تقرير مصور تركيب مساعدات بلستين BILSTEIN 5100 على التاهو سعد القاسم

[سعد القاسم]

السلام عليكم
تحيه طيبه للجميع


من باب حب لاخيك ماتحب لنفسك حبيت مشاركاتكم بهذا اتقرير



واسال الله ان ينفعني وينفعكم به


واي خدمه نعين ونعاون



بسم الله ماشاء الله لا حول ولا قوة الا بالله نبدأ وبه نستعين




اولا


فكرة اقتناء هذه المساعدات بالذات جاءت بعد قرار اتخذته بخصوص المساعدات الي تجي مع الوكاله وللاسف لسوء عدم تحملها وخصوصا بالطرق الوعره (( بالبران )) لم تتماسك طويلا هذه المساعدات


فبعد تقريبا 80 الف طلع زيت المساعدات الي ورا


وتفقعن الي قدام مع العلم اني لست مستخدم جفس على السياره انما مسايس وتحميل على الموتر احيانا من عزب اثناء الطلعات وعفوش للعائله ايام الاجازات ونحوه ..


الى ان سخر الله لي اخوه مثلكم استعنت بهم بعد الله في اقتناء نوعيه ممتازه وتدوم طويلا
فلهم مني خالص الدعاء والشكر بظهر الغيب ..




ثانيا


بعد تيسير الله وقع الاختيار على مساعدات نوع BILSTEIN 5100
لنوع السياره تاهو 2010 دبل ..



الحمدلله طلبت المساعدات من موقع اسمه شوك وير هاوس



http://www.shockwarehouse.com/ (http://www.shockwarehouse.com/)



موقع امريكي ممتاز تمت تجربته


واليكم التفاصيل



1- تدخل الموقع


2- تشوف امامك خيارات



CARS



http://www.shockwarehouse.com/images/clearpix.gif



TRUCKS



http://www.shockwarehouse.com/images/clearpix.gif



MOTORHOMES






تختار في اي نوع سيارتك وتختار الشركه مثلا شفر او جمس او تيوتا الخ .. بس اهم شي تختار نوع السيارة صغيره كبيره وش نوع موترك ...


3- انا اثناء اختياري اخترت


TRUCKS ثم شفريله من نفس هذه القائمه
لان نوع السياره تاهو قصير ال تي دبل


ثم تضغط كلمة sumbit البرتقاليه



4- تطلع لك قائمه بالسياره كلها لهذا النوع وهذه الماركه بعد كذا اخترت نفس موتري
Tahoe 4 door 4wd
وتعني تاهو اربع ابواب دبل


ثم تطلع لك صفحه وفيها جميع شركات المساعدات الي يوفرونها لك وانت بكيفك تاخذ اي شركه


ولكن انا وقع الاختيار على بلستين لكفائتها وسعرها المناسب


طبعا اول خيار في الصفحه معطيني بلستين 5100 وتقدر تاخذ امامي وتقدر تاخذ خلفي ان شاء الله حبه واحده او طقم كامل او حبتين الي تبي موجود


بعد ذالك اخذت مرادي


وطلع Part Number ويعني رقم القطعه F4-BE5-E376-H1 للامامي


والخلفي رقم القطعه F4-BE5-F265-H0


طبعا بعد اضافتها لسلة المشتريات تقوم باكمال عملية الشراء ولن اخوض في هذا الجانب لانه معروف لمن يشتري دائما من النت


بعدما تاكدت من بطاقتي الفيزا او الماستر وان المبلغ المحسوب بالدولار يغطي اتممت العملية مباشره وكانت المساعدات غير متوفره فحجزت معهم لمدة اسبوع تقريبا لين تتوفر والحمدلله توفرت وارسلوها على طول بعد ذالك وصلتني المساعدات


وكنت متخوف انها ماتجي نفس المقاس الي انا ابي وخصوصا اني رافع الموتر 3.5 انش لفت كيت روش كنتري من امريكا وكنت متخوف من ها الجانب ان تكون مقاستها غير متناسبه والحمدلله وصلت وعلى طول شيكت على مقاسها مع مساعدات الوكاله وكل شي تمام نفس المقاس بالظبط


ثالثا
ندخل في الصور والتركيب


هذا الامامي والخلفي بكراتينهن ماشاء الله هههه:D


https://lh6.googleusercontent.com/-aN3ZBiYSCSU/T0QE1KTZtyI/AAAAAAAAAJ8/NdC7VZaX4Pw/s900/BILSTEN_on_tahoe_Saad.jpg


وهنا ايضا رقم القطعه المطلوبه مكتوب على كل كرتون


https://lh3.googleusercontent.com/-3b0UlGdCxNM/T0QE8X9R0kI/AAAAAAAAAKE/xI-A5cXE3RE/s512/BILSTEN_on_tahoe_Saad001.jpg



وهنا الامامي والخلفي وكما يلاحظ رقم القطعه ايضا منقوش نقش


https://lh4.googleusercontent.com/-8MG5GOvaWho/T0QF_U5mE8I/AAAAAAAAAKY/oPyMH4Jc1I0/s512/BILSTEN_on_tahoe_Saad003.jpg


المساعد الخلفي القديم


https://lh6.googleusercontent.com/-E6eN3qeQmzQ/T0QGBYjggpI/AAAAAAAAAKg/VVDmBjJPCjs/s512/BILSTEN_on_tahoe_Saad004.jpg


مقارنه بين المساعدين ومقاسهم والحمدلله المقاس مضبوط


https://lh4.googleusercontent.com/-Q1ufrNCsjsA/T0QGDJDrsaI/AAAAAAAAAKo/5qteX3qPFkI/s900/BILSTEN_on_tahoe_Saad005.jpg



طبا نسيت اذكر ياخوان ان هناك ميزه جيده في هذه المساعدات
خصوصا الامامي باستطاعتك يعطيك رفعه لمقدمة السياره بدون كعكات وخرابيط


وهذي جايه مع الامامي وسيرد لها شرح ان شاء الله


https://lh6.googleusercontent.com/-E3egX8eHx0o/T0QGFc64QqI/AAAAAAAAAKw/RpLXnHjHhwo/s640/BILSTEN_on_tahoe_Saad006.jpg


وهنا الشرح في هذا الكتالوج الي جاي معه


https://lh4.googleusercontent.com/-2EUnuGrb2oM/T0QGHN0LlMI/AAAAAAAAAK4/DMeQ6_qMWZw/s800/BILSTEN_on_tahoe_Saad007.jpg


ومعناة هذا الرسم
انك اذا بغيت تخلي الموتر شد بلد ارتفاع الوجه تخلي الحلقه مثل الرسم الاول من اليسار


واذا بغيت يعطيك ارتفاع نص انش يعني 0.59 تخلي الحلقه مثل الرسم الثاني من اليسار


واذا بغيت ارتفع 1.18 انش تخلي الحلقه مثل الرسم الثالث من اليسار


واذا بغيت ارتفاع ايضا للمقدمه كما ذكر كله للمقدمه 1.77 انش تخلي الحلقه مثل الرسم الرابع والاخير


بكل بساطه وكل شي واضح


فقط كل مافي الامر تروح لمكان عنده الة كبس لان المساعدات الاماميه ملفوف عليها ياي وتحتاج الى كبس لتفك وتركب الياي علشان تستبدل القديم بالجديد


رابعا


انطباعي عن المساعدت والراحه والاداء


طبعا لا تحكمون على كلامي بحكم اني جايبهن للاسخدام في البر واما في المدينه فعليها من القساوه الشي البسيط واستطيع تقديره بواقع 20 بالميه عن مساعدات الوكاله وصالحه للاستخدام اليومي بنظري الا من يدور على الليونه الزايده هذا امر اخر ..


فالمساعد يا اخون عليه من القساوه الشي البسيط فقط وبكلامي هذا اخلي مسؤليتي تمام عن اي حاله او اي شي لمن لا يعجبه اثناء التجربه او الاقتاء ... موب تقولون ورطنا بن قاسم هههه



خامسا
التكاليف :f <<لا تخافون تراهن اوفر من الي يركبون الوكالات وافضل من اي يركبونهن الشباب هنا


بالنسبه للتكاليف
طبعا تكلفتهم قطعت حدود 1480 ريال
واما الشحن لعنواني بامريكا بحدود 590 ريال فيها كسور لاني ماذكرها بالظبط


لتصبح التكلفه الاجماليه 2070 ريال واصله لعندي لاربع مساعدات


وانا اقول للاخوان لو تلقالك واحد بيجي من هناك يجيبهن معه اوفر من الشحن طبعا اذا يقدر وعنده امكانيه وزن ...


المشاكل الي واجهتني


طبعا يا اخوان انا لا تحكمون على موتري لاني رافعه ومعدل فه امور واجد
واغلب الشباب الي ركبوها لم تواجههم اي مشاكل لا فنيه ولا لمبه ولا غيره
الي حصل معي يا اخوا ن ان بعد تغيير المساعدات الخلفيات ولعت عندي لمبة ABS ومانع الانزلاق والحمدلله راحت مع استعادة البرمجه ورجع كل شي تمام يالله لك الحمد عاد موب شرط تصير وتصير احيانا لاني استشرت اهل الخبره وذكرو لي الحلول والحمدلله انحلت ولم اواجه اي مشاكل فنيه بعدها ..


وفقكم الله يا اخون امل ان اكون وفقت في عرض هذه التجربه
اسال الله ان لا يحرمني دعوه منكم بظهر الغيب حفظكم الله
والي يبي اي خدمه حاضرين يالربع ...


اخوكم سعد بن عبدالله القاسم

[سعد777]

اشكرك جزيل الشكر على هذا التوضيح
جمعت لنا بهذا الموضوع أثنتين بواحد لإصحاب التاهو وما شابهه
1-ارتفاع حسب الطلب 2-مساعد يتحمل البر


سؤالي
هل يركبن على السيراء دبل 2011 ؟
يستاهل التقيم

[سعد القاسم]

بكل تأكيد يالسمي ياخوي سعد

انا ماخذ علمهن من اهل الحوض ..ههههه ماقصر بيض الله وجيههم
طبعا مثل ماذكرت لك تسوي الطريقه الي ذكرتها في بداية الموضوع اذا دخلت الموقع وتحط نوع الموتر وتمشي على هالخطوات وان شاء الله يطلع لك النوع الي يتوافق مع موترك

اشكر لك تواجدك الطيب يالطيب

[أبـوأسـد]

ماشاء الله تبارك الله


الله يعطيك خيرها ويكفيك شرها


تعجبني المواضيع الي كذا أخوي سعد :good2:


وتراني معجب أيضا بموضوع الهوبات الرياضية والفحمات السراميك :D


وفادني كثير وشكلي ناوي أسوي زيك بكل الموضوعين ;)


بغيت أسئلك هل شركة أخرى


هل البليستن ممتازة أم PRO COMP أفضل؟


http://fatbobsgarage.com/images/F28196728.jpg


لأني بعد فترة ناوي أغير الي عندي وبعضهم ما نصحني بالرانشو يقول هذي الشركة أفضل


ودي تعطيني رأيك

وبخصوص الترفيع الي يجي بنفس المساعد هل هو للأمامي فقط؟ أم للأمامي والخلفي معاً

[سعد القاسم]

حفظك الله ابو اسد بالنسبه للترفيع فقط امامي ولا فيه مساعدات ترفع خلفي على حد علمي والله اعلم لان نظام الياي سيتخلف بحكم ان موتري ياي

المهم بالنسبه لنوع برو كومب شركه معتبره في مجال التعديل والاوف رود على قولتهم في البر ولكن لا استطيع ان افتيك لاني لم اجربهن ولم ارى احد حط مثلهن

ومن خلال جولاتي بالنت ورأي الشباب

ذكرو لي في المقام الاول مساعدات فوكس بس غاليه مره وبعدها الكينق اقل شوي وبعدها البلستين ان لتكن البلستين قبل ..

