لمبة مكينة الفتك

[لآوحسايف]

السلام عليكم ،،،،،

اسعد الله اوقاتكم بكل خير
انا عندي مشكله اعاني منها من مدة وللحين م لقيت لها حل
سيارتي فتك موديل 2006 تولع عندي لمبة المكينه
والموتر يحن ويصير ثقيل ولا طفيته ورجعت شغلته يرجع طبيعي
م خليت شي م سويته قالو لي حساس الدعسه وغيرته جلس فتره ورجعت اللمبه
قالي كهربائي اسلاك الظفيرة وم اقتنعت بالكلام وفحصت عند اكثر من واحد وقالو مو اسلاك
وقالو زيت القير صحيح انا من زمان م غيرته من شريته بس م اتوقع له علاقه
تكفون ساعدوني اللي مرت عليه المشكله

[عبدالله //]

يالحبيب دور ورشه عنده كمبيوتر يفحص لك ب100 وتعرف المشكله على طول احسن من التكهنات ...من اهم خطوه لحل المشكله تشخيص المشكله جيدا ومعرفة الخلل ,,, لان اللمبه على اي شي تولع .. بالتوفيق

[الطيار2000]

الله العالم من حساس الهواء

يمكن الرابط يفيدك

http://www.mekshat.com/vb/showthread.php?t=489954

[على رمشي تمشي]

جربت تفصل اصابع البطارية لك ساعة واشبك وجرب
والحنه تكون من كلتش المروحه

[سوبر مكشات]

افحص كمبيوتر
واشرط عليه ان الخراب ما يتعدى الا اللي طلعه الكمبيوتر
موفق

[لآوحسايف]

فحصت كمبيوتر بس م طلعت النتيجه
وغيرت الكتاوت اللي بين فلتر الهواء والرفرف وزبط الموتو له يومين بعدين رجعت المشكله
والله اني احترت ولا ادري وش اسوي

[د.داهوم]

افحصه كمبيوتر عند يوسف الخضير ببريدة وهو يعطيك العلة الحقيقية.

[لآوحسايف]

تخيلوا ي اخوان صارت لمبة المكينه والعه ع طول
تطفيه وتشغله م تروح وشافه العثيم وفحص الكهرب
وقال كمبيوتر عطلان
وسعره بالوكاله غالي
وودي اشوف التشاليح اللي عنده خبره عن اسعاره ياليت يفيدني

[لآوحسايف]

ي اخوان شريت كمبيوتر سعره 2500 ريال
وبرمجه العثيم واخذت الموتر جلس ٣ ساعات ورجعت مشكلته
وكلمت العثيم قال جبه ووديته له قال الكمبيوتر اللي انت جايب خربان
ورجعت واخذت فلوسي
وديت السياره للخضير وفحصه وقال كمبيوتر
وركب له كمبيوترين ويقول كلها ضاربه
انا خايف لايكون الموتر فيه مشكله بالكهربا تسبب خراب الكمبيوتر
ولا شريت له وكاله وارتحت
شرايكم اتوكل واشتري ولا انتظر

[ابوسند9]

اخوي
انت تقول
وديت السياره للخضير وفحصه وقال كمبيوتر
وركب له كمبيوترين ويقول كلها ضاربه
ياليت توضح يعني ركب كمبيوترين وكلها اضربت واللى كيف؟
واذا الكمبيوتر اذا ركبتة ضرب فا عندك التماس كهرباء وهذا يبغى واحد وسيع صدر يفصح لك ضفيرة السياره واسلاك السياره

[لآوحسايف]

فيه كمبيوتر جابه من التشاليح واول م شغل ولعت اللمبه
وفيه كمبيوتر جلست يومين عنده السياره ويوم جيت اخذها قال لي
ولعت لمبة المكينه تو
وخليتها عاد وكشف ع الكهرباء كلها ويقول اللهات خربانه
وهي اللي تسبب لذع الكمبيوتر
والان الموتر له حوالي شهر بالورشة
وبكرا بروح اخذه ان شاءالله
وي رب تكون انحلت المشكله وارتاح

[ابوصالح101]

الله يعينك و يوفقك