نصيحه لوجه الله تعالى للجميع!!!!!!!!

[دفي الوقت]

السلام عليكم ورحمه الله وبركاته

امس رحت ابي اغير كفرات لباترول فتك طبعا الجنط 17 وقمت بجوله على المحلات وكان هنالك فرق كبير في الاسعار

فيه محلات تقول لي الكفر الواحد ب 730 ومحلات تقول الكفر الواحد ب740 طبعا الكفر المستهدف كان هانكوك

ورحت للوكيل بن شيهون بالنسيم ويوجد له فروع كثيره بالصناعيه والغرابي

وكانوا منزلين عرض عليهن واخذت الواحد ب 630 مع التركيب


لذلك اتمنى من الجميع قبل النيه بالشراء الاتصال بالوكيل حتى يتم معرفه السعر وعلى ضوء ذلك يحدد

طبعا انا قبل اروح اتصلت بالوكيل بن شيهون وقال لي مع التركيب 630 وكان عندي تصور عن الاسعار قبل اروح

ولو لم اتصل واتعرف على السعر كان ركبت عند اي واحد يقول لي ب700 بعد 730 وعلى بالي مكاسر:D

مع الاسف الجميع في هذا البلد يحاول ابتزازنا على الرغم من حسن معاملتنا مع الجميع واقصد الاجانب

اتمنى للجميع التوفيق

[بدر الظفيري]

جزاك الله ألف خير ...

[دفي الوقت]

جزاك الله ألف خير ...

دعوه طيب من رجال طيب رحم الله والديك

[zulfi]

نصيحه من ذهب .. الله يجزاك خير و جعله الله في موازين حسناتك .

[مردف]

جزاك الله خيراً هاكذا التعاون أخي مركبها 700 ريال ............... ودمتم سالمين

[ابوعدي]

الله يوفقك ما قصرت على النصيحه
وافضل شي سويته انك قبل ما تروح تشتري شي انك تكون بحثت عن سعره وموصفاته حتى يكون عندك خلفية علشان ما تكون فريسه سهله للاجانب
المفروض تكون قاعدة عند الجميع

[أبوفيصل 2007]

الله يوفقك ما قصرت على النصيحه

وافضل شي سويته انك قبل ما تروح تشتري شي انك تكون بحثت عن سعره وموصفاته حتى يكون عندك خلفية علشان ما تكون فريسه سهله للاجانب

المفروض تكون قاعدة عند الجميع


+1

:good2::good2::good::good:

[كم كيلو باقي]

من جد مامثل الوكيل ..

أتمنى تكثر المواضيع اللي مثل فكرة موضوعك بكل المجالات مو بس الكفرات .. لأجل يزيد الوعي التجاري عند السعوديين

[دفي الوقت]

اشكر جميع من تشرفت بمرورهم وصراحه شئ يقهر واحس ان اي انسان نظيف ينلعب عليه ويزودون عليه الجشعين بالسعر انه انا

وكلنا لبعضنا والله يوفق الجميع

[السناعيس .f16]

بارك الله فيك وجزاك الله خير
و الكثير مناء ينخدع و انا اولهم ما اعرف الوكيل وين مكانو
وياليت توصفلي اذا انت عارف وكيل دنلوب و ماكسس لو ماعليك امر
مكاني الرياض

[دفي الوقت]

بارك الله فيك وجزاك الله خير
و الكثير مناء ينخدع و انا اولهم ما اعرف الوكيل وين مكانو
وياليت توصفلي اذا انت عارف وكيل دنلوب و ماكسس لو ماعليك امر
مكاني الرياض

الله يجزاك خير يالغالي بعد البحث في قوقل لقيت لك هالقائمه اتمنى تفيدك



1 - قودير او جوديير ( شركة الراشد ت 012081400 تحويلة 33 )
2 - هانكوك، كوري ( شركة بن شيهون ت 014641664 )
3 - فايرستون او فايرستن ( شركة التميمي ت 012950502 )
4 - ميشلان ( شركة الجفالي 014022222 )
5 - يوكوهاما ، ياباني ( شركة الجميح 014481077 )
6 - مارشال ، كوري ( شركة الصافي 014055205 )
7 - كونتنتل ( شركة المطلق 014633428 )
8 - بريلي + جينرال ( شركة خدمات المركبات العامه 014633428 )
9 - دانلوب ، ياباني ( شركة بن زقر 012302062 )
10- برجستون ، ياباني ( شركة الطلائع - بقشان 014748878 تحويلة 124 )
11- كوبر ، امريكي ( شركة القحطاني مريتايم 014920508 )
12- سوموتمو ، ياباني ( مؤسسة خاتم الخاتم 012708191 تحويلة 101 )
13 - ماكسس ( مؤسسة خالد الهاجري 012444649 )
14 - تويو ، ياباني + نكست ، كوري ( مؤسسة سعيد العامودي 014468803 )
15 - فالكن ياباني + كوماهو ، كوري ( شركة بحلس 014028416 )
16- نيتو ، ياباني ( العيسائي 014024776 )

