ثلاجة الرماية 45 لتر // -19 بكهرب 220 , وبالسيارة 10+//ما الحل شاركونا جميعاً

[سيف الظفير]

السلام عليكم

صبحكم الله بالخير


وعظم الله اجرنا وأجركم بوفاة الفقيد أسد السنة رحمه الله تعالى واسكنه فسيح جنانه

الامير نايف بن عبدالعزيز

-

يا اخوان عندي ثلاجة الرماية 45 لتر على كهرب الـ 220 في البيت توصل الى 19-

ولكن في السيارة يالله توصل 10 9 مع العلم بأنها على طرف الباب الخلفي ولها تهوية

وسيارتي لاندكروزر ,, مع العلم بأني مجهز السيارة من مركز الصبي المعروف لتجهيز السيارات وممدد لها سلك مباشر من البطارية ونهايته فتحة بالديكور
( مخرج 12 فولت )


لمن لديه الخبرة او العلم والمعرفة يطرحه هنا لي وللجميع مستقبلاً

:lوش ارائكم يا شباب :f

http://www.mekshat.com/pix/upload05/images223/mk180607_20110807%28002%29.jpg

[ابوعبدالله46]

اخوي
اذا كانت تبرد بالبيت وبالسياره لا فما المشكله ان الثلاجه محشوره داخل السياره وتحتاج تهويه وانت جرب اشبكها بالسياره وهي خارج السياره
وبعدين كاني اشوف الشبك الخفيف على التهويه والافضل انك تزيله ابرد لها

[ابوعلي M]

سلام عليكم ورحمه الله وبركاته
اخوي صار مع واحد من الزملاء نفس المشكله وكان الخراب في السلك الموصل من البطاريه
افحص السلك ممكن يكون ضعيف أوما يوصل كهرباء تكفي
وأنصحك ب 6 ملي يكون من داخل زي النحاس ومغطى بزي القماش ابيض
والله يوفق

[VTC]

ياحيا الله ابو صالح

شيك على البطارية اذا كانت ضعيفة او قديمه تكون هي السبب

جرب اشبكها دايركت على البطاريه اذا عطك اداء افضل معنها التوصيلات فيها مشكلة او الفيش

اذا ماتغيرت جربها على موتر بطاريته جديدة

[علي العساف]

ثلاجتك ما فيها شي
كل المشكلة ضعف بالكهرب اللي يجيها
شيك على السلك أو الكتاوت أو يمكن الملح على الاصبع ولا يوصل زين

[arrow]

وعليكم السلام ورحمة الله وبركاته ,,,
حياك الله ابو صالح ,,,
اذا كان المخرج اللي تشبك عليه الثلاجة هو ولاعة السيارة الممدودة من البطارية جرب عند الثلاجة ركب محول كهرباء 12فولت - 220 فولت يكون نوعية جيدة وسلكه قصير واشبك الثلاجة على 220 ... واذا ماضبط ,,
غير مخرج الولاعة الى مشبك حق ثلاجة وسلكه ممدود مباشرة من البطارية مثل هذا :
http://www.mekshat.com/pix/upload05/images248/mk70080_7.jpg
الصورة ماخوذة من موضوع اخونا بلاتين

الاسباب عادة:
طول السلك
التهوية
ضعف البطارية

وفقك الله

[هدد ؟؟؟]

حياك الله أبو صالح ..
نفس المشكلة صارت معي على ثلاجتين ، واكتشفت أن المشكلة من سلك الثلاجة الأصلي ، وكان الحل هو :
سلك مباشر من منظم الكمبروسر 6 ملي مشبوك بسلك الثلاجة الممدد من البطارية عن طريق فيش مثل فيش الكنود (ثنائي) والأفضل ثلاثي (سلكين للموجب وسلك للسالب). وان شاء الله تصير الثلاجة قالب ثلج . لأنك لو تلاحظ سلك الثلاجة الأصلي تلقاه أقل سماكة من السلك الممدد ! وأيضاً الولاعة ماتنقل الكهرب بنفس قدرة الفيش . فالمشكلة من سلك الثلاجة الأصلي لأن الكهرب جاي من البطارية بسلك 6 ملي وإذا وصل للثلاجة ضعف بسبب قلة سماكة السلك وهذا يؤثر على نقل الكهرب بسبب ارتفاع المقاومة . وكنك يابو زيد ماغزيت.


