ليش الباترول الكلبريتر انشط من البخاخ ؟؟!!

[sgl2002]

من خلال تجربتي لاكثر من باترول ربع من 98 وفوق الكلبريتر والبخاخ ، لاحظت ان الباترول الكلبريتر انشط

يعني الباترول الكلبريتر يطق طبلونه على الخط على طول والبخاخ ثقيل ولو لقاك الهواء في الخط مايعدي 150

في النفود الكلبريتر اذا دعست له ب2 بدون دبل مايبرد عزمه حتى لو غرز يقد يفاحط ، والبخاخ اول مايطب بتغريزه تشوف الدعسه تتباطأ الين مايغرز ويطفا وطبعا الكلام هذا بدون دبل

فما هو السبب ، هل للدبه اللي تجي في الاخير في البخاخ ولاتجي في الكلبريتر لها دور؟؟


طبعا المواتر اللي اتكلم عنها شد بلد ولا مسمار مغير فيها وصافيه مافيها مشاكل
لان بعض البترولات فيها مشكلة تؤثر على العزم ويجي البعض يحكم عليها من تجربتها ولا يجرب غيرها

×

[ملك الفكتوريا]

بصراحة مدري لكن عز الله ان الباترول موتر

[أبوعلي 503]

هلا بك أخوي

أنا قريت موضوعك بالأيفون بس ماأقدر أرد عليك فذهب للكمبيوتر كي أرد عليك وتحمست من الموضوع
وحبيت أعطيك تجربتي للباترول اللي معي .

أنا معي باترول ربع 2003 كلبليتر ما شاء الله يطربك بالثاني ويصفط 200 بالراحة أعرف أني أقوم على الباترول السلقة الجديد بالراحة
أخوياي ما صدقو يقلون موترك معدل . وهو شد بلد
موتري 4500
طبعاً الكلبليتر يجي نوعين قوة 4500 و 4200

وهاذي تجربتي أنا

أذكرو الله
لاإله إلا الله

[YUKON_GMC]

البخاخ فيه نظام توفير الوقود والكبليتر مافيه هالنظام والتالي الكبيلتر يعطي عزم لكن على حساب صرفية البنزين

لكن بحكم تجربتي للنسيان 4 ابواب من 90 حتى 97 والتايوتا الفكس ار 93 فكلهم فيهم رداءة العزم بالنفود ولايطلع الا بالثقيل ومع المراقي بالدبل الخفيف ماينفع بريال

عكس لما جربت اليوكن مكينة فورتك 5700 يطربك بالنفود والمراقي ولايوقف من رادءة العزم اما يطلع والا يغرز و بالدبل الخفيف حتى انك تنسى ان فيه دبل ثقيل لأنك ماتحتاجه ابد

[sgl2002]

اشكر مروركم ،،

بالنسبة لابو علي فانت متوافق معي ونصيحه لاتبيع موترك اذا كلبريتره صافي، وهذا انا بعت ٩٨ وتحسفت واعظ اصابع الندم مع ان اللي معي ماهو مقصر ، وترى صرفية البنزين ما هنا فرق بينهم

اما بالنسبة لك ياخوي يوكن فهناك فرق كبير بين الياباني والامريكي،

الياباني بالدبل الخفيف يبرد عزمه ، الامريكي ماشاء الله مايبرد

[الدوسري2010]

الحقيقه كلامك صحيح أنا جربت باترول ٩٣ أنشده انه سياره بالبر وجربت ٢٠٠٧ في الدهنا بالتحديد نقا الجمل ماقدر يتعدى النص