للاهل الخبرة في مكائن السدرك [الأرشيف]

كاشت بدباب

27/05/2012, 02:48 PM

يسعد مساكم ..

كيف اخباركم مع الاختبارات ...

اهم شيئ الاجازة قربت .. http://www.t63ys.com/vb/images/smilies/harhar.gif

تكفون يا شباب والله موتري له سنه من ورشة في ورشة
الموتر ددسن 81 واشتريت مكينة وقير سدرك .
وعندي مشكله
يوم ركبنا المكينة والقير وضبطنا الكراسي
ومابقى الا السلف نركبه
طلع يدقر في الشاصي .
ومحله ضيق http://www.t63ys.com/vb/images/smilies/cry_1.gif

راح شغلنا كله على الفاضي
فكينا المكينة ورجعنا نرهم كراسي من جديد والسلف راكب
بس للاسف السلف باقي يدقر في الشاصي .
حاولنا يمين يسار
مافيه فايده الحل الوحيد نخلي الكراسي رفيعه
لكن هذا بيخلينا نرفع القير
وبنقص من بدي الغمارة وبيطلع القير مرتفع .
وماراح يكون على مستوى الدفرنش راح يكون اعلى منه

http://www.t63ys.com/vb/images/smilies/cry_1.gifhttp://www.t63ys.com/vb/images/smilies/cry_1.gifhttp://www.t63ys.com/vb/images/smilies/cry_1.gifhttp://www.t63ys.com/vb/images/smilies/cry_1.gifhttp://www.t63ys.com/vb/images/smilies/cry_1.gifhttp://www.t63ys.com/vb/images/smilies/cry_1.gif

ولا الحل الثاني نجيب سلف بديل للسلف الاول

تكفووووووون الي عنده خلفيه يفيدني وش السلف الي بيركب ويقوم بالغرض ..
ولا الي عنده ددسن عليها مكينة سدرك يصور لي الكراسي خصوصا من جهة السلف ..

او الحل الاخير انهم راح يدبلون الجلد الي بين البدي والشاصي وراح يكون الموتر مرتفع زياااادة

تكفوووووووووووون انتظركم والله شيبت براسي هالمكينة .http://www.t63ys.com/vb/images/smilies/seko.gif

HAS5SAN

27/05/2012, 05:30 PM

تراني لم أقرأ كل ما كتبت
ولكن رهمنا مكينة سدرك على سوزوكي ساموراي
وافضل قير ضبط معانا هو قير الـ200إل

كاشت بدباب

29/05/2012, 11:46 AM

ماقصرت يالغالي
بس غيرته كامل مع الداير ولا الداير حق سدرك

احلى مزاج

29/05/2012, 04:49 PM

هلا اخوي ركب سلف باثفندر موديل 98 ياباني وادعلي

دحيم الفزعة

29/05/2012, 08:40 PM

السلام عليكم

الحل لمشكلة السلف أنك تسخن الشاصي بالأوكسجين وتضربه لجوا
طريقة مجربه ولا منها خلاف أبدآ

ودمت بود ،،،

كاشت بدباب

31/05/2012, 12:52 PM

هلا اخوي ركب سلف باثفندر موديل 98 ياباني وادعلي

يالغالي طيب وين الآقي السلف ..
تخبر اماكن تبيعه

كاشت بدباب

31/05/2012, 12:53 PM

السلام عليكم

الحل لمشكلة السلف أنك تسخن الشاصي بالأوكسجين وتضربه لجوا
طريقة مجربه ولا منها خلاف أبدآ

ودمت بود ،،،

المشكله يالغالي .
ان السف يدقر في الشاصي من جهت المقص .
يعني بسخن بيكون فيه خلل في الوزنية

عـبـود 911

31/05/2012, 09:13 PM

الظاهر الكرسي المناسب لمكينة السدرك على الددسن هو كرسي مكينة الكرسيدا ..

ما اعرف التفاصيل وهل يركب كرسي الكرسيدا بدون توليف او لازم توليف ..

ولا أدري موديل الكرسيدا كم ..

