شباب مين جرب ربع باترول نيسان2012؟

[قناص الجنوب11]

كيف فعله بالبر؟

[لاتكب البيالة]

اذا صار الصالون ما شاء الله ما يعوقه شي فما بالك بالربع

[السليطين]

اذا كان القديم ومكينته 4200 لتر مايرده شئ . اكيد هذا مصيبه من مصيبات الزماني

ملك الصحراء

[ذيب زلفاوي]

يكفي تشوف بعض المرهمات يركبون مكينة فتك

شلون اذا صارت وكاله تصير مرهم بس بدون خرابات

[sgl2002]

انا اللي معي ٤٥٠٠ ١٢ بلف ومايرده شي

فكيف الفتك

انا شفته بالنفود ماشاء الله بثنين ولا يبرد عزمه

[صياد الجبل]

في البر خذ موتر

لكن بالضلوع لا

[HAS5SAN]

المكينة موجوده من عام 2002
إلي الآن لم يجد القبول بسبب سعره
ولا هو يطربك بلاشك انا عندي موديل 91
شوية تعديلات وانا اشهد انه خويك في الطعوس

[تميم2222]

الله يرحم ربع التويوتا بيروح طعام جحوش قدام نيسان 2012 وتذكر كلامي!!

[مواسي الطعوس]

** اللي يقول الماكينه من 2002 ...لكن على الصالون ؟؟؟

*** على الربع بس 2012 م,,,,,ولم ينزل في السعوديه الى الان .

** لم ينجح في السعوديه ؟؟؟ كيف الحال ؟؟؟؟


*** الماكينه هي اغلى ماكينه في السوق تصل الى 25000 الف بالراحه والسبب نجاحها الهائل وقوتها واقتصاديتها .

[محرين باالخير]

ياخوي الموتر مافيه كلام بس المشكله كم سعره !!!!

[اسبيدر مان]

اولا السياره دفرنسات اماميه وخلفيه + يايات وهذي الميزه انقطعت في اغلب السيارات
الدبل عصا وايضا هذه الميزه انقطعت في اغلب السيارات مع انه مافيه فرق من حيث الاداء لكن يبقى الدبل العصا له متعه
المكينه من اقوى المكاين في فئة الجيوب السته سرندل والمكينه صبوره وقويه يعيبها صرف البنزين الزايد شوي
والسياره مشهوره وكل يعرف يسوي لها صيانه والقطع متوفره مثل الددسن او اكثر
ايضا قطع التزويد والبرمجه متوفره بشكل ممتاز
وفي الاخير السياره يابانيه الاصل والمنشاء
والله يكتب لك الى فيه الخير

[Shqra]

اذا كان القديم ومكينته 4200 لتر مايرده شئ . اكيد هذا مصيبه من مصيبات الزماني

ملك الصحراء

كيف حالك يالطيب 4200 لتر ولا مكينة باخرة !
تقصد سي سي حجم السلندرات ..

ع العموم الموتر الباترول القصير من أقوى وأحلى المواتر شكلا مصمم للبر خلافا للتويوتا الربع فشكله وتصميمه لا أراه عصريا وذلك لأنه من موديلات السبعينات وهو بنفس الشكل بتغييرات طفيفه ، لكن الباترول يعتبر عصري وجديد كتصميم .

السلبيات:
1- سعر مرتفع
2- خدمة مابعد البيع سيئة

والله الموفق

[PHANTOOM]

** اللي يقول الماكينه من 2002 ...لكن على الصالون ؟؟؟

*** على الربع بس 2012 م,,,,,ولم ينزل في السعوديه الى الان .

** لم ينجح في السعوديه ؟؟؟ كيف الحال ؟؟؟؟


*** الماكينه هي اغلى ماكينه في السوق تصل الى 25000 الف بالراحه والسبب نجاحها الهائل وقوتها واقتصاديتها .
اما اقتصاديتها ذي انقزها مع احترامي الشديد لك يبيلك تشتري محطة مع ذالمكينة
مكينة جبارة وفيه اعجاز هندسي من قبل شركة نيسان لكن فيها عيوب.
وغلائها سببه ندرتها

