اخوي يلي يشري جيب رانجلر 2012 رايكم فيه

[غالي يا غالي]

مرحبااااا بالجميع

موضوعي هو
اخووووي ازعجن يبي يشري جيب رانجلر ربع بابين من شركة جيب
قلت القديم راعي خراااااب

قال الجديد تطووور وماهو مثل الموديلات القديمة يتحمل الكررررررف

يقول بالرياض والشرقيه منتشررر ولا احد شكا منه

عندنا بحائل فتحت وكاله له جديدة لها كم شهررر

وسوالي للي جرب الرانجلر 2012 او يعرف احد جرربه يعطينا رايه فيه

الله يجزاكم بالخيرررررر

[kvip]

انا معي واحد 2012 ماكملت 500 كيلو الا وانا في الورشه انحرق الكلتش كامل واذا ما نك مصدقن ياوريك الصور في الورشه انحرق الكلتش كامل وبدلو لي واحد جديد ما تخلص الا بعد اسبوعين على الضمان وشف موضوعي هذا اشتكي فيه http://jeep-ksa.com/vb/showthread.php?t=11997
بس والله عز موتر لا تقولي ربع ولا اف جي ولا باترول يحيبه في شارع ولا طعس اههههههه قلبي يبكي عليه كل ما امر عليه في الورشه لانه له مكانه خاصه له في قلبي الوحش هذا
انصحه ميه ميه ياخذه واذا ما له في ملعنة الورش الاكستيرا احسن بس انا جربت وقاحرت اكتيرا عزمها بطه ودبلها زر هي و الرانجلر كان بعير (الاكستيرا) تسابق حصان(رانجلر)
الابل قوة وتحمل وتطول و الخيل قوة وسرعه وفخامه لاكن اذا كبر خبط

[مجنون نحم]

اف جي معي ٢٠١١ ماشي ٣٠٠٠ للان ماشاء الله انصحك فيه

[مطر وربيع]

من ناحية القوة الموديل الجديد 2012
290 حصان الاقوى في فئته في السوق لا اكستيرا ولا افجي يجيبه زفت أو بر لكن خرابات الله اعلم !!

[كم كيلو باقي]

واحد اعرفه معه فيبر .. يشتكي من انه حار في الصيف بشكل كبير

[أبو هشام راشد]

نصيحتي خله يستاجره اسبوع لين يطيح اللي في راسه

مشكلة لدينا السوق معلق على انواع معينة من السيارات وهذه السيارة خساراتها اتوقع كبيرة عند البيع فايجار شهر او شهرين ايسر من شراء سيارة يتورط فيها

كذلك مشكلة لدينا اخرى في الصيانة وقطع الغيار فلا فنيين متخصصين ولا قطع غيار باسعار مناسبة لان وكيل جيب هو المتحد فوكيل واحد تكون ملزم بما يوفره من قطع الغيار

والله يكتب للجميع ما فيه الخير والتوفيق والسلامة

[HAS5SAN]

والله انه كان أمنيتي
ولكن
نصيحة انحاش منه
قطعه نااااااااااااااااار

[moooj]

الموتر جبااااااار وما عليه كلام من ناحية العزم والمنظر
لكن من عرف وكيله يعافه ومحتكر قطع الغيار واسعارها نااااااااار
اشوف ان غيره ابرك منه
والله اعلم

[غالي يا غالي]

كنت طالع للبر ومشكووووووووووووورين على الردوووووووووووووود صراحة فتحتوا عيوني على اشيا كنت ناسيها

[PHANTOOM]

شوف اخي

انا توني قبل ساعات من هذي الكتابة راجع من سفر امتد من تبوك الى حايل الى القصيم ورجعت الى تبوك ثم رجعت مره ثانيه طلعت من تبوك الى العلا الى المدينة المنورة ورجعت الى تبوك وكل هذا على اف جي 2012
و مشاء الله تبارك الله موتر مريح حيل لكن خفيف يمكن لاني متعود على الجمس ما ادري لكن ان بغيته خط عطاك وان بغيته بر كمان عطاك والله اني كرفته في نفود العلا الى ما داخ ولا عاق معاي مع العلم اني ما نسمت .
رانجلر 2012 توه مطلعه واحد من اخوياي وسقت الموتر وما شاء الله قوي صراحة ويتفوق على الاف جي في القومة والممشى وكلتشه خفيف مره ، كذا مره طفى علي الموتر وطلعنا عليه كشته خفافيه والموتر ما شاء الله عليه وخصوصا انهم غيروا مكينته في هالموديل وصار اقوي من الموديلات السابقه بـ 70 حصان على ما اعتقد لكن الموتر توه جديد ولا يمدي الواحد يحكم عليه .
نصيحتي اذا انت رجال معاك دراهم وتقدر على الاف جي لا والله طق اف جي اوسع واصبر وموتر معروفه عيوبه .
اذا دراهمك حول الميه وانت رجال محافظ طق رانجلر وبشويش عليه لان قطعه تصلخ صلخ او يدور اكستيرا 2012 اذا حصل تراه اطلق من الاثنين

[XTERRA -2010]

أنصحك بـ FJ أو الفورتشنر

الرنجلر قطعه غالي ولن يتحمل تكاليف صيانته

[كاشت وحداني]

سيارات jeep قويه
لكن وكيلها الله المستعان
وقطع غيار غاليه

[غالي يا غالي]

انا عن نفسي معي اكستيرا ماشالله تبارك الله موتر بر وخط وقطعه متوووفره

شاكر لكم على النصايح

وابشركم اخوي استخار ويدور اكستيرا او اف جي

[ابوفهد1398]

طيب ماتخبرولي دفرنس خلفي وامامي رانجلر٢٠٠٥

[مطر وسم]

الرنج روفر سيارة كشخه ومهايط فقط


ومن ناحية الاستعمال اعتبرها اسوء سياره من ناحية الخراب وقطع غيارها غالي جداً نار ولو تبيها في بر او طعوس ماتنفع ابد ثقيل الدباب ابو 4 كفرات احسن منه

[طحنون]

اذا خاطره بالموتر خله يشتريه الادمي كم بيعيش خله يشتريه ويوسع صدره فيه واذا خرب
يحلها ربك وفيه عده طرق يامنه شامل وكاله مع الصيانه
واترك الكلام اللي يقول ماهوب زين موتر شبابي وبطران
اشتره واول ماتشريه عطه الغاز لا زم تشم ريحه كلاتشاته لا ترحمه

[ابوفهد1398]

ابي دفرنس رانجلرامامي 11/41

[رٍسِـــلآنٍ ٱلدُفُــٱع]

الناس خالطه بين الرنج وبين الرانجلر


الرانجلر موتر ماعليه كلام ولا تسئل الا مجرب وخبره فيه

اما الي يقول قطع غيار نار والله مافي اغلى من قطع غيار تيويتا بالسوق وكلن هاب يشتري فيها