المساعد الشخصي الرقمي

مشاهدة النسخة كاملة : سؤال عن توضيب المكينه


راعي الرود
16/07/2006, 04:08 AM
السلام عليكم ورحمه الله


وش اخباركم عساكم بخير


اخواني الاعزاء عندي استفسار بسيط


انا معي بيوك رودماستر 92 والموتر ماشي تقريبا ً 520 الف


يطلع منه دخان اسود ودخان ازرق < مجمع الالوان كلها :d

وفحصته قبل تسذا كمبيوتر طلع حساس الحراره وحساس السرعه وبواجي الديلكو وكتاوت طرمبه بنزين


وفيه تهريب زيت بعد < يبي له ميزانيه دوله عشان يصلحه


المهم قال لي واحد اوضبها بـ 950 وشغله تمام على كلام اللي وضبوا عنده ..

المهم اذا وضبتها هل الموتر يوديني للدمام ؟؟

لاني خايف ابلش به على الخط !!


ارجوا منكم الافاده
شبح الصحراء
16/07/2006, 04:36 AM
الموتر قديم خصوصاً انه بيوك ومعروف البيوك والكاديلاك كثير خراباته ويا كثر ما تشوفهن بالتشاليح مع انهن جديدة بس خرابات المكينة والقير ما تسوى تصليحهن ، انصحك لا تسافر فيه خصوصاً الوقت صيف وإذا لزمت خذ معاك عدة وماء وخذ رقم سطحة واشحن الجوال قبل لا تطلع .
الله يرزقك الموتر الجديد اللي يريحك .
راعي الرود
16/07/2006, 09:28 AM
يعطيك الف عافيه والله بعد تفكير قلت يازين الطياره توديك بساعه احسن واريح (وجهه يضحك)

لاهنت على مرورك يالغالي
مهراس
16/07/2006, 10:20 AM
السلام عليكم ورحمة الله وبركاته


الأخ الرود: اذا وضبت السياره عند مهندس خبير ان شاء الله تمشيك مثل ما مشت أول.

أبو فهد
سفوات
16/07/2006, 10:26 AM
لااااااااا نوضبها الامريكي ذا وضبتها مايركبون قطع اصليه يركبون قطع امريكي عمرها ماتعدا سنه تقريبا بس انصحك تروح للتشليح تدورلك مكينه يكون احسن
شبح الصحراء
16/07/2006, 01:37 PM
صحيح مثل ما قلت يا سفوات مع اخوي كابرس 95 وضب الجير وما قعد أربع شهور الا خرب مرة ثانية لأن القطع مغشوشة أو مستعملة ومجددة والغش منتشر والعياذ بالله .
راعي الرود مثل ما قلت الطيارة ازين لك من الرود ماستر اللي معاك وممكن تركب القطار وتذكرته رخيصة جداً وتقدر تركب مع سواقين التكاسي والنقل الجماعي مريح جداً فيه أكثر من طريقة وإن شاء الله يرزقك الله موتر جديد تفكه بنفسك .
راعي الرود
22/07/2006, 11:29 AM
يا اخوان الموتر دخلته ورشه وشريت هوبات وفحمات وقماشات كلهن جدد

وسويت كبس ليات لان فيه ليات تهرب

والدخان الازرق جاري العمل عليه

وتم تغيير رمان المروحه

وعلى كلام المهندس يقول توديك للدمام

لكن فيه مشكله محيرتني


هي حامل الدفرنس الخلفي مرتخي يقولون لازم له جلب

وفيه صوت مزعج مزعج جدا ً من الامام عند الكفر الايسر

يقوولون هذا صوت رمان

هالمشاكل مضره يعني مع مسكه الخط ولا عادي

الدفرنس ان شاء الله بضبطه بس صوت الرمان الايسر فيه مشكله ولا عادي

واذا لفيت يمين او يسار واانا واقف يرتفع ضغط الموتر ترقيبا ً من الواحد الى شرطه وحده فوق الواحد مع صوت ونه

فيها مشكله هذي ولا عاادي


ويعطيكم العافيه
جماز
23/07/2006, 07:36 PM
نصيحة أخوية:.

لا يردك إلا التشليح وتراي ناصح لك..

:no2: