اسئله للدداسن موديل 1990 >افيدوني تكفون< [الأرشيف]

ونيس البر

01/05/2006, 03:14 PM

:confused: السلام عليكم
بغيت اسئل عن المساعدات للددسن في ناس انصحوني بمساعدات المرسيدس
ونبغى نصايحكم يالنشامى وعلى كم سعرها ووين اللقاها
وبغيت اسئل عن مراتب ددسن موديل 2000 او مافوق المنفصلة تركب على ددسن موديل 1990
الله يرضى عليكم والتنجيد للمراتب العسكري وين احصله
وبغيت فوائد تركيب الدبة واضرارة واسلاك البواجي الرياضية
وتركيب المراوح للددسن وش فوائدة واضرارة

الله يرضى عليكم اللى عندة خبرة يسعفنا

وشاكر لكم مقدما

أبو أسامة

02/05/2006, 12:32 AM

وعليكم السلام ورحمة الله وبركاته

أخي الكريم بالنسبه للمساعدات أفضلك ركب رانشو الغازية بس لو تقطاع البضائع الامريكية يكون أفضل ............... يعني ركب حقت الوكالة إذا لم تكن راعي مطامر واجد .

بالنسبه للمراتب تركب ونص وتلبسة الأبواب الداخلية تركب أيضاً على ال86 بدون أي مشكله بالنسبه لسقف يركب موديل 2006 على ال86 لكن بإستخدام الدريل لعمل بعض الفتحت في البدي من أجل مسامير الكبس لتثبيت السقف...........ولو أردت أن تغير الأبواب من الخارج أيضاً تركب لكن المرور هههههههه وشكل السياره راح يصير غلط الرفارف 90 والأبواب من الخارج 2006 .....ههههههههههههههه

التنجيد العسكري أسئل الشباب.... لكن أتوقع تشتري القماش من عند محلات البدل العسكريه ثم تروح لمنجد يفصلها لك على الموتر ...

الدبة الرياضية زينه بس وين تلقى الأصلي.......... الأسلاك الرياضية زينه إذا لقيت أصلية ......... لكن لازم تغير البواجي وتركب بواجي رياضية وهي من نوع بوش ألمانية بشمعتي أحتراق....... لكن صدقني إذا سويت شغل رياضي من أول لأخره راح تحس بفرق كبير في قوة السيارة ........لكن إذا مثلاً ركبت أسلاك رياضية وبواجي رياضية ولم تركب دبه رياضية وقزوز رياضي ماراح تحس بفرق إلا شيء بسيط حرام الفلوس اللي دفعتها على شانه.................وطبعاً لا تنسى تركب عليها فلتر رياضي مع طقم كلبليتر أقوى من كلبليتر الوكاله من أجل أن يصبح الشغل ميه بالمية ............ وكفرات عريضه من أجل التطعيس ....... لكن للمعلومية كلما أزداد عرض الكفرات وحجمها قل عزم إندفاع السياره وليس عزم المكينه ............... لكن تذكر كل القطع اللي ناوي تركبها لازم تكون أصليه ميه بالميه .... وتذكر جيداً أن صرفية البنزين بعد أي شيء من الذي ذكرته لك سابقاً ستزداد ........

بالنسبه للأضرار ............... أقول لك على حسب إستخدامك........... فإن كنت تمحط الموتر على طول أبشر بالخراب ....... وإذا كنت تمحطه وقت اللزوم راح يطول معك ......... لكن لو بقيته على شغل الوكله راح يطول معك أكثر...........والله أعلم

بالنسبه للمراوح الكهربائية فهي لها فوائد كثيره ...... منها تقلل الصرفيه وإيضاً تقلل الحنه في المكينه وأيضاً تعطي السياره عزم أفضل ....... لكن لازم تروح لفني متخصص فيها عشان أعطالها كثيره ......... ومن أكثر أعطالها هو لما يصل الماء للتمديداتها الكهربائيه فتتعطل ...وأفضل لو تخليها تشتغل مع المكينه على طول ..... يعني لا تحط لها زر تشغيل يمكن تنساه وتروح عليك المكينه ......... والله أعلم