المساعد الشخصي الرقمي

مشاهدة النسخة كاملة : تخيل نفسك بهذا الموقف وش تسوي (ادلي بدلوك)


عاشق الكيف
24/04/2006, 12:29 AM
سلام عليكم

الموقف صار لواحد من الربع وانا عطيته الحل

والحين

ابشوف رايكم

الرجال انحجرت سيارة بين سيارتين وصعب تطلع يعني بين السيارات اربع اصابع أو أقل

واصحاب السيارات مطولين

يمكن ما يطلعون إلا بعد 5 أو 6 ايام

المهم عطيته حل ونجح

الحين ابي رايكم
صوح الجبل
24/04/2006, 12:37 AM
موضوع اكثر من رائع وفيه كذلك تنشيط للاذهان سلمك ربي .... ياخوي عاشق الكيف ...ابدلي بدلوي وترى فيها بعد اشوي لاكن لعلها هي الطريقه الصحيحه ..... يدور له ناس نشيطين ...... ويحاولون ..... يزحفون فيها على جنب .... لين يطلع طرفها
المرقاب
24/04/2006, 12:53 AM
لو أن الوقت ماهو متأخر كان عطيتك الحل لكن بكره بحيل الله يجيك الحل

http://mekshat.com/vb/images/smilies/peepwall.gif
واحد توهق ويبي يصرفها
سراي ليل
24/04/2006, 09:54 AM
ما حددت نوع السيارة ;)
الحوار
24/04/2006, 12:07 PM
اخوي / عاشق الكيف،، ولا يهونون الربع

الحل بسيط جداً إذا كانت السياره دفع امامي يسحب الجلنط الى اقصى حد ويلف الدركسون عكس الأتجاه اللي يبي يطلع معه ويحط النمره بالريوس ويدوس.

اخوك ابويزيد
راعي الواير
24/04/2006, 02:03 PM
اخوي عاشق الكيف المشكله في كيفية ركوبه السيارة والا الرجال داخل السيارة ويبي يطلع السيارة من الموقف؟؟
GXR_2005
24/04/2006, 02:17 PM
عليكم السلام ورحمة الله وبركاته

محاولتي:

اتوقع الشغله فيها "العفريته" أو رافعة السياره

يعني ممكن يرفع الكفرات من جهه ويدهنهم لوكس ولا زيت ولا شحم

وبعدين يصب بجانب الكفرات صابون ولوكس (مكثرين من اللوكس تقول لي عموله) :)

وبعدين يجيب اثنين نفر من النوع الكبير (رجالين اثنين نوع جراكل كبار) :)

ويدف السيارة بالعرض وتتزحلق على الرغوة

بس لا يدفوون واجد علشان ما تنقلب السيارة اذا خلص اللوكس

:)
مجتهد***
24/04/2006, 05:40 PM
إذا كان الموقف رأسي يرجع بالسيارة للوراء و لا يطلع من قدام ( يطق الرصيف )أما ركوب السيارة يركب مع الشنكة
السعيرة 505
24/04/2006, 10:48 PM
:) :j انا اقول مادام انه طاح له في موقف زي هذا فهذا حظه نحس """"""""" يكمل الله يعينه الستة ايام :::::: واليموزينات مالية البلد هذا شوري
برنس777
24/04/2006, 11:49 PM
والله ياخوي الامربسيط يجيب له ونش ويشلها من فوق , الان الونوش تشيل التياذر على التريلات يعني ما تعجز على سيارت ها البلش

والله تعلى أعلم
شـهـاب
25/04/2006, 12:16 AM
والله مشكله


وحصلت لي قبل فتره

ودي اعرف الحل ؟
تــــوني
25/04/2006, 02:46 AM
حياك الله يا عم

بالنسبة لي صارت السالفة والي سكر علي دينا بس كان معي جمس عشقت الدبل يا طويل العمر ودفيت الدينا لين وصلتها للشارع العام
عشان لا رجع يلقاها مسحوبه أو على الأقل مخالفة عشان يتأدب ما يسكر على سيارت العالم
htc
25/04/2006, 12:06 PM
فيه حل بس ما أدري ينفع والا لا لأنه الشغله تعتمد على نوعبة السيارة فلو كانت جيب والا جمس يدخل من الشنطة اللي ورا
وكذلك على نوعية الشخص يعني إذا كان من الحجم الكبير ( مع الاعتذار للأخوة Xl ) فيكون الوضع صعب شوي عليه انه يطب من الباب اللي ورا . أما إذا كان من الحجم الصغير يعني من حجم الكتكات وحوله بيكون سهل عليه انه يطمر من الباب اللي ورا .
الحل الثاني إذا كانت سيارة صغيره فيجيب رافعه ( عفريته ) ويرفع السيارة الين يكون فيه فراغ كافي انه يدخل ويطب من الدريشه ، مع انها صعبة شوي ان الرافعة ترفع الين يبعد الباب عن السيارة المجاورة لأن الرافعة لها حد معين .
*** والله أعلم ***
شبح الصحراء
25/04/2006, 12:13 PM
حياك الله يا عم

بالنسبة لي صارت السالفة والي سكر علي دينا بس كان معي جمس عشقت الدبل يا طويل العمر ودفيت الدينا لين وصلتها للشارع العام
عشان لا رجع يلقاها مسحوبه أو على الأقل مخالفة عشان يتأدب ما يسكر على سيارت العالم

حلوة طريقتك...
تعجبني والله :D .
علم راف
25/04/2006, 12:15 PM
يشيلو السيارة اللي بالوسط بالونش والا تصدم السيارات اللي امامك واللي خلفك وتكتب اسمك ورقمك اذا كنت مستعجل وتصلحهم اذا فضيت
بارود قطر
25/04/2006, 12:32 PM
يتصل للشرطه...علشان يسحبون وحده من السيارات بالونش
وكفا الله المؤمنين شر القتال
السكرتيرfm
25/04/2006, 12:53 PM
عزيزي الفاضل ما عرفت وضع السياره بين السيارات الاخرى
هل هي في موقف طولي وسياره مقفله عليه من الامام والاخرى من الخلف ؟
ام ان السيارات الاخرى واحده مقفله عليه من جهة الابواب من الجهه اليمنى والثانيه من الجهه اليسرى وهو لايستطيع ان يركب؟
وكذلك لم تخبرنا ماهو نوع السياره وهل هي قير تماتك او عايدي؟
ميم ون
25/04/2006, 01:09 PM
الحل بسيط جداً والله العالم
يجيب رافعة (عفريتة) عدد 2 تكون زي اللي عند البنشري .. يعني على كفرات
ثم يرفع السيارة من الجنب الايمن مثلاً ويرفع السيارة من الوسط يعني من الدفرنس وكذلك من منتصف الكفرات الامامية ثم يجر السياره والسلااااااااااااااااام ... :good2:.
بن نويشر
25/04/2006, 01:36 PM
يتصل للشرطه...علشان يسحبون وحده من السيارات بالونش
وكفا الله المؤمنين شر القتال

الأخ بارود قطر تحية طيبة ...

الأيه (وكفى الله المؤمنين القتال) بدون كلمة (شر) للمعلومية !!

وتقبل سلامي ،،
البيـــــراوي
25/04/2006, 01:37 PM
يدف الي ساد عليه بعد مالبق
ولا يرده الا الاول
تــــوني
27/04/2006, 01:54 AM
بس لا يدفوون واجد علشان ما تنقلب السيارة اذا خلص اللوكس


ههههههههههههههههههه حلوة GXR2006

<HR style="COLOR: #cccc99" SIZE=1> <!-- / icon and title --><!-- message -->
الحل بسيط جداً والله العالم
يجيب رافعة (عفريتة) عدد 2 تكون زي اللي عند البنشري .. يعني على كفرات
ثم يرفع السيارة من الجنب الايمن مثلاً ويرفع السيارة من الوسط يعني من الدفرنس وكذلك من منتصف الكفرات الامامية ثم يجر السياره والسلااااااااااااااااام ... :good2:.

ههههههههههههههههاااااااااااااي وين سنوكا والا قرندايزر

فيه حل بس ما أدري ينفع والا لا لأنه الشغله تعتمد على نوعبة السيارة فلو كانت جيب والا جمس يدخل من الشنطة اللي ورا
وكذلك على نوعية الشخص يعني إذا كان من الحجم الكبير ( مع الاعتذار للأخوة Xl ) فيكون الوضع صعب شوي عليه انه يطب من الباب اللي ورا . أما إذا كان من الحجم الصغير يعني من حجم الكتكات وحوله بيكون سهل عليه انه يطمر من الباب اللي ورا .
الحل الثاني إذا كانت سيارة صغيره فيجيب رافعه ( عفريته ) ويرفع السيارة الين يكون فيه فراغ كافي انه يدخل ويطب من الدريشه ، مع انها صعبة شوي ان الرافعة ترفع الين يبعد الباب عن السيارة المجاورة لأن الرافعة لها حد معين .
*** والله أعلم ***

هههههههههههههههههاااااااااااااااي طيب اذا ركب السيارة من الي يشيل له العفريته خخخخخخخخخخخخخ


<!-- / message -->
ماجد الشمري
27/04/2006, 03:33 AM
يا اخوان ..
حتى لو السيارة عادية .. كامري ولا مكسيما مثلا .. يفك الشنطة ويسند المراتب الخلفية ويدخل السيارة .. وبأغلب السيارات فيه زر من الشنطة يمديك تسند المراتب الخلفيه منه ...