ودي والله افيدك بشي بس قول لا اعلم نصف العلم اوانا اخوك وانا حقيقة لا اعلم بهذا النوع وشو هو من لحيه هههه

اما الهوبات فما فيها كلام ماشاء الله وانت مغمض مناك اذا الامور متيسره .. يسر الله علينا وعليك

[Magellan]

مشكوور اخوي سعد القاسم على الشرح
اكثر مايعجبني بمنتجات جي ام وشيفروليه هي قطع التركيب اللي تجي من الشركات المسانده
فتوفر الخيارات المتعدده لماركات قطع الغيار
فبإمكانك تغير الهوبات والفحمات وكذلك المساعدات وجلب المقصات وغيرها الكثير من قطع بديلة لقطع الوكالة وافضل منها
والشراء بالنت متعه لمن جربها وحفظ $$$$
شكرا لك

[.أبوعبدالرحمن]

وعليكم السلام ورحمة الله وبركاته


الله يعطيك العافية على هذا الموضوع الجميل

والأكثر من الرائع بمحتواه

[سيف الظفير]

جربوا مساعدات ليفلز الاسترالية من 4*4 بالرياض وادعوا لي

[محمد السالم]

بس ما لاحظتو انه مكتوب عليها بالعربي معناتها قد يكون لها وكيل بالسعوديه

[ابن عكاش]

وفقك الله وكثر من امثالك
مبدع بكل ماتعنيه من كلمة
تقبل مروري

[GM_400]

يعطيك الف عافيه اخوي سعد

انا ابحث عنها من زمان من كثر ماسمعت عن جودتها وقوة تحملها

وش الفرق بين الفضي والأصفر او البرتقالي

ننتظر نتيجه التجربه


شكرا لك

[أبـوأسـد]

المشاكل الي واجهتني

طبعا يا اخوان انا لا تحكمون على موتري لاني رافعه ومعدل فه امور واجد
واغلب الشباب الي ركبوها لم تواجههم اي مشاكل لا فنيه ولا لمبه ولا غيره
الي حصل معي يا اخوا ن ان بعد تغيير المساعدات الخلفيات ولعت عندي لمبة ABS ومانع الانزلاق والحمدلله راحت مع استعادة البرمجه ورجع كل شي تمام يالله لك الحمد عاد موب شرط تصير وتصير احيانا لاني استشرت اهل الخبره وذكرو لي الحلول والحمدلله انحلت ولم اواجه اي مشاكل فنيه بعدها ..



أخوي سعد بغيت أسئلك

بخصوص مشكلتك الي واجهتها وحليتها بعد أستعادة البرمجة

ياليت توضح أكثر كيف أستعدتها هل عن طريق جهاز برمجة لديك أم لدى ورشة وبأي صناعية هذي الورشة وكم أخذو عليك ودي بمعلومات أكثر لأن يمكن أحد زملائي يحتاجه مستقبلا :)

[salman66]

ما قصرت .. مجهود تشكر عليه
لكن تقول قساوتها 20 % تقريبا

بحكم اطلاعك على الموقع وخبرتك .. ما فيه أنواع ثانية أكثر ليونه ؟

[سعد القاسم]

مشكوور اخوي سعد القاسم على الشرح
اكثر مايعجبني بمنتجات جي ام وشيفروليه هي قطع التركيب اللي تجي من الشركات المسانده
فتوفر الخيارات المتعدده لماركات قطع الغيار
فبإمكانك تغير الهوبات والفحمات وكذلك المساعدات وجلب المقصات وغيرها الكثير من قطع بديلة لقطع الوكالة وافضل منها
والشراء بالنت متعه لمن جربها وحفظ $$$$
شكرا لك


العفو الله يعافيك وبارك الله فيك بالنسبه للتغيير فعلا كل شي تستطيع تغييره وتزويده
وعني انا غيرت اشياء كثير بدون ترهيم وبدون مشاكل ولله الحمد فقط فك وركب .. والحمدلله

شكرا لمداخلتك الطيبه

[سعد القاسم]

وعليكم السلام ورحمة الله وبركاته


الله يعطيك العافية على هذا الموضوع الجميل

والأكثر من الرائع بمحتواه



الله يبارك فيك اخي ابوعبدالرحمن

وان شاء الله نقدم مايفيد

[سعد القاسم]

جربوا مساعدات ليفلز الاسترالية من 4*4 بالرياض وادعوا لي

الله يحيك اخي سيف وبارك الله فيك
عني اول مره اسمع بهن وانا اخوك وان كان لك تجربه اعرضها الله يعافيك لاهنت

[سعد القاسم]

بس ما لاحظتو انه مكتوب عليها بالعربي معناتها قد يكون لها وكيل بالسعوديه

حياك الله اخوي محمد بالنسبه للوكيل فللاسف لم اسمع بوكيلها لاني فريت بعض المحلات لقيت عندهم صغار ولم اجد الطقم الي ابغاه ومريت الصناعيه السبتي ومحلات واجد ولا لقيت الي نفس المواصفات الي ادورها الا بالنت فقط ..

