المساعد الشخصي الرقمي

مشاهدة النسخة كاملة : سوال للاصحاب Vx-r 98 من 98 وفوق


الفله
18/08/2006, 10:52 AM
السلام عليكم ورحمة الله وبركاته

يقالون Vx-r لازم كل 150الف تغير الجنزير المكينة طبعاً من 98 وفوق

هل هذا صحيح ولا سواليف


تحياتي
مكحل الحنشان
18/08/2006, 12:02 PM
السلام عليكم اخوي الفله

للمعلومية هناك نوعان الجنازير الداخلية للمكينة نوع (( ربل او مطاط مع اسيام بداخله شبيه بسير الخارجي بس امتن واقوى))
ونوع ثاني يجي (( حديد يشبه جنزير السيكل بس اكبر واقوى))

النوع الاول اقل تحمل طبعا ودائما موجود بالسيارت السيدان ولا الجيوب الخسته مثل الهونداي ويجب تغيره مابين 60000 و90000

اما النوع الثاني فأغلب الجيوب موجود فيها والجموس وكثير ناس يقولون انه مايحتاج تغيير ابد بس لو بغيت تغير ه بعد 150000
بيكون صعب شوي لان وجه المكينة اللي فيها السير الحديد يختلف عن المكينة اللي فيها جنزير المطاط المكينة اللي فيها جنزير المطاط عادة ما يكون فيها وجه فايبر سهل فكه للتغير السير

ونصيحة اسأل اهل الخبرة خاصة اني اتوقع ان موترك جنزير حديد

وعن تجربه انا عندي جيب هونداي موديله 99 مشيت عليه 200000 الف بعدين انقطع الجنزير الربل وظطريت انزل المكينه لان يوم انقطع الجنزير وانا امشي طعج البلوف كلها

ااسف اخوي على الطالة والقرق الواجد وانا ادري ماقضبتك جادة بس معلومة عندنا قلنا ما نبخل عليك

اكررررررر اعتذاري على الهرج الفاضي
ابو عاذر
18/08/2006, 12:53 PM
أخوي الفلة تحية طيبة
VXR 98 فما فوق أي الجيب التويوتا ( 8 سلندر ) يجب تغيير الجنزير كل 150000 كلم حيث تضيء لمبة في الطابلون عند وصول السيارة في حدود 150000كلم ويجب بعد أضاءتها تغييره بسرعة لأن المشي عليه أكثر ولمبة شغالة يمكن أن ينقطع ويعدم عليك المكينة وجنزيره مثل يقولون أنه مصنوع من المطاط القوي المقاوم للحرارة .(( يجب وزن لمبة المؤشر بعد عملية التغيير ))ورمز اللمبة الذي يظهر هو ( T-BELT )

أما سيارات GX /GXR / G / الشاص أ] الجيوب ( 6 سلندر ) فأن الجنزير فيها حديد ولا يحتاج إلى تغيير حتى لو أضاءة اللمبة .
مع تحيات أخوك أبو عاذر
الفله
18/08/2006, 10:45 PM
مكحل الحنشان بيض الله وجهك على قرقك هههههههههه امزح شكراً جزيلاً
ابو عاذر يعطيك العافيه
سيارتي ما بعد ولعت اللمبة الي تقول اخوي لكن يعطيك العافيه على المعلومة القيمة

تحياتي