((((تركيب فرارات للشاص بالصور))))

[ابن عكاش]

السلام عليكم ورحمة الله وبركاتة
مساكم الله بالخير جميع
كنت قد كتبت موضوع بعنوان (وش افضل فرارات للشاص)على هالرابط http://www.mekshat.com/vb/showthread.php?t=506121 (http://www.mekshat.com/vb/showthread.php?t=506121)
والشباب ماقصروا لأني كنت ادور على افضل شي من ناحية التحمل والجودة ووقع الأختيار على الآيسن اليابانيه حقة الوكالة
النكته ان عندي فرارت برازيلية كنت مركبها على اللاندكروزر يوم بعته فكيته منه وكانت شبه جديده لأني ما استخدمتها اللا مدة قصيره يوم طرى علي اركب فرارت للشاص خذتها ورحت للسليماني اللي في شارع الغرابي قلت ابي اركبها على الشاص شافها ثم قال ماتصلح فيها فضاوة وبطلع صوت اشتر جديدة قلت هونا ثم بعد فتره كتب الموضوع السابق علشان استفسر عن الأفضل بعدها دورة على الآيسن وصار فيه اختلاف بين موديلات 2000م وطالع عن اللي قبلها وبعد البحث لقيت وحده عن الضحيان بسعر 2000ريال:( يعني الجهتين مع الخصم بـ3آلاف وشوي:eek:
قلت مالي إلا البرازيليه وش نسوي وسألت واحد من الربع معه شاص2007م قال مركبها من اربع سنين ولاشفت منها شر قلت توكلت على الله واروح امس للغرابي وخذت معي اللي عندي الأوله وقلت يولد احتياط المهم السليماني له فرعين في الغرابي واحد في شارع الغرابي المعروف والثاني إذا جتك الإشارة تلف يمين معرض كبير واجي واطلع الفرارت اللي عندي قلت ابيك تركبها قال بـ50 ريال قلت مهيب مشكلة هي تصلح ولا خربانه شافها ثنين من عمالهم قالوا سليمه قلت اكيد قال اكيد قلت فرعكم الثاني يقول خربانه قال يمكن يبغاك تشتري جديده:mad: حسبي الله عليه المهم ركبوها وجربناها عندهم وشغاله ولا فيها إلا العافيه
وهذي صور التركيب
الأول صورة الفرارت والثانية بعد مابدى يشتغل
http://www.mekshat.com/pix/upload05/images244/mk80951_1.jpghttp://www.mekshat.com/pix/upload05/images244/mk80951_2.jpg
http://www.mekshat.com/pix/upload05/images244/mk80951_3.jpg
وهذي بعد مافك الغطاء
http://www.mekshat.com/pix/upload05/images244/mk80951_4.jpg
والحين بدى يطبق الفرار
http://www.mekshat.com/pix/upload05/images244/mk80951_5.jpg
http://www.mekshat.com/pix/upload05/images244/mk80951_6.jpg
وهذي صورة الفرارت ينظفها من الشحم الزايد ويشيك على الوجه
http://www.mekshat.com/pix/upload05/images244/mk80951_8.jpg
والحين يركب الغطاء حق الفرار
http://www.mekshat.com/pix/upload05/images244/mk80951_9.jpg
وهذا هو الشكل النهائي
http://www.mekshat.com/pix/upload05/images244/mk80951_10.jpg
وهذي صورتين فوق البيعه لعيال اختي الله يصلحهم قالوا صورنا نبي نطلع في منتدى مكشات
http://www.mekshat.com/pix/upload05/images244/mk80951_11.jpg
http://www.mekshat.com/pix/upload05/images244/mk80951_13.jpg
الفرق اللي لاحظته خفه في الفزه وبعد الـ120 تحس الموتر هادي ولا فيها عره يعني تريح الموتر في الخطوط الصرفيه مابعد جربتها فما اقدر احكم
ادعوي بالبركة والتوفيق جزاكم الله خير
تم بحمد الله والصلاة والسلام على رسول الله
آسف على الإطالة

[ابونبيل]

ماشاء الله

الله يبارك لك

والله يصلح العيال يارب

[توكار]

ليتك ماركبت هاالخايسات..البرازليات...ولله انه ماعاش عندي شهرين الا انهن تكسرن وتفتت الحديد..وتهريب الزيوت... تراني كل يوم ادخل النفود ...وأفر ...وأضرب المطبات
بعدين ركبت أسيا الأصليات عند الوكالة 940ريال ....لحد الحين حلاوة

البرازيلي عندنا بسعر 500ريال الطقمين ...هل اشتريتهن بهذا السعر

[كبسولة2]

ماشاء الله الله يعطيك خيرها ويكفيك شرها

موفق

[عمر الشريف]

:good2::good2::good2:

[ابن عكاش]

ماشاء الله

الله يبارك لك

والله يصلح العيال يارب
آمين وجزاك الله خير

[ابن عكاش]

ليتك ماركبت هاالخايسات..البرازليات...ولله انه ماعاش عندي شهرين الا انهن تكسرن وتفتت الحديد..وتهريب الزيوت... تراني كل يوم ادخل النفود ...وأفر ...وأضرب المطبات
بعدين ركبت أسيا الأصليات عند الوكالة 940ريال ....لحد الحين حلاوة

البرازيلي عندنا بسعر 500ريال الطقمين ...هل اشتريتهن بهذا السعر
والله يالغالي تعبت ودورة على الآيسن الأصليه وآخر شي لقيتها بحول 3آلاف ريال ولا فيه إلا جهه وحده عند الضحيان
وهذي كنت مركبها على لندكروزر وركبتها على الشاص ألحين وان خربت نطلتها
لكن انت وش موترك وكم موديلة ووين شريتها منه لاهنت

[ابن عكاش]

ماشاء الله الله يعطيك خيرها ويكفيك شرها

موفق
الله يوفق الجميع يارب

[ابن عكاش]

:good2::good2::good2:
شاكر مرورك يالغالي

[ابو زياد 90]

ماشاء الله تبارك الله

الله يعطيك خيرها والايسن مجربات احسن بواااجد

ويعطيك العافية عل هذا التقرير الرائع


تحياتي لك ,,,

[ابن عكاش]

ماشاء الله تبارك الله

الله يعطيك خيرها والايسن مجربات احسن بواااجد

ويعطيك العافية عل هذا التقرير الرائع


تحياتي لك ,,,
الله يعافيك ويسلمك
صدقت الآيسن افضل بس وينها

[بلاتين]

ماشاء الله تبارك الله ،،، مبروك والله يعطيك خيرها ويكفيك شرها

[قناص 28 عفيف]

ممكن سؤال حسب مفهومي ان الفرارات للموتر الدفع الرباعي اذا بغيتهم دفع ثنائي فريت الفرار وحولتهم دفع ثنائي
صح ولا ولا انا غلطان وذا مو صح عرفني عن الفرار وش فوايده

[المميـز]

:

ماشاء الله تبارك الله

الله يبارك لك بالفرارات ويخليلكم عيالكم

ويعطيك العافيه على الموضوع الرائع

:

[ابن عكاش]

ممكن سؤال حسب مفهومي ان الفرارات للموتر الدفع الرباعي اذا بغيتهم دفع ثنائي فريت الفرار وحولتهم دفع ثنائي
صح ولا ولا انا غلطان وذا مو صح عرفني عن الفرار وش فوايده
صح ولا انت غلطان وفايدتها ان الدفرنس الأمامي وعمود الدبل ماعاد يتحرك مع مشي السيارة ويرتاح الموتر خصوصاً بعد سرعة 120

[ابن عكاش]

:



ماشاء الله تبارك الله


الله يبارك لك بالفرارات ويخليلكم عيالكم


ويعطيك العافيه على الموضوع الرائع



:

الله يبارك للجميع
شرفني مرورك

[ابوراكان تبوك]

