استفسـار بشأن تركيب مكينه كابرس 5.7 لتر على ربع سفاري

[سلطان2112]

السلام عليكم
عندي كابرس 96

ولا احتاجه .. افكر انزل مكينته واركبها على سفاري ربع


رآيكـم ؟
وخبرتكم ؟

[abo naser 1]

السلام عليكم

المشكلة ماهي في المكينة المشكلة بملحقات المكينة وبعدين مكينة LT1 ثقيلة ومشاكل كهرباء وماهي ذاك الزود على النيسان وما تسوى ترهيمها

ترى الملحقات اغلى من سعر المكينة بثلاث مرات مثلاً قيمة LS1 النظيفه الي ((عليها الكلام وممشى قليل ونادره)) من 6 الف وطالع بس بعد التركيب بيطلع عليك الأجمالي للشغل والقطع الممتازة بحدود 22000 الف

[سلطان2112]

كم توقع تكلفه الشغل

الملحقات .. وش تقصد ؟

المكينه موجوده بسياره كابرس 96 بجميع ملحقاتها .. ابشلح الكابرس

[قدر مكتوب]

اخوي مكينه الكابرس القديم 96 يسمونها LT ومكاين الكابرس الجديد من 2000 وطالع الى 2006 يسمونها LS1

مكينة الكابرس القديم مقارنة مع الجديد تعتبر خساره تركبها لسبب ان طريقة التركيب واحده
حيث ان كلا المكاينتين يلزم لها فرز ظفيره وكمبيوتر مع برمجة
وكلها ايضا يلزمها تحويلة بين القير والمكينة الجديده سواء LT او LS1
وكلها يلزمها هيدرز حيث ان قزوز مكاين الامريكي يضرب بشاصي الباترول ولا تركب لذلك تبي تفصل هيدرز كامل من المكينة للشكمان لان الاكزوست سيستم للباترول لابد من الغائه كامل
وكلها يلزمها دينمو وسلف وتوليف لدينمو المكيف

وكلها يلزمها مرواح كهرباء وتسليك لها

وكلها يلزمها كلتش امريكي

فمدام ان كلها نفس الشغل واسعار المكاين متقارب ليه ماتركب LS1 اوقوى بفرق كبير ومكينه المنيوم بالكامل يعني بارده مره



في الاخير نصيحة من مجرب ومن اخو لاخوه اذا انت مانت صاحب فك وربط بيدك وعندك ورشة ابعد عن هالموال لان في البدايه المشروع جميل بس بالاخير تبي تكره الموتر من كثر مايتعطل عليك واترك كلام الناس اللي يقول لك احرص على الشغل وعند فلان وعند غيره
اي موتر مرهم لابد يخرب لان حجم المكينه كبير على القير والدفرنسات فطبيعي بعد كم جلده للموتر يبي يخرب واذا خرب مانت صاير طعم للورش اللي غالب اصحابها مايخاف الله

[سلطان2112]

اخوي مكينه الكابرس القديم 96 يسمونها LT ومكاين الكابرس الجديد من 2000 وطالع الى 2006 يسمونها LS1

مكينة الكابرس القديم مقارنة مع الجديد تعتبر خساره تركبها لسبب ان طريقة التركيب واحده
حيث ان كلا المكاينتين يلزم لها فرز ظفيره وكمبيوتر مع برمجة
وكلها ايضا يلزمها تحويلة بين القير والمكينة الجديده سواء LT او LS1
وكلها يلزمها هيدرز حيث ان قزوز مكاين الامريكي يضرب بشاصي الباترول ولا تركب لذلك تبي تفصل هيدرز كامل من المكينة للشكمان لان الاكزوست سيستم للباترول لابد من الغائه كامل
وكلها يلزمها دينمو وسلف وتوليف لدينمو المكيف

وكلها يلزمها مرواح كهرباء وتسليك لها

وكلها يلزمها كلتش امريكي

فمدام ان كلها نفس الشغل واسعار المكاين متقارب ليه ماتركب LS1 اوقوى بفرق كبير ومكينه المنيوم بالكامل يعني بارده مره



في الاخير نصيحة من مجرب ومن اخو لاخوه اذا انت مانت صاحب فك وربط بيدك وعندك ورشة ابعد عن هالموال لان في البدايه المشروع جميل بس بالاخير تبي تكره الموتر من كثر مايتعطل عليك واترك كلام الناس اللي يقول لك احرص على الشغل وعند فلان وعند غيره
اي موتر مرهم لابد يخرب لان حجم المكينه كبير على القير والدفرنسات فطبيعي بعد كم جلده للموتر يبي يخرب واذا خرب مانت صاير طعم للورش اللي غالب اصحابها مايخاف الله


كلامك بمحله .. بيضك االله وجهك

مادام بها كل يوم عطال وفك الكبوت وسكر الكبوت .. هونا

[كبسولة2]

نصيييييييييييحة أبعد عن الخسااااااااااااااير وعواااااار الرأس

[سلطان2112]

نصيييييييييييحة أبعد عن الخسااااااااااااااير وعواااااار الرأس


لا لا هونا
بعد رد ( قدر مكتوب ) عطاني فكره كامله الله يجزاك خير



ركب نزل .. غير .. حط .. تهريب زيت .. هذا يركب .. هذا مايركب :D

[Magellan]

خجمه مكينه وتبي تركبه على خجمة موتر
فما اعتقد فيه خساير
الانسان الناجح هو اللي يقدر يحّول افكاره مشاريع
ولاينتكس من اول خطوة
عليك ان تصبر وتستشير اهل العرف ولايمنع التجربة
ترى هاللي تشوفهم يسمون كباتن كم مره توهقوا وكم مره فشلوا
ولواخذوا بالرأي ماكان رهموا هالمواتر اللي تشوفها

