رفع جيب لاندكروزر Gxr من الخلف

[غالي]

السلام عليكم ورحمة الله وبركاته
هلا باخواني اعضاء ومشرفين منتدى مكشات
الله يجزاكم خير الي يعرف كيف ارفع الجيب من الخلف
من غير ياي استرالي ومن غير بالونات
ابي ارفعه كم سنتمتر من 5 الى 10 او حولها مايهم بس يرتفع شوي
الي يعرف اي طريقه لايبخل علي لاهنتوا ... مع ذكر أذا فيه اضرار او لا
وشكرا لكم
أخوكم/غالي^الأثمان :good:

[Abo Nader]

السلام عليكم...

أخوي بالنسبه لرفع من الخلف عندك اليايات لاتتدعداهن مماتزه وعمليه ولا منها لاضرر ولا صوت لكنها غاليه و الظاهر إن الاند اليايات لها مقاسات رح لرمايه و قله عن اليات وترا عنده كعكات أستراليه الواحد للاند مابين 30 الى 35 وترفع سانتي...

مقره سلمك الله بشارع التخصصي بعد تقاطعه مع شارع الإمام محمد بن سعود ونت وجهك شمال يجيك داخل محطت نفط....

[غالي]

الله يجزاك بالجنه ووالديك ومن تحب اخوي ابو نادر
ماقصرت لاهنت وشاكر لك

[snnar]

فية ترفيعة تسمى كعكة من المنيوم فية 3 سنتم و4سنتم تلقاها عند محلات الزينة او تسويها المخارط تركب تحت الياي حق البلد ترفعة بقد الكعكة يعني كعكة 3سم ترفع الموتر 3سم مجربة وممتازه خصوصاً للسيارات الي مركب بها تانكي ماء كبير من 100لتر فما فوق وانا شخصيا مركبها في لاند كروزر مديل 2000 وعملية جدداً ما تخلي السيارة تردح في المطبات مح الحمولة الثقيلة .

[ابوعزيزm]

السلام عليكم ورحمة الله وبركاته

أخوي غالي

فيه نوع يسمى مساعدات بالوون وسعرها حوالي 900 ريال ميزتها :
أنك إن ا كنت محمل السيارة تنفخ المساعدات والعكس صحيح

أخونا الرهدن يمكن يفيدك عنها لأنه مركبها علىسيارته

[العاني]

السلام عليكم اخوي غالي


بالنسبة لرفع الجيب إذا كنت لن تركب يايات استرالية معليك بالكعكات 2.5 سم
مع كفرات 900 بالون ماكسس 8 كاندس ولاتنسى تدعي لي

[غالي]

شكرا للمعلومات ولمروركم جميعا اخواني الكرام
لكن ترا مركب كعكات من ثاني يوم :p
ركبت سلمكم الله 6 كعكات يمين 3 وشمال 3
وارتفع الموتر 3 سم
وصار نفس الارتفاع الي انا ابيه متساوي
حبيت اعطيكم الخبر وجزاكم الله الف خير
والموضوع له تقريبا اسبوعين ولاتلوموني على عدم الرد توني انتبه
شكرا لكم :good:

[snnar]

فية حل اضمن ركب يايات جيب صالون مديل 90 (فقط مديل 90) لانها ارفع بزيادة لفة ترفع الموتر من خلف ونفس حجم يايات الجيوب مديل الجديدمجربة جيده وليست غالية يمكن تاخذها من التشليح

[غالي]

الله يجزاك بالجنه اخوي سنار
وشكرا على هالمعلومه

[تاريخ الامجاد]

اخوي غالي عندي لك حل لرفع الجيب وبطريقه لاتظر السيارة وعلى مزاجك واسالني انا وازيدك من الشعر بيت لو تحمل علية ماينزل ويبقى على وزنته وعلى مستواه....
استخدم ياي الكابرس الامريكي الامامي (تجده ثمان لفات) قص منه لفتين اوثلاث وركبه في الجيب واسالني انا سويته بالفكسار وسويته بالصالون الجي اكس واقنص على الصالون بتوانك وعزبه وشباب وربي ماينزل الا حاجه بسيطة... بس على الصالون خل الكفرات دنلوب سلك ويستحسن ان يكون الجنط شنبر حتى مايرك في الحره... اخوك تاريخ الامجاد

[البيـرق]

اخوي انا رفعت الاند من ورا 4 سم وبعد 9شهور تفقعت مساعدات قدام

[غالي]

شكرا لمرورك اخوي تاريخ الامجاد ومعلوماتك القيمه الله لايحرمك من الجنه ووالديك
اخوي البيرق
اتوقع 4 واجد لاني كلما قلت ركبت 3 قالوا انتبه منها زينتها ثنتين وبس
والحمدلله اشوف موتري كويس وزنيته
لانه من النوع الي جاي من الوكاله مطيح من وراء
وعندهم شيء مرتفع كثير من وراء كانك قد لاحظت
ترا المواتر بالوكاله ارتفاعاتها مهيب متساويه ولو تروح بتلاحظ هالشيء
وشكرا لك الله يجزاك بالجنه ووالديك