نفس النوعيه مركبها عندي على gxr برازيلي نيكل لهن اللحين سنتين والحمد لله لاتهريب ولا تفلت

لو ركبت واحد يسار يكفي وانا متأكد انه يفصل العمود نهائياً جهتين احس مالها داعي

بس نصيحة خل التروس اللي فكيتها معك في السيارة من باب الاحتياط

موووووووووووووفق

[yusr]

ماشاء الله والله يبارك بالاشبال

[Salamah.y]

ماشاء الله ,, الله يبارك لك , و ان شاء الله تستفيد منهن
بس لا تنسى , خل الفلنجات الأصليه معك بالسياره , و لا تنزل من السياره ابد
لأن لو لا سمح الله خربت الفرارات و انت بنفود او مكان بعيد بس تفكهن و ترجع الفلنجات الأصلية و يادار ما دخلك شر
و لا تنسى , حاول بين فتره و الثانيه , تعشق الفرارات على 4×4 , عشان تدور الكرونه و العمود وتحرك زيت الدفرنس
و إذا ما خانتني الذاكره , انه مع التعليمات حقت الفرارات , يبي لك كل شهر تعشقها و اقل شي تمشي فيها 15 كيلو تقريباً

,

كل التوفيق ~

[ابن عكاش]

نفس النوعيه مركبها عندي على gxr برازيلي نيكل لهن اللحين سنتين والحمد لله لاتهريب ولا تفلت

لو ركبت واحد يسار يكفي وانا متأكد انه يفصل العمود نهائياً جهتين احس مالها داعي

بس نصيحة خل التروس اللي فكيتها معك في السيارة من باب الاحتياط

موووووووووووووفق
نصيحتك في محلها
تسلم يالغالي على مرورك لاهنت

[ابن عكاش]

ماشاء الله والله يبارك بالاشبال
آمين الله يجزاك خير

[ابن عكاش]

ماشاء الله ,, الله يبارك لك , و ان شاء الله تستفيد منهن
بس لا تنسى , خل الفلنجات الأصليه معك بالسياره , و لا تنزل من السياره ابد
لأن لو لا سمح الله خربت الفرارات و انت بنفود او مكان بعيد بس تفكهن و ترجع الفلنجات الأصلية و يادار ما دخلك شر
و لا تنسى , حاول بين فتره و الثانيه , تعشق الفرارات على 4×4 , عشان تدور الكرونه و العمود وتحرك زيت الدفرنس
و إذا ما خانتني الذاكره , انه مع التعليمات حقت الفرارات , يبي لك كل شهر تعشقها و اقل شي تمشي فيها 15 كيلو تقريباً

,

كل التوفيق ~
ياهلا والله ومرحبا بالغالي
نصياحك مهمه وفي محلها وإن شاء الله تسلك ولايجي منها مشاكل
الله يبارك فيك شاكر مرورك لاهنت

[ابو خالد 1992]

الله يباركلك وعقبال ماتفرق صرفية البانزين وشتقنا للمكاشيت ولبو ياسر

[ابن عكاش]

الله يباركلك وعقبال ماتفرق صرفية البانزين وشتقنا للمكاشيت ولبو ياسر
هلا ومرحبا بابوخالد والله يبارك للجميع
والله اني مثلك مشفي على الطلعه للبر معد نقدر نصبر حتى لو في الصيف :s
وابوياسر تراه هاليومين فاضي نبي نتله يوم ونطلع على حدى هالنفود نوسع الصدر جميع:D

[ابن عكاش]

الرفع للفائدة

[حبيب تعب]

الله يبارك لك به يابو صقر
تستاهل كل خير

[طير شلوى نجد]

هلا ومرحبا وانا اخوك اتمنى تعطينا علوم البنزين فرق معك والا لا وخفة الموتر فرق واجد والا لا

[ابن عكاش]

الله يبارك لك به يابو صقر


تستاهل كل خير

الله يبارك للجميع وحياك ربي يابوعلي والله انا مشتاقين لك

[ابن عكاش]

