لاندكروزر 97 ولا باترول 97

[جمس دينالي]

السلام عليكم

وشلونكم يالربع ؟؟

انا محتاااااار بين لاندكروزر 97 و باترول 97

وش افضل من ناحيه

شكل - قوه - دبلات - دفرنسات - تحمل - تماسك - قله خراب - صرفيه

تطعيس - نصب

بالعربي الفصيح كل شئ

[وسًاام]

تويوووووووووووتا وكل واحد له وجهة نظر واحترمها

[برايدوي عنيد]

تبي الصزز انا معي باترول

لكن 97 التايوتا عز الله انه موتر ينشد به الظهر

والتايوتا ماصنعوا بعده موتر (( الله يعينن على متعصبين تويوتا ))

وهذا كلام اغلب راعين القنص

اقول التايوتا لاتعداه خاصه هالموديل

تقبل مروري......

[مكشاتي 2011]

كان معي موديل 94 تويوتا

شارسه مستعمل وراعي الجيب راعي بر مركب على الجيب بالون الوكاد انه كارفه بالبران

قعد معي 10 سنين وبعته والى الحين ونى متحسف موتر ينشدبه الضهر تحطه على يمناك

لاخرابات ولا شئ ولله الحمد وناااااادر الخراب

[طير شلوى نجد]

سيارتين لم ولن يصنع مثليهما
وعن نفسي اختيري يحدده نظافة الموتر

[ابن عكاش]

وش جاب الثرى للثريا إذا لاقي جكس 97م نظيف ومعك دراهمه لاتتردد لكن عذروبه غالي والنظيف نادر
وعلشان مايزعلون حقين النيسان والباترول 97م موتر ينشد به الظهر ونص بس بس مكينته بقره

[التعـ King ـديل]

شكل - قوه - دبلات - دفرنسات - تحمل - قله خراب



تطعيس - نصب

النيسان 97

[خبايا انسان]

انا معي باترول ,, لاكن شوري عليك بالتيوتا 97 ماشاءالله لا اله الا الله

[ط ع ط 789]

الباترول :
نصب , دلع , قوه , دبل خرافي , دفرنس لا تعليق , يتفكك مع اصغر مطب
قطع من غلاها تحس انها قطع طياره موب موتر ههههه

اللاند كروزر :
قوه , انسى انه يخرب , قطع متوفره رخيصه بعد , شبه نصب

لكن انا اايد اللاند كروزر ..*

[ابو محمد السهلي]

انا جربتهم كلهم ٩٧ تيوتا ٩٧ نيسان .... التيوتا عطايا الله خصوصا هالمديلات

[دحيم الفزعة]

انصحك بالتويوتا بدون تردد
لكن النيسان يتغلب بالدفرنسات والنصب
ودمت بود

[أبو أسامة]

كمواصفات التايوتا إذا جاء فل الفل .......... لكن النيسان بهذا الموديل يعيبه حاجتين المواد الداخليه جودته مش ولا بد يعني الله يعينك على التربيط كل فتره و الأمر الآخر لا يوجد فيه تانكي أحتياطي ........ و التايوتا تانكيين و جودة المواد الداخلية ممتازه ...... لكن لو عني ما شريت غير النيسان لقوة محركاته و التي أعتمد عليها بعد الله سبحانه وتعالى في أصعب المواقف ...... في النهاية راح يحكم علي النظافه فإذا النيسان ما لقيت نظيف الشكوى لله شريت تايوتا نظيف ...

[شيخ المواتر]

خذلك لاندكروزر و انساه.

التويوتا لو فيه عشرين مشكلة ما يوقف غالباً.

بس مشكلته الوحيده وزنه شوي ثقيل و ممكن بعد فترة يطلع لك صوت بالكلتش .

الله يوفقك

[طارق الحريري]

لاندكروز97 اجمد واكشخ وانشط واقل اعطال وتانكيين بانزين واقل صرفيه بنزين بس عيبه حاجتين سعره غالي وهو يستاهل
ومركوبه اقل راحه من النيسان والنيسان عكس الكلام اللي قلته كله وهذا الكلام عن تجربه للموترين

[أبو أسامة]

يا ناس النيسان جربناه لين قلنا بس والتايوتا بعد ........ أنا ما أدري من تطلعون أن النيسان كثير خرابات ..... والا سواقتكم له كأنه موتر حكومه و التايوتا موتركم الشخصي ....

