هل يركب الكفر مقاس 265/75جنط 16 على الباترول

[sgl2002]

ياشباب انا عندي الباترول مقاسه 265/70 جنط 16

وودي اغير كفراته الى ارفع شوي مقاس 265/75 جنط 16

جيت بركبها قال البنشري بيطلع الكفر نحيف ومرتفع وتنعدم عندك الرساوة

فما ادري هل احد منكم ركب هذا المقاس 265/75 على الباترول

لان الموتر نازل شوي وودي اخليه يرتفع

[_TOYOTA_]

ركب ولا تشاور الفرق في الارتفاع قليل جدا

[ولد اعنيزة]

مساء الخير

اخوي كان على الباترول حقه نفس المقاس وكان مايشكي منه

[كم كيلو باقي]

البنشري يطقطق على راسك .. اتوقع يبي يبيعك النوع الثاني او ماعنده المقاس اللي تبي

العرض هو اللي يفرق بالرساوة اما الارتفاع شيء مايذكر

بالنسبة انك تبي ترفع موترك .. الارتفاع بسيط جدا ماتوقع يفرق ويطيب خاطرك وحط ببالك الكفر الطامن أأمن من المرتفع في حالة الانفجار لا قدر الله

اقتراحي .. ركب نفس مقاس الكفر السابق وكعكات ربر خلفية وامامية من الرماية

[sgl2002]

انا ابي الدفرنسات براسها ترتفع عن الارض

لان لو ركبت يايات ماتستفيد

لكن انا مجرب على باترول سلق اول ورافعه بارتفاع الكفرات وفرق واجد

لكن انا يوم سمعت كلام البنشري قلت لا مابغامر بذا المبلغ خلني اتاكد

[sgl2002]

والبنشري عنده الكفرات لكن قالي ترى ماني مسؤول
قلت طيب نفس مقاس الوكالة قال ماعندي

يعني لو يبي يبيع كان سكت

[sgl2002]

رحت واخذت مستخدمات نفس المقاس وركبت لكن باقي ماجربت الرساوة

[التعـ King ـديل]

الجيب مقاسه المعروف 275/70/16

المقاس اللي تبيه بيفرق شي بسيط جدا في الارتفاع ولكن بيطلع نحيف شوي ونحافه ملاحظه بالعين

ركب المقاس اللي ذكرت لك افضل لك وارسى

[sgl2002]

^^^
ان شاء الله ع الصيف الجاي

انا اخذت كفرات مستعملة لان حرام اخذ جديدة والشتاء جاي وتتقطع بالبر

ابكد هذي لين الصيف واركب المقاس اللي قلت لي

لكن وش افضل الكفرات برايك

شاهين والا دنلوب والا هانكوك

لاني جربتها كلها وكل فيه حقه خصوصا اغلب ممشاي نفود وخطوط ويلحقها بعض من المغامرات بالجبال والشعبان