استفسار عن السيارات المستورده من خارج المملكه ضروري

[يحيى العنزي]

السلام عليكم ورحمة الله وبركاته


اسعد الله اوقاتكم بكل خير اعزائي

ياليت الي يعرف يفيدني عن هالاستفسار ضروري ياليت مايفتي اي شخص لايعررف حتى لا اكلها انا ههههههههه

ارغب في شراء سياره من اسبانيا ، نوع السياره بانوراما مرسيدس s63 2011

هل استطيع ان ادخل السياره الى المملكه وهي تمشي 320

وماهي الاجراءات الي راح يطلبونها مني المواصفات والمقاييس

من تغيرات ياليت تفيدوني ضروري قبل لا ادفع المبلغ

شاكر لكم ومقدر ،،

[ابو ملوك]

من الممكن بأن هناك مشكله ,,, كون الموضوع لم يظهر بمتصفحك أخي العنزي

[يحيى العنزي]

ماني فاهم عليك اخوي ابو ملوك ،، وش موضوعه ومتصفح

[يحيى العنزي]

ماني فاهم عليك اخوي ابو ملوك ،، وش موضوعه ومتصفح

[يحيى العنزي]

ماني فاهم عليك اخوي ابو ملوك ،، وش موضوعه ومتصفح

[يحيى العنزي]

معلق معي الاتصال المعذرره ياغناتي

[FORD1969]

ماعندك مشكله تدخل اذا كانت غير معدله ومرهمه

[يحيى العنزي]

الله يعطيك العافية اخوي فورد يعني اعتمد على الله ثم عليك وادفع الفلوس ؟؟

ماهي مرهمه ولا معدله من الوكاله بانوراما s63 تمشي 320

واتفقت مع صاحب السياره على الشراء قال لي ارسل اسمك وبياناتك علشان يكون الوسيط الي بيني وبينك ebay هل الموقع مضمون اتعامل معه

من ضمن الشروط يقول لي تفحص السياره لمدة خمس ايام طلع فيها مشكله ترسلها لصاحبها ويرجعون لك فلوسك

طبعا مايستلم الفلوس حتى ارسل للـ اي باي ان السياره سليمه وابيها

هل صحيح كل هالكلام ياليت تفيدوني ضروري علشان اتوكل على الله

[Magellan]

اخوي يحيى العنزي لازم تعرف المواصفات هل تطابق المواصفات الخليجية
لأن حسب علمي الاستيراد يكون من دول الخليج والاردن وامريكا
وعادة السيارات الالمانية واللكزس يشترونها الناس من امريكا لمطابقتها المواصفات السعودية
لأن امريكا اجوائها مقاربة للسعودية من جيث وجود ولايات حارة
لكن السيارات الاوربية مثل الالماني ومستوردة من اوروبا مثل حالتك تكون مخصصة لأجواء باردة
من وجود سخانات وعدة بلوف للمكينة للتدفئة مما لايناسب اجوائنا الحارة
انت السيارة مغرية بالسعر ونظيفة
لأني ممكن اقترح عليك تجيب الالماني من امريكا احسن وتشوف لك من الطلاب السعوديين اللي يدرسون ويطقطقون بالسيارات وتشوف اعلاناتهم بموقع حراج يتفق معك وياخذ منك عمولة 1000 دولار هو يشيك عليها ويخلص اجرائاتها وبعضهم لهم مكاتب هنا مثل مشعل الحارثي والفلاج وغيرهم ممن تعامل معهم بعض الاصدقاء وكل اوراقهم رسمية مصدقة من الغرفة التجارية هنا وفيه كتابة عقد
والله يختار لك ماهو خير لك

[mekshaat]

كلام الأخ ماجلان منطقي جدا ممكن تختلف عليك مواصفات
السياره وغير كذا وش يضمن لك انها سليمه سبق اني
سمعت شخص يقول السيارات اللي في أمريكا ويشوفونها
عن طريق مواقع البيع بالنت حتى ولو هي ثقه يرسلون شخص
يشوفها ويتأكد منها والأفضل لك لاتغامر ويرزقك الله بأفضل
منها.

[يحيى العنزي]

الله يعطيكم العافيه على المساعدة

لكن السياره سعرها مغري ونظيفه وموديلها حديث 2011

السياره كانت بامريكا وصاحب السياره اخذها معه الى اسبانيا ،، وبالاساس كانت بـ دبي

اتوقع انها امريكيه ،،

ابي استفسر هل هي امريكيه او غير ذالك

لكن الاستفسار الثاني عن موقع اي باي ebay هل هو ثقه احد يعرفه ،،

واكررر شكري لكم

[Magellan]