[الهـ911ـدد]

افضـل شي من انواع الكعكـآت الالمونيوم .. اما الربل والحديد انصحك تبتعـد عنه .. بس اذا حبيت تغير الكعكات .. فيـه اليايات الاستراليـه بـ 530 ريال عنـد محلات الزينـه هذي من ناحية التحميــل افضل شي .. ما ينزل الموتر .. لكـن عيبهـآ المطــب يكــون قـوي شـوي .. يعني مثل الايجابيات سلبيات .. وانت جرب وما راح تخسر شي

[علي عليوه]

معلومات مفيدة بصراحة
أشكركم عليها من قلبي

[الرهدن]

السلام عليكم /
أي سؤال عن البالونات أنا حاضر وأبشر بسعدكم ومشكور يابوعبدالعزيز00
لكن يتم تذكيري على الخاص 00



.

[غالي]

اخوي الرهدن
هل تركب على الجيوب بالونات الي يجي معها ريموت جوه السياره يتفخها وينسمها اكتروني ؟ مثل وايتات المويه (وانا شايف وايت)
واذا تركب كم تكلفتها الله لايهينك بكل شيء
وشكرا لكم ومروركم كلكم بدون ماانسخ اسامي اخوان مابيننا شيء :)

[aziz2727]

شف الله يسلمك
انا مركب ياي استرالي مع مساعدات صفر ناسي اسمهام من عند الرماية
الحمد لله شار على اخوي حاتم من اعضاء المنتدى
طبعا" الياي في منه مقاسات الظاهر 3 مقاسات . خذيت المقاس الاولى الى ما يرفع السيارة كثير من الخلف
وركبة طال عمرك معها مساعدات .. الحقيقة زي ما تعرف اللاندكروزر اذا ركب واحد ورا نزل الموتر
وفي البر دايم تحك الاستبنه الي في اسفل السيارة في الرمل
من بعد ما ركبت الياي وانا ولله الحمد مرتاح .. مستوى نزول السيارة من ورا عند التحميل شي بسسسسسيط مره
وارتفاعها معقول
وللتحميل ما فيه احسن منها
انا انصحك فيها واشور عليك بها
والله يدبرنا وياك على الصالح

[الرهدن]

السلام عليكم / أخوي غالي00
تقول00
هل تركب على الجيوب بالونات الي يجي معها ريموت جوه السياره يتفخها وينسمها اكتروني ؟.
الجواب00
نعم تركب وكانت إلى عهد قريب ( 3سنوات ) يركبها 4*4 (ورشة متخصصة في بيعها وتركيبها وموقعهم الآن على طريق مشفى الملك خالد للعيون00 باتجاه حي السفارات بالرياض
ويوجد نوع أمريكي واسترالي00 وفيها حقيقة رفاهية وفسقة;) وقليل من يركبها لإرتفاع سعرها فوق 2000 ريال(2خلفيات)
ولذلك لأن الطلب عليها قليل تم توقيف استيرادها عند 4*4
لأن راعي البر ماعنده مشكلة بالنزول من السيارة عند النفخ والتنسيم00
إلا إذا كانت دراهمك واجد فهذا شئ ثاني :D

وللمعلومية / لابد يركب معها ماطور هواء00

ملاحظة / هذي أرقام الورشة
4802885
4808684
واللي عنده العلم 00 سوداني اسمه عثمان00
آمل اني أجبت على تساؤلاتك00
وجزيتم خيرآ00


.

[غالي]

شكرا لمرورك اخوي عزيز
وشكرا لمرورك اخوي الرهدن
لكن الغريب ماقد سمعت عنها ابد الا يوم شفتها بعيوني
يعني الناس ماطاحوا فيها والا هي شبيه الهيدروليك او افضل لانها لو تنفجر او تنسم لاقدر الله ماينطط الموتر مثل الهيدروليك
ولي انشاء الله مرور على 4*4
وشكرا لكم اخواني وعلى معلوماتكم القيمه الله يطرح فيها البركه ولايحرمنا منكم ومن خبرتكم
شاكر ومقدر للجميع

[تركي الضرغام]

السلام عليكم

هلا أخوي
أنا معلي 2006 Gx أول ما طلعته من المعرض ركبت له ياي

أنا أنصحك تركب ياي أسترالي وترى ما منه أي مضرة

وله ثلاث مقاسات أنا عندي المقاس الوسط أكثر من ممتاز وإذا أنت ناوي تركب رح لم المحل حق الرمايه اللي بطريق التخصصي ( فلبيني ) قله وش الأرتفاع يعطيك العلم الوكاد
أخيراً ترى عندي ياي أسترالي أصلي المقاس الوسط معروض للبيع ودح الرجال فيه 500 يركب على المديلات الجديده
إذا تبيه راسلني على الخاص

[غالي]

الله يطولي بعمرك اخوي البارود
لكن قدرة ربك اقوى
الله يعين يارب ويوفقك بالبيعه الي تبيها ويستر علينا وعليك والاعضاء من كل شر