كرهت شيء اسمه جمس تعبت من كذب المهندسين قير السييرا طفشني وش الحل ؟

[شيخ عتيبه]

السلام عليكم ورحمة الله وبركاته
اخواني انا معاي جمس سييرا غمارتين موديل 2005 سعودي قير اوتماتيك ودبل ارضي السيارة كانت من احسن مايكون اشتريتها وماشيه 32 الف كيلو والان ماشي حوالي 92 الف كيلو مدري وش صار اذا مشيت مسافه حوالي 20 كيلو ووقفت عند اشارة وبمشي القير مع كل تعشيق كنه (رفسه) او دقه قويه بشكل ماتتصورون تقول احد صادمك من وراء والله ثم والله انضحك عليا اكثر من مره وضبت الجربوكس مرتين ولا في فايده تعبني والمشكله كل فحص كذابين يقول نفحصه بالكمبيوتر ويطلع القير المشكلها اذا جات الرفسه اجنب واطفي الموتر حق ثلاث دقايق وتروح وبعدها بعد مسافه مقاربه ترجع وربي تعبت وكرهت الموتر وش الحل ارجوكم دلوني وربي خسرت حوالي 18600 على الفاضي وش الحل تعبت من كثر ما اوضب وضبت القير اول مره عند العالميه النصابين الين ماطفشت ارجعه ووضبت عند مركز البشام اللي بجدة ومافي فايدة ومشكلتي اني ساكن بجدة ولفيت جدة وتعبت كلهم المهندسين نصابين
ما اقول غير حسبنى الله ونعم الوكيل اللي يعرفلي حل الله يجزاه بالجنه وسامحوني طولت عليكم بس وربي من قهر في خاطري

[النبع الصافي]

شف لك واحد فاهم خله يشيك لك على مخ القير (بلف بدي) وشف وش يصير معك
موفق

[أبوعابر]

رح عند ورشة السواط في الطايف عندهم قيرات موظبه وتشاليح عليها ضمان وان شاء الله تيسر امورك

[شيخ عتيبه]

شف لك واحد فاهم خله يشيك لك على مخ القير (بلف بدي) وشف وش يصير معك


موفق



الله يجزاك الخير اخوي النبع الصافي المشكله وين تلقى واحد فاهم خلها على ربك وبنشوف ياليت يكون هو وافتك الله يجزاك الجنه ويرحم والديك دنيا واخره مشكور يالغالي

[شيخ عتيبه]

رح عند ورشة السواط في الطايف عندهم قيرات موظبه وتشاليح عليها ضمان وان شاء الله تيسر امورك


اخوي ابو عابر رحت الين الطائف ماعندهم قير جمس 2500 يقول يختلف اللي عندي دبل ارضي يختلف القير عن اللي بدون دبل
بعضهم يقول يركب وبعضهم يقول مايركب ربك يحلها ولا بعته كوم حديد الحمدلله على كل حال وش نسوي غير نقول الله كريم

[جي ام سي 2002]

انا نفس مشكلتك بالضبط يوكن 2002 اتعبني وغيرت الخريطه وبعضهم يسميها المخ وراحت على طول حطيت خريطه حقت 2006 انا وضبت كلش اصلي مانفع الا لين غيرت الخريطه
في مركز المدينه المنوره في الصناعيه القديمه بالرياض

[جي ام سي 2002]

كانك في الرياض وصفت الورشه لك

[شيخ عتيبه]

اخوي جي ام سي 2002 بيض الله وجهك والله يجزاك الف خير بشوف هالبلف
بس كم سعره حوالي ؟؟؟؟ لو بشتريه جديد

[شيخ عتيبه]

والله ياخوي ياليت في الرياض موقعي جدة بس سؤال بخصوص نفس الشيء في موترك هل لما تطفي السيارة تروح الدقه اللي في القير نفس موتري ؟؟؟ بس والله الجموس تغيرت مهي مثل القديم كل فتره طالع هالجمس بعله مره فصلت البطاريه صار المكيف جهت السائق حار وجهت الراكب باردر وتعبت فيه اللي يقول افصل الحار واللي يقول لازم نفك الهوايه اللي في الطبلون واللي يقول غير اخرتها طحت في واحد ابن حلال شبك اصباع واحد من البطاريه وشغل مفتاح المكيف وشغل الاسوتش ثلاث مرات وسحب المفتاح ورجع شبك البطاريه ورجع 100% عيب هالجموس برمجه وكلام فاضي بس ربك ييسرها

[ابوو عبدالله]

صباح الخير اخوي
انا اذكر زمان كان معاي كرسيدا تماتيك
وكانت فيها نفس المشكله مع كل تغييره للقير فعلا تقل مصدوم من ورى من قوها
ورحت لورشه وطلع الخراب
فيه زي الواير او السلك يربط بين الكلبليتر والقير كان منقص وغيرته وانتهت المشكله