موقع ebay ثقة وانت متعامل فيه من مبطي
لكن كل تعاملي اشياء خفيفة وهي عبارة عن شراء ادوات كهربائية او مواد تجميل او ملابس
السيارات ماسبق التعامل معها واكيد ان في الامر حساسية
لأن لازم تكون عارف شيء مهم قد يكون صاحب السيارة كذاب او محتال فيطلب منك التحويل عن طريق الكاشيو او ويسترن يونيون او واير ترانسفير بمعنى انك تدفع عن طريق مكاتب فتخسر فلوسك
كذلك تقييم البائع وهل هو فرد ام معرض وهل سبق له بيع سيارات سابقة او لا؟
وعادة paypal اكثر الطرق امانا في الدفع
عموما ال ebay عندهم مبلغ التغطية حتى 50 الف دولار اذا كان البائع مشترك في هذه الخدمةوتسمى vpp
لكن شوري عليك استفسر عنها عند الاخوان في بوابة الانترنت الرقمية-قسم التجارة الالكترونية افضل
http://www.adslgate.com/dsl/forumdisplay.php?f=83

[4x4ofroad]

من ناحيه دخول السياره تدخل ماعندك مشكله وسبق ان دخلت بي ام دبليو ام 5 عشره سلندر بدون اي مشاكل
وغير كذا المرسيديس 63 موجوده عندنا بالوكاله يعني لاقلق من هذي الناحيه
الشراء عن طريق الايباي اول شي شوف تقييم البايع
وبعدين اذا تم الشراء ينحجز المبلغ لمده اقصاها 45 يوم وهذي المده غير كافيه لوصول السياره من امريكا واستلامها والتحقق من تطابق ماوصفها البايع يعني بتوصل السياره بعد ما يستلم فلوسه
بالنسبه لاسبانيا ماعندي فكره لاكن هذا اللي اقدر افيدك فيه من معلومات

[العابر2222]

اخوووي


موقع اي بي ثقه ... بس لا تنسى احسب التاكاليف لا تكون عليك غاليه يمكن توازي قيمة السياره

[راسم الكلمة]

شف يالغالي
كنت بالمانيا الصيف الماضي وتحديداً ميونخ
ومريت وكالة مارسيدس وتفاجأت أنه لايوجد عندهم بانوراما التنده الزجاج
وعند سؤالي لهم قالي مدير المبيعات بأن البانوراما ذات التنده الزجاج تكون طلبيه لبعض الوكلاء فقط ولا تباع بالمانيا !!
الشي الثاني عندهم بالوكالة مستعمل ويجددونه ويبيعونه بأسعار مخفضة

[يحيى العنزي]

الله يعطيكم العافيه ،، كفيتو وفيتو يارجال ...،

بالنسبة للمبلغ ماادفعه عن طريق حواله بنكيه مثل الكاشيو او ويسترن يونيون لا صاحب السياره يقول الوسيط الي بيني وبينك تبقى الفلوس في محفظة ebay حتى ترد عليهم انك استلمت السياره وتم فحصها يحولون الفلوس للطرف الثاني

اكيد ماراح احول له كذا لازم ضمانات وقال لي هذا ضمان لي ولك فـ اللحين خلصنا من السياره انها تدخل

باقي بس ضمان الفلوس والله يكتب الي فيه الخير


الي عنده خبر عن المواصفات والمقاييس صحيح يطلبون مني تغير بعض الاشياء مثل العداد والشبك والاشارات الصفر .؟؟ او مايطلبون شي

[dhari]

لا ما يطلبون تغييرعداد ولا شبك ولا اشارات بس انتبه صراحه الموتر سالفته سالفه
دبي ثم امريكا ثم اسبانيا شي غريب عجيب
خذ رقم الشاص ورح للوكاله و تاكد ان الموتر ماهوب مسروق وشيك بعد برقم الشاص انه يكون (كلير تايتل)يعني خالي من الصدوم او الغرق او تالف ولا يكون تكسي او دوريه تخيل s63 دوريه
بمريكا واسبانيا ودبي ولا تراه ما يدخل الا تشليح و تبلش انتبه انتبه انتبه
و الله يسهل امورك انشالله

[يحيى العنزي]

شاكر لك اخوي ،،

بالنسبة للشاص اخذه واروح للوكالة تقصد [ الجفالي ] يعرفون لي اذا كان مسروق

اكرر شكرري

[هدفي قرناس]

الله يعطيك خيرها ويكفيك شرها

[AxR979]

حاول تشوف لك شركة فحص هناك مثل الكارفاكس بامريكا عشان تطلع لك ماضي السيارة كله و اذا عليه مشاكل او لا..

بخصوص الدفع انتبه لا تحول عن طريق ويسترن يونيون نهائيا و ebay و غيره من المواقع ما تقبل هذا النوع من الحوالات

اذا يبي يخلي ebay وسيط بينكم يروح للموقع و ينزل اعلان هناك ثم انت تتم عملية الشراء من نفس الموقع و هم بيعلمونك طريقة الدفع المناسبة