استفسار عن فصالات الدبل جي اكسار

[مقدام النت]

السلام عليكم ورحمة الله وبركاته

عندي سيارتي جيب جي اكسار 2005
وفيه اصوات مع الخط مزعجه اتوقع انها اعمده
وبسألكم عن تحضير الدبل للدفرنس الامامي اللي يسمونها فصالات او مدري ايش اسمها المهم اللي تركب برؤس العكوس الاماميه تفصلها وتشبكها
هل هي صحيح تريح الموتر من الاصوات بالخط ويخف عزمه والا لا
وهل يوجد حجم لها صغير بحيث ان الغطاء يركب عليها بالجنط والا

لازم تكون طالعه ولايركب عليها الغطاء ارجو من لديه خبره لايبخل علي

واكون شاكر لكم

[Salamah.y]

عليكم السلام و رحمة الله و بركاته

اي نعم اخوي , اذا كان الصوت و الرجه بسبب العمود الامامي
راح تختفي مع الفرارات ان شاء الله , و بالنسبه للحجم و الشكل , تقدر تفتح لهن فتحات بنفس الغطاء
بحيث يركب فوق الفرارات , و جزء من الفرار يصير بارز عشان تقدر تستخدمهن !!

تحصلهن عن السليماني بالرياض ~

كل التوفيق
@~

[مقدام النت]

جزاك الله الف خير على هذه المعلومات ولاكن السليماني هذا وين مكانه في الرياض
وماعليش طولته في كثر الطلبات آآآآآآآآآسفين

[البديع 828]

الأصلي غالي...

والبرازيلي ياصل قيمته ٥٠٠ ريال
لكن شي مهم حطه في بالك عند تركيب الفرارات وانت نازل للبر حضر الفرارات

لاتحضره اذا غرزت ..على حسب ماقريت وانا ماجربت يقولون ينكسر معك الفرار وتتورط بالخلا

[مقدام النت]

موتري قير توماتيك بس ماهو دفع رباعي يعني ماتدر الكفرا الاماميه بالتغريس الا بعد مانعشق الدبل

[sgl2002]

اهم شي موترك ماهو قير تماتيك لانها ماتركب على القير التماتيك بالجكسار والفكسار بسبب الدفع الرباعي المستمر

[التعـ King ـديل]

اذا موترك تماتيك ماتركب

تركب للقير العادي والدبل العادي فقط

[مقدام النت]

موتري دبل عادي ماهو دفع رباعي ياجماعة

الجيوب مواصفات مالها حد

اللي عندي ماتحفر الكفرات بالطعس الا بعد ماتدق زر الدبل مو مثل البرادو والفورشنر يمشكي بدون دبل لا هذا لو ماتعشق الدبل مراح يمشي متر واحد

عشان كذا اكيد تركب عندي الفرارات