سوال مهم لاصحاب الجيوب ؟ كيف اعرف ان الجيب قالب؟

[صياد الجبل]

السلام عليكم


كيف الحال عساكم طيبين اخواني اعضاء مكشات


اخواني كثير منا مايشتري سياره مستعمله وكلامي هنا عن الجيب


ولكن داما مايكون متخوف من الانقلابات التي تحدث للجيوب


سواء في البر او على الطريق


اخواني اعضاء مكشات


وشلون اعرف ان هالجيب قالب


كثير منكم بيقول السمكره وكذا


لكن لو الموتر مسمكر سمكرة وكاله سمكره مظبوطه


من الصعب كشف الامر


واناس يقولون من وقفة السياره يبين معك


طيب لو الشاصي ماتاثر ماراح يبين صحيح


فاتمنى منكم اخواني من عنده معلومه او خبره او تجربه


ان يفيدني ويفيد باقي الاعضاء خصوصا المقبلين على شراء سياره


لان مثل ماتعرفون السوق مليان مواتر والشريطيه والله مايرحمون


والاسعار صارت غاليه بالحيل والجديد والمستعمل كله غالي


فاللي عنده طريقه للكشف القلبات بحيث يثبت ان السياره تعرضت لقلب في نفوذ او غيره ان يفيدنا



تقبلو خالص تحياتي واسف لاني طولت عليكم بالكلام

[. ذيب ساحوق]

شووف وانا اخوك يعرف بالاكثر من السمكرهـ وملاحظة الاطراف جهة الرفرف اخر القزاز وكذا او فحص البويه بالجهاز

اما اذا كان شغل وكاله فهو شغل وكاله يعني مايحتاج اكيد راح يكون طيب

اتمنى اكون افدتك يابعدي تحياتي لك ياصاحبي

[صياد الجبل]

بيض الله وجهك ياساحوق وماقصرت وانا انتظر بقية الاخوان يجاوبون على الاستفسار ويفيدونا اكثر

[HAS5SAN]

الجيوب والسيارات الكبيرة
السمكره فيها مفضوحه
وأصبحت الورش تغير غمارة كاملة
لأن بعض التشاليح توفر بدي كامل جديد من الوكالة
فمالك إلا أن يكون صاحب السيارة شخص ثقة ويعرف خبايا موتره
او تشوف لك مركز من ها المراكز يعطيك تقرير
http://www.google.com.sa/url?source=imglanding&ct=img&q=http://doraan.com/up/download.php?imgf=dor_113040782013.jpg&sa=X&ei=1RAwT8-5L86UOs2FoIoO&ved=0CAwQ8wc&usg=AFQjCNHc43KS083dqKnCaOYqK0OZMqo3GA

[ذيب خزاز]

يعرف بعد بالحديده اللي بين الباب الأمامي والقزازه اللي قدام واضح
او من داخل الغماره اذا كان ملبس واشلع التلبيسه ويبان اللحام اذا كانت التنده
مغيره

[sgl2002]

انا عشان ارتاح اذا جيت اشتري جيب ن لازم اشوف القزازة الأمامية حقت الوكالة

لان حقت طبعة المصنع ماتحصلها عند الوكيل نفسه

[خبايا انسان]

معلومات جيدة ,, بس سؤال يا اخوان هل القلب يؤثر ؟ ؟ << يعني لو شريت موتر مقلوب والسمكرة والشغل مضبوط ؟؟ هل هناك تاثيرات مستقبليه

[صياد الجبل]

السلام عليكم

اخوي حسن وش المراكز الي تقصد فيها تسوي تقرير مافهمت قصدك

اخوي خبايا انسان : والله يوثر خصوصا اذا كان الشاصي والمكينه متاثره والدفرنس والله يعينك على اصوات الطقطقه . !

[صياد الجبل]

انا عشان ارتاح اذا جيت اشتري جيب ن لازم اشوف القزازة الأمامية حقت الوكالة

لان حقت طبعة المصنع ماتحصلها عند الوكيل نفسه


ياليت توصف لي شكلها كيف يكون بارك الله فيك لان ماعندي خبره خصوصا حقت الجيب الربع التايوتا

[كم كيلو باقي]

فيه مراكز في الرياض تكشف على السيارة وتفحصها بالكمبيوتر .. بمبلغ معين بحدود 300 تقريبا

أما في الباحة مالي علم والله

[برق كميت]

يبن معك في موقع الحام وخاصة التندة مع عوارض الزجاجة الامامية

[صياد الجبل]

الله يبارك لكم ويحفظكم انا في جده ياخوي للحين والله ماطلعت الباحه ان كان تعرف ورش في جده تكشف كشف مضبوط مايهمني السعر اهم الشي الثقه والضمان على الموتر

اخوي برق كميت وش يضهر على الزجاج والحوافات اذا كان الموتر قالب

[صياد الجبل]

للرفع بارك الله فيكم

[صياد الجبل]

للرفع جزاكم الله خير

[demax]

بالنسبه للرش تلاقي الجلود حق البيبان مخلخله (تم فكها وتركيبها مره اخرى)

ايضا جهاز فحص البويه

[قناص*07]

بالنسبه للربع:

القائم الامامي اللي بين باب السواق و الراكب الامامي و الزجاج الامامي يجي فيه تجويفه بسيطه بشكل معين فإن اضيف لها اي معجون او لحام راح توضح مثل الشمس
القوايم اللي بالجنب و الخلف بها لحام كهرباء كبس عباره عن ثلاث نقط دائريه بالواسط والخلفي ثنتين و تاكد من القائم الوسطاني به صاجتين راكبه فوق بعضهن بدون لحام.
في الغماره بين الباب و البودي يوجد لحام كبس كهرلابائي ايضا وواضح انه شغل وكاله


هذا لمعرفة الربع القديم اذا به قلبه

[صياد الجبل]

يعطيك الف الف عافيه اخوي قناص وبارك الله فيك على هالمعلومات الطيبه والمفيده جدا

[مكشآتي للآخر]

انا عشان ارتاح اذا جيت اشتري جيب ن لازم اشوف القزازة الأمامية حقت الوكالة

لان حقت طبعة المصنع ماتحصلها عند الوكيل نفسه


ممكن تظلـم صآحب الموتر بآنه مقلوب وهو ماهو مقلوب
إليـك القصة
من زمآن
عآم 2002 إشترى والدي جيب لكزس 2002 من الوكالة





وجلس عندنا 4 شهور
موقف بالحوش
نلعـب انا وخوياي
مادريت الااااااااااااا كسررررت القزاز الامامي حق الجيب اللكزس
غيرناه بالوكآله وكلف علينا فوق ال2500
ويوم جينا نبي نبيـعة كلن متخوف من الموتـر انه مقلووووووووووووووووووووب





وبعناه بسعر قسم بالله ارخص من حقه بوآجد
بسبت بس الشك الزآيد عن اللزوووووووم