%&%&% بشرى سااااااااااااااارة %&%&% : حاليا فــالـغـرابـي بـالـون مقاس 18 >>>>

[محامي وراط]

السلام عليكم ورحمة الله وبركاته ،،


أسعد الله أوقاتكم بالخير والمسرات ،،


أهلااا وسهلااا بكم جميعا ،،



الموضوع باختصار :


تم الذهاب للغرابي لشراء بعض الحاجات قبل أسبوع


ولفت انتباهي اعلان بعض المحلات بلافتات


عند مدخل المحل بتوفر ووجود باالون مقاس 18


من نوع او شركة : ACME


سعر الواحد = 800 ريال


توجد عند أكثر من محل كفرات على شارع الغرابي العام ،،




وهذي بعض صور الكفر :




http://www.mekshat.com/pix/upload05/images247/mk189015_10062012(002)0.jpg




http://www.mekshat.com/pix/upload05/images247/mk189015_10062012000.jpg





http://www.mekshat.com/pix/upload05/images247/mk189015_10062012(001)00.jpg




وأعتذر لعدم وضوح الصور ( تصوير جوال ) ،،



تحياتي لكم جميعا ،،

[قناص خلاوي]

بيض الله وجهك
الناس كرهت البالون مقاس 17 من كبر حجمه
شلون عاد مقاس 18
بيطلع الجيب دبابة :)
موفق خير

[يكفيني نظرة]

معي اكسبدشن 2008 وكفره اكبر من البالون وش عاد البالون عليه :D

[محامي وراط]

وش صناعته ؟

مشكور

العفو يالغالي ،،
يالنسبة للصناعة راحت عن بالي
لكن بكرة بإذن الله بستفسر بالاتصال على المحل
وابشر بسعدك ،،




بيض الله وجهك

الناس كرهت البالون مقاس 17 من كبر حجمه
شلون عاد مقاس 18
بيطلع الجيب دبابة :)
موفق خير


وجهك ابيض ،،

كلامك صحيح والبالون 17 كبير حجمه
ومع ذلك فيه ناس تبحث عن 18 << مدري بيغزون فيها او ويش ههههههههههه

لاهنت على المرور ،،


معي اكسبدشن 2008 وكفره اكبر من البالون وش عاد البالون عليه :D

كلامك صحيح لكن يبقى البالون رفيع وكبير حجمه
خصوصا مقاس 18 ،،

لاهنت على المرور ،،

[يكفيني نظرة]

بالنسبه للصناعه موجوده بالصورة الثانيه اسفل اليمين كبرها بجوالك وتبين لك..

[يزيد 999]

أنا شفته يوم جيت الرياض مريت الغرابي وحصلته عند يمني بس كان مغبيه وعيا يوريني إياه ؟؟؟
قال إدفع وتشوفه
(الكلام قبل 5 شهور)!!

[كبسولة2]

مشاكل كفرات البالون :

رجة مستمرة حتى لو ترصص في وكالة ناسا للفضاء

خراب دودة الدركسون وتهريبها

خراب جلد الأذرعه وأعمدتها

خطورة المشي به وقت الأمطار

قلة التحكم في السيارة مع المنعطفات والفرامل الفجائية

البلون يستخدم لسيارات التي تمشي في الرمال فقط فقط فقط

[قناص 28 عفيف]

^^
بالاضافه الى جودته ردي جدا وخطر الانفجار مع الخط

البالون مثل ماقلت للرمال فقط

[أبوعابد 22]

البالون ما ينفع الى في الرمله

[محامي وراط]

بالنسبه للصناعه موجوده بالصورة الثانيه اسفل اليمين كبرها بجوالك وتبين لك..


حاولت اعرفها لكن ماش الصورة مب واضحة ،،
وشاكر لك على المرور التعليق ،،







أنا شفته يوم جيت الرياض مريت الغرابي وحصلته عند يمني بس كان مغبيه وعيا يوريني إياه ؟؟؟



قال إدفع وتشوفه


(الكلام قبل 5 شهور)!!




