الواقع المؤلم لمتعصبي بعض الوكالات$$$$

[ابو رسيل2]

بعض وكالات السيارات تزيد في الاسعار سنويا بشكل خيالي بينما متعصبي هذه الوكالات يقومون بدلا عن الوكيل بتبرير هذا الجشع اما بضعف قيمة الريال او ان الشركة افضل شركة في العالم وسياراتها تستاهل كل هذي الزيادة وغيرها من التبريرات

شفت الكاريكاتير هذا حبيت اشارككم به في هذا المنتدى الغالي على قلبي <---- متعصب للمنتدى


.
.
.
.
http://store1.up-00.com/Mar12/bHQ06089.jpg (http://www.up-00.com/)

[مكشاتي 2011]

تويوتا خلاص انتهت خذه مني

[كبسولة2]

ههههههههههههههه

كارتير معبر صراحة

وفعلاً المستهلك هو السبب الرئيسي في رفع الأسعار

فلو أمتنع عن الشراء بهذا السعر لأنخفضت الأسعار

[ابومناحي]

وراها وقفت على ابن جميل ياخوك كيس الشعير عام 2005 كان 20 ريال والان 48 ريال
متر الارض كان عام 2005 بالاحياء الشرقيه بالرياض ماتتعدي 600 ريال والان 1400 ريال
كفرات الجيوب كانت عام 2005 افضل كفر مايتعدي 400 ريالا الان 750 وطالع
ياراعي الموضوع شكلك الى الحين ماتأهلت وصار عندك عايله عشان تعرف ان الغلا بكل شي
احمد ربك ان الاشياء الاساسية مدعومه من الدوله الله يطول بعمر ابومتعب والا كان قطمة الرز ماتاخذها باقل من 400 ريال ولتر البنزين ماينزل عن ريالين
اللهم اعوذ بك من الغلاء

[- النشمي -]

بارك الله فيك

هذا الواقع للاسف

[ملك الإحسآس]

لا تحطون كل شي على العميل
الاسعار كلها ارتفعت و طارت
ما وقفت على السيارات كل شي ولع العقارات المتر على ٢٠٠٠ والمواد الغذائيه أول الرز بـ ١٣٠ واللحين يطق ٢٥٠ بالراحه والادويه زادت بعد ،،
بالنسبه للسيارات الكوري يطق ٢٠٠ الف وقفت على تويوتا !!!
اللي ماهو معجبه الوضع لا يشتري وصلى الله وبارك ،،

[الشلفا]

موضوعك على الجرح بس خربته بالكاركتير

[ابوسند9]

انا برد على بعض اللي يقولو هي وقفت على ابو جميل
بالنسبة للسلع كا المواد الغذائية
والاراضي
والشعير
وقطع الغيار والكفرات والخ ..................
احب اقولهم:
جميع الشعب السعودي الغني والفقير كلاهم متفقين ومتحدين على ان الاسعار اعلاه مرتفعة ارتفاع جنوني وبدون مبرر واسعار تمس حياه المواطن حتى متعصبي محبين سيارات تويوتا متفقين معانا على ذألك !
لكن اقوووووول لكن!!!! لما تجي على سيارات ابو جميل عادي الزيادة كل سنه 20 الف! الهايلوكس غمارتين وصلت حول 100 الف!!!! والفكسار ب 300 الف والشاصي ب 150 الف! بلاش!
ولو تجي بمجلس لواحد متعصب وتقول له ياخي اسعار المواد الغذائية نار ! قال أي والله نار الله لا يجزاء التجار خير! لكن تكلم عن التايوتا كان يشرشحك شرشحه وخذ من ها الكلام البايت شيك وما شيك! والله احيانا تحس ان الوكله له
يا اخي اللي تدافع عن سيارات تويوتا والله منت مستفيد شيء
لو بغيت تشتري سيارة تويوتا الله يعينك على دفع المبالغ الطائلة
ولو بغيت تشتري قطع غيار الله يعينك
وابوك واخوك وابن عمك الخ يبغى سيارة تويوتا !لكن انت بتعصبك رفعت قيمة السياره وما قدر يشتري ويمكن يقع ضحية البنوك
وها الكلام ليس خاص بشركة تويوتا بل جميع الشركات لكن احبيت ارد على بعض الاعضاء
واخير شكرا لك يا صحاب الموضوع

[bad boy]

