حراره السدرك

[الدوادمي506]

سلام عليكم

عندي مشكله بموتري باثفندر موديل قديم مركب له مكينه سدرك

والاديتر نفس حق اللددسن والمراوح كهرب وحرارته مع الزحمات توصل النص

وش تتوقعون مشكلته وللمعلوميه الاديتر مصيخ والمراوح كهرب بس مهيب سوبارو تتوقعون لازم سوبارو ولا لازم اديتر ثاني


:D

[عالي الكيف]

شيك على كاتش المروحه اولأ

وثانيأ صيخ الاديتر

وان شاء الله تنحل مشكلتك

[ددسن مسدرك]

أي كلتش الله يجزاك خير الرجال يقولك مراوح كهرب

[ددسن مسدرك]

والأديتر يقولك الرجال مصيخ

أخوي عالي الكيف أنت وش تحس به ههههههههههههههه الله يسعدك

[الدوادمي506]

اخوي ددسن مسدرك حبيت اعرف الاديتر حقك هو حق ددسن ولا اديتر ثاني

[ددسن مسدرك]

والله يا حبيبي الأديتر اللي عندي حق الددسن شد بلد

لكن أنت الباثفندر اللي معك كم موديله؟؟؟ وشكمانه هل هو شكمان الوكاله؟؟؟؟المراوح وش نوووعها وكم مروحة وحدة والا مروحتين؟؟؟؟

[الدوادمي506]

الموديل 90 الشكمان وكاله وشكمانه نفس حق الددسن اتوقع والمراوح مدري وش نوعها بس وحده كبيرره ووحده صغيره مره وسرعه وحده والموتر بدون بلف


تراني عفت الترهيم من كثر المشاكل تكفى شف لي حل بالحراره

[الدوادمي506]

والمراوح حقتك كبار ولا صغار ولا وحده كبيره ووحده صغيره

[ددسن مسدرك]

شوف يالغالي بالنسبة للشكمان لازم تغيره ركب شكمان ٢ بوصة تفصيل و أهم شي أنتبه لا يلعبون عليك خله يجيب ماصوره وحده و يطعّجها ولا يركب لك كم ماصوره بالتلحيم يعني تصير ماصوره وحده معفطة تعفيط بس إلى آخر السيارة لأن مكينه السدرك ٦ سلندر ودفع الهوا أكبر من دفع مكينة الددسن وماصورة الددسن ١ بوصة فاحتمال تكون هالحراره منها لأنها كاتمة المكينه و ترا سعرها حوالي ١٥٠ ريال لا يلعبون...والشي الثاني المراوح تختلف فيه نوعيات كهرب بس رديئة بالحيل و المراوح الكهرب أحسن شي هي مراوح السبارو بعدها تجي مراوح المرسيدس والمكسيما لكن السبارو أفضلها ... والشي الثالث روح لقطع غيار مرسيدس و اشتر موية رديتر حق مرسيدس الأصلي سعرها تقريبا ٨٠ ريال لونه كحلي خذ لك علبتين بعدين فرغ الموية اللي عندك بالرديتر كلها بعدين حط موية المرسيدس و كملها بالماء المقطر الين يمتلي الرديتر و إذا قدرت تركب مراوح السبارو يا سلام ..

تقول كرهت الترهيم !!!! للمعلومية ترا مكينة السدرك بغض النظر عن قوة العزم إلا أنها من أصبر و أفضل مكاين الترهيم ..

هذا اللي عندي و أسأل الله أن يوفقك لما يحب و يرضى..

واي سؤال ثاني حنا مستعدين ..

[الدوادمي506]

القزوز حقت سدرك بس ملحم بشكمان الوكاله ومراوح السوبارو حقتك كبار ولا صغار ووين المحل اللي ب150ريال يفصل ماصوره


ايه والله ان الترهيم مشاكله وااجد اصوات وتهريب زيوت وعندي القير مخبط معد فيه الا ثاني وثالث والله يعين اذا كنت تخبر لي قير سدرك عطني خبر

الله لايهينك رد على كل اسئلتي اذا ماعليك تعب

[ددسن مسدرك]

القزوز أكيد أنها حقت سدرك ما فيها كلام يا أبوي ... بس الكلام على الشكمان غيره والمحلات تلقاهم بالصناعية القديمة إذا كنت من اهل الرياض أكثر ما كثر الله محلات الشكامين مر عليهم واسأل سبعطعشر ألف محل و بعدين رح لأرخصهم ...×المراوح اللي عندي سبارو صغار.. بالنسبة للقيور.. أعرف قيور سدرك و ألتيما كثيرة و مضمونة بعد ...

س سؤال / أنت شاري الموتر مرهم جاهز ؟؟؟

[ابوحفصه]

القزوز حقت سدرك بس ملحم بشكمان الوكاله ومراوح السوبارو حقتك كبار ولا صغار ووين المحل اللي ب150ريال يفصل ماصوره


ايه والله ان الترهيم مشاكله وااجد اصوات وتهريب زيوت وعندي القير مخبط معد فيه الا ثاني وثالث والله يعين اذا كنت تخبر لي قير سدرك عطني خبر

الله لايهينك رد على كل اسئلتي اذا ماعليك تعب

هذا سبب رفع الحرارة انك ماتمشي الا بثالث المكينة تحن وترتفع الحرارة

[الدوادمي506]

لا حتى لو انا بزحمه ومرتاح الموتر ما احنه يحتر


وانا ساكن بالرياض والمراوح بركبها ان شاء الله على كم اسعار قيور السدرك تراني ادور قير باللي هو به رحت للصناعيه القديمه لقيتها فوق ال 1000 قلت تبطي اشتريه نصابين



لا انا اللي مرهمه والموتر مع الوالد من الوكاله

[ددسن مسدرك]

طيب ترا سعر القير اللي انت تقول زين مررره و رخيص ١٠٠٠ ريال أرخص شي ما شاء الله أبد اشتره تراه رخيص القيور اللي انا اعرفها على ١٥٠٠ و ١٨٠٠ .

[ددسن مسدرك]

س سؤال / من الورشه اللي انت مرهمه عنده لأن بعض الورش عساك سالم؟؟

[الدوادمي506]

اذا كان عندك ايميل ياليت تضيفني اباخذ منك معلومات واعطيك معلومات لين تنحل المشاكل


s3edan_1125@hotmail.com