ابي مساعدتك بالباترول الفتك

[اعيون]

السلام عليكم ,,,,
انا يالربع معي فتك 2007 وماشااء الله تبارك الله من احلى مايكون ولكن طرمبة البنزين له فترة مهيب عاجبتن من ناحية العزم والصرفية وهالملاحظتين قريبة اما من اول من احلى حاجة المهم اليوم وانا طالع لدوام عيا يشتغل الموتر ابد وعداد البنزين على الفل مع العلم ان فيه نصف التانكي بس فياليت تفيدونن بالحل هل يحتاج تغيير طرمبة ووش هي افضل طرمبة

وشكرا,,,,,,:)

[fate]

عليك بطرمبة الفكسار 2007

[بروووق]

انت مشيك على كتاوت الطرمبه اللي يجي تحت الدركسون يسار السواق ؟

قبل تخسر طرمبه وتوهق بفلسفة ورش تأكد منه

موفق خير

[sgl2002]

اول شي دق سلف ولازم تسمع صوت اززززززززززززز ورا

اذا ماسمعته معناه ان الطرمبة متعطله او الكتاوت اللي عند رجل السواق اليسرى

افحص الكتاوت اولا وبعدها افحص الطرمبة

طرمبة الفتك ما انصحك بترهيم لانها طرمبة قوية وممتازه وانا مرهمها على موتري باترول ٩٩

[ابوسعد688]

اول شي دق سلف ولازم تسمع صوت اززززززززززززز ورا وبعدها بتسمع صوت عندك بالجهه اليسرى .. تك ..

اذا ماسمعته معناه ان الطرمبة متعطله او الكتاوت اللي عند رجل السواق اليسرى

افحص الكتاوت اولا وبعدها افحص الطرمبة

طرمبة الفتك ما انصحك بترهيم لانها طرمبة قوية وممتازه وانا مرهمها على موتري باترول ٩٩

عطاك أخونا sgl2002 الخبر اليقين
وإحذر كل الحذر من فلسفة الورش التي لا تنتهي

الكتاوت الكثير من ملاك الفتك يغيرون كتاوت الفتك لطرمبة البنزين بالكتاوت الجديد المعدل ويجي من الوكاله لونه أخضر طبعاً تشتريه من قطع غيار الوكيل
بعكس الي يكون راكب في السياره ويكون لونه ازرق وهو كثير المشاكل والخرابات
ودايماً يتعطل فجأه عليك وإلا تكون بمكان مقطعه
لذلك ماأزيد على كلام أخوي sgl2002 إبدأ بالإسهل وهو الكتاوت
والله ييسرك حل لموترك

[اعيون]

ايملا العافية جميعا بيض الله وجيهكم

[اعيون]

طيب كيف يكون فحص الكتاوت
لا هنتم

[اعيون]

الله يعطيكم العافية بدلت الكتاوت قبل قليل بنفسي ولم احتاج لرجوع الى الورش وانتهت المشكلة ولله الحمد
طبعا كثير يخرب الكتاوت ولكن اذا خرب معك وانت بالبر فالوضع بسيط جداً هو ان تقوم بتغيير الكتاوت الخاص بالمكيف لانه هو الاقل استخدام حالياً اقصد وقت البرد وتضعه مكان الكتاوت الخاص بالطرمبة لحد ان تصل للديرة للفائدة وشكراً

[sgl2002]

الحمد لله

اشتر الكتاوت الاخضر لانه يجي مغلق بمعجون اسود يمنع دخول الاتربه عليه

[ابوسند9]

يا اخون
اذا ما اشتغل افتح السوتش وافتح علبة الفيوزات وجيب مفك طويل واطرق الكتاوت طرق خفيف وشغل وما يحتاج تتعب نفسك وتستبدل
اما الكتاوت الاخضر نفس الازرق والمشكله مو من الغبار المشكله ان نظامه مثل البليتين مسئلة كربون
واسبق ركبت الاخضر وبعد فتره صار ما يشتغل اللى لازم اسوي له طرق بمفك وبعدها الغيته وشبكته ديركت
اما طرمبة الفتك انتبه تستبدلها بطرمبة فكسار لانها اطول عمر من الفكسار وافضل
لكن لو خربت طرمبة التانكي الاحتياط اوكي هنا نقول طرمبة الفكسار افضل لان طرمبة التانكي الاساسي للفتك تختلف عن طرمبة التانكي الاساسي
والمفترض الواحد يفتح السوتش ثواني حتى تطفى لمبات الطبلون ثم يشغل

[اعيون]

يعطيكم الله الف عافية على اقتراحاتكم اقسم بالله انكم افدتون اليوم فائدة عظيمة
الشكر كل الشكر لكم

[ابو فهد...]

طيب وش صار معك

[PATHFINDER 4]

الحمدلله انحلت المشكلة (ماخاب من استخار وماندم من استشار)