال لأنه غالبا هو سبب تخبيط المكاين وأكثر السيارات لازم تنفك المكينه عشان
تتنظف صح المهم قديكون ترسب الزيت بسبب المشي زياده على الزيت وقد تكون جودة
الزيت لها دور.

[ramy asiry]

عن نفسي جربت سوبر جيتي وبترومين 50 /20
لكن لحظت فرق في الزيت بترومين يصير اسود وتحس إنه صار ثقيل بعكس السوبر جيتي
لكن الله أعلم ايش الأفظل
الحين مغير سوبر جيتي والمرة الجاية إن شاء الله أبي أغير بترومين حتى أتأكد أيهم أفظل

[sgl2002]

والله انا كنت استخدم سوبر جيتي

والا من سنتين غيرت الى الترا سفن


صراحه بترومين على كثر ما اجلد الموتر الا انه ماينقص ولا تتغير لزوجته

لكن بعد ٤٠٠٠ يقلب اسود

[لاتكب البيالة]

الكتلوج حق السيارة موضح لك كل شي من ناحية اللزوجة وحسب درجات الحرارة

[العنابي 616]

أنا أستخدم زيت ألترا سفن 50-20 من طلعت السيارة من الوكالة إلى الان
أغير الزيت كل 10 الاف
و الان السيارة ماشية 550 ألف ما شاء الله تبارك الله و المكينة ممتازة ما فيها الا العافية الله يبارك فيها

[بدوي جنوبي]

اشوف مسافة 10 الاف على زيت عادى ليس تخليقي مبالغ فيه
افضل مسافة 5000 الاف

والزيوت العاديه مثل شل سوبر وكاسترول وزيت تويوتا ووو الخ ،،،

اما الزيوت الماقنتك (الممغنطة ) مثل كاسترول ما قننتك يمشي حتى 8 الاف
وبعدها يتم تغييره ،،،

اغلب السيارات الحديثه يفضل استخدام زيت 5w وهذا الموصي به في الكتلوج ومكتوب على غطاء
زيت التعبئة

[كاشت بالبر]

الزيت الخفيف :

1) يحسن عزم السياره وفزّتها .

2) يقلل استهلاك البنزين ( البنزين في الدول الأجنبيه غالي جدا جدا جدا ويحاولون يقللون استهلاك البنزين بكل الطرق والوسائل .. وحنا الحمد لله البنزين رخيص جدا وتهمنا حماية المكينه أكثر من صرفية البنزين ) .

3) يتوزع أسرع من الزيت الثقيل بالشتاء .


الزيت الثقيل مثل 15w40 و 20w50:

1) حمايه أعلى ( في الأجواء الحاره جدا و الأحمال العاليه "التحميل والخ..." )

2) يقلل صوت المكينه ( بعد ما تحتمي السياره )

3) يقلل نقص الزيت أو التهريب

4) اذا كان عندك انخفاض بضغط الزيت ؛ الزيت الثقيل يرفع الضغط لوضعه الطبيعي


ملاحظات أخرى :

السيارات القديمه او اللي ماشيه كثير جدا .. تحتاج زيت اثقل شوي
لأن خلوص (فضاوة) السبايك والخ... يزيد بسبب التآكل الطبيعي

والزيت الثقيل يملئ هذا الفراغ

بعض السيارات اقصى لزوجه مسموح بها 15W40
وبعض السيارات أقصى لزوجه مسموح بها 20W50

السيارات والمكاين تختلف
أنصحك تقرأ كتالوج سيارتك


بعض السيارات تحتاج خفيف وبعضها تقدر تستخدم خفيف أو ثقيل

[ابو عبد الرحمن]

تسلمون جميعا ....نقاش مثمر جدا وفوائد كبيرة.

أخوي اسليمان ممتاز عليك ,ذكرت أنه إذا كانت درجة الحرارة كذا يكون درجة حرارة الزيت كذا...
أنا سبق أن قرأت هذا الكلام لكن هناك مشكله بلف السيارة يجعل الحرارة 100ولو اختلف اللزوجة وسواء بالصيف أو الشتاء...وكل اللزوجات تتحمل 100.

بمعنا يبقى أنه كلها تتحمل إلى مئة لكن أيهم يكون سلس للمحرك وأيهم أفضل..ومن يناسب البر كأي سياره دفع رباعي.

[zzss]

فيه واحد أعرفه معه جيب لكزس الشكل القديم يستخدم زيت
صناعي اسمه لكزس ويمدحه يقول يمشي10 الآف كم ويشتريه من وكالة
لكزس بالبحرين.

[abo naser 1]

المحرك المصنوع من الألمنيوم وخصوصاً الأمريكي يفضل زيت خفيف اذا تبي تتلافى مشاكل الطرمبة والطقطقة عند التشغيل وخصوصاً بالبرد
اما المحركات القديمة الحديد والفولاذ يمشي معها زيت 20-50 وتعمر

[Bader-M]

وعليكم السلام

ادخل هذا الرابط سوف تستفيد منه وسوف تجد اجابات تفيدك

http://www.mekshat.com/vb/showthread.php?t=560259

موفق

[ابو عبد الرحمن]

مشكورين بارك الله بكم :heart: