المساعد الشخصي الرقمي

مشاهدة النسخة كاملة : اهل الشيروكي سوأل


عزيزو
16/07/2006, 09:33 AM
السلام عليكم

عندي مشكلة في السيارة قراند شيروكي موديل 98 وهي الكمبيوتر خرب وشريت واحد ثاني والحين خرب مره ثانية ومدري وش اسوي لاني دورت عليه مالقيت في الرياض ولا القصيم وابي رايكم في الحل


................................ تحياتي
الوشاح
16/07/2006, 09:43 AM
اخوي الكريم ..

امر محيرا فعلا .. انتضر مهراس

لاكن حتى ياصل ابو فهد .. ابقول الي عندي

الكمبيوتر يجي ارقام مختلفه حتى على السيارات المتشابهه

يعني موب شرط مثل موترك يكون نفس الرقم

ممكن يكون هذا سبب المشكله .. ركبت كمبيوتر غير مطابق

فيه كهربائي بالخبراء اسمه فيليب .. رح لمه ويبي يحل مشكلة سيارتك إن شالله

تحيتي لك
مهراس
16/07/2006, 10:10 AM
السلام عليكم ورحمة الله وبركاته

الأخ عزيزو: هل تقصد الشاشه اللي قدام القير - مركز المعلومات أو الكمبيوتراللي تحت الكبوت في الجهة اليمين، وهذه اختصاراتهما:
مركز المعلومات الأليكتروني(EIC-Electronic Information Center)
الكمبيوتر(PCM- Power Control Module)
ومثل ما قال الأخ الوشاح يمكن الكمبيوتر خربان أو ضرب لما ركبته لسبب ما.
اقدر افيدك برقم الكمبيوتر اللي يركب على موديل سيارتك ( يمكن يركب على بعض الموديلات ويمكن لا)، ولكن للأسف انا خارج جده وليس معي سوى كتاب الأصلاح، ومتابع معاك ، أتمنى لك التوفيق.

أبو فهد
عزيزو
16/07/2006, 02:14 PM
الاخ الوشاح

الله يعطيك العافية وماقصرت
عزيزو
16/07/2006, 02:17 PM
الاخ /مهراس



يعطيك العافية بس رقم الكمبيوتر (521AD) وماكانه قدام الراكب وبصراحه هبل بي ولعل عندك الحل .




............................. تحياتي
مهراس
22/07/2006, 06:38 PM
السلام عليكم ورحمة الله وبركاته



عزيزو:



هذه ثلاث صور لمكان و شكل كمبيوتر الجيب م 98، هل هذا الذي تبحث عنه؟








http://www.mekshat.com/pix/upload/images18/mk6074_1998,%204.0l%20zj%20pcm%20r50.jpg

الكمبيوتر هو رقم 7 في الصوره خلف قربة ماء اللديتر








http://www.mekshat.com/pix/upload/images18/mk6074_1998,%204.0l%20zj%20pcm%20r&r.jpg

وهذه صورة كيفية فكه وتركيبه






اما رقم القطعه الأصلي فهو من كتاب ( 1998Mitchell Collision Estimating Guide Chrysler Motors/Jeep-Eagle Vol 98/5 Apr 1998 )
وهو نوعين وكلها تركب على الجيب القراند شيروكي م 98 وتفصيلها كالآتي:

56029405 يركب على موديل 97 و98 فقط
56028027 يركب على موديل 93 الى 98

وتقبل تحياتي

أبو فهد
عزيزو
24/07/2006, 12:09 AM
الاخ ابوفهد

لو سمحت ابي اذا امكن تتأكد من الرقمين الي كتب وتقول انها تناسب من مديل كذا الى مديل كذا لاني مافهمت المقصد وغير كذا الرقم اللي على الكمبيوتر عندي يختلف فيييييييييييييييييييييييييييييييياليت تخدمني
علماً ان رقم الكمبيوتر حقي هو 521AD واسئل الله لك التوفيق والله يحفظك....
ضحكة الدنيا
24/07/2006, 12:45 AM
الحل عندي ياخوي . بع الموتر وارتح "شكل فيه عين ماصلت على النبي"؟ يامن شرااله من حلاله عله :(

على فكرة تراي شراي ;)
مهراس
24/07/2006, 06:30 PM
السلام عليكم ورحمة الله وبركاته


الغالي عزيزو: من الشركة المتحده / جده / الرئيسى - السليمانيه شرق المطار القديم، موظف المبيعات اسمه: (ساجد) اعطاني المعلومات التاليه

الكمبيوتر رقم ( 56029405) موجود في الرياض - الدمام - ابها، سعره 782 ريال
الكمبيوتر رقم ( 56028027) غير موجود في المملكه وسعره 2173 ريال.

عاد الله يعينك اذا هو اللي موجود ماهي مشكله لكن البلا في اللي ماهو متوفر، هذا عذروب الشيروكي ولا غير كذا يازينها خاصة يوم تدور لك موقف، وعلمنا وايش بيصير معك.

ابو فهد
الوشاح
25/07/2006, 03:41 AM
ابو فهد .. وش الفرق بين الكمبيوترين واحد بـ800 والثاني بـ2100 .؟


مع انهن لمديل واحد ؟

تحيتي للجميع
مهراس
01/08/2006, 08:06 AM
السلام عليكم ورحمة الله وبركاته:


الكمبيوترين يختلفن عن بعض أبو 800 قطعه صغيره اسمها حساس (map) والثانيه هي الكمبيوتر العام اللي ينظم أداء المحرك (pcm)، وما ادري عزيزو وايش صار معاك.
أبو فهد