للضرورة عن تربيط او تشديد السيارة

[القناص86]

السلام عليكم

اخواني انا قررت ان اذهب الى منطقة القصيم مخصوص لتشديد موتري (باترول 98)

ياليت لوتساعدوني تعطوني اسم ورش متمكنه في هالشأن

والامر الثاني بكبر تانك البنزين الاحتياطي

ياليت بعد تعطوني وين اروح بخصوص تكبير التانكي الاحتياطي

والله يوفقكم ويجزاكم عني كل خير

[محب الهيف]

هلا بك اخوي القناص من ناحيت التربيط لا تعدى النجيبان بعنيزه عن تجربه
شغل مايحتاج ومعروف بالقصيم اما تانكي البنزين والله مالي علم وان شاءالله
يفيدونك الاخوان

[2000005]

اخوي محمد وين. ورشه النجيبان

[AxR979]

وين ساكن ؟

ترى النجيبان شغلهم عادي و ما يسوى تعني له

و اذا تبيهم مكانهم بصناعية عنيزة

[القناص86]

مشكورين اخواني

[أبوصالح9]

فيه هندي بالصناعية اسمه احمد كفيل سويت تربيط لموتري من الصدام للصدام مع تربيط داخلي ويحط لك اسفنج ويغير الكلبسات المنكسرة بصراحه مجنون وشغله بـ 250 ريال
النجيبان يعطونك موعد بعد شهر ولا شهرين
بس الهندي اللي قلت لك عنه لازم توقف سيارتك يوم كامل من الليل الى الليل-توقف سيارتك عنده بالليل عشان يبدأ فيها الصبح ومايخلص الا بالليل-بس اذا تبي شوري لاتوقفها عنده الحين بعد العيد وقفها عنده تعرف نفسية اللي صايم مهب مثل اللي ما صام اذا تبي الشغل يطلع صح وجرب نفسك انت بالصيام او غير الصيام :good:
وهذا رقمه بعد اذن الادارة / 0507265182 احمد كفيل
الوصف/ وانت رايح صناعية عنيزة تجيك اشارة الصناعية لف معها يمين بتشوف محل الضحيان قطع غيار فورد بعده لفه يمين لاتلف خلك على نفس الخط وبعدها فيه محلات صغيرة فتحة وحده هو اخر فتحه قبل ورشة الحسون -يعني تقدر تقول من الاشارة 150 متر تقريبا