لكن اسأل اهل الخبرة وبيفيدونك

كاشت بدباب

01/06/2012, 07:38 PM

ماقصرت اخوي عبود ..
ونشوف الشباب

ددسن مسدرك

02/06/2012, 10:02 AM

السلام عليكم ورحمة الله وبركاته ..
الأخ كاشت بدباب أنا أحترم وجهه نظر الأعضاء و لكن لا تسخن الشاصي بأكسجين لأنه إذا طعجته بيصير معرض للكسر و لا تركب قير ٢٠٠ال لأن كفاءة أداء هذا النوع من القيور ضعيفة جدا و القير الممتاز من واقع تجربة قير السدرك و قير الألتيما فقط غيرها ما يتحمل إلى وقت بعيد و أنا مجرب الإثنين كلها. و لا ترفع المكينة عن مستوى الرديتر يعني : لازم يكون الخرطوش اللي فوق يطلع الموية من المكينة و يدخلها بالرديتر في مستوى أفقي و إذا كانت المكينة أرفع من الرديتر بتسبب لك إرتفاع في الحرارة من واقع تجربة طبعا.
ومن ناحية السلف : قير السدرك يجي له نوعين من السلف:
النوع الأول يركب في المكينة مباشرة.
النوع الثاني يركب في القير <<و هذا النوع له مقاسين : سلف صغير و سلف كبير.

حدد الله لا يهينك هل السلف اللي عندك في المكينة أو في القير و إذا تبي تعرف هل هو في المكينة أو في القير :
شف وجه السلف إذا كان متجه للأمام يعني لمقدمة السيارة فهذا في القير و إذا كان متجه لجنب المكينة يعني لجهة الكفر الأمامي الأيسر فهذا في المكينة.

بالنسبة لكراسي المكينة لا تغيرها خلها على كراسي السدرك.

وبالتوفيق...×

ددسن مسدرك

02/06/2012, 10:06 AM

و كل كلامي هذا من تجربة لا أحد يقول لي انت مسويه و الا لا أنا لي ٦ سنوات على ترهيم مكاين السدرك << متعصب سدرك..

كاشت بدباب

04/06/2012, 10:14 AM

ارحب يالعالي
حيا الله الي بيفيدنا
من دون قصور بالاعضاء
السلف الي عندي من جهت المكينة متجه ناحية القير
والي تقصده يركب يركب في القير وراسه متجه ناحيية المكينة
هذا انا جبته مرة بس المكانيكي يقولي ما يركب
وممكن المكانيكي مايعرف وين راسه
انا عرفت الي تقصدة القير الي يحي في الداير حقة فتحه مستطيله للسف
اذا هاذا هو النوع الي تقصد انه يركب
ياليت تقولي يركب على طول مع المكينة اقصد الداير نفسه حق القير الي عندي
وش الفرق في السلف الكبير والصغير
واي نوع منها يركب

ياليت تفيدني في اقرب فرصه موتري على الحفرة والمكينة معلقه

والله تعبت انتظرك يالغالي

ددسن مسدرك

04/06/2012, 02:05 PM

هلا بك يا بعدي..

السلف اللي عندك هذا ما يركب ؛ لأنك تقول أنه متجه لجنب المكينه و هذا بيتعبك يبيلك تقص شاص و تعرض نفسك للخطر .... لكن زي ما قلتلك رح للصناعية و اشتر سلف صغير ( 150 ريال ) بالكثير لا يلعبون عليك.

قول لراعي المحل ( السلف اللي يركب في القير )

للتوضيح : هو مكانه وهو راكب يجي موازي للشاص ..

بالنسبة للداير أتوقع يختلف يبيلك تغيره.

السلف الكبير هو اللي يجي في مكاين السدرك القديمة و هذا ما يركب عندك.

السلف الصغير هو اللي جا في الموديلات الجديدة مثل 98 و 99 و 2000 و هذا بيركب عندك زي الحلاوة بإذن الله.

نصيحة: لا تغير كراسي السدرك.. بمعنى : لا تركب كراسي كراسيدا و لا باثفندر قديم ولا كراون.ولا غيرها . خلها على كراسيها عشان تضبط وزنية المكينة في الكبوت ولا تسبب لك نفضة و تعاني من تقطع الكراسي بشكل مستمر. خصوصا إذا كنت راعي بر.