الله يبارك فيك

[سعد القاسم]

وفقك الله وكثر من امثالك
مبدع بكل ماتعنيه من كلمة
تقبل مروري

الله يحيك ياخوي بن عكاش دعواتكم بارك الله فيك

والابداع هذا لاجلكم يالغالي فمنكم نستفيد

[سعد القاسم]

يعطيك الف عافيه اخوي سعد

انا ابحث عنها من زمان من كثر ماسمعت عن جودتها وقوة تحملها

وش الفرق بين الفضي والأصفر او البرتقالي

ننتظر نتيجه التجربه


شكرا لك

حياك الله يالغالي شكر الله لك

الفرق طال عمرك الفضي ينفع للاستخدام اليومي بشكل عام وممتاز ايضا بالتحمل على مدى الزمن

اما الاصفر او الي يجي لونه اصفر وبرتقالي فهو حق استخدامات صعبه وتحميل ويطلق عليه هيفي ديوتي ومطبه قاسي مره ولكن انا اشهد انه حق تحميل لا يعلى عليه ..

بس عاد قاسي مره

وانت بالخيار يابعدي ...

_______

بالنسبه للتجربه فانا نزلت الموضوع بناء على التجربه ولا فيه ا اضافات اخرى

ان بغيتها بالبر فخذ تماسك على كيفيك وان بغيتها في المدينه وا بغيتها ان شاء الله لك وللزمن والحمدلله ..

[سعد القاسم]

أخوي سعد بغيت أسئلك

بخصوص مشكلتك الي واجهتها وحليتها بعد أستعادة البرمجة

ياليت توضح أكثر كيف أستعدتها هل عن طريق جهاز برمجة لديك أم لدى ورشة وبأي صناعية هذي الورشة وكم أخذو عليك ودي بمعلومات أكثر لأن يمكن أحد زملائي يحتاجه مستقبلا :)[/CENTER]

سم يالغالي بالنسبه لاستعادت البرمجه هناك نوعين

النوع الاول هناك جهاز كبيوتر صغير يشبك بالموتر ويقوم الفني باستعادة البرمجه العاديه للسياره هذي الحاله الاولى اما تنجح او لا

واما النوع الثاني او الحاله الثانيه استعادة برمجه عن طريق النت بطلب كود

وهذا الي حصل معي

اما قيمة البرمجه العاديه 150 ريال وبرمجة النت 300 الى 400 ريال عن طريق مركز التقوى تقاطع مخرج 9 مع ابو بكر بالرياض

فانا خليت المشكله هذي وحاولت افصل البطاريه وافصل الفيوز وقلت يوم بعد كم يوم تزين ولكن للاسف لم تصلح الا بعد استعادة برمجة نت بل حتى البرمجه العاديه مانفعت معي ..

والحمدلله لها الان اكثر من اسبوعين والامور تمام طامرت عليها خلا الخميس والجمعه نهاية كل اسبوع والامور بخير ولله الحمد

[سعد القاسم]

ما قصرت .. مجهود تشكر عليه
لكن تقول قساوتها 20 % تقريبا

بحكم اطلاعك على الموقع وخبرتك .. ما فيه أنواع ثانية أكثر ليونه ؟

الله يحيك ياخوي سليمان بالنسبه لتحديدي للنوع هذا بالذات لاني شفت اغلب الي يستخدمون سيارتهم للاستخدام اليومي لقيتهم مركبين هذا النوع وخصوصا بامريكا
وقد اكون اعطيتها نسبه مبالغ فيها ولكن قلت احتاط في عرض التجربه لكي لا ياتي احد ويقول انها اقسى مما قدرت فانا قد اكون مبالغ بعض الشي والا بالنسبه لي الحمدلله جايزه لي تمام
والي بيجرب قبل لا يركبهن حياه الله نعين ونعاون ...


واما للانواع الاخرى فلم اتطرق لها مثل الشكرات الاخرى وغيرها كثير ولكن لا اعلم فيها حقيقة ولا افتي فيها فهذا العرض الي عرضته بالموضوع عن تجربه شخصيه
وعن تجربة الشباب ونصايحهم وعن رؤيتي لمن اقتناها بالخارج

[GM_400]

حياك الله اخوي محمد بالنسبه للوكيل فللاسف لم اسمع بوكيلها لاني فريت بعض المحلات لقيت عندهم صغار ولم اجد الطقم الي ابغاه ومريت الصناعيه السبتي ومحلات واجد ولا لقيت الي نفس المواصفات الي ادورها الا بالنت فقط ..

الله يبارك فيك
البلستين هذا النوع اصلا للمرسدسات القديمة اللي مساعدها زيت وتجي منها انواع ومقاسات مختلفه وكان لها وكيل قديماً وسكر بعد قله الطلب عليها بسبب تغير المساعدات الجديدة للمرسدس الهيدروليك
لو يدري وكيلها الآن ان عليها طلب من حقين الجموس والدفع الرباعي كان ضاق صدره

لاتعلمه ياسعد القاسم وخذ وكالتها :)

[سعد القاسم]

خلاص اجل نمسك وكالتها من النت والي يبي نجيب له ههه

الله يعافيك ياخوي جي ام ابد نعين ونعاون والي يبي مثلهن يكتب رقم المساعد بالظبط وان حصلته طلبته له حياكم الله جميع وان شاء الله نعين بالي نقدر عليه

[Moshakes13]

