هل خزان سعته 50 لتر يكفيك ؟ [الأرشيف]

بن فيصل

25/08/2006, 03:38 PM

السلام عليكم احبتي
نظراً لخبرات من في هذا المنتدى العزيز علينا جدا <<<يبغ شي
وحيث انني مقدم عل تركيب تانكي مويه والمكان الى اريده فيه لايستوعب اكثر من 50 لتر
فهل يستاهل الالف ريال لكشتة 3 اشخاص في يومين ؟
ولا نصرف نظر عن الفكره !!
لا استغني عن شوركم

سكّين

25/08/2006, 03:50 PM

50 لتر !
بيومين !

على حسب شغلك بالماء ويختلف من شخص لثاني

وبعدين فكر بعدد اللي يطلعون معك وخاصة ان موسم الشتاء والطلعات قرّب

لاكن 1000 ريال ! صعبه شوي على هالحجم وبعدين وش نوع المعدن - حديد - المونيوم - ستيل ؟؟

وموترك نوعه والمكان وين وضح يابن فيصل :confused:

-----------------------------------------------------
كان المكان جايز لك ومرتاح له لاتتردد واجزم على التركيب

مسافر1

25/08/2006, 04:24 PM

التانكي لك وللزمن ..
وأنت قلت هذا مقاس المكان ..
نعم ضع حسب المقاس ..
وهو ليس خاص لكشته فقط بل تحتاجه على مدار العام ..
بالنسبة يكفي يومين هذا حسب الاستخدام ..
أتمنى لك كل توفيق ..

بن فيصل

25/08/2006, 04:33 PM

اخي قائد شكرا على مشاركتك
السياره برادو2005
ومكان التركيب الوحيد الممكن التركيب به هو الجنب بين الدعاسه والشاص في الجهتين
والمعدن ستانلس ستيل
وشكرا لك مره اخرى

بن فيصل

25/08/2006, 04:35 PM

الاخ مسافر1 شكرا لك
وشرفني مرورك
واتمنى التوفيق للجميع

GMC79

25/08/2006, 11:12 PM

والله يالحبيب مستحيييييييييل يكفيك

فكر فيها يومين شرب و طبخ وغسيل مواعين ووضوء للصلاة وقضاء حاجة
لكن اذا بيكون معك رديف جركل ابوخمسة وعشرين اوثنين يمكن

تحياتي

خالد777

25/08/2006, 11:39 PM

الماء من اهم الأشياء التي يجب توفرها بكثرة لصاحب الكشتات
بالنسبة للتانكي قليل جدا حتى لطلعة يوووووم
وقدر الحاجة راجع لاستهلاكك ونوع الطلعة والمكان والجو واهم شيء هل سترتاح في طلعتك بهذا القدر من الماء
ربما اذا كان هناك احتياط جراكل او سيارة اخرى يكون مناسب
الألف سعر مناسب للألمنيوم والستيل

الهـ911ـدد

26/08/2006, 05:09 AM

اول شي يالغالي ... هي مو عليك على إستخدامك لــه .... وبعـدين .. 50 لتـر < خـذ بدالها ثلاث جراكل ابو سبعـه وخلاص .. بس اذا انت ناوي تاخذ معها جراكل زياده اكيد بتكفيك .. هذا ناهيك عن استخدامك اذا كان توفير للماء ...

بن فيصل

26/08/2006, 09:19 AM

الاخ Gmc79
شكرا لك
شرفني مرورك

بن فيصل

26/08/2006, 09:21 AM

الاخ خالد777
شكرا لك
وشرفني مرورك

بن فيصل

26/08/2006, 09:26 AM

الهـ911ــد شكرا يالغالي
واكر ما اكره هوتحميل الجراكل وياكثر ما تتكبكب في السياره لذلك فكرت في التانكي الخارجي
شكرا لك مره اخرى

المستوي 1

26/08/2006, 09:30 AM

من واقع تجربه

و مع الاقتصاد في الاستخدام

100 لتر تكفي لرحلة في نهاية الاسبوع بوجود نقاص لتقليل الاستهلاك

تركي الضرغام

26/08/2006, 09:43 AM

السلام عليكم

على حسب أستعمالك للماء بس أنا أشوف مهما أقتصدت 50 لتر يالله يكفيك يوم واحد وعلى قول القايل ( الزود ولا النقص )
أما بالنسبه للسعر 1000 ريال على تانكي خمسي لتر كثيرة بالحيل أنا قبل يومين مفصل تانكي ستيل 1000 كلف على بشغل ذمه 1100 ريال