قبل تسوي الحل السابق :

شيك على عمر البطارية وقوتها .
افحص سلك الثلاجة .
جرب الثلاجة على سيارة أحد الربع.
هالخطوات الثلاث ببلاش قبل تدفع دراهم على حل غير مضمون .

أولاً وأخيراً شاور أبو شهد ..

وأي خدمة حاضرين ..

[سيف الظفير]

يمال العافية للجميع



لي عودة

[ابوشهد575]

حياك الله انا كان معي نفس المشكله بثلاجة الرمايه ولقيت ان سلك الكهرب ضعيف

حاول تجرب سلك ٦ ملم مباشر من البطاريه للثلاجه راح يكون نفس درجة تجميد كهرب البيت


بالتوفيق

[هارون97]

المشكة من السلك او البطارية والغالب من البطارية اذا كانت اول تشتغل صح فهو من البطارية

[مكيف لو تدري]

نفس المشكلي عندي بس الغريب انها يوم تبدع ويوم تدردع لاكن لو كانت السيارة تمشي تجيب نتيجة افضل من لو كانت السيارة واقفة ومطفية ؟
السؤال الثاني لو كانت البطارية 50 انبير معناته انها ظعيفة ؟
اخوي سييف كم انبير بطاريتك ؟

[سيف الظفير]

السلام عليكم البطارية. ١٠٥ امبير وجديدة

ومالها ٤ شهور ولا استخدم كهرب السيارة الا قليل

بس الوكاد ان مشكلة من الفيش حق الولاعه اللي ممد له من البطارية مباشرة هو من يضعف نقل الكهرب

والله اعلم

[البيه بوه]

السلام عليكم ورحمة الله وبركاته

خذ العلم اللي يجمد على الشارب

ويجمد الثلاجه ان شاء الله

طرف السلك اللي يركب على الثلاجه

الفتحتين الي فيهن الكهرب حاول تضيقهن بمفك صغير حق النظارات وشبك السلك بعد التضييق
لانهن مع الاستخدام يستاسعن ويكون توصيل الكهرب ضعيف
يعني بالمختصر غير راس السلك وخله مثل سلك جهاز الارسال
وراح يضبط معك
وكلامي من باب تجربه على اكثر من ثلاجه وانت جرب واحكم

[محمدالعريني]

حياك الله أبو صالح ..
نفس المشكلة صارت معي على ثلاجتين ، واكتشفت أن المشكلة من سلك الثلاجة الأصلي ، وكان الحل هو :
سلك مباشر من منظم الكمبروسر 6 ملي مشبوك بسلك الثلاجة الممدد من البطارية عن طريق فيش مثل فيش الكنود (ثنائي) والأفضل ثلاثي (سلكين للموجب وسلك للسالب). وان شاء الله تصير الثلاجة قالب ثلج . لأنك لو تلاحظ سلك الثلاجة الأصلي تلقاه أقل سماكة من السلك الممدد ! وأيضاً الولاعة ماتنقل الكهرب بنفس قدرة الفيش . فالمشكلة من سلك الثلاجة الأصلي لأن الكهرب جاي من البطارية بسلك 6 ملي وإذا وصل للثلاجة ضعف بسبب قلة سماكة السلك وهذا يؤثر على نقل الكهرب بسبب ارتفاع المقاومة . وكنك يابو زيد ماغزيت.


قبل تسوي الحل السابق :

شيك على عمر البطارية وقوتها .
افحص سلك الثلاجة .
جرب الثلاجة على سيارة أحد الربع.
هالخطوات الثلاث ببلاش قبل تدفع دراهم على حل غير مضمون .

أولاً وأخيراً شاور أبو شهد ..

وأي خدمة حاضرين ..


نفس كلام اخوي

اخوي سيف الظفير انا مسلك عند الصبي وثلاجتي رمايه بس 60 ام كمبرسر الماني وتوصل 20 تحت الصفر بسلك الثلاجه ال 6 ملي واعتقد ان مافيه اختلاف بين سلك موتري وموترك
بس احد الاسباب المتوقعه البطاريه عندك دمار او المشبك اللي انت مختاره نظام ولاعه والمفروض حق كنود عشان مايضيع الكهرب ويضعف التبريد

وعلى فكره بطاريتي 55 امبير فقط لضيق المساحه في الفتك

[المسافر888]

اخوي كانت عندي نفس المشكلة.