مشكور اخوي سعد على الموضوع

انا اشهد انها مساعدات اكثر من ممتازة

مركبها عندي صار لها اكثر من سنتين, الموتر استخدام يومي وبر وطلعات وما اشتكيت

[Bader-M]

وعليكم السلام
مشاء الله تبارك الله شغل مرتب
على فكرة كم سعر مساعدات شد البلد

[سعد القاسم]

لنا عودة بحول الله وقوته

[سعد القاسم]

مشكور اخوي سعد على الموضوع

انا اشهد انها مساعدات اكثر من ممتازة

مركبها عندي صار لها اكثر من سنتين, الموتر استخدام يومي وبر وطلعات وما اشتكيت


الله يعطيك الصحه والعافيه شكرا لعرض التجربه والله يبارك لك فيها :)

[سعد القاسم]

وعليكم السلام
مشاء الله تبارك الله شغل مرتب
على فكرة كم سعر مساعدات شد البلد

الله يحفظك ياخوي بدر

على حسب اعتقادي قبل شهرين سعر المساعد العادي 600 وطالع مضروبه باربعه 2400؟؟؟؟؟ ولاتنى الجوده اهم معيار هنا

وسعر المساعد الهيدروليك 2000 ريال وطالع وعليك الحساب

[سعد القاسم]

الله يحيكم جميع

[Leader86]

الله يعطيك العافيه يالغالي .. الحين بالكويت موجوده هالنوعيّه والا لازم اطلبها ؟!

[سعد القاسم]

نعم موجود بالكويت ياعزيزي واتقد بصناعيه الشويخ اذا ماكنت غلطان

والله يوفقنا واياك

[الفهد-08]

السلام عليكم ورحمة الله وبركاته
اخوي سعد شكرا لك على هالتقرير الاكثر من رائع بس حبيت اسئل هل احصل نفس هالنوعية للاند كروزر 2008 اماميه الي تجي مع اليايات .
شاكر ومقدر لك .

[zulfi]

اخي سعد تكفى كم سعر الخلفيات . ابركبهن على جي أكس 99 و كم طول المساعد ,, ارجو الافاده لاني مليت من الترهيمات أخر ما توصلت له مساعدات الحوض الخلفيات احطهن ورا , أرهم مسمار طبعا علشان يركب من فوق , بس مااااش ما يعيش :mad::mad: لالا تخليني يا بعد تسبدي .:D

[سعد القاسم]

اخوي الفهد الله يحفظك للاسف ماحصلت شي في الموقع يتوافق مع موترك طلع لع نأسف لا يتوفر العنصر الي تبحثه

قد يكون هناك بديل اخر وجيد ولكن لا اعلم علشان ما افتيك ويجب عليك البحث جيدا والي اقدر اخدمك فيه ابشر

[سعد القاسم]

اخوي زلفي
لقيت لك هذي متوافقه مع مواصفات موترك بلد

ولكن فيه ملاحظه على هذه النوعيه ترها قاسيه ومعروف الي لوها اصفر من شركة بلستين بالعاده تجي حقت تحميل واستخدام شاق ومكده

انظر الى الصوره هذا الامامي ارجو ان تتأكد منه وتعلمني

http://www.shockwarehouse.com/images/site_images/2739-300.jpg

صحيح او لا

وهذا الخلفي

http://www.shockwarehouse.com/images/site_images/2740-300.jpg

بس ترا مثل ما قلت لك تراهن قاسيات وهي تعتبر للاستخدام الشاق
ويطلق عليها

HEAVY DUTY

بالنسبه لقيمة المساعد الواحد مع الشحن الامامي 620 ريال مع الشحن

واما الخلفي فهو اغلى كما هو موضح في الموقع مع الشحن الى السعوديه طبعا

ب 764 ريال

ويركبن على موديلات من من 98 الى 2005
للاند

وهذا الرابط للشركات الي تتوافق مع موترك

http://www.shockwarehouse.com/index.cfm?mode=results&selected_model=30506&selected_year=1999

واول شركه هي البلستين الي نتكلم عنها

والله يوفقنا واياك

امل ان اكون وفقت في فائدتك

[zulfi]

الله يجزاك خير ياسعد كفيت و وفيت و الله يجعل من جابك بالجنه..

[الفهد-08]

الله يجزاك خير يااخ سعد كفيت وفيت وما قصرت رحمة الله ولديك

[تميمي عنقري]

الأخ سعد كفيت ووفيت
وأسأل الله أن تكون ممن قيل فيهم : (خير الناس أنفعهم للناس)
جزاك الله خيرا

[الطرس ممدوح]

اشكرك جزيل الشكر على هذا التوضيح

[سعد القاسم]

الله يجزاكم خير ياجماعة واسال الله ان ينفعنا واياكم بما نقدم

[Magellan]

سعد حبيت أسألك ان كان تتذكر ايش نوع جهاز الفحص اللي استخدمه التقوى
وهل نزّل التحديث من الانترنت مباشرة
وشكرا

[سعد القاسم]

حياك الله ياخوي ماجلان والله في هالامور عاد اجهل فيها ولكن

اذكر اول ماجاب الجهاز العادي الي يمسكه بيده

شكله غريب شوي وتراه من فوق اعرض وفيه شاشه واما من تحت انحف بشكل طولي ولونه مايل للزراق الغامق
ولكن هذا مانفع في الاستعاده الاوله ريست على قولتهم مانفعت

وبعد ماخليت الموتر تقريبا نصف يوم اتصلو علي وقالو الموتر جاهز

وسالتهم عن الطريقه وقالي طلبنا فتح كود او شي من هالقبيل او انهم طلبو كود من الشركه ..
لان العامل الي اشتغل فيها كنت اناقشه بالانجليزي

وانا اصلا مالي في البرمجه خير شر ولكن كل الي فهمته بعد مالمت اهل الخبره ذكرو لي ان هناك كود في شركة جي ام وشفر يعطى لبعض الشركات في حال طلبه ولابد تكون الشركه او الورشه لديها ارتباط بنظام جي ام وشفر ..