اخوكم ماجد الشمري
طير حوران
27/04/2006, 06:05 AM
والله موقف محرج

يبنشر السيارات اللي مسكرة عليه ويركب اقرب ليموزين
شـهـاب
27/04/2006, 03:45 PM
يشيلو السيارة اللي بالوسط بالونش والا تصدم السيارات اللي امامك واللي خلفك وتكتب اسمك ورقمك اذا كنت مستعجل وتصلحهم اذا فضيت


اركب تكس اوفر لي هههههههههههههههههههههههههههههههههههههههههههههههههه هههههههههههههه
ابو نوره
28/04/2006, 04:19 AM
والله موقف محرج

يبنشر السيارات اللي مسكرة عليه ويركب اقرب ليموزين

وياكثرها تصير مع طلاب جامعة الملك سعود بالرياض
الكونترولCONTROL
28/04/2006, 05:30 AM
انا اقول : ان كانت دفع خلفي : يمسك فرامل بقوة و يعشق بنمرة واحد و يدعس بقوة مع عطف الدركسون لليمين ...!!
و ان كانت دفع امامي يسحب الجلنط بقوة و يدعس بقوة مع عطف الدركسون لليسار ...
و الله اعلم !!
ميم ون
28/04/2006, 09:55 PM
الحقيقه كنت فاهم الموضوع غلط

ههههههههههههههههههههههه

افكر السيارتين ملحمه فيه من قدام ومن ورى واعطيت الحل على مفهومي

بس طلعت السيارات ملحمه فيه من اليمين ومن اليسار...... وهذي ما عندي حل لها الا الونش فقط .
........كنت بتحول الى الوحش الاخضر يا توني هههههههههههههاي
هباق0
28/04/2006, 10:26 PM
لسيارات الدفع الخلفي يرفع الكفرات الخلفية بعفريتة البنشري ويدف السيارة لقدام حتى لايمنعة البريك او القير من الحركة.
12سلندر
29/04/2006, 12:55 AM
يا خوي عاشق الكيف عطنا

معلومات ( القير ، حجم السيارة ، سيدان ، جيب ، بيك أب ، دفع ولا سحب ولا رباعي )

بعدين من البيبان ولا من قدام و وراء
شمالي ستار
17/07/2006, 04:41 AM
ياخذ مفاتيح راعين السيارات
ويطلع السيارتين ويمشي

وانتهت
معانق
17/07/2006, 03:26 PM
يا عاشق الكيف ..!!

الله يرحم والديك .. لو تتكرم وتعطينا معلومات كااااااااااااااااااااااااافيه مثل ما ذكر بعض الاعضاء ..؟؟؟

وأبشر باللي يطلعها لك والله ..!!
ابوالجازي
17/07/2006, 04:06 PM
السلام عليكم
ياراعي الكيف فيه طريقتين
الاولى اني انقز احد السيارات وادفها شوي
والحل الثاني وهو صعب شوي انزل العده وافكك الصدامات ويصير فيه فراغ كبير اقدر اطلّع السياره بالرجوع للخلف مع لف الدركسون الى اخرشي والى الامام مع لف الدركسون للجهه المعاكسه حتى تطلع
وسلامتكم
راجح
17/07/2006, 09:38 PM
أتوقع والله أعلم ....

إذا كانت السيارة دفع أمامي .. يفك الجلنط ويرفع الكفرات الأمامية على عفريته أم كفرات .. .. ويسحب السيارة زي مايبغى ..لأن الكفرات الخلفية مايمسكها شيء غير الجلنط .. والعكس بالعكس .. وإذا كان صاك عليه من قدام أو خلف يلف السيارة على الإتجاه الي يبي يمين أو شمال ....

ولكم تحياتي أخوكم المحب دوماً ((( راجح ))) .
غالي
17/07/2006, 09:56 PM
هالحين الاخوان انقسموا الى قسمين:
القسم الاول: يفكر ان السيارات من قدام ووراء
والقسم الثاني يفكر ان السيارات يمين ويسار يعني على الابواب
ــــــــــــــــــ
انا اقول كان القصد من القسم الاول
يجيب عفريته الكبيره ام كفرات ويرفع السياره الي وقفت بعده من الدفرنس الخلفي ويدفونها شوي ويطلع
او يجيب له 6 رجال اي كان اجسامهم او 7 رجال ويرفعون السياره ويدفونها مع الجنب
اما القسم الثاني
عندك الشنطه وعندك بعض السيارات مثل اللكزس وغيرها السيارات الجديده بالريموت كنترول تفتح الدرايش والفتحه الي بالسقف ويطب معها
والله اعلم
ابو مرهش
18/07/2006, 01:06 PM
انا اقول اذا السيارتين مقفلين عليه من يمين ويسار ينزل تحت السياره ويفصل الجلنط ثم يدف السياره لين يطلعها ثم يفتحها ويمشي بس لاينسى يرجع كل شي مكانه