المساعد الشخصي الرقمي

مشاهدة النسخة كاملة : نويت أشتري (باثفندر 2005)....وش رايكم...تكفووون بسرعة.؟؟


::الرهيب::
19/04/2006, 02:46 PM
السلام عليكم...

يالله حيهم...

أن أمس كنت في معارض النسيم بالرياض...
وشطفت على كم معرض...أدور على باثفندر 2005 جديد...
قير عادي-مخشب-بدون فتحة-...

لقيت سعرها بـ(75 ألف ريال)...في 3 معارض بنفس السعر..

....

وش رايكم....؟؟

أشتريه....ولا أصبر ..؟؟؟

تتوقعون ينزل سعوها...أصبر...؟؟؟

وتتوقعون اللحين سعرها مرتفع ولا نازل....عشان 2006 نزل...

تكفوووووووووووووون شوركم يالطيبين....بأسرع وقت..
المطرطع
19/04/2006, 03:06 PM
اذا كنت تبي تسمع النصيحه من واحد مجرب الباثفايندر

اشتر ولا تحسف

ولا تقول ما قاله المطرطع
شاص 915
19/04/2006, 03:23 PM
من عندي
اشتره لكن يليت ارخس من 75000




وتراه عندي ازيلك بدون فتحه



وسلام
عاشق نيساني
19/04/2006, 04:11 PM
مساك الله بالخير اخوي هاذي اول مشاركه لي بهذا المنتدى الرائع والمميز واتشرف باني ارد على موضوعك

اخوي انصحك بانك تاخذ الباث 2005 لان 2006 شكله تغير مرررره وشكل 2005 احلى واخف واتوقع ان ال2005 يرتفع سعره

اذا نزل 2006 لان 2006 كبروه بزياده وشكله موب زين وانصحك تاخذ ال2005 وقيرعادي والله يوفقك
هواي البر
19/04/2006, 04:34 PM
هلا اخوي الرهيب ؟؟؟

انصحك نصيحة خذلك 2005 لانه احلى وشكله جميل افضل من 2006 واخف ...

وسعره قل لاني اخبر ب 77000 وانت تقول 75000 يعني سعره جميل...

لان 2006 بيدا اسعاره من 96 - 120 الف ..


وشكرا
::الرهيب::
19/04/2006, 05:22 PM
المطرطع

الله يبيض وجهك...قل آمين...
مشكور على النصيحة الغالية..ياغالي.

شاص 915
مشكور على ردك....بس ما أظن فيه أرخص من كذا..
لكن بأحاول أكاسره... ;)

عاشق نيساني
الله يحييك...وأنا أتشرف أكثر بردك...
هين..إن شاء الله بأشتري 2005
معصي أشتري 2006
... ما بعد خربتها.... :D


هواي البر

هلا فيك
إن شاء الله..أستقريت على 2005..
دعواتكم لي بالتوفيق.....

....

تنبيه:
أنا مالي نية أشتري 2006
لكن حبيت أسأل هل الآن سعر 2005 مرتفع...
ومتى تتوقعون ينزل السعر؟؟؟
ولا أشتري اللي بـ 75 ألف ريال..
وأتوكل على الله...؟؟؟
بواسامه
19/04/2006, 05:32 PM
اشتر مايبيلها مشاور
بس لا تتعدى التماتيك
نشيط مريح اذا انت من اهل الرياض
وارغب بالبيع والله اعلم
::الرهيب::
19/04/2006, 05:39 PM
السلام عليكم..

حياك الله أخوي/(أبو أسامة)
شاكر لك مرورك يالغالي...
بس تصدق إن القير العادي بـ 75 ألف.
والتماتيك بـ 85 ألف ريال...

فرق 10 آلاف ريال...

...والميزانية ماتسمح....

وبعدين كل من شفته....مدح لي (العادي)..
وبقولي واحد من الشباب يعرف ثنين عندهم باثفندر تماتيك..
إن فيه صوت في القير...!!

...