والحمدلله الامور طيبه

ان شاء الله اني افدتك

[Magellan]

مشكوور اخوي سعد
الجهاز الاول حسب وصفك اسمه hypertech 2 وسعره غالي فوق 4000 ريال
وهو يبرمج انواع محدده للسيارات وبالموديل
يعني ممكن ينفع تاهو 2007 ولكن ماينفع لتاهو 2009
لكن اذا كذا شغلهم فهو مناسب سعره
كبعا اتوقع انهم سوو تحميل وتنزيل على الموديول حق موترك
والله اعلم

[مكشات وبس]

مممتاز
والله يعطيك العافيه

[سعد القاسم]

الله يعافيك ياخوي ماجلان
والله ما ادري وانا اخوك ولكن فهمي في البرمجه ضعيف ولا اعلم في هذا الجانب حتى البرمجه الي مسويها لسيارتي برمجه خفيفه وليت عاليه على السيفتي ان شاء الله

واعتقد اذا كنت تقصد هذا الجهاز لان بحثت بالكلمه الي حطيتها فلقيت هذا

http://www.jegs.com/images/mfr/533_mfr.jpg

وفي الحقيقه ليس هو الي شفته كان كبير ويصل طوله تقريبا الى 30 سم
وعلى شكل حرف Y

صحيح بالنسبه للسعر فهم يستحقون حقيقه لتعاملهم الطيب وخصوصا عمالهم محترمين لوا يتوانى عن تقديم اي معلومه .. والحمدلله

______

بارك الله فيك ياخوي مكشات وشكر الله لك .. وان شاء الله انا قدمنا الي يفيد

[سعد القاسم]

اخوي ماجلان

الجهاز الي ذكرته لك الي جابه في البدايه قريب من هالشكل بس اكبر من فوق شوي

http://image.made-in-china.com/2f0j00hMbQGrjlYKcE/Airbag-Reset-for-Citroen-Vw.jpg

وتراه مانفع الا لين جلس الموتر عندهم نص يوم..

[انس العلوي]

الالمان افضل ناس في صناعة المساعدات ...

شوفوا مساعدات المارسيدس وال bmw وانتوا احكموا

[سعد القاسم]

صحيح اخوي انس بارك الله فيك فعلا شركة بلستين المانيه المنشأ

شكرا لك ولمداخلتك الطيبه

[Magellan]

عفوا اخوي سعد مو اسمه hypertech 2
والصحيح tech 2 وهذي صورته ويمكن تحميل تحديثاته من النت
واتوقع انت مغير الهوبات بحجم ثاني عشان كذا لازم يتبرمج
http://www.mekshat.com/pix/upload05/images240/mk87744_1283304408457_hz-cnmyalibaba-web3_58965.jpg

[سعد القاسم]

ايوه مضبوط هذا هو بام عينيه ههههه


في الحقيقه الهوبات لم تسبب لي اي مشكله ولا لمبه ولا غيره لاني بدات في مشروع تعديل السياره خطوه بخطوه
وبعدما استهلك عمر الشي الافتراضي ابدا افكر وش اجيب بداله من برى

بعد ما قربت الفحمات على التهالك بعد استخدام دام سنتين ولله الحمد قررت اركب شي محترم ومعتبر
ومثل ماشفت في موضوع الهوبات لم اشتكي من اي شي مجرد فك وركب ولا ولعة لا لبمه ولا غيره ... ومشيت عليه ماشاء الله ان امشي
حتى بدات في مشروع المساعدات والبحث عنها الين يسرها الله وكما عرضت سلفا في بداية الموضوع عن ظهور المشكله فقط بعدما غيرت المساعد الخلفي والحمدلله الان الامور سالكه بعد البرمجه ..
...

ان شاء الله تكون الفكره واضحه

اشكر لك مداخلاتك الجميله لاهنت ياماجلان

[مقناص10]

يعطيك العافيه اخوي ماقصرت

[انس العلوي]

طيب انت ماقلتلنه االمساعدات الاصليه مال سيارتك اللي بدلتهن من صناعة اي شركة مساعدات ؟؟؟ شمكتوب عليها اي ماركة؟؟ ولا من صناعة شيفروليه نفسها ؟؟

[samernn]

ماشاء الله
كفيت ووفيت
تقرير كامل والكامل الله
ويمكن في القريب العاجل اطلبها منك لان عندي مشكله في الموتر

موتري تاهو ٢٠٠٧ دبل LTZ يوم اخذ المطبات اللي تجيك عند المدارس وغيرها يوم ينزل خشم الموتر او عند الرفع تحس ان الموتر يرمي بنفسه يعني تحس انه يرتفع ويخبط بقووووه وتسمع صوت الخبطه لاني مجرب موتر اخوي نفس المواصفات لاكن فيه فرق كبيييييير الموتر ينزل بسلاسه وليونه
سألت بعض الزملاء وقالو لي يمكن تكون المساعدات ضعيفه
هل تكون المشكله من المساعدات
انا ما شفت فيها اي تهريب

[سعد القاسم]

الله يحيك ياخوي انس المساعدات الاوله مساعدات الوكاله واعتقد والله اعلم انها موب من شفرليه لان اغلب القطع تصير اي سي ديلكو ولكن ماقريت لا هي ولا هذي مكتوب عليها فمانيب متاكد والسياره على بلدها