شيء غريب فعلا << وش خايف منه اليماني يطلع قرار ممنوع بيع بالون 18 ولا ايش ؟؟


اما الحين اغلب المحلات شارع الغرابي العام كل واحد حاط لافتة اكبر من السيارة في مدخل المحل


مكتوب عليها : وصل حديثا بالون 18 ،،


وشاكر لك على المرور التعليق ،،




مشاكل كفرات البالون :





رجة مستمرة حتى لو ترصص في وكالة ناسا للفضاء


خراب دودة الدركسون وتهريبها


خراب جلد الأذرعه وأعمدتها


خطورة المشي به وقت الأمطار


قلة التحكم في السيارة مع المنعطفات والفرامل الفجائية


البلون يستخدم لسيارات التي تمشي في الرمال فقط فقط فقط



اتفق معك مشرفنا الغالي في أغلب ما تقول ،،


ولكن بالمقابل البالون له مزايا وايجابيات :


من افضل الكفرات في الطعوس او النفود بشكل عاااام


يرفع جرم ( هيكل ) الموتر كاملا ارتفاع ملحوظ
( ميزة رائعة جدا للي يطامر بالموتر فالشعبان والوديان بشكل عام )


وايضا اقل خطرا من الكفرات العادية بحيث أنه ما ينصلخ ويوهقك ،،


ايضا اذا ركبت البالون على اي موتر ما تحس بالمطب بنسبة 80 - 90 %


وتفرق الموتر 100% فالراحة والليونة وهذا ما تلقاها بالكفرات الأخرى ،،


صحيح سلبياتها أكثر من ايجابياتها لكن يبقى لها مميزاتها وعشاقها ،،


أحترم وجهة نظرك وشاكر لك على المرور التعليق ،،



^^





بالاضافه الى جودته ردي جدا وخطر الانفجار مع الخط


البالون مثل ماقلت للرمال فقط





خطر الانفجار اذا زودت هواه أكثر من اللازم بارك الله فيك ،،


خل هواه معتدل (متوسط ) وما منه خوف ان شاء الله ،،


أحترم وجهة نظرك وشاكر لك على المرور التعليق ،،



البالون ما ينفع الى في الرمله


لنفترض ان كلامك صحيح ،،
طيب ليش اغلب السيارات المستخدمة دائما داخل المدينة صاروا يركبونه ؟؟
أحترم وجهة نظرك وشاكر لك على المرور التعليق ،،

[سيف الظفير]

البالون ما بعده كفرررررررررر


والـ 18 موجود يا الغالي من الشتاء الماضي

[محمد الهديب]

الظاهر ان صناعته تايواني او تايلندي .. انا شايفه في الغرابي من فتره وسئلت عنه ..

[محامي وراط]

البالون ما بعده كفرررررررررر


والـ 18 موجود يا الغالي من الشتاء الماضي

عز الله صدقت ،،

لكن بالنسبة لتوفر الكفر مقاس 18 احتمال يكون موجود
لكن رافضين يبيعونه او يبرزونه في واجهة المحل زي ما شفت انا ،،


الظاهر ان صناعته تايواني او تايلندي .. انا شايفه في الغرابي من فتره وسئلت عنه ..

الصناعة راحت عن بالي ونسيت أسأل ولا عندي رقم محل ولا اتصلت عليه ونشدته ،،

[السنونو]

البالون ينفع في الرمل ولا ينفع بريـال في المراقى بالنفود وينفع أيضاً في الحصى والشعبان نسّمه وارقد من البطناج
أما أنه ينفجر حط فيه 35 واسرع عليه وماهنا خوف منه بإذن الله

[بدوي جنوبي]

من شكل الكفر انه معاد تصنيعه

[تمنيتك لي]

البآلون زين وبنفس الوقت شين

[رمآن]

لي تقريبا 6 سنوات وانا استخدم البالون 3 سنوان 16

والبالون الـ 17 لي ثلاث سنين استخدمه

الصراحه هو افضل شي للحره والارض الوعر وللبران

بلا منازع الحمدلله لم اواجه معه اي مشاكل لارجه

ولاغيره والي استخدمه ماكسس 900 فيه انواع بس

ما استخدمته الي هي مالون وهيمي وهن اعرض من

الماكسس واقل ارتفاع من الماكسس

[google-999-]

اكمي صناعتها تايواني انا مركبها الشتاء الي راح مقاس 17
ممتازه وباقي فيهاا الحين حول نص العمر ومع الترصيص الارضي اختفت الرجه ,
والبالون مقاس 18 موجود من الشتاء الي راح , بالتوفيق للجميع وشكرا لصاحب الموضوع