يا اهل الجيوب استفسار

[مكشات الجنوبي]

بسم الله الرحمن الرحيم
والصلاة و السلام على اشرف الخلق سيدنا و حبيبنا محمد عليه افضل الصلاه و السلام:

يا اهل الجيوب عندي استفسار بين الربع تيوتا و الربع النيسان و تعرفون عاد انها ممتازه
السؤال هو
انا في منطقة جبلية والبر بعد قريب مني وش السيارة المناسبة لهذي المنطقة و عن السياره ارتفاعها من الارض

مع العلم اني اغلب الاوقات في الجبال ما اني في البر


وسلامتكم

>مع خالص الشكر و التقدير للاعضاء<

[3leee_1989]

من وجهة نظري أفضل ربع النيسان الموديل الجديد بشرط يكون مكينته 4800 vtc لاإنها إقتصاديه بالبانزين وترا الموتر مريح ووزنه ثقيل 2 طن تقريباًً ماهو مثل ربع التويتا زي الريشه

[SGL]

خذلك باترول سلق اما سفاري لاتاخذ الا اذا شلت جنوطه وحطيتله هلل لان كفراته عريضه ماتنفع حقات رمله ونسفاته وفيابره راح تطيح من الهبد والنيسان بصفه عامه ياي ماهو مثل التيوتاء سست

[sgl2002]

شف وانا اخوك

ديرتي ماهيب بعيدة منك وجربت التويوتا والنيسان

الربع التويوتا مايصلح لك هناك ويفقع كبدك اذا جيت بتطلع من فوق حصى وخصوصا مع الوديان

وبعض الطرق الجبلية يقوم كفر يحفر وكفر واقف لان دفرنسه صغير

من غير انه خطير يعني لو جات ميله او شي وانت نازل خصوصا مع العقاب الترابية

وغير مريح

وهذي اتكلم لك عنها عن تجربه

الباترول اذا بتاخذ خذ سلق جنطه سلق افضل مليون مره

يعني انسيابي مع الحصى الكبار والحفر و خفيف وزن اذا بغيت ترقى اي شي

رساوة عاليه مع النزلات واللفات ومريح مره

واذا انت بتاخذ جديد شف ٢٠١٢ يجي مكينته ٤٨٠٠ اقوى من الربع التويوتا اللي يجي ٤٠٠٠

وتوركه عالي و٢٨٠ حصان

بس انه يجي كفرات عريضه
عاد انت رب له كفرات سلق جبليه

وصدقني بيطربك وهذا انا استخدم الباترول حتى الان وممتاز جدا

وترى بطنه وبعض الاشياء فيه تشبه التويوتا واللي يعرف يصلح التويوتا بيصلحه

[ابوعقيل81]

تسجيل متابعة


مشكورين على المعلومات الحلوة .

وهل موتري الي بالتوقيع يصلح بهالمناطق :) .. لاند روفر ,, ديسكفري 97 , دبل دفلك.

[مكشات الجنوبي]

الله يعطيكم العافيه و الله لو باخذ باترول باخذ96او97بخاخ بس كل ما اقوول لواحد يقول خذ تيوتا افضل وفيه ناس تقول انه ارفع من النيسان من الارض وبعدين اخاف اخذ النيسان ما يوصل اماكن وعره مثل التيوتا


والله احترت بينها

وعلى العموم الله يعطيكم العافية ويرزقكم بالحلال الطيب:)

[sgl2002]

^^^

لا ياخوك

انا اتكلم عن الباترول ٩٨ وفوق

وهو ارفع من الربع

وانت حط خشم الربع التويوتا بالربع النيسان وبتشوف ان الباترول ارفع

من تحت الباترول دفرنساته وعظلاته اقوى ويوصل اماكن ماتوصلها الجيوب الثانية وقوة السحب فيه اكبر ونظام تعليقه ممتاز

[sgl2002]

وميزة ٩٨ وفوق انه افخم ومتماسك اكثر وديلكو الكتروني

[كومبو]

الله يعطيكم العافيه و الله لو باخذ باترول باخذ96او97بخاخ بس كل ما اقوول لواحد يقول خذ تيوتا افضل وفيه ناس تقول انه ارفع من النيسان من الارض وبعدين اخاف اخذ النيسان ما يوصل اماكن وعره مثل التيوتا


والله احترت بينها

وعلى العموم الله يعطيكم العافية ويرزقكم بالحلال الطيب:)

خذ اللي أكثر مطلوب بها المناطق إن كان أكثر النسيان فخذ وإن كان التايوتا فخذه
لأن أهل المنطقة اللي أنت فيها أدرى باللي يصلح

وجهة نظر

[SGL]

اسمع كلامي وخذلك باترول والبخاخ يجي ديلكو اكتروني هذا 97-96 السفاري خذلك 97او96او95سلق كربريتر وركبله ديلكو اكتروني

[راعي المجهم]

تويوتا ربع معروف اقوى من النيسان في الجبل

وفي الرملة يعتمد عليه ىفي أقسى الظروووووووف الصعبة

ولا يغدر بصاحبه قطع متوفرة رخيصة اعطاله شبه معدومه واي واحد يصلح عطله

النيسان هربدة تفتفه صرفية بنزين معقد اعطاله مايصلحها غير الشركة

قطع غيار غاالييييية لا توجد الا في الشركة لا يتحمل الكرف والجور القوي

يغدر بصاحبه في البر ولاتعرف علته

[ابوسند9]