__

اخوي samernn بالنسبه لموترك لا استطيع تحديد المشكله ولكن شف مركز الصيانه الي حولك وخلهم يتاكدون لك اذا المساعدات منتهيه او لا علشان تتاكد ان المشكله من المساعدات ولا يطلع لك شي ثاني

ثم نشوف اذا المشكله منها او لا
وبالعكس ياخوي على الرحب والسعه باي وقت وفيه كثر من الشباب طلبت لهم والحمدلله

[كاريرا]

سوال مهم

لاهل الخبرة

اي رقم اشري للفورتشنر


وهل هي مثل الاف جي والهايلكس الدفرنسين

[م.سعيد]

حياك الله اخوي محمد بالنسبه للوكيل فللاسف لم اسمع بوكيلها لاني فريت بعض المحلات لقيت عندهم صغار ولم اجد الطقم الي ابغاه ومريت الصناعيه السبتي ومحلات واجد ولا لقيت الي نفس المواصفات الي ادورها الا بالنت فقط ..

الله يبارك فيك

من خلال بحثي في النت وسؤالي..وجدت ان لها وكيل اسمه الكابلي لكنني لم اتأكد شخصياً..
مساعادت البلشتين ما فيها كلام..انا مركبها في سيارتي الارمادا 2009 دبل
والمساعدات اخذتها من شركة امريكية اسمها:

https://www.offroadwarehouse.com/sc

[samernn]

اخوي سعد تم الكشف على المساعدات الاربع وقالي الميكانيكي يبي لها تغير كلهااااا��
لانها نااااشفه وقاسيه وماتنزل يسلاسه
لانه يقول لي انا نزلت المساعدات للخارج وكبستها لاكنها ما انكبست معي الا بالقوه وما رجعت الا بالقوه
المساعدات الاماميه فيها حساس ماعندي مشكله لو اغيرها بمساعدات بدون حساس

[بن عاقول]

أخ سعد ممكن بارك الله فيك تزودني برابط الموقع المباشر للقطع ، سوف أقوم بشراء مساعدات أمامية وخلفية لسيارتي تاهو 2007 دبل "إل تي"

[GMC 8800]

ماشاء الله تبارك الله ...

ابدعت يا ابو قاسم ..

بس حبيت اسألك انا معي جمس 2500 غماره 2007 الشكل القديم !
والظاهر مساعداته اللي قدام متفقعه ! لانها في النفود اذا طمرت شي استمر يناقز مايوقف !

وقالو لي ركب من مساعدات مرسدس ! بس الظاهر لازم ترهيم ..

هذي اللي انت ركبتها تحتاج ترهيم قواعد ؟!

ويعطيك العافيه وشكرا ..

[samernn]

طيب كيف مساعدات مونورو الأمريكيه
وهل فيه احد من الشباب جربها

[سااااري الليل]

الله يجزاك خير يا بن قاسم ماقصرت

طلبتها وفي الطريق بإذن علما باني باركبها على سييرا ٢٠١١ وإن شاء الله تطلع مضبوطه

[hightech]

الله يحفظك اخوي سعد على تقريرك وتجربتك الاكثر من رائعة وودي استشيرك في موتري

تاهو 2010 ماشي الان 65000 الف المشكلة ان خشم الموتر نزل نزول واضح والمطاب صارت

قاسية جداً مع ان الكفرات شكلها زينه قود ير سؤالي طال عمرك

هل الكفرات بعد استخدام 3 سنوات تتيبس وتصير قاسية ورايك في كفرات بديلة ؟

هل اليايات تخرب حتى لو ماطلع زيت؟

أبغى ورشة تنصح بها في الرياض لأني متخوف من لمبات الطبلون ومشاكلها

للعلم استخدامي زفلت وديرة وقليل طلعات للبر

×

[fafa33]

المساعدات صارت تحير كثير وكل يقول هذا أفضل.

[AMERALNET]

تم تركيب المساعدات الاماميه البلاستين بعد ماطلبتها من امزون
بس الغريب فيها ان الكرتون مكتوب عليها الماني والمساعد نفسه مكتوب عليه امريكي

المهم مثل ماتفضلت تجي بعدة مقاسات وانصح بالمقاس اللي قبل الاخير...
كان سعرها بموقع امزون 99.95$ طلبت حبتين سعر الشحن 450ريال
طلعة كلها كامله علي 1210ريال

والحقيقه تستاهل سعرها افضل من الاسترالي
والان جاري البحث عن المساعدات الخلفيه

علما ان السياره فورتشينر v6
والطلبيه تخص مساعدات fg

[سيف نجد_]

من 22/02/2012 الى اليوم ماشاء الله والموضوع حي!

الشركة المانية و التصنيع في امريكا، والمساعدات الحمرا اصلا من نفس الشركة لكن طبعا مواصفات اقل كثير (ارخص) ولو كانت شركة ثانيه كان يمكن اندمرت اسرع أستغرب صغر حجم المساعدات على المركبات الكبيره!