فيه محل بالقصيم وببريدة تحديدا وبحي الفايزية (احمد للرحلات) ابو نواف.

جيته وركب لي مروحة اضافية لثلاجة وسلك للثلاجة مباشرة من البطارية سلك 6 ملل.

وهالحين على كيفك تبريد وتثليج.

[مخاوي الليل1]

السلام عليكم ورحمة الله وبركاته

اخوي واستاذي / سيف الظفير

انا عندي نفس الثلاجه حجم 80 وشغاله مثل الحلاوه وتجميد وعلى البطاريه

شيك على كهرباء تسليك عندك

http://im30.gulfup.com/2012-06-24/1340489956991.jpg


اخوك

مخاوي الليل

[سيف الظفير]

الظاهر عندي التسليك فيه مشكلة يا اخوان

[سيف الظفير]

حتى المنظم له اسبوع يأشر باللمبة الحمراء ,, واللمبات مرة تشتغل ومرة لا مدري وش فيها والظاهر يبي لها سلك مباشر من البطارية على طول للثلاجة بمخرج مثل جهاز الارسال

[البيه بوه]

السلام عليكم ورحمة الله وبركاته

خذ العلم اللي يجمد على الشارب

ويجمد الثلاجه ان شاء الله

طرف السلك اللي يركب على الثلاجه

الفتحتين الي فيهن الكهرب حاول تضيقهن بمفك صغير حق النظارات وشبك السلك بعد التضييق
لانهن مع الاستخدام يستاسعن ويكون توصيل الكهرب ضعيف
يعني بالمختصر غير راس السلك وخله مثل سلك جهاز الارسال
وراح يضبط معك
وكلامي من باب تجربه على اكثر من ثلاجه وانت جرب واحكم

مساء الخير

الطريقه هذي مافيها لاجهد ولا وقت

فقط تضييق فتحات راس السلك في مفك وبعدين اشبكه بالثلاجه الان وشف الفرق

لان الفتحتين داخلها حلقتين نحاس مشرومات يعني تضيق وتوسع في المفك

[سيف الظفير]

اليوم ان شاء الله اغير السلك

[الخلاوي 15]

الله يبارك لك فيها وتطلع بنتيجه طيبه

بالتوفيق

[سيف الظفير]

تم تركيب مدخل كنود ومخرج كنود بسلك 6 ملم امريكي من البطارية مباشرة وبفيوز رقم 60


ولله الحمد حصلت على -19 بكرم من الله ومنته ويالله لك الحمد

[الخلاوي 15]

ماشاء الله تبارك الله ..

[سيف الظفير]

مشكورين يالربع

وان شاء الله يستفيدون منه الجميع

[سلمان القريني]

اخوي سيف ياليت تقول وين ركبت سلك الكنود باي ورشة وكيف غيرت الفيش الذكر الي بالثلاجة فكيت الثلاجة ولا كيف؟

[ابوخالد]

ياليت تزودنا بسم المحل

[الهجيج]

السلام عليكم وكل عام وانتم بخير
عندي نفس المشكلة فالثلاجة انها متبرد فالسيارة لوغيرت الكيبل من البطارية مباشر انشاللة تضبط ولاعندي بطارية اضافية.
الان السوبر سفاري مالها مكان والي عند حل يدلني. تكفون. للاهمية

[@السيف@]

حياك الله أبو صالح ..
نفس المشكلة صارت معي على ثلاجتين ، واكتشفت أن المشكلة من سلك الثلاجة الأصلي ، وكان الحل هو :
سلك مباشر من منظم الكمبروسر 6 ملي مشبوك بسلك الثلاجة الممدد من البطارية عن طريق فيش مثل فيش الكنود (ثنائي) والأفضل ثلاثي (سلكين للموجب وسلك للسالب). وان شاء الله تصير الثلاجة قالب ثلج . لأنك لو تلاحظ سلك الثلاجة الأصلي تلقاه أقل سماكة من السلك الممدد ! وأيضاً الولاعة ماتنقل الكهرب بنفس قدرة الفيش . فالمشكلة من سلك الثلاجة الأصلي لأن الكهرب جاي من البطارية بسلك 6 ملي وإذا وصل للثلاجة ضعف بسبب قلة سماكة السلك وهذا يؤثر على نقل الكهرب بسبب ارتفاع المقاومة . وكنك يابو زيد ماغزيت.