وعليكم السلام
انا بعطيك تجارب وليس تعصب
بالنسبه للجيب الربع التايوتا والله ثم والله لو يقال ب 1000 ريال والله ما يدخل ملكي ونا رجال راعي قنص ووعر ومجرب اشكال وانواع من السيارات
لذا انصحك با باترول فتك ربع 2012 ب 127000 الف اذا تقدر عليه
رحه ورساوه وعدم تنسيم هواء بالخطوط وقياده ممتعه
ون ركب معك عايلة او رجال كبير يواجه ومرتاح لو تمسك خط 2000 كيلو,,,والسياره رفيعه ونظام تعليق من افضل الانواع وانسى باذن الله انه يتعلق
عاد نجي للاضافات اذا تبي زود وناسه بما ان منطقك جبال
ياي استرالي ب 1000 ريال وراح يرتفع 4 سم زياده
وكفرات بالون وحط مقاس الهواء 15 وصدقني ما راح يفرق معك جبال او وعر او ارض قشر زيه زي الازفلت
وهذا فديو
http://www.youtube.com/watch?v=ITRNpgdQvbE

[الخلاوي 9]

ياخخوي مايبيله الربع التايوتا بيخدمك اككثر لانه سست ومعروف من الماضي ان الربع التايوتا مافي مثله بالجبال والوعر والضلع وماتسمع له صوت والباترول بالبر والنفود افضضضل لكن الممشكله الهربده واتككلم عن تجربة الموترين .. شف الباترول يبي يمشيك بالضلع بس مو زي الربع شف اهالي الجبال والوعر بجنوب المملكه وباليمن استخدام تايوتا عامة .. ;)
طبعا ادا تهمك الراحه والرفاهية وتبي موتر بر ومدينة عليك بالنيسان تبي موتر للضلع والجبل والبر عليك بالتيوتا "
ادا انك بتشتري جديد خد الباترول لكن ترى يبيله تداريه يعني اهتمام ~
لكن ادا مستعمل نصيحه لا تاخد الا تيوتا .. وخده وانسسى انك تصلح به شي واكرفه زي ماتبي .. :good2:
وشف هدا مقطع للربع باحد الحرات جهة تبوك
jyeAqfvndE0

بسس ققصر الصصوت لاهنت .. :D

[تميم2222]

الجديد من الفتك ماتقارن بربع التويوتا لامن شكل ولامن قوه مكينه .... وقوله عملي هذي كلها عمليه الاثنين .. وبختصار شديد ...تبي دسك في الظهر... خذ تويوتا تبي رخيص ومغذي..باااااترول وسلامتك

[ابوسند9]

jyeAqfvndE0




بسس ققصر الصصوت لاهنت .. :D

اخوي الخلاوي
المقطع عادي جدا وعلى الباترول ما يحتاج تهدي على سرعتك وقطعنا خطوط و يعتبر الطريق اللي بالفديو اعتبره زفلت عندي

[الخلاوي 9]

ادري ياحبني لك انه عادي المقططع لككن يومم شفتك منزل مقطع قلت خخلن انزل بععد
ويععلم الله اني من عشاق النيسان وامتلكت باترول ربع لو تدخل على ملفي تشوفه قد بعته من فتره
موتر مايحتاج ممشاه جببار بالبر وبالنفود وراحه وراسي تقل موتر صغير لككن صراحه كان مبهدلني بالخراب (الكربريتر) .. فوق دلك عززم ثقيل جدا :(

ولا موتر مابعده دفرنسات قير دبل راحه راسي جدا والحين الجديد بعد اقوا مكينة الفتك .. :good:
والين الحين محتار بالربع الفتك 2013 والربع تيوتا 2013
اصدق جاتني عقده من الباترول :no:
ومدري وش وضع الجديد الحين ؟؟
والواحد صراحه وده بموترما يبلش به كل يوم وهو بورشه !
والله يكتب الي فيه الخخير :good2:

[شاووش]

ياخخوي مايبيله الربع التايوتا بيخدمك اككثر لانه سست ومعروف من الماضي ان الربع التايوتا مافي مثله بالجبال والوعر والضلع وماتسمع له صوت والباترول بالبر والنفود افضضضل لكن الممشكله الهربده واتككلم عن تجربة الموترين .. شف الباترول يبي يمشيك بالضلع بس مو زي الربع شف اهالي الجبال والوعر بجنوب المملكه وباليمن استخدام تايوتا عامة .. ;)
طبعا ادا تهمك الراحه والرفاهية وتبي موتر بر ومدينة عليك بالنيسان تبي موتر للضلع والجبل والبر عليك بالتيوتا "
ادا انك بتشتري جديد خد الباترول لكن ترى يبيله تداريه يعني اهتمام ~
لكن ادا مستعمل نصيحه لا تاخد الا تيوتا .. وخده وانسسى انك تصلح به شي واكرفه زي ماتبي .. :good2:


+1ُُُُُُُُ