وبالتوفيق ×

كاشت بدباب

04/06/2012, 04:32 PM

يالغالي يعطيك العافية
يعني القير الي عندي الحين
هو القير الي يركب الي يجي سلفه جنب المكينة
على العموم انا بروح ادور سلف يعني اقول لهم سلف سدرك موديل 2000 الصغير

واذا تخبر لي شي ياليت تراسلني على الخاص لاني في الجنوب وما اعتقد بلقى شيء

ياليت تخدمني يالغالي واكون شاكر لك

انتظر منك رساله على الخاص

كاشت بدباب

04/06/2012, 06:02 PM

يالغالي
انا الحين طاالع من الصناعية
لاسف كل الي لقيتها نوعين نفس الي عندي
نوع ثاني وصورتها لك
اول م ماوصل البيت بنزلك صورها

كاشت بدباب

04/06/2012, 07:43 PM

يالغالي .
انا اليوم رحت الصنآعيه .
ومالقيت الا نوعين سلف للسدرك .
نوع الي يجي السلف راكب في القير من على جنب وهذا يقولون حق الموديلات الجديده
والنتوع الثاني نفس الي عندي يركب عكس اتجاه القير ويجي راكب جنب المكينة ويقولون هذا حق موديلات قديمة

المهم انا صورة النوعين وجبتها لك

1

http://up.arab-x.com/Apr12/euc26674.jpg (http://up.arab-x.com/)

هذا نفس النوع الي عندي ويقولون حق موديلات قديمة .
والصراحه متعبني واعتقد ماله حل ولا يركب من الي فهمته من كلامك

2
http://up.arab-x.com/Apr12/vEM26944.jpg (http://up.arab-x.com/)
هذا النوع الثاني الي يجي راكب في جنب القير ..
ويقولون حق موديلات جديدة
واذا كان هذا الي تقصده على كذا انا راح احتاج استبدل القير او الداير حق القير اذا نفع ..

بس ودي اسالك سوال ..؟
قير الاتيما هو نفس قير السدرك حق الموديلات الجديدة ..
يعني اذا مالقيت قير سدرك جديد او داير حق قير سدرك جديدة
اقدر اركب قير التيما على طول ولا فيه فرق في الداير .؟

وهذي صورة توضح لك المحل الي يدقر فيه السلف الي عندي .
وشوف التعب حتى البدي قصوووه

http://up.arab-x.com/Apr12/aXK27776.jpg (http://up.arab-x.com/)

http://up.arab-x.com/Apr12/d9n27776.jpg (http://up.arab-x.com/)

معليش ازعجناك بس المعذرة والله تعبت وموتري له 3 شهور احاول فيه
اخر شيئ وديته للمكانيكيين ولعبوا فيه

وان شاء الله تساعدني في الحل يالمسدرك

ددسن مسدرك

04/06/2012, 10:56 PM

الله الله وش مسوين هذولي ..

والله معليش.. اللي انت مودي عندهم السيارة دلوووووووووووخ و ما يخافون من الله. وش هالشغل ذا ؟؟ حاسوا لك الموتر حووس حسبي الله عليهم .. حسبي الله ونعم الوكيل.. ليه قصوا الغمارة؟؟ ياخي والله بعض العمال ودك تتوطاهم .. و أنا ما ألومك الصراحة إذا تقول تعبتني المكينة !! المشكلة مهب من المكينة المشكلة من هالأغبياء اللي انت عندهم الموتر..

المهم نعود لمحور حديثنا

يا حبيبي السلف اللي أنا أقصده السلف اللي في الصورة الثانية هذا اللي بيركب صح

وش دعوة يالغالي مافيه ازعاج ولا شي أنا في الخدمة..×

كاشت بدباب

05/06/2012, 01:35 AM

الشكوى لله يالغالي
دامه السلف الثاني الي بيركب
ااجل على كذا يبيلي اغير القير كامل
وبكرة الصباح بطلع التشاليح ادور لي قير موديل 2000
وان شاء الله القى
بس السؤال بيركب على طول
لان موديل المكينة 91

والله يجزاك خير يارب
والله ريحت قلبي

وبكرة ان شاء الله بعطيك خبر في اسعار القير
واذا لقيت شيء بصورة لك
وو

ولد سبيع

05/06/2012, 08:49 AM

السلام عليكم
صباح الخير
اذا سمحتو لي بالمداخله
لاتغير قير ولا تبل داير ولاشي وكل الشغل الي مسوينه الفاشلين غلط
تقص حاجه بسيطه وهي شفت المكان الي يدقر السلف فيه تحته الكمر الي يركب به حامي المكينه من تحت تقص مقدار 5سم وتشييك على السلف واذا ركب والامور تمام تطلع المكينه براء وتركب صاجع لاتقل سماكه عن 5 ملي وتدبل مكان القص بشكل زاويه 90 وتلحم الكراسي مظبوط بعد الوزن ولازم يكون فيه فراغ بجنب السلف والمكينه عموما مقدتر 2 سم دار مادار السلف عموما والاقزوز لازم يقص نفس الطريقه الي عليه الحين وتوزن المكينه من جديد ولو شرحت من اليوم لين بكرى ضروري احد فاهم على شات تجنب المشاكل بعد التشغيل
وين مكانك بعيد عن القصيم
والكلام عن تجربه وانا شغال فيها شخصي وركبت تقريبا 7مكاين على دداسن من 80 الى 97 واظمن انه ماينكسر لحام الكمر مهما كانت سواقتك بالبر