[Hwer]

عندي موتر مرهم ربع تايوتا موديل 85 عليه مكينة كابرس 2009 سته لتر وبنصحك نصائح يمكن تنفعك
اولا اذا عندك خبره والمام تصلح بعض الاعطال بنفسك فرهم مكينه
ثانيا ابعد عن مكاين الامريكي ولو انها تملك قوة هائله لانها مكاين مزاجيه
بمعني تشغلها صافيه وتطفي وتشغل بعد خمس دقايق تحصلها تفتف
ثالثا ابحث عن واحد له خبره بالترهيم ولو انه غالي لانه بيختصرلك ويوفرلك فلوس
واصحاب الخبره ينطبق عليهم المثل الي يقول العود من اول ركزه
رابعا اذا تبي نصيحتي رهم مكينة لكزس اذا استخدامك يومي لانها مكينه صبوره ورخيصه وهاديه

[سلطان2112]

مكينه الكابرس .. مشهود لها بالخرابات .. ديلكو .. تهريب زيوت .. حراره .. آلخ ..

كيف عاد اذا رهمتها على سياره ثانيه

بس اني معجب بالسفاري الربع 95/ 96 / 97 وطرت علي اخذ واحد وانزل عليه مكينه الكابرس

[قدر مكتوب]

مكينه الكابرس .. مشهود لها بالخرابات .. ديلكو .. تهريب زيوت .. حراره .. آلخ ..

كيف عاد اذا رهمتها على سياره ثانيه

بس اني معجب بالسفاري الربع 95/ 96 / 97 وطرت علي اخذ واحد وانزل عليه مكينه الكابرس


جبت بيت القصيد , وفي اعتقادي ان افضل مكينة للباترول من سعر وقوه هي مكينة 4500 بخاخ مع شوية تعديلات تبي تقضي اللزوم وتطيب الخاطر يكفي اقل شي للنيسان

[مواسي الطعوس]

4500 بخاخ ناجحه على موديلات 97 وتحت ((محشوره + البدي خفيف..مقارنه مع الشكل الجديد))
وماكينه بلا قص بلا تحويلات .

[سلطان2112]

4500 بخاخ قصدكم مكينه السفاري شد البلد الي بخاخ من موديل 94 الى 97 ؟

توقعون مايحتاج ترهيم وشيل وحط ؟

لمسات خفيفه مثل اسلاك بواجي .. وبواجي ليزر .. ودبه يوكن ؟ تكفي عن الترهيم حسب خبرتكم ؟

[مواسي الطعوس]

4500 ماكينة الصالون من 98 الى 2001 . والربع والحوض من 2004 وطالع .

__ 97 ماكينته 4200 بخاخ ...وظفيرتها معقده ماهي زي ال 98 .

[قدر مكتوب]

4500 بخاخ قصدكم مكينه السفاري شد البلد الي بخاخ من موديل 94 الى 97 ؟

توقعون مايحتاج ترهيم وشيل وحط ؟

لمسات خفيفه مثل اسلاك بواجي .. وبواجي ليزر .. ودبه يوكن ؟ تكفي عن الترهيم حسب خبرتكم ؟


لا يااخوي اقصد مكينة الباترول من 2004 وطالع الربع والصالون اعتقد جت من موديل 98 وطالع فل كامل تجي 4500 بس تاكد انها بخاخ قبل تشتري ومعها كمبيوترها وظفيرتها كاملة تسقط على كراسي القديمة ولا تحويلة ولا هم والعب شوي فيها وتطلع تقضي لزمك ولا تفشلك زي مكينة 4200 القديمة

لمسات خفيفة مثل اسلاك بواجي وهديرز كامل وتغيير بطرمبة البنزين وتعديل بالبرمجة عن طريق قطعة صغيرة تركبها وتفكها متي مابغيت او تركب كمبيوتر ترهيم مثل موتك او هالتك وتطلع مافي قلب المكينة ولو دراهمك زايدة عمود على المكينة وتاخذ كل اللي فيها من عزم ولو تبي تزود MSD للكهرباء ومرواح كهرباء الشغل واجد وحسب دراهمك ولكن تبقة انها بلا بلاوي الترهيم وشغلانته يعني لو خربطت فيها تبي مكينة نيسان باترول وتركب على طول وكلن يعرف يشتغل فيها وتنجح بفحص وغيره , يعني لو يبي يدقق المرور بالفحص الدوري كل هالمرهمات اللي تشوف مانجح منهن شي بالفحص لين يفك المكينة ويرجع البلد مثل شغل الامارات بالضبط شف شغلهم كلة بمكاين النيسان لان المرور احيان يفحص السيارات اذا المكينة مو من نفس ماركة السيارة ترسب ولا تجدد لها

[سلطان2112]

يمال العافيه ..

الظاهر ابختصرها على مكينه شد بلد بخاخ الي يجي طلبونه 200 موديل 95 / 96 / 97
واسلاك بواجي وهدرز وكم شغله

[You Like Me]

اذا ناوي بتغير المكينة وبتخسر حطه في شي يستاهل
ركب 4500 من مديل 2006 وفوق عطها هدرز وفلتر فقط لا اسلاك ولا غيره .
واترك عنك 95/96/97

[كيري ميري]

8 سرندل ماتقل عن 20 الف.مكيف شغال وشغل تمام

[عصاقيل الدخله]

ما ازيد على كلام الاخوان

انا عندي مرهمين واحد سحب والثاني استخدام يومي كلها ls1 الحمد لله هي سالكه لكن تواجهك احياناً بعض الخرابات البسيطه اذا منت راعي فك وربط لو امور بسيطه ما انصحك لانه تحتاج بعض الخبره ... والله يسهل امرك