ياشباب افيدوني

[no love]

مساكم الله بالخير
السلام عليكم
عندي ربع باترول 2009رفعته بياي استرالي 3سم
قبل شهر والحين كأنه نزل وش الحل معه طبعاً المساعدات وكاله .

[ابوسند9]

وعليكم السلام
والله غريبه شلون نزل؟
الياي الاسترالي يا خذ وقت طويل ما نزل واللي يسبب النزول التحميل فا انت اتوقع ما عندك حمل واللى من ها القبيل
لكن شلون عرفت انه نزل؟ هل عملت قياس للارتفاع قبل وبعد ؟
والاياي الاسترالي الغالب يركب ليس بقصد الارتفاع بل بقصد عدم النزول عند التحمل
لكن اذا انت تبغى ترفعه شي بسيط ,,يوجد كعكات ربل صناعه سوريه وقويه جدا تبداء من 1سم الى 5 سم وافضل من الالمنيوم اذا انت بالرياض اوصف لك المحل

[no love]

هاذا الي يستغرب حتى التانكي لحاله 90لتر يتوازن الموتر قدام ورا لكن برجع للي ركبها اكيد فيها شي غلط ...وياليت توصف لي المحل الي تقول..جزاك الله خير

[ابوسند9]

اخوي انت من وين مشتريها؟ وتاكد لا تكون مو استراليه والمفترض ما ينزل مع تانكي الماء ولا 1 ملم
جرب سو قياس للارتفاع مع نفس سيارتك وشوف الفرق

وسبق تذكرت واحد يتكلم يقول ان الايايات الاستراليه الموجوده عند الرمايه مو زي اول تغيرت وصارت خفيفه مره وتنزل على طول لكن لا اعلم ان كان الكلام صحيح ام لا راح اتاكد مستقبلا ان شاء الله.
الاخ ابو ناصر صندوق الرسائل عندك فل
طبعا راح تحصلها في بعض محلات قطع الغيار الموجوده داخل الصناعيه القديمه واتذكر اخذت حبتين 2سم ب 20 ريال للحبه
الوصف اذا انت من الرياض
وانت جاي من الجنوب من الخرج وبتجاه الشمال للصناعيه القديمه راح يجيك محل السالم للزجاج ع يدك اليمين بركن الاشاره,, طول بعدين راح يجي جسر مشاه, بعده ادخل يمين تجاه الشرق تمشي تقريبا 150 متر شوف ع يدك اليمين ورشة مرات شوف المحل مقابل الورشه محل صغير لبيع قطع غيار السيارات
واذا ما حصلت اسئل اصحاب ورشة مرات وخليه يشوف الياي عندك