المساعد الشخصي الرقمي

مشاهدة النسخة كاملة : متي تفكر تغير سيارتك وتشتري سياره جديده ؟؟؟؟؟ كل واحد يعطينا الى عنده


Abu Faisal
19/06/2006, 06:51 PM
اولا السلام عليكم ورحمة الله وبركاته

اول مشاركه لي في هالمنتدي الممتاز انا صراحه الي خلاني اكتب الموضوع هو انه بدت تراودني :d فكره تغير السياره وذللك لعدة اسباب انا ودي تشاركوني الراي هل هي مقنعه والا اى كلام يعني ممكن الواحد يتغاظي عنها يعني يطنش ويكمل على سيارته لين تقول كحكح ............

والاسباب هي
1 - السياره عمرها 9 سنوات وبدت تشتكي من بعض الامراض التي تستدعي نقلها بالونش
2 - احياناً الواحد وده يكشت هو والعيال لكن تحده ظروف سيارته حكم انها سيدان وبعض الاماكن يبغالها جيب
3 - قطع الغيار حق السياره القديمه غالي شوي

فهل اذا توفرت هذي الاسباب عندك تغير سيارتك
Abu Faisal
20/06/2006, 01:51 AM
غريبه محد رد لين الحين والله توقعت بفتح المنتدي وبلقى على الاقل ثلاثه ردود اربع ردود :confused:

بس يمكن علشان ظروف كاس العالم ز عموماً دي اشوف ردودكم لأنها مهمه بالنسبه لي
aziz2727
20/06/2006, 08:35 AM
ابو فيصل
تحيه لك وموضوع جميل
واعتقد تغيير السيارة تعتمد على الاحتياجات الشخصيه .. مثل كثر العائله والرغبه في الخروج للبر ايام الربيع الي ما ينفع معها الا الجيب .
وطبعا" اذا السيارة بادية تطلب .. وعمر السيارة معك خاصه اذا انت مطلعها جديدة عمرها في حدود 5 الى 7 سنوات في هذه الحاله تكون ما قصرت ولا بعد طلبت تصليح
وسلامتك
برق تميم
20/06/2006, 11:59 AM
والله وانا اخوك انا عندي اهم شي الفلوس اذا توفرت ورزقك الله وبدون ديون الحمد لله طرب عمرك وطرب عيالك

كثرة العائله والأولاد وعمر السياره اكثر من خمس سنوات واذا كنت راعي سفر وبر وطربقه خلاص السياره تبدأ تطلب

الحمد لله اهم شي سلامتك وسلامة عيالك
عمار السفينه
20/06/2006, 03:08 PM
ولله ياأخوي إذا توفرة القروش فما فيه أي مانع
سعد الدين
20/06/2006, 03:36 PM
والله بصراحة أحب التغيير وبإذن الله سيكون هذه المرة

نوع جديد ما قد جربته وبما أني أحب السفر برا

يجب أن تتوفر وسائل الراحة في السيارة التي أرغب في أمتلاكها

واما السيارة الي ارغب في شرائها في يوكون 2007 دينالي

لأني شفت دعايه في موقع الشركة واعجبني كثير

http://wwwimage.cbs.com/gmc/images/hero_shot_landing.jpg

والله يعطينا من خيرة ويكافينا شرة

وسلامتكم
Abu Faisal
21/06/2006, 01:03 AM
Aziz2727 , برق تميم , خراب السفينه , سعد الدين

جزاكم الله خير واشكر كم على المرور والمشاركه في الموضوع والله يعطيكم العافيه

يعني خلاصة الموضوع اذا فيه كاش ليش لا :)

صراحة ياسعد شكل اليوكن حلو مره بس الى مهوب حلو فيه ان سعره مرتفع ومبالغ فيه , نقلاً عن احد المنتديات انه نازل في الموتر بـ 220000 وعند العيسي النوع العادي 160000 اجل كم سعر الدينالي صراحه خيال يعني معد بقي شي علي بعض السيارات من نفس الفئه وافضل من ناحية القوه والمتانه والتحمل . مثل تويوتا او لكزس او شكل مثل اسكايلد.

وشكراً مره اخري
FAHAMAN
21/06/2006, 01:45 AM
والله اليوكن غالي
2006 يوكن عادي ممكن تحصله يمكن يوصل 95 الف
والجديد 2007 عادي 138 الف عند التوكيلات
طب ليش الفرق الكبير في السعر
يمكن لانو جديد
نصيحة لا احد يشتري 2007 بهذا السعر واصبروا حتى يرخص الوكيل السيارة
الضاري
21/06/2006, 02:53 AM
1 - السياره عمرها 9 سنوات وبدت تشتكي من بعض الامراض

بعذرها لو أشتكت يابوفيصل

تسع سنوات ياطوووول صبرك ويا وسع صدررررك

أطول سيارة جلست معي 5 سنوات ويالله تحملتة
بندر متعب
10/08/2006, 03:57 PM
يقول لي واحد من الشباب ان سعر اليوكن في الجميح بـ 179000 ريال
بدوي جنوبي
10/08/2006, 05:40 PM
السلام عليكم



الشباب كفو ووفوا في الردود

تحياتي