طيري عيا لا ينقز ليدي

[Makrof]

السلام عليكم

يا جماعه طيري بدا ياكل مني عادي ثلاث وجبات باليوم
وصار كل ما اصوت له يدور الاكل تحت رجوله ويتلفت تحت
لكن الحين مدري ابدا افتح البرقع واخليه ينقز ليدي ولا شلووون
مع ان اول اذا فتحت برقعه يقوم ويتلفت ويطير ويقعد
لاكن الحين صار عادي بس يتلفت
واذا اكلته من ايدي والبرقع مشيول ياكل
لاكن كيف اخليه ينقز ليدي
وهل اجوعه ولا اعطيه ولاشي عشان ينقز؟
الله لا يهينكم يالربع

[المري]

حياك الله يااخ؟؟؟؟؟؟

بالنسبه لطيرك اذا هو قرناس بيت مايحتاج تعلمه لانه خبير في هذه الحركات.


اما اذا فرخ او قرناس هواء تعلمه تضعه العلفه في الدس وتقربه منه وخله يضع يد على الوكر


ويد على الدس وهكذا اشوي اشوي الين يجيك على مد الشوف.



وانا حاضر لاي استفسار.

[Makrof]

السلام عليكم
بيض الله وجهك يالمري
لكن جتني مشكله جديده بعد ماالطير استانس وصار ما يفتح فه اذا
قربت منه
انا لقيت ان به قمل وحشرات . شريت بخاخ القمل وبخيته لكن رجع كنه وحش وصار
يخاف مثل اول
واكتشفت ان به جرح بصدره كل مالمسها يرفع راسه ويفتح فمه واذا رصيتها بيدي
يدفها بصدره تقول يبي ارصعليها زود
مع ان اذا صوت له باسمه يدور الاكل تحته
. وطيري فرخ وكري
وودي اعرف كم تستغرق غالبا عمليه تدريب الصقر لين ينقز لي راعيه بغض النظر
مبتدئ? اذا ان الصقار محترف او

[المري]

مرحبا والله ومسهلا وحياك الله

بالنسبه لفرخ الوكري مبروك ليلتين ويجيك ماعنده اخلاف اما بالنسبه للطيور الباقيه الحرار والشياهين



فهي اصعب من الوكري اشوي.



وانا في اي خدمه .

[وضــ الوافىـاح]

هلا اخوى و السموحه من المرى


اذا تهجس ان طيرك به جرح افضل شى تروح به للطبيب البيطرى

لان جرح الصدر راح يفتح وتكون عواقبه وخيمه


واذا ما قدرت تسير لطبيب بيطرى لا تخلى الطير يضعف ابد
لان اذا ضعف عظم الصدر راح يشق الجرح


على فكره جرح الصد ر له تاثيردو ر كبير فى سرعة الطير انصحك خذ طيرك

لطبيب بيطرى لان مثل ما قلت اكيد ان الطير مضروب ولا به عمليه قديمه
والمعذره للمداخله

[الجرودي]

بصراحه ما أقدر ازيد شي من عندي
لان الربع ماقصروا كفو ووفوا