[محلات الكشاتة]

تشكر على التنبيه
وتسلم يمينك ياعم

[الذئب الاليف]

وعليكم السلام ورحمة الله وبركاته
الله يجزاك خير على التنبيه والتوضيح والله يكثر من امثالك

[وبل نجد]

الله يحرم وجهك عن النار

وتبي الصراحه ((ضحك على دقون الرجاجيل))

[دفي الوقت]

الله يجزاكم خير الجزاء اخواني وتشرفت بمروركم الكريم

[abo naser 1]

السلام عليكم

الأختلاف في الأسعار وارد دام امورنا بين تجار واجانب ما يخافون الله في المسلمين

انا أخذت دنلوب بن زقر مقاس 16/275/70
بسعر 590 مع تركيب وترصيص والشباب يأخذونه ب 650 ريال

[الربذي]

جزاك الله خيرا لا جمله يطلع عليه ب600 او اقل ويبيعه علينا ب730 يعني 520 مكسب بربع ساعة انا شوف مدرسين يمنيين تركوا التدريس وجوا يشتغلوا بالبناشر لاقين الخير .
شي محزنني اللهم ارحم اميرنا نايف بن عبد العزيز

[التعـ King ـديل]

جزاك الله خير

الله يرحم عام 2009 مركبه ب 475 ريال واقول غالي

الله يرحمنا برحمته

[فلاجكو]

مشكور وجزاك الله خير ....

[كاشت وحداني]

بيض الله وجهك عالنصيحه والشور
وانا من 5 سنوات اصبحت لا اشتري كفرات الا من الوكيل
ودائما اجد سعره اقل من المحلات اللي برا
وحتى لو زاد تضمن انه الكفر الاصلي
لان الان اصبح كل نوع كفر تجد شئ صيني وشئ ياباني وشئ اندونيسي والاسم واحد وايضا حتى وجدت شئ من دبي ويقولون اصحاب المحلات انه اندونيسي ولكن علشان التصدير يكتبون عليه دبي .؟؟؟ ولا خشت راسي الهرجه .

[ابوعبدالله46]

جزاك الله الف خير
الصراحه ها الاجانب لعبو فينا لعب

[ALKKKK]

مشكور وماقصرت والله يكثر من امثالك

بس عندنا ناس مع احترامي لهم لاتقدر تقول مغفلين او نايمين مدري صراحة وش تقول لهم

انا مرة بغيت انفجر من الضغط واحد من الجماعة يبغي يركب بوالين ماكسس راح للغرابي وركب عند اول محل طبعا

كسلان مايبي يمشي خطوتين بسعر 550 للكفر الواحد

انا كنت ناوي اركب بالوين بس قلت بها السعر ماراح اركب ورحت للغرابي اسئل عن كفر ثاني وشفت المكسس وسعرتة

وقال 480 واروح للمحل الثاني والثالث اخر شي صفت على 460 وركبتها

مشكلتنا الاساسية الكــــــــــــــسل ثم الكـــــــــــــــسل

[mkshate]

الله يجزاك خير ويبيض وجهك وفعلا صادق قد صارت مع واحد من الشباب يقول ماتوقعت ان الوكيل ارخص من السوق ابد والحين مايغيركفراته الى من وكلاء الكفرات

[KING FISAL]

الله يجزاك خير فعلا السوق في جميع انواع البضائع نصب و تلفيق و تقليد اصلي من الامارات في كثير من البضائع الماركات العالمية ومن الصعب التمييز بين الاصلي و التقليد واحياناً يدمج الاصلي و التقليد في رف واحد و وزارة التجارة في موقف المتفرج و المستهلك هو الضحية

[aziz155]

مشكور طويل العمر على نصيحتك ....... واهتمامك باخوانك المسلمين

[محامي وراط]

ابيض وجه وماقصرت على النصيحة ،،

لاعدمناك يالغالي ،،

ودائما الوكيل أرخص وأضمن من المحلات الأخرى أيا كانت ،،

[دفي الوقت]

الله يجزاكم خير جميعا وحقيقه لانستحق الشكر فهذا اقل واجب بين الاخوان والله يكفينا شر من فيه شر

[جمس z71]

