استفسار في ترهيم تانكي البنزين

[وليد الشلاحي]

صبحتو بالخير جميعاً،،
انا عندي باترول ربع 2009 ودي ارهم تانكي البنزين اكبر من تانكي الوكاله هل يمكنني ذلك ؟؟
واذا مافيه مجال كيف افضل طريقه لاقتناء بنزين اكثر ؟؟

[][][زلفاوي][][]

حياك الله اخوي

بالعكس فيه مجال وبقوووة

عن نفسي على موتري تانكي ورشة الربع الخالي نفس قصة الاسترالي ويشيل الى 145لتر بينما الوكالة 80 او هي 85 لتر الفرق جدا جميل

عندك وانا اخوك ورشة الربع الخالي بالخرج
وعندك الرماية يبيعونه جاهز وانت تركبه عند ورشة
وعندك بالمجمعة "حرمة" فيه ورشة اعتقد اسمها الاختيار
وعندك المواهب والمميز ورش كثير تفصل وعلى حسب حاجتك

يعني طب وتخير والاسعار متفاوته من 700ريال إلى 4000ريال وكلن ونظرته..

[أرض الحجاز]

ما شاء الله اخوي زلفاوي عطاك الخبر وزيادة

معلومات قيمة

[وليد الشلاحي]

بيض الله وجيهكم ولاهنتو جميع ،،،،
وجار التجربه وراح اخبركم بالجديد بإذن الله ،.

[وليد الشلاحي]

اخوي زلفاوي ،، ولايهون الجميع
لاهنت اذا عندك رقم الورشه اللي ركبت عندها او الوصف
ولك مني جزيل الشكر .

[][][زلفاوي][][]

اخوي وليد..

نصيحتي لك انك تفصل تانكي على قدر حاجتك ومن احدى هذه الورش والعذر والسموحة وانا اخوك للاسف جوالي آيفون وصارت فيه مشكلة وراحت الأرقام :( لكن عن نفسي لقيت ارقام الورش هذه كلها بالانترنت وعلى قولهم الله يخلي العم google وانا بالخدمة وانا اخوك..

لي الآن قرابة الـ 5 أشهر مركب التانكي على السيارة وبشكل شبه اسبوعي مشاوير وسفر وبر ولا لقيت مشكلة والله يتممها على هالحال :)..

وبالتوفيق وانا اخوك..

[rpk]

بحسب اصحاب الخبره ان ورشه الربع الخالي في الخرج فلها باع طويل في تركيب توانك البنزين والخبره شئ مطلوب في هذا الشغل بالتحديد لخطورته وهذا رقمهم حصلته في جوالي خذته من واحد كاتبه في مكشات قبل فتره 0505102998 وان شاء الله يكون رقمهم لاني غير متأكد

[وليد الشلاحي]

لاهنتو وبيض الله وجيهكم ،،
وجزاكم الله عني الف خير