تحياتي..
بواسامه
19/04/2006, 05:51 PM
اربع سنوات
كاد الباث كد الويل
دوليا وبريا وبحريا
وتماتيك وما شكيت منه ابد
نصيحه محب لا تشتري الا تماتيك بذات الباث
لانه والله نشيط بدون مبالغه وماتحتاج العادي
وانا اشوف ان القير اختياره مهم كسياره باستعملها
وشلي بكلام الغير
ترى بيجيك شد عضل في طريق الملك فهد من القير العادي
اذا من غير اهل الرياض وزحماته المقرفه اقولك خذ عادي
بس الرياض ما ينصبر عليه بالعادي وهذا رأيي ولا الزمك فيه
وبتلقى اخو الجديد ماشي 5000 الاف وطايحه 10000الاف من قيمته
وكثير بس وسع صدرك في التدوير
عموما موفق
غضنفر
19/04/2006, 07:41 PM
قير عادي وانت مغمض
قبل كم يوم كان فيه تحدي بين اثنين اعرفهم واحد معه باث تماتيك والثاني عايدي
والتحدي كان في الرمل واثبت القير العادي انه يفرق كثيرررررر عن التماتيك من ناحية القوة
مراقي يرقاها العادي بدون دبل والتماتيك وهو شابك الدبل الخفيف يرقا ثلاث ارباع الطعس ويدور
وغير كذا العادي اقل صرفية بنزين لأنه 5 تعشيقات بينما التماتيك 4 تعشيقات
والعايدي ما ترتفع حرارته علطول مثل التماتيك
التماتيك ما فيه الا ميزة الراحة فقط
والباث وذف وصغير وخفيف وسواقته حلوة ولا هوب ثقيل مثل الاند واليوكون يعني ما يحتاج انه يكون تماتيك
وهذا رأي
hdd4004
19/04/2006, 10:23 PM
السلام عليكم
مدام الاخ سئل عن الباثفندر هل هو يصرف بنزين ولالا
شبح الصحراء
19/04/2006, 11:14 PM
الباث فايندر أفضل جيب نيسان طلع إلى الآن وافضل من الباترول في نظري فاشتره ولا تتردد وموديل 2005 ممتاز جداً ولا اعلم عن الشكل الجديد 2006 ولكنه غالي واكبر من اللازم وممتاز للعائلات الكبيرة لأن فيه صف ثالث من المقاعد أما 2005 فميزته خفيف الوزن وموديل معروف ومجرب ولكن سمعت فيه ناس تشتكي من حساس فلتر الهواء يقولون انه كثير الإحتراق مما يسبب توقف السيارة ولكن لم اتأكد من هذه المعلومة ويا ليت احد يعطينا الخبر اليقين عن حساس فلتر الهواء في الباث .
نمر بن حثلين
19/04/2006, 11:42 PM
توكل على الله

2006 نفس مواصفات الي تبي تشتري سعره ب 115 الف وصناعه امريكيه بعد !

بس اذا تطيع الشور
اذا انت راكد منتب راعي تطعيس ولا لعب بالموتر
خذ تماتيك حتى لو زاد عليك شوي
تراه اريح بواجد وابد لافيه صوت ولا شي
العشة
19/04/2006, 11:56 PM
شف وانا اخوك اذا كانت معزم على 2005 لاتشتري الا مستعمل لان الجديد يبي يطيح مره بعد الفين وسته

وسلامتك ..
hdd4004
20/04/2006, 12:08 AM
ياخوي من اي معرض لاقيه 75000

وشكرا
123456
20/04/2006, 03:42 AM
اشتره واتكل
::الرهيب::
20/04/2006, 01:16 PM
السلام عليكم..

أبشركم شريته...اليوم عطيتهم (العربون)..ويوم السبت آخذه...إن شاء الله.
إدعوا إن الله يطرح فيه البركة..يا وجيه الخير..


بو أسامة.
الله يعطيك العافية... : )

black path
خلاص غمضت وشريته.... :D
هو مافيها كلام العادي..أقوى.
<<-- عشانه شراه... :p
<--بيصير إسمي (White Path) :p

شبح الصحراء
شاكر لك ردك...الله يجزاك خير.

نمر بن حثلين
خلاص شريت عادي.....بس (الفرق بينهم10 آلاف ريال .. شويه...؟؟؟ :no: )

العشة

هلا بك...أخبر سعره بيرتفع إذا نزل 2006...ولالا...زي الهايلوكس 2005
عموماً خلاص (شريته)..ولا يمديني أتراجع..؟؟

hdd4004
لقيت بمعرض (نجد) اللي بالنسيم....وأتوقع كل المعارض يبيعونه بـ 75 ألف (جديد)..بنفس الموصفات.

123456
خلاص..تم...
الله يطرح فيه البركة.. :)

:::::
غضنفر
20/04/2006, 01:43 PM
الله يعطيك خيره ويكفيك شره
ويباركلك في حلالك
على فكرة ترى تقريبا نصف اعضاء مكشات معهم او كان معهم باثفايندر
::الرهيب::
20/04/2006, 02:14 PM
هلا والله
black path

اللهم آمين...
الله يبارك فيك..
* معلومة جديدة....ومفرحة.. ;) :D

الله يحفظك.
ناجز
20/04/2006, 05:53 PM
الله يطعمك خير ويكفيك شره
ولوصيرت كم بينزل لف او الفين او ثلاثة ماتسوى
الله يبارك لك فيه
ابوعبيده
21/04/2006, 10:26 PM
الله يطعمك خيره ويكفيك شره ..
شبح الصحراء
22/04/2006, 03:17 AM
الف الف مبروك والله ينطيك من خيره ويكفيك شره .
hdd4004
22/04/2006, 01:28 PM
مبرروك الله يعطيك خيره ويكفيك شره
أبو ستري
23/04/2006, 12:07 PM
الله يعطيك خيره ويكيفك شره ..
توني ماخذ واحد جديد وقير عادي بعد :)