قبل تسوي الحل السابق :

شيك على عمر البطارية وقوتها .
افحص سلك الثلاجة .
جرب الثلاجة على سيارة أحد الربع.

هالخطوات الثلاث ببلاش قبل تدفع دراهم على حل غير مضمون .

أولاً وأخيراً شاور أبو شهد ..

وأي خدمة حاضرين ..اتفق مع اخوي وكذلك تاكد ان لا يكون يوجد ماء نتيجه ذوبان الثلج لازم تكون جافه من الداخل

[سيف الظفير]

يا شباب مروا على ورشة الصبي مخرج 15 وأبشروا بالزززززين

[سيف الظفير]

السلام عليكم

في هذا الموضوع بإذن الله تعالى الحل الكامل لكل من يواجه هذه المشكلة


ارجو الرجوع الى الردود رقم 3 / 5 / 6 / 7/12/13/14/22

[سيف الظفير]

يا اخوان

اللي يبي ثلاجته مضبوطة


اولاً تغيير السلك القادم من البطارية الاضافية الى 6 ملم


2. تركيب بطارية 105 امبير (( كورية )) او اوبتيما الاميريكية .

3. تغيير مقبس الثلاجة الى فيش كنود كذلك مخرج السلك الـ 6 ملم الى كنود لضمان عدم تذبذب الكهرب عند ارتجاج الثلاجة والسيارة في البر ولضمان ايصال الكهرباء كاااااااااملة الى الثلاجة.


.......................


هذا ما حصل معي بثلاجتي 45 الرماية

ولي اكثر من رد تجاه الموضوع

........

فيش الـ V12 ما يوكل عيش ولا يوصل كهرب صح الى الثلاجة عليك بسلك 6 ملم وافياش كنود وابشر بعزك

ورشة الصبي تصلحها لك ولا تكلف واجد

[غازي الاسمري]

مبدع يبو صالح
تجيب العلم من راسه الى ساسه


باقي موضوعك الثاني اللي نحتريه من مبطي
وطولت علنا
شكلك هونت منه ههههههههههههههه

[ماجد202]

مع تغيير الرأس إلى رأس كنود ركب مروحة تبريد وإن شاء الله تنحل المشكلة

[سيف الظفير]

اشكركم على المشاركات الطيبة

[ابو حمود 511]

اخوي اشبك ع البطاربه الاساس مباشر

[عقل]

السلام عليكم

ممكن احد يدلني على افضل كهربائي يمدد سلك للثلاجة

من البطارية مباشر بالمنطقة الشرقية

[الرماية]

الحمد لله انتهت المشكلة

وفعلا كلامك سليم

التوصيل المباشر بسلك 6 ملم هو الصحيح :good:

وعند شراء الثلاجة من محلاتنا نقوم بعمل التسليك والتوصيل بشكل مباشر


وبالتوفيق للجميع

[حلم البحر]

الحمد لله انتهت المشكلة



وفعلا كلامك سليم


التوصيل المباشر بسلك 6 ملم هو الصحيح :good:


وعند شراء الثلاجة من محلاتنا نقوم بعمل التسليك والتوصيل بشكل مباشر



وبالتوفيق للجميع




انا في بريد وشريت ثلاجة
هل نفس المحل يسوي توصيل مباشر من البطارية

[سيف الظفير]

بالتوفيق للجميع

[سيف الظفير]

مشكورين على المشاركات يالربع

[goldwater]

السلام عليكم
عندي ثلاجه 78 لتر arbزومركب بطارية اضافيه 80 أمير
وش الحل
أمد سلك 6 ملي مباشره من البطارية بدون فيوز والا لازم اركب فيوز

[الوانيت1]

الله يجزاكم خير استفدنا من تجارب وردود الاخوان وشكرا لصاحب الموضوع .

[الشيخ الظريف]

اذا كانت ثلاجة الرمايه ظ¤ظ¥ لتر وليس الاستراليه ففر منها فرارك من الأسد الجائع قبل ان تأكلك بالأصلاحات التي لا طائل من ورائها