وتراي ما ادري اذا في السييرا زيه ولا لا
لكن هذا اللي مريتبه من نفس اللي معاك
والله يكون معاك اخوي
وتقبل مروري

[عشقي شمالي]

وعليكم السلام ورحمة الله وبركاته

اخوي انا كان عندي نفس المشكله بجمس حوض 2002 مع التعشيق من 1 الى 2 رفسه قويه ومن 2 الى 3 اخف ولما اطفي السياره 5 دقايق يروح كل شي وكان اكثر شي لما اسافر فيه او امشي فيه مشوار طويل داخل البلد يعني لما يسخن القير
وسويت تنظيف للبدي بلف او الخريطه واخذ فتره شغال تمام لكن بعد فتره رجعت وغيرت الخريطه وشغال ولله الحمد
والسبب ان مجاري البلف تتقفل من عدم تغيير الفلتر بنتظام .

وهذا كل شي

[عشقي شمالي]

صباح الخير اخوي

انا اذكر زمان كان معاي كرسيدا تماتيك
وكانت فيها نفس المشكله مع كل تغييره للقير فعلا تقل مصدوم من ورى من قوها
ورحت لورشه وطلع الخراب
فيه زي الواير او السلك يربط بين الكلبليتر والقير كان منقص وغيرته وانتهت المشكله


وتراي ما ادري اذا في السييرا زيه ولا لا
لكن هذا اللي مريتبه من نفس اللي معاك
والله يكون معاك اخوي

وتقبل مروري


ابو عبدالله
صبحك الله بالنور والسرور
السلك اللي انت تقصده سلك وزنية التعشيق واذا السلك مو موزون تبقى الدقه بالقير على طول ما تروح اذا طفيت السياره
والواير اللي انت تقصد يجي بالكربريتر من الخلف وله زر كبس توزن التعشيق منه
لكن الجمس الجديد بخاخ وصار الوزن الكتروني
تحياتي لك

[سمير1]

احيانا يا غالي تكون من شغلات حساسات

اذا القير وضبته عند واحد وشغله ممتاز شف الشغلات الثانيه
حساس
او منظم

[GM_400]

عندك مشكلة من نفس الجرم الداخلي اللي يسمونه المخ صارت معنا على يوكن وضبط

والقيور وحده ماتفرق بدبل ولا بدون

ورش الرياض افضل من جده في الأمريكي خاصة

[يالبى الهلا]

انا نفس مشكلتك بالضبط يوكن 2002 اتعبني وغيرت الخريطه وبعضهم يسميها المخ وراحت على طول حطيت خريطه حقت 2006 انا وضبت كلش اصلي مانفع الا لين غيرت الخريطه
في مركز المدينه المنوره في الصناعيه القديمه بالرياض
الوت يحدث اذا انت واصل من م خط صوت مثل النتعه طق طق طق ؟
نعم المشكله من الخريطه من موديل 2000 الى 2005 والمشكله عيب مصنعي ولم يحل في الموديلات القديمه الا موديل 2006 مهما غيرت ؟ خساير على الفاضي

[عاشق الكابرس]

http://www.mekshat.com/pix/upload05/images245/mk173733_113_0704_19_z+700_r4_transmission+valvebo dy1.jpg (http://www.mekshat.com/vb/../pix/upload05/images245/mk173733_113_0704_19_z+700_r4_transmission+valvebo dy1.jpg)


http://www.mekshat.com/pix/upload05/images245/mk173733_0601htp_12_z+chevy_silverado_transmission +.jpg (http://www.mekshat.com/vb/../pix/upload05/images245/mk173733_0601htp_12_z+chevy_silverado_transmission +.jpg)

http://www.mekshat.com/pix/upload05/images245/mk173733_113_0704_20_z+700_r4_transmission+throttl e_valve_sleeve.jpg (http://www.mekshat.com/vb/../pix/upload05/images245/mk173733_113_0704_20_z+700_r4_transmission+throttl e_valve_sleeve.jpg)


http://www.mekshat.com/pix/upload05/images245/mk173733_29634920239_medium.jpg (http://www.mekshat.com/vb/../pix/upload05/images245/mk173733_29634920239_medium.jpg)

http://www.mekshat.com/pix/upload05/images245/mk173733_t350_5.jpg (http://www.mekshat.com/vb/../pix/upload05/images245/mk173733_t350_5.jpg)

http://www.mekshat.com/pix/upload05/images245/mk173733_valve_body_with_fluid-copy.jpg (http://www.mekshat.com/vb/../pix/upload05/images245/mk173733_valve_body_with_fluid-copy.jpg)

http://www.mekshat.com/pix/upload05/images245/mk173733_t350_18.jpg (http://www.mekshat.com/vb/../pix/upload05/images245/mk173733_t350_18.jpg)