[sgl2002]

والله انا معي باترول ماعمره فشلني

وينغزابه في كل مكان ولاتخاف وين ماتبي امش به مايقول لا

واللاند ٩٧ ممتاز لكن دفرنس الباترول اكبر وعكوسه وخفيف بالنفود

وكلها مواتر تطرب لكن الباترول يتفوق عليه بالاماكن الوعره جدا

[ابو هياا]

مقارنه لها أكثر من خيار
اللاند كروزر والتايوتا بشكل عام سيارات قويه وصبوره ولا يختلف أثنان على أنهى أفضل سيارة جت للسعوديه
لكن عيبها في سعرها غاليه مقارنه بالنيسان ..
النيسان هو البديل عن التايوتا بحكم أن سعره أرخص بكثييير ويؤدي الغرض المطلوب منه على أكمل وجه وسيارات قويه ومجربه ومنتشره بين الكشاته وعشاق الطلعات البريه .
لكن تبقى شعبيه وسمعه التايوتا أكثر .
وانت صاحب الخيار على حسب قدرته الماديه
الله ييسر أمورك ويطرحك في موتر يريحيك

[المنيعي1]

كلهن زينات بس البترول به قرقعه شوي
ولكن لو خيرتن أخذ باترول أكشخ بواجد الند من 97 وتحت الي بدون رفارف شكله غلط

[safe4k]

انا شخصيا جربت لاند 97 في اكس ار خليجي ..شئ لا يوصف باعه راعيه قبل 3 سنوات بحوالي 54000 ريال وانا متحسف اني ماشريته.

[ذعار الغامدي]

يعني التيوتا ازين من النيسان بكل شي الا الششكل ؟

السعر ماهو مشكله لكن الاهم موتر تمشي به ونت متطمن ماتخاف يقطع بك "

تحياتي

[sgl2002]

^^^
الرجال اللي يعرف يشتري ويحصل موتر نظيف صدقني بيعيش معه ولا يقطع به وين ماكان

ولو الباترول يقطع به كان ماخذوه هل القنص للربع الخالي وهو يدري انه بيقطع به

صدقني الموترين كلها ماتكمل طلعه الا بوجودهم
واتحداك تطلع بنتيجه لان كلهم معتلين القمه ولا مقارنة بينهم
شف وش تميل له نفسك واخذه

[رفيق العرب]

ياحبيبي خذ العلم الي يجمد على الشنب
النيسان : قوي من ناحية مكينة - ودبل
التايوتا : قوي من ناحية تماسك - وكأنه قطعه وحده
وفي الاخير تعتمد على السواق
وكلام أخوي sgl2002 ما عليه كلام ....
تقبلوا مروري

[يكفيني نظرة]

خذ اللي ترتاح له نفسك ولاتدوش راسك بين اراء ماتعرف استخدامك للموتر ..
ومن ناحية انك خايف يتعطل بك فأنا ارى ان اللي كاتبه الله بيصير اياً كان ..
توكل على الله واستخر والله يكتب لك الخير ..

[ابونبيل]

عليك باللند كان معنا G 91 نفس شكل 97 الى يومك متحسف على الوالد يوم باعه

[العنابي 616]

لا شك إن التويوتا أفضل بمراحل عن النيسان التويوتا أوسع و أقوى و أقل عطل و مواصفاته ممتازة و متماسك و شكله أحلى
النيسان ما يصلح موتر شخصي و لكن يصلح موتر بر لانه يقرقع من كل جهة و يدخل غبار و خرابه كثير
و لكن يتفوق إنه واطي و خفيف و مطبه اريح فقط

و التجربه خير برهان

[RW7..ALBDAWA]

الباترول الظآهر انـــه على نظآفت الموتررر

لأني اششوف اراء نآسس يقولون خرآبآت ومآخرآبآت وانا اقول ترى يآخوآن النظييــف شي ثآني

على العمـوم انت شف اللي تحس انك مرتآح له

من نآحيتي اشوف الاثنين كلهم موآتر التآيوتآ عزز ولا عليه كلام

بس البآترول قوه بالخط + قوه بالنفود والمرآقى + قوة دبل بالشعبآن ياهو يطرب+ قوة دفرنسآت بالتحمل تتحمل + ششششششكل = بآترول نظيييييف

انا معي باترول شاريه خرده ومضبطـه وخسرآن وقآص ضهري لأكن ماشاء الله عليه

لو ابي افر العآلم كله مآيقول لا ماشاء الله

مثل مآقلت لك ششف اللي تحس انك مرتآح له لأن الاثنين كلهم موآآآآآآآآآآآتر ممتآآآزهـ