موضوع جميل ومعلومات أجمل شكراً

[سعد القاسم]

الله يعافيكم يالربع والبركه فيكم


ولله الحمد المساعد كل يوم يذهلني عن اول وفي الفتره الاخيره صاير اطلع مع صقاقير ويحصل احيانا نقزات خفافيه واذكر مره نقزت لي نقزه في الصمان مع شوي طيران في الهوا ماهوب تهور ولكن انتم خابرين الصمان ولله الحمد المساعد قاضب عمره ولكن بعدها رحت اوزن على طول بحكم ان الامريكي ماينفع في الطمرات يدلي يحذف على طول ويحتاج وزن والحمدلله زانت الامور

وبالنسبه للمواتر الثانيه يالربع والله مالي علم بها ولكن الي اعرفه عن الجيوب اللاند مره طلبت لواحد وطلعت غاليه ودائما السيارات اليابانيه تطلع قطعها اغلى حتى وان كانت من نفس الشركه
ولكن اذا الامر يكي ابشرو اخدمكم بالي اقدر عليه


اخوي هاي تيتش حط في بالك اذا كفرات الوكاله جلست معك هالوقت بركه ولحها يارجال لحها يعني ارمها مباشره \\

ولكن لو تقولي كفر بف قدرش ولا ماستر كرفت وتاريخه حلو اقولك خله اربع سنين ماعندك مشكله

وبالنسبه للياي الله يسلمك مايطلع زيت المساعد الي ورا هو الي يبين فيه الزيت خذ لك طله تحت الموتر يوم من الايام وتفحص مساعد الوكاله زين اذا شفته طالع زيته انصحك تغيرهن بالطقم الي ذكرته لك اذا الموتر ان شاء الله بيجلسمعك وناوي تخليه 5 سنين باذن الله

شف لمبات الطبلون مافيها اي مشاكل ولا تخاف ولا تحتار ابدا اذا طلع لك شي كل الدعوه حساسات فقط اهتم بالمشكله الكبيره ولا تنظر للصغار مثل اللمبه وغيرها ولو عرفت ان اللمبه مسالة برمجه وقضينا بترتاح نفسيا

يارجال انا عدلت على الموتر تعديل وماقصر وولعت معي لمبات الا قبل ولله الحمد عالجتها حبه حبه وهي تعمل بكافة قواها دون تأثر وكان الموتر بوكالته ماشاء الله بس الناس دايما تهول الشي وتخاف وماعنده مشكله يدفع له 50 او 100 الو الخ ... بس يرتاح لا غلط شيك بنفسك واعرف المشكله وشي ثمن قرر

واي خدمه ياخوي هذا رقمي وحياكم الله من 9 ص الى 8 مساءا او على الواتسب ماعدا الخميس والجمعه
0504148890

[سااااري الليل]

السلام عليكم ورحمة الله وبركاته

مساااااالخير للجميع

تم طلبها من امريكا وتركيبها على جمس سييرا (حوض) ٢٠١١

رأيي فيها انا أشوف مافيه فرق يستاهل كل هالخسارة انا توقعتها تمسك السيارة في البر علشان ماتطامر لاكن مافيه فرق يذكر يعني يمكن ١٠٪
وصار مطب السيارة قاسي شوي بالنسبة للزفلت

الزبدة انا أشوف انها ماتستاهل كل الخسارة
تكلفت المساعدات
اربع مساعدات
١٥٠٠
قيمة الشحن
٨٧٠
قيمة التركيب
٣٠٠
القيمة الكلية
١٥٠٠+٨٧٠+٣٠٠ = ٢٦٧٠ ريال سعودي

اما قيمة مساعدات الوكالة
١٥٠٠ تقريبا مع التركيب

وفقك يا اخ بن قاسم وجعل والديك في الجنة ومن يقرا

واعذروني على الإطالة

[DOD-G-MC]

وكيلها في الامارات

Sales Contacts United Arab Emirates



Exporient Middle East
P.O.Box 261390
Dubai
United Arab Emirates
Tel.: +971 48834325
Fax.: +971 48839980

http://www.bilstein.com/

[basil900]

مشكوووورررر

[hightech]

الله المستعان والله يلحقنا وإياكم خير

ابديت لموضوع ابن قاسم الله يحفظه والسامعين

من ناحية البليستن اللي hd اللب لونها اصفر والغطاء البلاستك ازرق والمخصصة للسيارات

الغير معدله يعني مرفعه او منزله طلبتها الصيف اللي راح من اما زون وركبتها ولاكن طلعت

قاسية جداً والحقيقة اني ماقدرت أتحمل قساوتها وفكيتها بعد شهرين ورجعت على الاسي ديلكو صحيح

انها ما تطول لكن ناعمة ولينه جعلها عقب البليستن :)

للمعلومية تراها غير عن مساعدات ابن قاسم الفضية

[جابر1]

السلام عليكم ورحمة الله وبركاته.
اليوم ركبت البلستين 5100 لقيتهم عند محل maz بالدمام والحقيقه تغير موتري على 180 درجه .
سيارتي سييرا 1500 موديل 2014 ولأن مطبها مره لين حذفتهم بشهرهم وركبت مساعدات رانشو ب 800 ريال للواحد وطلعو وانتم كرامه زباله واقعد ادور بالنت لين حصلت تقرير اخونا فوق وادورهم واحصلهم عند ماز واغيرهم والحقيقه ان موتري تغير وصار موتر صح لايهابد ولا يطامر.

انصحكم لوجه الله ركبوها والله ماتندمون

[وطن العزة]

لاهنت وين موقعه هالمحل وكم كلفتك

[الشاطري30]

الاخ جابر هل تركب على الباترول 96 ولكم الشكر
.

[جابر1]

وطن العزه: المحل في الدمام شارع سيهات وهذا رقم صاحب 0542520086

[جابر1]

الاخ الشاطري30: مالي علم هل تركب على البترول او لا.
بس هم نفس اطوال مساعدات الجمس بكب ونفس القاعده.

[مطفش]

الصور انمسحت لاهنت ردوها خلونا نستفيد

[وطن العزة]

وطن العزه: المحل في الدمام شارع سيهات وهذا رقم صاحب 0542520086

مشكور لله يعافيك