[ملك الفكتوريا]

مريت بمشكلتين كلها قالوا عنها أغلب الورش توظيب



لكن الخوف من الوالد وسيارته العزيزة اللي الحين هي عزيزتي ههههههههههه تم حل المشكلة بأسهل الاغراض

[ملك الفكتوريا]

سبق لي أن تعرضت لمشكلتين بالقير وكانت الكلمة الوحيده توظيب


طبعا اسودت الدنيا بوجهي لكن تم حل الموضوع وتكلفة العملين لا تتجاوز 500 ريال ولله الحمد




المشكلة الاولى وبعد تطعيس ومهابد صارت السيارة مثل وضعك بالضبط وخاصة مع المكيف


اوقف عند الاشارة وقوف تام تفز كأن احد صدمني من ورى

لدرجة وبدون مبالغه بعض الاحيان التفت ورى احسب احد صدمني جد


والورش تقول توظيب وللللللللللل وكلام كثير وبالاخير تم حل المشكلة بـ 320 ريال عدا ونقدا


منظم هواء بـ170 ريال وتنظيف الثورتل 150 ريال ورجعت السيارة تمام ولله الحمد




المشكلة الثانية قريبه


تركت السيارة تقريبا شهر وعندي تهريب بصوفة القير الامامي ومع الوقفه هرب الزيت وبقع على الارض هو والمكينه


شبكت البطاريات وشغلت بأشتراك هههههههههه وصارت السيارة ثقيلللللللللللللله وترفع الضبط والتعشيق يخوف يطق


الزيت ممتاز مو ناقص


والورش تقول توظيب


وبالاخير تحت حفرة بنشري نظفت منظم تعشيق القير خارج القير ورجعت السيارة مضبوطه وبعدها بثلاث ايام مسافر والحمد لله


تخيل توظيب قير مرتين بسنة ايه المصيبه دي



تأكد من منظم الهواء والبوابة نظفها ومنظم التعشيق



والله يوفقك

[medo112]

مشكلتك من الفالف بدي أو اللي يسمونه الشباب بلف بدي .. أحيان يكون خربان كامل ..
وفيه حساسين تركب في نفس الفالف بدي احيان تخرب ..
دور واحد يفحصها لك .. وخاصه الحساسين ..

[mekshaat]

سبق وضبت قير سيارتي قبل فتره أول ما استلمت السياره وتوي ماشي من

الورشه القير ما يعشق بالأول أطفي السياره وأشغل يعشق القير ورجعت للورشه

قال المهندس هذا بلف البدي أنا مغيره لك مستعمل قلت طيب أنا موضب عندك

الآن وفيه ضمان قال بلف البدي ما يدخل في التوضيب سعره غالي اشتر على

حسابك واحد جديد المهم الموتر صار فيه نتره قويه اذا جاء يبدل من الأول

للثاني مع زحفه خفيفه على جنب الضمان انتهى وما قدرت آخذ منه حق ولا

باطل حسبنا الله ونعم الوكيل عشان كذا الكثير يشتكون انهم يوضبون والتوضيب

ما يضبط واكتشفنا ان السبب بلف البدي لا يتم تغييره بجديد في الغالب يعطونك

أسعار تحس انها رخيصه والسبب ان بلف البدي يغيرونه مستعمل وما كنك

يابوزيد غزيت المفروض ان أهم شرط في التوضيب تغيير بلف البدي لأن القديم

يكون فيه رايش بسبب التروس والكلتشات المتآكله .

[شيخ عتيبه]

