حملة .. انتا مخ كويس يا صديق .. لتصليح السيارات ..

[الطبيب]

بسم من لا ينام .. والصلاة والسلام على خير الأنام ..

إخواني ..

قمة رفع ضغطي .. وانتقادي لنفسي .. وكرهي لجهلي بالسيارات .. لما أجي عامل بالصناعيه .. ويكشف على السياره .. ويفتي من راسه .. وأغير وأتخسر .. وتطلع ماهي المشكله .. يعني خسارة وقت .. وفلوس .. وضحك علي ..

والأدهى من هذا .. لما يصلح لك شي .. وتطلع من الورشه .. وتلاحظ فيه شي ثاني خرب .. والا بعد كم يوم يبدا مسلل الخرابات ..

لذلك .. بديت أطبق مع العماله (الغير مدربه) بالصناعيه .. مبدأ بسيط جدا ..

إعطاء الحق للمستحق .. وهو أني أشرط عليه .. إذا ما صلحت السياره .. ما أعطيك ولا قرش .. وإذا غيرت قطعه ماهي خربانه .. رجع لي قطعتي الأوليه ..

طبعاً .. الكثير منهم يرفض تصليح السياره .. لأنه شغال سنوات على مبدأ التخمين .. ممكن كذا .. وممكن كذا .. ويجر جلدك على الشوك والشجر .. ولو حصل له على الجمر بعد ..:f

وفيه عامل بالصناعيه .. هندي قديم .. وأمين بصراحه .. يوم علمته شرطي .. قال (انتا مخ كويس يا صديق .. واجد صناعيه نفر فيه حرامي .. وهو مافيه معلوم ميكانيكي) .. ;)

بالمختصر المفيد .. لو كلنا طبقنا هالشرط .. تتوقعون ميكانيكيين الصناعيه بيتسنعون والا لا ؟؟

ما أخفيكم .. كثير منهم يرفض يشتغل بالسياره لما يسمع شرطي .. ولكن .. علشان ما أظلمه .. ولا يظلمني .. ولا يشتغل بموتري الا اللي واثق من نفسه وقدراته ..

نسمع رايكم ..

هذا والله أعلم
والسلام ختام

[قناص الأشهب]

جزاك الله خير على هذا الطرح
ونا أخوك هذا شرطي دائما أذا بصلح موتري
وأتمنا من الأخوان تطبيق هذا الشرط لأنها مهزلة لو صار الواحد يصلح موتر بذيك القيمة ويطلع ولا كنه سوى شئ والحساب علية
أشكرك على هذا الموضوع

[الطبيب]

جزاك الله خير على هذا الطرح
ونا أخوك هذا شرطي دائما أذا بصلح موتري
وأتمنا من الأخوان تطبيق هذا الشرط لأنها مهزلة لو صار الواحد يصلح موتر بذيك القيمة ويطلع ولا كنه سوى شئ والحساب علية
أشكرك على هذا الموضوع

حياك الله يا قناص ..

المصيبه ان عمالة الصناعيه تمادو كثير بهالمسأله .. لدرجة ان بعضهم زي ما سمعت بأذني اثنين من جنسيات مختلفه يتهزون بالسعوديين عموماً لأنهم يدفعون وبس وواحد منهم يقول سو نفسك مسكين .. ويعطيك فلوس ..

مرورك دائما مميز ..

هذا والله أعلم
والسلام ختام

[ms662]

جزاك الله خير
وهذا نظامي معهم دائما
لما يقولي القطعه كذا خربانه اقول مافيه مشكلة نروح انا وانت اشترها من الوكالة على حسابك وركبها واذا ضبطت عطيتك القيمة ماضبطت امشي ولا لك ولا ريال والقطعه ماتفكها الاغلب يرفض لان شغله تخمين
وبعضهم يرجع يشيك مره ثانية وكلهم اتركهم
وخاصة انه بين يوم وعشية مريت صناعية ام الحمام والعروبه شكيت اني دخلت صنعاء

[FORD1969]

اكيد أشرط عليه مافيها كلام كثير مرات ادفع نص قيمة الأصلاح فقط ولا اتنسى تىخذ فاتوره من الورشة حتى لو غيرت بواجي لأن لو حصل شي تقدر تحجه وهذا النظام العالمي ..................


الأفضل اذا ماعرفت الخلل بنفسك تمر اكثر من ورشة وتشوف الراي المقارب بينهم والسعر وتروح لورشه مالها دخل في اللي مريتهم كلهم وتقوله صلح الشيء الفلاني وبيصلح لك بأرخص منهم بكثير لأنك جاي وعارف الخلل ....

