*** يوكون 2002 يشرق وكأنه يبغى يطفي أول ما أشغله وهو بارد ***

[ريان2002]

السلام عليكم ورحمة الله وبركاته
عندي سلمكم الله يوكون 2002 سعودي كان فيه مشكله تتمثل في مايلي
إذا كان بارد وجيت أشغله يشتغل معي من أول نقره بس يقعد يتفتف كأنه مشرق لمدة ثانيتين وبعدها يصفى وأيضاً إذا كنت واقف وهو في الدي حتى لو كان جاي من مشوار أو واقف عند إشارة يكون فيه نفظه ( رجفه ) وتختفي إذا حطيته في ال N
حصلت معي المشكله قبل كذا وحطيت منظف بخاخات من موتر كرفت وضبظ لمده 6 أشهر تقريباً
ورجعت المشكله قبل أسبوع تقريباً وقبل يومين حطيت نفس المنظف فأختفت التفتفه وبقيت المشكلة التي في بداية التشغيل
الطرمبة ممتازة وفلتر البنزين نظيف فمن لديه فكره أو حل أتمنى أن يطرحه والمشكله واضحه بأنها قطعة بنزين يعني مالها دخل بالحساسات
وسلامتكم جميعاً

[أبوعابر]

تأكد من البواجي ترا تسبب نفس المشكله

[ريان2002]

مالك لو أخوي الكريم أبو عابر
البواجي مامشت ولا خمسه آلاف وأسلاكها ممتازه ولو المشكله منها كان التفتفه وهو في ال D ما أختفت بعد ماحطيت منظف البخاخات
واضح إنها قطعة بنزين ماهي قطعة كهرب بارك الله فيك

[سواح الحجاز]

تراني غشيم
بس تاكد من طرمبة البنزين

[ريان2002]

جعلك سالم أخي الكريم سواح الحجاز
بس الطرمبة سليمه وهي طرمبة بلدها من فضل الله وضغطها ممتاز

[يزيد 999]

طيب أخوي نظف الثروتل وشف وش يطلع معك

[Magellan]

النفضة اللي في D وتخف مع N
هذي كراسي المكينة بلاشك
لاتروح ولاتجي
بس عاد انت لما تشتري فيه كم نوع
الاصلي ولاهوب اصلي اي سي ديلكو ،شوي غالي
والامريكي عدة انواع ارخص
فما ادري ويش يختار الواحد

[ريان2002]

طيب أخوي نظف الثروتل وشف وش يطلع معك

بارك الله فيم أخوي يزيد وصدقني ما أبغى أعجز أحد بس الثروتل نظيف

[ريان2002]

النفضة اللي في D وتخف مع N
هذي كراسي المكينة بلاشك
لاتروح ولاتجي
بس عاد انت لما تشتري فيه كم نوع
الاصلي ولاهوب اصلي اي سي ديلكو ،شوي غالي
والامريكي عدة انواع ارخص
فما ادري ويش يختار الواحد

أخي الكريم ماجلان
النفظه سلمك الله راحت من وقت ماحطيت منظف البخاخات في تانكي البنزين
ألحين المشكله محصوره فقط في التفتفه اللي ذكرتها لمدة ثانيتين أول ما أشغل السياره
واليوم الصباح أشتغل من النقرة الأولى وطفى ورجعت شغلته للمرة الثانية وأشتغل عادي ونفس الشيء يوم رجعت من الدوام
المشكله الآن فقط إذا كان بارد
النقرة الأولى يشتغل ويرجع يطفي والنقرة الثانية يشتغل ويكون عادي لافيه لا تفتفه ولا رجفه ولا أي شيء نهائياً يرجع طبيعي سواء كان في نمره أو لأ بمكيف أو بدون

[just 4 u]

كم ضغط طرمبة البنزين يوم قستها ؟

[ريان2002]

كم ضغط طرمبة البنزين يوم قستها ؟

الضغط ياسيدي الكريم كان 54
والسياره لها معي 7 سنوات وأعرفها ومحافظ عليها وصيانتها الدورية ما أتاخر فيها
وقبل 6 أشهر تقريباً حصلت نفس المشكله وحطيت منظف البخاخات وظبطت ورجعت المشكله هالأيام وحطيت نفس المنظف لكن ماضبطت

[YUKON_GMC]

احتمال كبير يكون السبب ضعف بالبخاخات او انسداد .. لاوصيك بالقاز .. صب 2 لتر بالتانكي وزود عليه بنزين وامحط الموتر خط