أولا الله يهديك ياصاحب الموضوع انت تبي تثير الفتنه بين الناس بطريقتك هذي
ثانيا استغرب من بعض الناس الي يدافع دفاع مستميت عن نوع معين من السيارات
كأنه يدافع عن احد يقرب له او يصير له ويزعل ويعصب والوكيل مادرى عنه زعل ولا رضى
يا اخوان كبروا عقولكم السيارة وسيلة وليست غاية واختلاف الآرآء لايفسد في الود قضية
فيه ناس تعشق التويوتا وناس تعشق النيسان والبعض يعشق الأمريكي لكن مو بالطريقة الي
نشوفها انه يعصب ويجلس يسب او ينغز بالكلام على شي مايسوى ! :good2:

[ابن مكرز511]

عندي احساس ان ابوجميل ماهو مطوللللللللللللللللللللللللللللللللللللللللللللللل لللللللللللللللللللللللللللللللللللللل

[abo naser 1]

السلام عليكم

الي ما يدري ينام بدري أرباح الوكلاء في قطع الغيار سواء تويوتا او غيره تتراوح بين 300% الى 1200%
وأرباح مبيعات السيارات الجديدة تتراوح بين 100% الى 250% هل تعتبرون هذا طبيعي وها الكلام من واقع خبرة وربي الشاهد

[volcano]

اخوي ابورسيل 2

مو معناها ان الشخص متعصب لتويوتا او غيرها ياخذ قرشين من تحت الطاولة :mad:

فيه منهو متعصب للنيسان والهونداي والجمس او الجاموس الامريكي وغيرها يدافعون عن ارتفاع اسعارها ما جبت طاريهم :(!!

انا معك تويوتا نار نار ولا عذر للوكيل في هالاسعار .. وصح فيه من يبرر بس كل واحد حر برايه والوكيل ما يلتفت لهم , الوكيل يلتفت للي يدفع وبس :good2:

اتمنى تكون اكثر حيادية وتشمل الجميع بدون استثناء

تحياتي

[sameer_1798]

عجيب أمركم إذا السيارة غالي سعرها عليك وعلي أقعد اعيب وأذم فيها ويش هالفكر الغريب

[التعـ King ـديل]

الله يرخصها ارخص رخيص

عقبال مااطق لي بطل الدروب ب 1000 ريال

[ابوعبدالمجيد9]

الحقيقه انا استغرب من يطلق حملات مقاطعه وبالذات للسيارات.!! اللي يقرأحملات المقاطعه هذي يتوقع ان الواحد منا بيشتري سيارة تويوتا كل يوم مثلا او كل اسبوع !!ياخي الواحد منا يالله كل عشر سنوات يشتري له سياره وحده وبطلوع الروح وتجي وتقول قاطعو!! ..كيف نقاطع وانت لوتروح زياره سريعه لاحد الوكالات وتطلب منه سياره معينه يقولك والله خلصت !!(وشلون).فيقولك والله الوزاره الفلانيه جت واخذت كل الي عندي. قس على ذلك شركات التاجيراللي في الشوارع قس على ذلك الشركات الي تتعاقد معها الوزارات والهيئات لتأمين سيارات لموظفينها فهؤلاء ياخذون من الوكيل بالكميااااااااات ..فالوكيل ماينظرلك يابوسياره وحده قاطعت والاماقاطعت ..اتمنى انها وصلت الفكره .

[صياد الجبل]

اللحين ابي افهم وش معنى تويوتا بالذات
ههههههههههههههههههههه

ياخي شف النيسان شف الامريكي كلها ارتفعت

وماحطيتم حرتكم الا بتويوتا عشانها الافضل

الله يعين

على العموم

الاسعار ارتفعت كل شي المواد الغذاىيه بصفه عامه

وقطع الغيار و العقار

الله يبدل الحال الى الافضل يارب

[سلكي نت]

كل شيء ارتفع سعره إلا الانسان كرامته في نزول
فتجراء البعض على الاخر والصغير على الكبير لاتفه الاسباب واحيانا بدون سبب
المجتمع انقلب حاله اصبح مجتمع استهلاكي واخر شيء يفكر فيه السعر
اول الجوال اذا وصل سعره 1500 قالو غالي
الان تلقى مع البزر بلاك وجالكسي وايباد او اي فون وما يلحقها من شحن واشتراكات
فالاهل يصنعون بتصرفاتهم جيل قادم شرس ونهم في استهلاكه واعتقد لكبر هالبزر ما راح تكفيه سيارة وحدة
والله المستعان

[بنزرت]

