تنبيه وتحذير من ( الغش)

[عبد الرحمن عل]

في زمن كثر به الغش واهل الامانه اصبحو عمله نادره ..... الله يصلح الحال .... اود تنبيه اخواني المتابعين من الاتعاض من الغش الذي حصل لي , احترق عندي كلتش جيب موديل 2000/4500 واخذت السياره الي ورشه جديده شمال الرياض وذهبت الي الوكاله وسالت عن الديسك وتوابعه ابلغوني بسعربحدود1200 ريال تركت الواكاله وذهبت الي وكيل معتمد مشهور وكنت اتعامل معه اكثر من7سنوات .الزبده, اني قلت للوكيل ابغ الدسك و توابعه اصلي اخذتها بحدود 800ريال ديتها الي المصلح فليبيني واعطيته القطع , وفيما بعد اخذت السياره بعد تركيب الديسك وعند قياده السياره صرت اشم ريح حريق ديسك رجعت للفلبيني وقال لي هذه الريحه عايدي ريحه الديسك القديم : اخذت السياره وقلت الشكوى لله بعد مضي حدود شهر وشوي احترق الكلتش مره اخرى ورجعت للمصلح وتهاوشه معه قلت له انك ماتعرف تشتغل وقال اعطيني فرصه افك الكلتش واتاكد تركت السياره وانا منغث, وفيما اتصل بي وقال ان الكلتش وتوابعه تقليد صناعه دبي : اخذت القطع القديمه ووديتها للحمراني وقال ان القطع تقليد قارنت القطع حقت الواكاله وجدت انها بها فرق كثير ركبت القطع التي من الواكاله وذهبت للوكيل الذي اشتريت منه القطع التقليديه وقلت له ليه الغش في بدايه الامر اكد ان قطعه اصليه وبعد الضغط عليه بالكلام قال سوف اعطيك فلوسك...... اخواني بالله ذكرت لكم هذا الموقف لاخذ الحذر ونصيحتي عند شراء قطع الغيار المهمه خذها من الواكاله ولو زاد السعر وعند تركيب القطعه حاول ان تكون موجود

[وجعين]

ما فهمت شي اخوي الغش بقطع الغيار ولا اصحاب الورشه؟ وش القصه؟؟

[دحيم الفزعة]

السلام عليكم

للي ما أتضحت له القصه
الرجال يقول أن القطع اللي شراها من الوكيل المعتمد مقلده
ويبدو لي من سياق القصه أنه يعني بكلمة وكيل معتمد //موزع معتمد//


ودمت بود ====

[أبو dana]

شباب ردوا عليه الله لا يهينكم ليش منتدى رابطة ملاك السيارات مغلق

[ابوراكان تبوك]

انت مشتري من وكيل معتمد

ياكثر مايغشون القطع يطبقوها بالرقم كأنها أصليه

[سيف وقلم]

على الطاري, بانعيم لقطع الغيار مشهره فيه وزارة التجارة قبل فترة.

http://sabq.org/oKkfde

[SGL]

لاتبعدو ياشباب عندكم النهدي كل قطعه مختلفه عن اللي بشركه وبديرتنا في محل نيسان ضاحك على الناس ومسوي فيها موزع معتمد وقطعه كلها من الإمارات وشركه نيسان ماعندنا عندنا مؤسسه تابعه لشركه تجيب قطع أصلي وبعض القطع اللي يقول الحمراني ماعندي يجبونها من المضروب اللي ماتفرق بينها وبين الاصلي خلها على الله مالعوب علينا يارجل ماأحد خسران غير المستهلك المواطن المسكين ولا هذولا يكلون الاخضر واليابس

[هايل العتيبي]

شركه البازعي ارخص من عبداللطيف جميل بقطع الغيار
هل قطع غيار البازعي مو اصلي ؟

[عبدالرحمن السالم]

لاحول هذا وانت تتعامل معه من 7 سنوات ، والله ماعنده ذمه
المفروض تقاطعه هذا وتشهر به عشان نتجنبه ، عموماً اول ماتركب الكلتش طبيعي يطلع الريحه فتره وبعدين يروح بحكم انه جديد
موفق خير

[عبد الرحمن عل]

بعد اذن الاداره اسم الوكيل (مؤسسه بن ماضي) وحسبنا الله ونعم الوكيل

[أصيل حجآ زي]

المعذرة :


مُضطر بأقفآل الموضوع وأن تكرّر حذفتُه .


بدء يخُـرُج عن الموضوعية ألى سب وذكر أسماء أشخآص .

الغش موجود والنصب موجود بكثرة
لاكن خيمتنا ما هي لسب والتشهير بالنآس
من غير مؤشرآت أو أخبآر أكيدة 100% .

وسبق ما هي دليل صدق أو دليل خير مؤكد .
سبق من أكذب الصُحف الألكترونية .
وأسبقهُم في الكذب والتزييف .





التنبيه والتحذير ما يكون بذكر أسماء أشخآص .