اللي جرب الجنوط التجارية للجيوب ياليت يفيدنا

[عبدالعزيز1234]

يا اخوان ادور جنوط 17 للموتر ولقيت عدة انواع صينية وتايلندية
وش تنصحوني بجنط تجاري رخيص وزين

لقيت مثل اللي في الصورة مستعمل ولاادري هو صيني ولا غيره

وجاز لي شكله وش رايكم فيه وهل فيهن عيوب هالتجاريات ؟
ابي اركب عليه كفرات واستعملهن للنفود فقط

http://im19.gulfup.com/HENU1.jpg (http://www.gulfup.com/?xqjLnJ)

[ابوصالح 2008]

نصيحة
مجرب ابعد عن التجاري رجه وبعض الجنوط ينكسر بالمطانيج.

[ابوسليمان12]

نصيحة لاتركب الا تجاري كلامي من واقع تجربة علا اكثر من موتر الجنوط هلل

[عبدالعزيز1234]

يعطيكم العافية يا اخوان
والله ابيها طقم ثاني للنفووود بسس

لان عندي حجريات مشكلتها نحيفة مرة وماتناسب للنفود الا تنسم 5

واللي اباخذ زي اللي بالصورة ومب هلل

[YUKON_GMC]

انا جربتهن على اليوكن

4 جنوط 17 صينيه جدد ب 1200 ريال ولهن الان سنه بالسياره

خطوط وتطعيس كرف بمعنى الكلمه


عيبهم الرجه في الخطوط فقط

لكن بالنفود الهواء على 10 واكلت فيهم من المطبات والجروف لين قلت بس لاتكسروا ولاجاهم شيء

قولوا ماشاء الله

kyKthz7EjwY

[Haz_1]

أخوي انا معي نفس اللي اللي انت عارضهن مركبهن على اف جي لهن اكثر من شهر . 24 ساعه كشتات وتمسيك خطوط .. مابهن الا عيب واحد فتحتهن أوسع من فلنجه الاف جي عشان كذا يرجن .. ولا غيره ما شكيت من شي أبببد ..

التجاري عموما عيبه لا مسكت به خطوط واجد وهو حار يتشعر بس ..

[التعـ King ـديل]

ركبها وماجايك الا العافيه .. الجنط اللي بينكسر بينكسر لو انه وكاله

انا اركب جنوط زينه ولا شفت منها الا كل خير

[صياد الجبل]

والله شف على شوارعنا الا عندنا بالسعوديه

والله حتى الجنوط الاصليه تتكسر بسبب قوة المطناج

والجنوط التجاريه حلوه

ياما سافرنا على مواتر جنوطهن تجاريه وماشفنا غير العافيه الحمدلله لك يارب

انت ركب وتوكل على الله

واهم شي عندك نوعية الكفر وحاول دايم تاخذ كفر ارتفاعها عالي عن الارض

افضل

[عبدالعزيز1234]

جزاكم الله خير يا اخوان