عندي حرارة السيارة ترتفع

[auob]

السلام عليكم ورحمة اله وبركاته

عندي كابرس 2008م ترتفع حرارته هذه الايام وخصوصاً اذا وقفت ما المشكله وما هو الحل وابيكم تدلوني على ورشة تحدد المشكلة في الرياض الله يجزاكم خير

[ملك الفكتوريا]

شيك على توماتيك المروحه يالغالي

[auob]

جزاك الله خير يا اخي ملك الفكتوريا

[الســـاحل]

اذا مشيت تنزل الحرارة او لا

[ابوجنبيه]

من الا سباب المعروفه ايضا هو نقص الماء في الرديتر فاذا تأكدت انه لا يوجد تهريب في القربه
او الرديتر ولا يوجد مشكله في المروحه فتأكد من حساس الحراره ربما تكون المشكله منه

[auob]

لا ترتفع بس ما هو مثل اذا كان واقف

[auob]

الماء ما يجلس في الاديتردايم نعبيه

[auob]

طيب من تنصحوني اعرض السيارة عليه من المهندسين

[ابوجنبيه]

اخوي احنا في جده وما نعرف احد في الرياض ولا كان دليناك والمهندسين واجد
وان شاء الله الاخوه الي من الرياض ما يقصرون

[الســـاحل]

غير المراوح

[auob]

يسلمك يا اخي ما قصرت

[الســـاحل]

كانت عندي المشكلة في لومينا 2006 اذا وقفت ترتفع الحرارة رحت عند صاحب رديترات وقل هذا من المراوح وغيرتها والحمد لله سارت تمام

[auob]

جزاك الله خير اخوي الساحل

[مركز حراره]

المراوح تعمل ؟
اذا ماتشتغل افتح علبت الفيوز تحصل كتاوت لونه ابيض شف الي جمبه هذا حق المراوح حركه وشف
شغل المكيف يشتغلن ؟

[ابو معافا]

غيرطرمبة الماء وراح تظبط

[m.m.a]

ادا الحراره ترتفع وانت واقف هدي المراوح حتى لوكنت تشوفها تشتغل فايمكن ان دفعها ضعيف

وادا ترتفع وانت تمشي فاالمشكله من بلف الحراره

بالتوفيق لك

[1 أبو يزن 1]

المروحة تشتغل عندك تشبك و تفصل طبيعي
لكن يكون أداءه ضعيف هذي دائماً بمراوح الكهرب و يصعب التوصل له

[auob]

ابشركم عرفت المشكله طلع الاديتر يهرب من اسفل قالي احد الزملاء صيخ الاديتر اول قبل ما تغير اي شي وبعد ما فكه العامل حصل فيه تهريب من تحت والاديتر غير صالح للاستعمال وتم استبداله بس ما بعد جربته لانه في الورشة والسيارة لخوي في الثانوي وعنده اختبارات ومشغول
الله يجزاكم خير جميعاً ما قصرتوا وكما عودونا اعضاء مكشات اهل فزعات الله لايحرمكم الاجر