عندي اسئلة ودي القاء لها حل يا اخوان

[ابو طلال 222]

السلام عليكم ورحمة الله وبركاته

السوال الاول : وش الافضل للجمس دبل ارضي والا دبل اكتروني مع ذكر السبب لكل واحد

السوال الثاني : ودي اشتري جمس ومحتار بين الجديد من 2006 و2005 او القديم 96 و97 و98

السوال الثالث وهو المهم : كثير من الناس ما ينصحون بالجمس 96 ابو دبل ؟؟؟؟؟ وش السبب

الله يعطيكم العافية وسامحوني على الاطالة ... وشكرا

[اذاني]

وعليكم السلام

السوال الاول : وش الافضل للجمس دبل ارضي والا دبل اكتروني مع ذكر السبب لكل واحد

دبل ارضي اكيييييييييد ....... السبب يعمر معك ولافيه مشاكل كهربائيه ولانه يعمل بيدك اما الكهربائي

يعمل بواسطة دينمو كثيرا ماتخرب من الاتربه والطين.

السوال الثاني : ودي اشتري جمس ومحتار بين الجديد من 2006 و2005 او القديم 96 و97 و98

الجديد طبعا 2006 او 2005
السوال الثالث وهو المهم : كثير من الناس ما ينصحون بالجمس 96 ابو دبل ؟؟؟؟؟ وش السبب
اعذرني لا اعلم

[ابو طلال 222]

يعطيك العافية على مشاركتك موضوعي بس زي منت عارف الجمس 2006 او 2005 مافيه دبل ارضي والله اني محتار بين 96 و 2006

[كبسولة2]

تبي جمس خذ من موديل 2000 إلى 2003

أفضل موديلات في الجموس من واقع تجربة

وبالنسبة للدبل عندي واحد موديل 2000 دبل مطلعه وكالة وله الآن معي 12 سنة

ماشي 360 الف كيلو ولله الحمد لم أشتكي من مشكلة الدبل

التي يعاني منها أغلب ملاك الجمس

والسبب الستخدام الصحيح للدبل عند تعشيقه

وهو يجب توقف السيارة تماماً بعدين تعش الدبل الخفيف

وإذا أردت الثقيل تعشق خفيف حتى يشبك بعدين تعشق ثقيل

وإذا أردت ترجعه دفع خلفي تعشق خفيف بعدين تعشق خلفي

يعني بالترتيب

[ابو طلال 222]

الله يعطيكم العافية يا اخوان مشاركاتكم المنورة بس اليوم كنت عند فني ومتخصص دبلات فسالته عن هذه الاسئلة والله انه رد علي وقلي تبغى ترتاح خذلك من القديم واهم شي دبل ارضي ويكون نظيف لانك انت راح تتحكم فيه في كل شي واعطاله نادرة جدا الا اذا كان سوء استخدام لكن الجديد حساساته مشكله وصيانته مكلفة وقطع غيارة شحيحة في السوق وماهي كلها اصلية .... المهم في النهاية نصحني بال 96 .. هذا علمي وسلامتكم

[عبدالعزيز-1]

اول شي اخوي انت تسئل عن الجمس الحوض ولا الصالون ؟

بعدين ياخوي لو اخذت سياره موديل 96 معناها ان السياره لها 16 سنه وهي تنكد كد !!!

اما موديل 2006 مالها الا 6 سنوات بس !

يعني مهما يكون القديم راح يطلب منك لان العمر الافتراضي لاغلب القطع انتهى حتى لو كانت السياره مخزنه.

ومثل ماقال الاخ كبسوله هي تعتمد على طريقة استخدامك للدبل .

انصحك وبقوه بالموديل الاحدث واترك القديم اللي اكل عليه الدهر وشرب.

( نقطه اخيره ترى الموديل القديم يبغالك محطة بنزين تجرها وراك يصرف صرف موب طبيعي )

[ابو طلال 222]

يعطيكم العافية جميعا ...

[ابو باسل]

الجمس الحوض ياحبيله موتر خط وبر ومريح وقوة بالعزم

انا معي جمس حوض 96 غمارة واحدة له معي تقريباً 14 سنة الله يبارك فيه كد ومد له صولات وجولات بالبران والخطوط وعيبه انه غمارة واحدة

بس انصحك تاخذ غمارة ونصف

[ابو طلال 222]

لا والله يا اخوان ...قصدي على الجمس الصالون ... والله يعطيك العافية يا ابو باسل

[التعـ King ـديل]

اللي اعرفه ان الموديلات القديمه 99 وتحت افضل للكد من الجديد

[7ابو نواف7]

غير 2006 لاتدور

[escape_man]

حقبة التسعينات شهدت انهيار جي ام .. لا من ناحية التصميم او الجودة

افضل الجموس بعد السبعينيات والثمانينيات تبداء من موديل 2007

اما 2006 يطلق عليه البعض الهجين مثله مثل 1991

وجهة نظر وراي

[بدوي جنوبي]

والسبب الستخدام الصحيح للدبل عند تعشيقه

وهو يجب توقف السيارة تماماً بعدين تعش الدبل الخفيف

وإذا أردت الثقيل تعشق خفيف حتى يشبك بعدين تعشق ثقيل

وإذا أردت ترجعه دفع خلفي تعشق خفيف بعدين تعشق خلفي

يعني بالترتيب

معليش اخى كبسولة أختلف معك في طريقة تعشيق الدبل الخفيف
غالبا 99 % من السيارات ما يحتاج توقف عند تعشيق الدبل ممكن تشغله وأنت
تمشي حتى وانت على سرعه 60 او أكثر ،،

الأهم هو الدبل الثقيل لابد من الوقوف التام عند التعشيق او الفصل
وأصلا مستحيل يعشق معك وانت تمشي .

الا سيارات الامريكي التاهو واليوكن
ممكن تعشق الدبل الثقيل وانت ماشي بسرعه 10 كلم (للسياره ابو زر كهرب)

ولو تلاحظ ان الصانع وضع تعشيقة النترال N ما بين الدبل الخفيف والثقيل
لتكون فاصل بينها .
والدبل الخفيف ليس دبل مجرد توصيل الحركه للدفرنس الامامي فقط
الدبل الحقيق هو الثقيل فقط لا غير :good2:

بحثت عن مقطع لطريقة عمل الدبل ما لقيت الا عن القير
http://www.youtube.com/watch?v=tMGGvZGyRic

[شعاع الصبح]

انا عندي جمس 2001
دبل كهرب ماشفت منه الا كل خير
العيب اللي قاهرني عوامة البنزين
كل مدري كم تخرب
عالعموم
انصحك
ب
2006
واحرص
على
النظيف