[HCW]

اما اقتصاديتها ذي انقزها مع احترامي الشديد لك يبيلك تشتري محطة مع ذالمكينة
مكينة جبارة وفيه اعجاز هندسي من قبل شركة نيسان لكن فيها عيوب.
وغلائها سببه ندرتها

اذكرلي عيوب مكينة الباترول غير مسامير الثلاجة؟

[قناص 28 عفيف]

^^
مسامير الثلاجه في التايوتا الشاص والربع والفورتنشر والبرادو
اما النيسان تلافو المشكله خلاص

[sgl2002]

اما اقتصاديتها ذي انقزها مع احترامي الشديد لك يبيلك تشتري محطة مع ذالمكينة
مكينة جبارة وفيه اعجاز هندسي من قبل شركة نيسان لكن فيها عيوب.
وغلائها سببه ندرتها


انا ادري انك من ضمن الناس اللي يسمعون بس ان الباترول يصرف بنزين ولا جربته

انا كان معي شاص ، والتانكي الواحد يمشي 350 كيلو والباترول 450 ،، من اللي يصرف الحين ؟؟

ترى صرفية الباترول انا معك من تحت 97 ، لكن من 98 وفوق عز الله انه ازين من الجيوب الباقية

[اسبيدر مان]

انا ادري انك من ضمن الناس اللي يسمعون بس ان الباترول يصرف بنزين ولا جربته

انا كان معي شاص ، والتانكي الواحد يمشي 350 كيلو والباترول 450 ،، من اللي يصرف الحين ؟؟

ترى صرفية الباترول انا معك من تحت 97 ، لكن من 98 وفوق عز الله انه ازين من الجيوب الباقية

ياالغالي ماعليش الفتك يصرف
طلعت من الرياض ابي المدينه على فتك 2009 كان توه جديد السرعه مابين 160 و 170 وياله دخلن القصيم في محافظه البكيريه طبعا البنزين 91
لكن هذا بنسبه لي مايئثر ولا يمنع من امتلاك السياره لان البنزين ياالله لك الحمد رخيص وفل الفتك 60 ريال بنزين 91 والفتك مميزاته اكثر من عيوبه رغم ان عيوبه بسيطه ومحلوله

[قناص 28 عفيف]

^^
السرعه لها دور والهوا بعد

[مواسي الطعوس]

- ماتحكم عاى موتر الا معك موتر ثاني في نفس المشوار .....وتعرف قيمة الفتك .

[PHANTOOM]

انا ادري انك من ضمن الناس اللي يسمعون بس ان الباترول يصرف بنزين ولا جربته

انا كان معي شاص ، والتانكي الواحد يمشي 350 كيلو والباترول 450 ،، من اللي يصرف الحين ؟؟

ترى صرفية الباترول انا معك من تحت 97 ، لكن من 98 وفوق عز الله انه ازين من الجيوب الباقية


المشكلة انك اكدت اني من اللي يسمعون بالباترول ولا جربوه وكأنك واحد من اخواني ولا من اصدقائي علشان تجزم بهالمعلومة .

اخوي اولاً المكينة هذي نزلت من 2002 وكان عندنا 2003 سوبر سفاري وهذا كان موتر الوالد الله يطول عمره وجربنا الموتر سفر وديره وكان فيه صرفيه مو طبيعيه .
ارجوك لا تجزم عليه شي انت ما تملك دليل عليه واعتقد الجميع يعرف بصرفية الباترول والحكم على صرفية الباترول لما تسافر فيه خارج المملكة وتحديداً الاردن هناك غلاة البنزين تخليك تميز الموتر اللي يصرف واللي ما يصرف .

وترى جيوب تيوتا الـ 6 سلندر مهي بعيدة عن صرفية الباترول واعتقادي انها بسبب صغر سعة المكينة مقارنة بوزن السيارة ومقاومتها للهواء .