السلام عليكم ورحمة الله وبركاته


احب اشكر الجميع وكل من شارك معي في مشكلتي يا اخوان اليوم من الساعه 10 صباح وانا ادور على مراكز الصيانه وكلهم نصابين حسبنى الله ونعم الوكيل المهم كل ماجيت لي واحد يقول لاتقارني بغير من اصحاب التوضيب لازم اول شيء تفحص القير بالكمبيوتر ووريتهم الفحص الكمبيوتر وكل واحد يفتي المشكله كلهم نفس الشي الكمبيوتر يعطي عطل في القير القير توضب ثلاث مرات خلال 4 شهور والمشكله ما انحلت اخرج من مركز الصيانه يادوبي اوصل البيت ولا العله هي نفسه وارجع المهم ما ابي اطول عليكم الكل رافض غير ادفع حق الكشف 350 واللي 400 واللي 200 ولازم يفكون القير وبعد 3 ايام يردولي خبر اللي اعطاني السبت يرد خبر وما استفدت شي فحصت عند شخصين مركز ترايستار ومركز الدولي اللي بجدة ودفعة وامري لله حوالي 750 ريال حق كشفيه والصدمه اللي كنت متوقعها نفس الشي توضيب ويقول افضلك توضب نصيحة لازم توضب عشان ترتاح وطلب شغل توضيب 6700 او5000 يشوفلي قير مستعمل اخر شيء مشيت ورحت لشخص يمني كبير في السن دلني عليه شخص لا اعرفه الله يجزاه بالف خير شافني اتناقش مع السوري صاحب مركز ترايستار وقالي هاليمني الشياب مخه جيربوكس وفاهم ماشاء الله عليه ولاياخذ حق كشف الكمبيوتر اذا كنت ناوي تسوي الموتر عنده واشتكيتله وضعي وشرحتله عن المشكله وخبرته ان بحثت في النت وافادوني اشخاص الله يجزاكم الخير وقال عندي بدي بلف حق موديل 2004 نضيف قال عندي اقتراح راح افكه يوم الاربعاء واركبلك بدي البلف ونشوف قبل ما افرط القير وقالي القير ما اتوقع فيه شي قال على شي اسمه الترومنسيشن على ما اعتقد قال هذا يسخن ويكون راكب بنفس البدي بلف
بس لاحظت شيء غريب علمني اليمني فيه قال اكثر حقين التوضيب مايغيرو البدي بلف ولايشترون جديد لانه بيكون غالي
بس فين ينباع البدي بلف جديد ؟؟؟ ومشكورين جميعا شخص شخص وبيض الله وجيهكم ورحم الله والديكم

[الصقر الحربي]

السلام عليكم ورحمة الله

اخوي تأكد لا يكون ضغط المكينة مرتفع

إذا كان ضغط المكينة مرتفع إذا عشقت تجي تنعه قويه والسبب إن المكينة داعسة شوي

[جي ام سي 2002]

والله ياخوي ياليت في الرياض موقعي جدة بس سؤال بخصوص نفس الشيء في موترك هل لما تطفي السيارة تروح الدقه اللي في القير نفس موتري ؟؟؟ بس والله الجموس تغيرت مهي مثل القديم كل فتره طالع هالجمس بعله مره فصلت البطاريه صار المكيف جهت السائق حار وجهت الراكب باردر وتعبت فيه اللي يقول افصل الحار واللي يقول لازم نفك الهوايه اللي في الطبلون واللي يقول غير اخرتها طحت في واحد ابن حلال شبك اصباع واحد من البطاريه وشغل مفتاح المكيف وشغل الاسوتش ثلاث مرات وسحب المفتاح ورجع شبك البطاريه ورجع 100% عيب هالجموس برمجه وكلام فاضي بس ربك ييسرها
نعم اخوي اطفيه دقيقه والا دقيقتين وامشي تروح المشكله
بس النصيحه غير البدي بلف واللي يسمونه المخ او الخريطه ركب بدي بلف 2006 لانه افضل من اللي عندك وبالنسبه للسعر والله مدري عنه لان اللي وضب القير عندي هو اللي غيره على حسابه
بس نصيحتي غير البدي بلف بحق 2006 والله ماياخذ شغل ساعه واحدة

[جي ام سي 2002]

انا جابو لي من التشليح وركبوه وعلى ماعتقد انه قال سعره600ريال بس اهم شي 2006

[medo112]

هلا أخوي ..
الـ الترومنسيشن هاذا الحساس اللي قلت لك عنه .. بعض الموديلات نزل منه حساس وفيه حساسين بس ما ادري اي الموديلات نزلت فيها حساسين .. وفيه جهاز صغير يفحصها ..
بالنسبه للفالف بدي .. ما يغيرونه أصحاب الورش .. الا اللي فاهم وعارف الشغله انها من الفالف بدي ..
فيه لما يجيك القير يفلت أو ما يمشي خير شر هاذا دايم يكون كلتشات وبعض القطع الداخليه .. والفالف بدي يكون سليم ..
بالنسبه لأنهم ما يغيرونه جديد ..
شوف الوالد صاحب ورشه .. احيان لما يكون الخراب من الفالف بدي .. ندق على صاحب السياره تبي جديد ولا مستعمل يقول لا جديد .. وبروح اشوف سعره .. شوي الا داق كم مستعمل .. ندور في التشليح على 500 على 600 على حسب السياره ..
سعره جديد ما يقارب الالفين .. اذكر انه ينقص شوي عن الالفين ..

[الوديّ]

الله لا يخسر .. والله يعوضك بخير منه

[العربة الصغير]

ياشيخ عتيبه خذ هذا الرقم مهندس سعودي بالرياض كلمه واشرح له القصة تراه عبقري قيور



ابو سعود 0502808427