هلا ومرحبا وانا اخوك اتمنى تعطينا علوم البنزين فرق معك والا لا وخفة الموتر فرق واجد والا لا

ياهلا والله الموتر خف في الفزه وبعد سرعة 100كم خف الصوت والموتر تحسه انشط والبنزين مابعد جربته مسافه طويله بس مبدئياً متفائل انه بيخف :good2:

[طلال talal]

السلام عليكم ورحمة الله وبركاته
اسعد الله جميع أوقاتكم بالخير
----
عند استفسار معي gxr 2006 فل كامل
عندي طقه في الجير عند التعشيق ع D
وتجي احيانا طقه مع الغيار الثاني عند التهديه
نبي فزعتكم في الحل
هل تركيب الفرار هو الحل من شان الطقه
وين أحصله بجده وش افضل نوع وكم سعره
علما باني نادر اطلع للبر يمكن كل 3 شهور مره
استخدم الموتر داخل البلد والسفر فقط

[Salamah.y]

السلام عليكم ورحمة الله وبركاته
اسعد الله جميع أوقاتكم بالخير
----
عند استفسار معي gxr 2006 فل كامل
عندي طقه في الجير عند التعشيق ع D
وتجي احيانا طقه مع الغيار الثاني عند التهديه
نبي فزعتكم في الحل
هل تركيب الفرار هو الحل من شان الطقه
وين أحصله بجده وش افضل نوع وكم سعره
علما باني نادر اطلع للبر يمكن كل 3 شهور مره
استخدم الموتر داخل البلد والسفر فقط

شيك على كرسي الكرونه الأمامية
غالباً , يكون سبب الطقه منه , و سعره رخيص

كل التوفيق @~

[AL_MAHROUM]

هل صحيح انك اذا غرزت في البر ودقيت الفرارات انها تعلق او ماتشبك لزم قبل ما تدخل البر وانت مشغلها

[طلال talal]

شيك على كرسي الكرونه الأمامية
غالباً , يكون سبب الطقه منه , و سعره رخيص


يعطيك العافيه اخوي
بنسبه للفرار هل له فايده او لا

[Salamah.y]

شيك على كرسي الكرونه الأمامية
غالباً , يكون سبب الطقه منه , و سعره رخيص


يعطيك العافيه اخوي
بنسبه للفرار هل له فايده او لا

اكيد له فايده , و الا ماكان صنعوه من الأساس
ياطويل العمر فايدته , يفصل دورة الكفرات الامامية عن دورة العكوس
بالتالي , ماراح تدور الكرونه الأمامية , و لا عمود الدبل ~
الفايده : يخف الموتر , و يرتاح من دورة الكرونة الامامية و العمود اللي بدون فايده
يطيل عمر الدفرنس الامامي بمشيئة الله , يقلل من صرفية البنزين
ترتاح من رجة عمود الدبل , و اللي غالباً تكون على سرعات مختلفة بين الثمانين و الـ 120

و الله أعلم @~

[ابن عكاش]

يرفع للفائدة
البنزين مافرق شي يسوى يمكن شي بسيط 30كيلو وحولها
انصح اللي معه شاص او اي جيب تركب عليه الفراراة يركبها

[GMC89]

عندي سؤال الله لا يهينكم ....

هل تركيب الفرار يلغي عصا الدبل الموجوده فالغماره ؟
يعني الدبل ما يشتغل الا اذا حولت ولفيت الفرار ؟

[ابن عكاش]

عندي سؤال الله لا يهينكم ....

هل تركيب الفرار يلغي عصا الدبل الموجوده فالغماره ؟
يعني الدبل ما يشتغل الا اذا حولت ولفيت الفرار ؟
عندي اذا عشقت الدبل والفرارات مفصولة تولع لمبة الدبل بس مايشبك وكنه مفصول ولايتغير شي في عزم السيارة

[GMC89]

لاهنت يالغالي

[صدى الاطلال]

اللي يبي الايسن الاصلية
يطلبها من تبوك
موجودة هناك بالوكالة على كلام احد الاخوان من تبوك قبل فترة