اجمل تحيه لك

[PHANTOOM]

اذكرلي عيوب مكينة الباترول غير مسامير الثلاجة؟

اخي الكريم انا قصدي من ذكر ان لهذه المكينة عيوب هو انه لن تجد عمل متكامل ميه بالميه
مثل ما للمكينة هذي عيوب تلقى بمكاين تيوتا عيوب ومكاين الامريكي عيوب وفيها مميزات وفي غيرها مميزات
من ناحيتي من اشد المعجبين بهذي المكينة وخصوصاً قدرتها على تحمل تعديلات تصل الى ارقام احصنة خياليه بعكس مكاين السته سلندر الباقية

[ابو شريفة]

السلام عليكم ورحمه الله وبركآته

اسعد الله مسآكم جميعاً ، حبيت اشاركم بخصوص صرفيه البنزين وكذا..
معي باترول ربع مديلة2009 مشيت من القصيم ففلت وامشي ميه واربعين من بريده والهوا كان مناطحني وقوي يوم الخميس الضهر والمكيف ماطفى وصلت الرياض تمنيت اني مصورة عشان اوريكم تحت النصف بشوي. فللت ورجعت بنفس اليوم يعني ما اخذت بالرياض ولا سآعه ومن اول محطة وانت طالع من الرياض الين وصلت القصيم والسرعه كما سبق ميه واربعين تحت النصف بشوي ، بالرجعه وفر اكثر بنزين من يوم كنت جاي. صرفيته معقولة جداً علماً انه كان معي هلكس 2010 غمارة كنت لازم اوقف افلل من العتش لاني امشي 180 اذا ماعبيت من العتش كملت مشواري تأشيرة. وكان معي ربع 2008 تايوتا نفس صرفيت الباترول بالظبط مايفرق
دمتم سالمين

[العتيبي 88]

السلام عليكم بخصوص صرفية البنزين موتري 98 بخاخ ،، 315 كيلو نصف تانكي .. ومجرب نفس المسافه تويوتا نصف تانكي مافيه فرق ..

[مواسي الطعوس]

السلام عليكم بخصوص صرفية البنزين موتري 98 بخاخ ،، 315 كيلو نصف تانكي .. ومجرب نفس المسافه تويوتا نصف تانكي مافيه فرق ..

**********************************

-- التويوتا اذا نزل عن النصف ((خلص التانكي))

--والنيسان النصف الاول اقل من النصف الاخير .

[abo naser 1]

السلام عليكم

يا جماعة الخير اصرفو لنا حبة محرك فتك جديد نحطة في بطن خريفيش ومستعدين نتحمل البنزين لو ما يمشي الا 100 كيلو الشي الوحيد الي سعره مناسب بها الديرة هو البترول أكبر مصدر للنفط ومالهم منة والباقي زيادة في زيادة بدون نقصان

فساد X فساد


اجانب ومتخلفين X ومسئولين فاسدين X وتجار جشعين

[سعد العامري]

انسوا الرباضات والطعوس الكايدة مع الربع الفتك 2012

[محامي وراط]

السلام عليكم ورحمة الله وبركاته ،،


اسعد الله مسائكم جميعا ،،


باختصار لكل من يقول الفتك ( 4800 )


يصرف بنزين اقوله :


1- يا أن موترك فيه بلاء ؟؟
2- او مسقط هدرز ( 3.5 بوصة ) + فلتر k&N


3- او ما عندك ساالفة ( تسمع الناس تقول يصرف وتصدقهم )


من واقع تجربة على فتك وكالة 2009


( فقط مركب له فرارات برازيلية وارد السلمياني والباقي على وضع الوكالة )


جربته من الرياض - المدينة + المكيف( قدام ووراء ) شغال + هواء خفيف


مشاني التانكي الاول = 600 كم وباقي فيه


نوع البنزين : 91 أخضر
السرعة : 140 كم /ساعة


وللمعلومية : التانكيين وهي فاضية ومولعة لمبتها عبيتها


بــ = 56 ريال فقط ،،



ولو مشيت بدون ما اعبيه يوصلني للمدينة بالراحة على نفس السرعة المذكورة بالاعلى ولكن باستخدام التانكي الثاني ،،


انا اتوقع والله اعلم ان صرفية الباترول من 97 وتحت ،،


والباقي سلامتكم ،،