[الطبيب]

جزاك الله خير
وهذا نظامي معهم دائما
لما يقولي القطعه كذا خربانه اقول مافيه مشكلة نروح انا وانت اشترها من الوكالة على حسابك وركبها واذا ضبطت عطيتك القيمة ماضبطت امشي ولا لك ولا ريال والقطعه ماتفكها الاغلب يرفض لان شغله تخمين
وبعضهم يرجع يشيك مره ثانية وكلهم اتركهم
وخاصة انه بين يوم وعشية مريت صناعية ام الحمام والعروبه شكيت اني دخلت صنعاء

حياك الله أخوي ..

بغض النظر عن الجنسيات .. أعتقد أن فيه عندنا خلل في التفرقه بين الظلم واسترجاع الحق .... وأيضاً خلل بين اني أكون هين لين وأخلاقي عاليه وبين أني أكون ساذج مستغل من شخص ينظر لي إني مغفل وينضحك علي بسرعه ومكينة صراف تمشي .. ما غير اسحب منها اللي تبي ..

مرورك مشرق .. مثلك ..

هذا والله أعلم
والسلام ختام

[الطبيب]

اكيد أشرط عليه مافيها كلام كثير مرات ادفع نص قيمة الأصلاح فقط ولا اتنسى تىخذ فاتوره من الورشة حتى لو غيرت بواجي لأن لو حصل شي تقدر تحجه وهذا النظام العالمي ..................


الأفضل اذا ماعرفت الخلل بنفسك تمر اكثر من ورشة وتشوف الراي المقارب بينهم والسعر وتروح لورشه مالها دخل في اللي مريتهم كلهم وتقوله صلح الشيء الفلاني وبيصلح لك بأرخص منهم بكثير لأنك جاي وعارف الخلل ....

حياك الله يا راعي الفرت ..

هذي طريقه زينه .. ولكنها ما تفكك من دائرة تخمين الميكانيكيين اللي ما يدري وين الله حاطه .. ويفتي لك من غير علم ..

مرورك له قيمته أخي .. ويشرفني مناقشتك ..

هذا والله أعلم
والسلام ختام

[محمد 2002]

طيب خذ هذي سالفه بسيطه وغريبه جدا حصلت لي
عند الوالد جمس 91 يحبه لدرجة الجنون ورفض كل الاغراءات لتغييره
المهم صار في القير نتعه قويه مع التعشيق واروح الورش تقريبا الأغلبيه اجمعوا على انه حساس القير الأساسي وتغييره يكلف حدود ال 1100 ريال القطع وشغل يد وأروح للشايب وقلت له بأصلحه ورفض بشده بحجة انه ما يأمنهم يفكون أي شي في سيارته الحبيبه . واستمر يستخدمه بحالته تقريبا ثلاثه شهور وصار يتفتف فمريت واشتريت له بواجي ب 50 ريال وغيرتها عند البيت .......
وهنا كانت المفاجأه ........ اختفت نتعة التعشيق مع تغيير البواجي .....!!! له الحين تقريبا شهرين وماشي ما شاء الله عليه
والى الآن وانا باقي ما أدري وش جاب لجاب وش دخل النتعه الأوله القويه في البواجي ... !!!

[كاشت وحداني]

هذي السالفة توها الاسبوع الماضي
احد الزملاء عنده في اكس ار وصدمه واحد على الباب الايمن
بعد مشاورات دليته كم ورشه
ودله واحد على ورشة ووداه لهم وقالو له الشغل يبي له اسبوع
لانه سمكره وبياخذ وقت
أخذ له يوم وشطف الورشة
ويلاقي الدركسون مفكوك مطلعين البوري مو الطاره واسلاكه منثوره
وهو وياهم شد وحط ولبن الحين ما انتهو والمشكله يحللون مافكو ولا يدرون وللاسف انهم من اخواننا اليمنيين والله يرزقهم لكن السيارات ماهي شغلهم ابد

تم الإرسال من جهازي GT-I9300 بواسطة تاباتوك 2

[رفيع المقام]

يارجال لاتروح بعيد عندي موتري غيرت له كراسي القير ومن عقبها القير ما يعشق رابع وعداد الار بي ام خرب ..
العماله صحيح انهم يصلحون العطل لكنهم يجيبون عطل ثاني وربما اقوى من العطل الاول ...

[SHUGE]

دائماً اللي بداء بالكبير ادر انه مخ مافيه
لكن اللي يبداء بالصغر ومن ثم الكبير فيه مخ
في اي عطل دائماً ابداء بالقطع الرخيصة والاستهلاكية لا تحرص تغيير القطع اللي عليها الكلام

على سبيل المثال

في حال تقطيع السيارة
اولاً فلتر بنزين ، ثم البواجي ، ثم الاسلاك ، ثم الكويل ، ثم الديلكو، ، ثم طربمة البنزير ،
رأي شخصي فقط .
تحياتي للجميع