لاهنت يادفي الوقت

اسال الله الكريم ان يبارك لك في مالك واهلك

[دفي الوقت]

واياك اخي الكريم والمسلمين اجمعين شاكر مرورك يالغالي

[ابو شقا]

ممكن استفسار
ابغى وكيل السيام تاير كم رقمهم؟؟؟؟

[mfmf]

جزاك الله خير ورحم الله والديك

[ابو شقا]

ياجماعة الربع توي جاي من الغرابي ولقيت سعر السيام تاير ب900 والله ع مااقول شهيد
مو معقول يوصل لهالسعر؟ وقلتله ب720 سعره قبل شهر يقول لا نفس المصنع ماقامو يوزعونه الحين وقفوه.. ؟؟؟ وش السواة ياشباب افيدوني جزاكم الله خير محتاج للسيام ظروري

[محسن اليامي]

جزاك الله خير وجعله في ميزان حسناتك

[bloodomen]

بارك الله فيك

[الكايف 1]

وعليكم السلام ورحمة الله وبركاته
ماشاء الله تبارك الله

الأخ الغالي /دفي الوقت

الله لايحرمك الأجر والمثوبة
الله يسهل امورك ويفتح لك ابواب الخير
الله يستر عليك دنيا وآخرة ويجزاك عنا كل خير

بارك الله فيك ورحم الله والديك
ننتظر منكم المزيد
تقبل مروري
الكايف1




والسلام عليكم ورحمة الله

[Salamah.y]

الله يجزاك خير , فعلاً نصيحة من ذهب
و أزيدك من الشعر بيت , ان الوكيل أضمن من المحلات
لأن فيه بعض ماركات الكفرات , تكون جايه من الإمارات
نفس شكل الأصلي , و نفس الماركه , لكن الصناعه لك عليها

,

الله يكفينا وياكم الغش و الجشع

[سهم الجزيرة]

بيض الله وجهك وماقصرت و الله يرفع قدرك

وماقصرت على الأرقام

[س.س.التميمي]

الله يجزاك عنا وعن المسلمين بالخير الله يوفقك على النصيحه

[دفي الوقت]

جزاكم الله خير الجزاء جميعا مع تشرفي بمروركم وابعد عنا وعنكم كل من يستقصدنا بسوء

بالنسبه للاخ اللي سأل عن وكيل كفرات لو اعرف كان افيدك ولكن اعذرني يالغالي

[binobaid]

جزاك الله خير

[تميم2222]

قل امين .. الله يوفقك .. وياليت الناس تفكر مثل كذا ... تقبل مروري اخي الكريم

[سالم الجبيل]

جزاك الله خير

[صقر زهران]

جزاك الله خير وفعلاً ابو يمن لاعبين بالسوق لعبتهم في الاسعار
وحتى ارجو انكم تنتبهون لنقطة وهي لما تتفق معه على السعر وتتاكد انت من تاريخ الصنع مثلاً 2012 48 اسبوع
تلاقيه يركب لك حبتين نفس الاتفاق وحبتين قديمه يعني 34 أسبوع
والحركة هذي دائماً يسوونها ... لذلك اذا جيت تركب الكفر عينك معهم او مايركب الكفر في الجنط تأكد قبل يركبها بالسيارة.

[hail_ksa]

كلامك صحيح
انا خذيت 4 كفرات جنط 19 الواحد من 900 اجمالي 3600 ريال من بنشر يماني
بعد فتره اكتشفت ان الكفر يباع عند وكيل دنلوب بالمدينه ب 670
نصبوا علي اليمانيه حسبي الله عليهم بمبلغ 920 ريال الله لايحلهم
وهذي المشكله نشتري ولا نسأل وبصراحه درس ما انساه

[خيال البوادي]

موضوع قيم الصراحة والشكر واصل لصاحب الموضوع وللي افادو

[PATHFINDER 4]

ماشاء الله زين لقيته بهالسعر قبل اكثر من سنتين ركبت كفرين بس 1250 = يعني الواحد 625 من محل الاندلس جنب الوكيل بن شيهون بينهم 4 محلات تقريبا والوكيل كان يبيعها 750

[rpk]

مع الاسف الجميع في هذا البلد يحاول ابتزازنا على الرغم من حسن معاملتنا مع الجميع واقصد الاجانب

اتمنى للجميع التوفيق
ااااااااااااااااااااه بس جبتها علي الجرح المشكله ان حسن معاملتنا وطيبتنا يحسبونها سذاجه :mad:

[ابو طاهر]

الله لا يهينك على النصيحة الجيدة والمفيدة

وموفق خير...