إذا ماصفى جرب تروح لميكانيكي وتخليه يفك ماصورة الراجع وشغل السياره وخل البنزين يصب في جركل لمدة 5 دقائق

بعدها جرب وإذا ماضبط احتمال تحتاج فك بخاخات

[ريان2002]

احتمال كبير يكون السبب ضعف بالبخاخات او انسداد .. لاوصيك بالقاز .. صب 2 لتر بالتانكي وزود عليه بنزين وامحط الموتر خط

إذا ماصفى جرب تروح لميكانيكي وتخليه يفك ماصورة الراجع وشغل السياره وخل البنزين يصب في جركل لمدة 5 دقائق

بعدها جرب وإذا ماضبط احتمال تحتاج فك بخاخات

بارك الله فيك أخي الكريم على ماذكرت
بالنسبة للقاز أخاف يسوي لي ترسبات كربون داخل المكينه أو يطلعلي مشاكل ثانيه
لكن شورك بالنسبة للورشه طيب أبجرب اللي ذكرته وبأروح الصناعية نهاية الأسبوع وبأشوف إش بيقولون لي وبأشيك بالمره على بلف الراجع يمكن تكون المشكله منه
وإن الله أحياني رديت منكم إن يسر الله وأنحلت المشكله
بارك الله فيمن شارك برأي وجزاه عني كل خير

[just 4 u]

طيب أخي الكريم
أعرف شخص كان يعاني من نفس مشكلتك في الصباح اذ وقفت السيارة لوقت طويل وتبرد أذا جاء يشغلها تتفتف في البداية فقط لوطفاها علطول ورجع شغالها تشتغل بدون التفتفة قمت بفحص الطرمبة له وكان فيها ضعف بسيط كان القراءة حول 50
وراح عند البيان وقعدت السيارة عندهم أسبوع يحاولون أن يجدو المشكلة بدون فائدة حتي غيرو الكمبيوتر حق السيارة وراح للجاببري في الصناعيةالقديمة وقاله غير طرمبة البنزين وغير وجيهه الثلاجة وصارت السيارة أحلى ما يكون
علما بانه غيرو له في البيان البواجي واسلاكها مع تغير فلتر البنزين
اليسارة يوكون سعودي 2005
وبالتوفيق

[XTERRA -2010]

طيب صفاية البانزين

[ريان2002]

طيب أخي الكريم
أعرف شخص كان يعاني من نفس مشكلتك في الصباح اذ وقفت السيارة لوقت طويل وتبرد أذا جاء يشغلها تتفتف في البداية فقط لوطفاها علطول ورجع شغالها تشتغل بدون التفتفة قمت بفحص الطرمبة له وكان فيها ضعف بسيط كان القراءة حول 50
وراح عند البيان وقعدت السيارة عندهم أسبوع يحاولون أن يجدو المشكلة بدون فائدة حتي غيرو الكمبيوتر حق السيارة وراح للجاببري في الصناعيةالقديمة وقاله غير طرمبة البنزين وغير وجيهه الثلاجة وصارت السيارة أحلى ما يكون
علما بانه غيرو له في البيان البواجي واسلاكها مع تغير فلتر البنزين
اليسارة يوكون سعودي 2005
وبالتوفيق

بارك الله فيك أخي الكريم وسامحني أشغلتك معي
عندما حصلت معي المشكله قبل 6 أشهر رحت لميكانيكي يمني شايب أثق فيه وأكد أن المسأله قطعة بنزين وهو الآن في إجازة وما أثق بغيره
الطرمبة متأكد إنها سليمه لأن دلالات قرب خراب الطرمبة معروف منها إرتفاع صوتها وتسخينها في السفر أو في عقبه وإمكانية تشغيل السيارة بعد أن تبرد وكل ذلك لم يحصل معي ولله الحمد والبنزين بمجرد يوصل للنص أعبي فل
قبل سنتين تقريباً كشفت على ضغط الطرمبة ليس من شكوى ولكن لمجرد التشييك وكان الضغط 40 ولم ألاحظ شيء على السيارة والقراءة الحاليه 54 وهذا أفضل مما يؤكد سلامة الطرمبه
لكن بأروح الصناعيه هاليومين وأرد لك خبر بإذن الله

[ريان2002]

طيب صفاية البانزين

الصفاية إحتمال تكون نظيفه لأني مامشيت على السيارة أكثر من 5 آلاف من وقت ماغيرتها يعني مغيرها قريب
لكن إحتمال أغيرها لأنها رخيصه ب 30 ريال وأنا أركبها