وأنت شف اللي يجوزلك بس بعض الشباب قالوا خذ لك جراكل الجركل خل نفقول 4 جراكل تجي خمسين لتر تبي تستهلك الأربع جراكل بالغداء والعشاء ليوم واحد تعرف مهنا نقاص أو حنفيه تقصر عليه أفتح الغطاء وبس

بن فيصل

26/08/2006, 09:46 AM

المستوي 1 شكرا لمرورك

وشه لو سمحت النقاص ؟ لاني كنت افكر في تركيب بزبوز عادي

ابو راجي

26/08/2006, 10:00 AM

فعلاً أقل شي مية لتر تروح وتجي بالسلامة

الكايف2

26/08/2006, 10:53 AM

اخوي 50لتروروحة برواخوي
ماتسوي بك شي بعدين 1000ريال
اشوف انها واجدعلي 50لترعليك
بالألمنيوم احسن ارجوا اني افتك بشي
0000
سبحان الله وبحمده

بن فيصل

26/08/2006, 11:32 AM

البارود 1997
شكرا لك ولنصائحك
وبالنسبه للسعر لاني ابي اركب خزانين في كل جهه واحد سعته 25 لتر

بن فيصل

26/08/2006, 11:51 AM

الاخ ابو راجي
شكرا لمرورك

الاخ الكايف 2
شكرا لك

منتعش

26/08/2006, 12:12 PM

يابن الحلال
دامه في نفسك فأستعن بالله وركب
بس عليك ببعض الأمور وهي :
1- غطاء التانكي يكون من البلاستيك .
2- انتبه من البزبوز لايكون فيه تهريب .
3- عليك وأنا أخوك بغسل التأنكي قبل ما تملية - وطريقة غسله هي أنك تعبيه النصف وتمشي عليه والبزبوز مفتوح .
4- غله يركبلك البزبوز الأقتصادي .
5- يكون مكان التعبئة للتأنكي مكان مناسب جداً وسهل التعبئة .
6-ويكون التانكي مقسم من الداخل حتى ما يسبب رجع وأزعاج من الماء .

ولعل الشباب يفيدونك أكثر

والله يحفظك ويرعاك

بن فيصل

26/08/2006, 12:24 PM

يالمنتعش والله انك جيت على الجرح
ايوالله انه جاء في النفس وبس
ومستعين بالله ومركبه انشا الله
وشكرا كثيرا لنصائحك

قارّة بنّا

26/08/2006, 04:44 PM

شف يالحبيب
انا مفصل 100لتر
وبالكاد تكفي يومين كاملة مع الاقتصاد
ونوعه : ستيل
وسعره : 1000ريال
ومكان التفصيل : صناعية الرياض بعد دوار الخرج
تحياتي وبالتوفيق ....

غالي

26/08/2006, 05:09 PM

وش موترك؟؟؟
كانه لانكروزر او ونيت يعني اي شيء حوض
فا شايف تانكي الالمنيوم جاهز ومنجد من برا بفرشة سيارات
وسعته 72 لتر وجاهز ينحط حط بالموتر بالنسبه للاندكروزر وراء المرتبه الثالثه
وقيمته ب750 ريال
ولو تقولهم ب700 اتوقع بيوافقون
تحياتي

Abo Nader

26/08/2006, 05:44 PM

السلام عليكم...

أخوي ما فكرت تحطه ورا المرتبه الثانيه...

معي باث ومركب واحد ورا المرتبه الثانيه بس موتري مرتبتين مدري عن موترك...

وذا جزمت أبشر بصوره لك...

بن فيصل

26/08/2006, 06:47 PM

الاخوه الغالين
قارة بنا
غالي
Abo Nader
هلا بيكم
وشكرا لمروركم ولنصائحكم

الضاري

26/08/2006, 07:37 PM

لاتنسى تركب بزبوز لي المكيف الصحراوي

يوفر عليك الماء وأقتصادي بالحيل

وسعره رخيص

والله يوفقكم