السلام عليكم
اهم شئ لايزعل ابوجميل
حنا اصحاب التويوتا مايهمنا هرجكم
سيارات ابو جميل احسن سيارات ومو هذا سعرها
نبيها ترتفع اكثر واكثر
ياسلام لما ترتفع ونشتريها بضعف سعرها الحين :)
انا فرحت لما ابو جميل رفع الهايلوكس من 60 الف الى 100 الف في لحظه.... ثم زعلت لما نزله الى99 الف :mad:... عاد الناس ماصدقت قامت تشتري بالهبل(يوم كان ب 60 ما اشترومثل الحين) وكم واحد يتصل علي ويقول ان الهايلوكس نزل سعره فرصه :director: الحق ياولد ..

[ابو رسيل2]

انا برد على بعض اللي يقولو هي وقفت على ابو جميل
بالنسبة للسلع كا المواد الغذائية
والاراضي
والشعير
وقطع الغيار والكفرات والخ ..................
احب اقولهم:
جميع الشعب السعودي الغني والفقير كلاهم متفقين ومتحدين على ان الاسعار اعلاه مرتفعة ارتفاع جنوني وبدون مبرر واسعار تمس حياه المواطن حتى متعصبي محبين سيارات تويوتا متفقين معانا على ذألك !
لكن اقوووووول لكن!!!! لما تجي على سيارات ابو جميل عادي الزيادة كل سنه 20 الف! الهايلوكس غمارتين وصلت حول 100 الف!!!! والفكسار ب 300 الف والشاصي ب 150 الف! بلاش!
ولو تجي بمجلس لواحد متعصب وتقول له ياخي اسعار المواد الغذائية نار ! قال أي والله نار الله لا يجزاء التجار خير! لكن تكلم عن التايوتا كان يشرشحك شرشحه وخذ من ها الكلام البايت شيك وما شيك! والله احيانا تحس ان الوكله له
يا اخي اللي تدافع عن سيارات تويوتا والله منت مستفيد شيء
لو بغيت تشتري سيارة تويوتا الله يعينك على دفع المبالغ الطائلة
ولو بغيت تشتري قطع غيار الله يعينك
وابوك واخوك وابن عمك الخ يبغى سيارة تويوتا !لكن انت بتعصبك رفعت قيمة السياره وما قدر يشتري ويمكن يقع ضحية البنوك
وها الكلام ليس خاص بشركة تويوتا بل جميع الشركات لكن احبيت ارد على بعض الاعضاء
واخير شكرا لك يا صحاب الموضوع
++++++++++++++++++++++++1

نفس اللي قصدته بالكاركاتير

[تميم2222]

كفيت ووفيت ... بيض الله وجهك على هالكلام الرائع ..ومواضيعك دائما تخدم المستهلك ا
اششششششكرك من كل قلبي تقبل مروري ^_^

[تميم2222]

الله يرخصها ارخص رخيص



عقبال مااطق لي بطل الدروب ب 1000 ريال

هههههههههههههههههههههههههههههههه كنق ااااااااااامين واشوفك تندح به في الدهنا يااااااارب ^______^ عاد لا تنسى تاخذ بنا لفه وتسذا :good2:

[ابونبيل]

الموضوع رائع بس الكركتير خرب الموضوع وراح يطلع بمسار غير مساره
ما اعرف ليش التركيز على تويوتا بس انت بالكركتير سويبت دعايه للوكلاء الباقين الوكلاء الحين يقولون ((آمين))

[pass2love]

وراها وقفت على ابن جميل ياخوك كيس الشعير عام 2005 كان 20 ريال والان 48 ريال
متر الارض كان عام 2005 بالاحياء الشرقيه بالرياض ماتتعدي 600 ريال والان 1400 ريال
كفرات الجيوب كانت عام 2005 افضل كفر مايتعدي 400 ريالا الان 750 وطالع
ياراعي الموضوع شكلك الى الحين ماتأهلت وصار عندك عايله عشان تعرف ان الغلا بكل شي
احمد ربك ان الاشياء الاساسية مدعومه من الدوله الله يطول بعمر ابومتعب والا كان قطمة الرز ماتاخذها باقل من 400 ريال ولتر البنزين ماينزل عن ريالين
اللهم اعوذ بك من الغلاء


السلع الاساسيه صحيح مدعومه

الدعم يروح لجيب التاجر والسلعه اغلي من الخليج

بعدين الدعم في كل بلد علي باللك ميزه عندنا

[pass2love]

السيارات كلها طايره في الهواء