كاشت بدباب

05/06/2012, 10:44 AM

[العالي
لكمر انا شايله الحين
المشاكل صايرة بعد ما شلته
س انا بغير القير
ل راح يركب القير جديد
لا لا
ذ
ا ركب بتنحل مشاكل كثيرة اوه
بواQUOTE=ولد سبيع;8451298]السلام عليكم
صباح الخير
اذا سمحتو لي بالمداخله
لاتغير قير ولا تبل داير ولاشي وكل الشغل الي مسوينه الفاشلين غلط
تقص حاجه بسيطه وهي شفت المكان الي يدقر السلف فيه تحته الكمر الي يركب به حامي المكينه من تحت تقص مقدار 5سم وتشييك على السلف واذا ركب والامور تمام تطلع المكينه براء وتركب صاجع لاتقل سماكه عن 5 ملي وتدبل مكان القص بشكل زاويه 90 وتلحم الكراسي مظبوط بعد الوزن ولازم يكون فيه فراغ بجنب السلف والمكينه عموما مقدتر 2 سم دار مادار السلف عموما والاقزوز لازم يقص نفس الطريقه الي عليه الحين وتوزن المكينه من جديد ولو شرحت من اليوم لين بكرى ضروري احد فاهم على شات تجنب المشاكل بعد التشغيل
وين مكانك بعيد عن القصيم
والكلام عن تجربه وانا شغال فيها شخصي وركبت تقريبا 7مكاين على دداس
ن من 80 الى 97 واظمن انه ماينكسر لحام الكمر مهما كانت سواقتك بالبر[/QUOTE]

ي

كاشت بدباب

05/06/2012, 11:07 AM

القير يركب حق الموديلات الحديدة عقوتتمعذرة اخوي
انا اراسلك من الجوال عشان كذا فيه لخبطة في الرد
انا اقول الكمر الغيته لحين ماتظبط الوزنية
ووبعدها نشوف له حل بس السؤال وش الي يمنع اني اغير القير
ووياليتني حول القصيم بس المشكلة انا في الجنوب
وا

كاشت بدباب

05/06/2012, 11:57 AM

اانا الحين طالع من التشاليح
لقيت القير حق موديل 2000

وطلع الداير نفسه يعني ان شاء الله يركب
وبكرة بيطلع المكانيكي يشوفها

وانا صورتها اول ما اوصل البيت بنزلها ان شاء الله

كاشت بدباب

05/06/2012, 12:52 PM

مساء الخير ...

هذي صور للقيور ..

http://up.arab-x.com/Apr12/2IZ89810.jpg (http://up.arab-x.com/)

http://up.arab-x.com/Apr12/31F89810.jpg (http://up.arab-x.com/)

http://up.arab-x.com/Apr12/T1w89810.jpg (http://up.arab-x.com/)

واخوي ددسن مسدرك هذا القير الي بالصورة الثانية هو الي انت تقصده ...؟

واخوي ولد سبيع هل فيه شيء يمنع اني اركب قير ال 2000 .؟

ددسن مسدرك

05/06/2012, 01:03 PM

ايوه هذا هو اللي بيجي على السلف اللي قلتلك بالضبط

ددسن مسدرك

05/06/2012, 01:07 PM

بالنسبة للقير يالغالي مافي مشكلة تركب أي موديل ...

ترا أنا عندي ددسن مكينة سدرك موديلها 99 و راكب عليها قير 92 يعني عادي أهم شي الداير والسلف و تقدر تركب اي قير حتى قير الألتيما يركب على نفس داير السدرك وهذي أنا مسويها على ددسن ثاني موجود عندي وزي الحلاوه

ددسن مسدرك

05/06/2012, 01:15 PM

الداير اللي انا أقصده هو اللي فيه فتحه مستطيله هذا اشتره و توكل على الله وخذ السلف اللي قلتلك و سم بالله و ركب المكينة

والله يوفقك..

وعلمني وش يصير معك

ولد سبيع

05/06/2012, 02:06 PM

انا جربت داير السدرك الموديل الجديد مايركب الا بقص جزا من الغماره من جه الراكب عند الرجلين
وتكون وزنيه المكينه غير مرتاحه
وطالما الا خ ددسن مسدرك يعطيك راي وانا راي ماراح تطلع بنتيجه
طيب عندك قير موديل قديم طيب فاليكن بنسمع كلام الاخ ددسن مسدرك ليش نغير قير كامل غير داير وسعره من 100 الى 200 ولا فيه داعي يطول كلامنا ونشتت راعي السياره
طيب اخوي بدل الخربطه وتعلم العمال الي عندك ارسل السياره بالبسامي او اي ناقل للقصيم وبتلقى ضالتك فيه اكثر من واحد يشتغل بهن واختصر على نفسك الجهد وانا عن نفسي مستعد ادلك على اكثر من واحد لو حبيت

ددسن مسدرك

05/06/2012, 02:32 PM

اي والله انك صادق بنلخبط الرجال

والله كلامك صح يا ولد سبيع

و يمكن انت أخبر مني

والله لو ترسل الموتر يا كاشت للقصيم والله بنشتغل فيه و بنصلحه و ما عليك إلا تجي تاخذه و تروح عليه للجنوب بإذن الله

سواءا أرسلته لأخوي ولد سبيع في القصيم و الا أرسلته لي بالرياض..

والا أقول يا ولد سبيع ما ودك نروح للرجال في الجنوب نزين له موتره و نتمشى هناك و نرجع .. والله مهب شينة

أجزم بس انت وخلنا نروح له ..

كاشت بدباب

05/06/2012, 02:47 PM

حياكم الله
والله بيطلع علي اغلى من بيع السوق

شحن السيارة للقصيم عطلانه ما تشتغل بحدود ال 1000

واهم شيء انتوا عطوني الكلام الاخير
الداير حق القير الجديد يركب على طول في المكينه صح

هذا اهم شيء عندي

اما الباقي مافيه مشكله

وان شاء الله نبقى على تواصل لين نطلع بنتيجة ايجابية ان شاء الله

والله يعطيكم العافيه

اخوي ولد سبيع انا دورة اليوم داير لحاله ينباع ومالقيت لازم تاخذ القير كامل لان تشاليحنا صغيره
ويالله تلقى الي تبيه

انا لقيت قير كامل مع السلف شكلي بتوكل على الله وباخذه بالرغم انه غالي شوي حسبه لي ب 1200 مع السلف
بس انا خلاص ابي الموتر يخلص في اقرب وقت

ددسن مسدرك

05/06/2012, 02:50 PM

ايه بيركب في المكينه على طول وانصحك خذ القير بدون السلف

ورح اشتر السلف جديد احسن لك

ددسن مسدرك

05/06/2012, 02:53 PM

اهم شي خذ القير بضمان شهر أقل شي

كاشت بدباب

05/06/2012, 02:55 PM

اجل بنتوكل على الرحمن
وباخذ هالقير الي في الصورة وباخذ السلف جديد اصلي ب 300
وان شاء ارد لكم خبر الخميس

واخوي ولد سبيع

لا تشيل هم الموتر هو مقصقص من كل مكان
خخخخخخخخخخخخخخخخخحخخ

وجعل عيني ما تبكيكم والله

كاشت بدباب

05/06/2012, 02:56 PM

افا عليك لا توصي

ددسن مسدرك

05/06/2012, 02:58 PM

لا تنسى خذ القير الثاني اللي فيه فتحه في الداير لا تنسى

كاشت بدباب

05/06/2012, 03:15 PM

اكيد باخذ ابو فتحه
لان الاول الي مافيه فتحه هو نفس القير الي عندي الحين الي مسوي لي مشاكل

ددسن مسدرك

07/06/2012, 09:01 PM

يا كاشت
يالحبيب

وش صار معك ؟؟

وش سويت؟؟؟

كاشت بدباب

08/06/2012, 06:58 PM

هلا وغلا ..
والله امس راح يومي ادور قير في التشاليح .

واخيرا لقيت وآحد نظيف والحمد لله أخذته بـ 1200
ويوم الجاي ان شاء الله بنرجع ننزل المكينه والقير ونطبقها

الحفرة الي عند المكانيكي مشغووله الحين ..

ولا تخافون ببقى معكم متواصل وبالصور بعد ان شاء الله والحمد لله الامور طيبه

وماقصرت اخوي مسسسدرك
على الاهتمام وبيض الله وجهك ..