ايش رايكم بهالمكاين للبوت,,?

[مجنن بحر]

السلام عليكم

ابغا مشورتكم يا جماعة الخير

عندي لنش 24 قدم وابغا اركب علية مكاين ياماها 40 حصان عدد 2

جديدة هل بتكفي وبتمشي اللنش زين

اتمنى تكون الاجابة كافية

[ماسيوم]

السلام عليكم ورحمه الله..
هلابيك تركيب المحركات على الابوات يعتمد على نوع البوت وزنه طوله صناعته لكل بوت محركات تناسبه البوت حددنوع البوت ووزنه علشان احد يقدر يفيدك تقبل تحياااااااااااااااتي...

[مجنن بحر]

نوع القالب النورس لاكن وزنه ما اعرفه بس طوله ٢٤ قدم

[ماسيوم]

مساك الله بالخير..
البوت النورس اتوقع محركات 75 او85 ياماها اوالي في حجمها كفايه وبتكون فعاله جدا واذا فيه احد الشباب له رائى ثاني ياليت يقوله خاصه الى مجرب الله يوفقك ويعطيك خيره ويكفيك شره تقبل تحيااااااااااااااااااااتي.....:)

[وحش البحار]

مشالله تبارك الله الله يعطيك خيره ويكفيك شره

[ابوتركي1]

عليكم السلام ورحمة الله وبركاته
شوف هذا الرابط ينفعك
لا تنسانا من الدعاء
http://mekshat.com/vb/showthread.php?t=411771

وبالتوفيق لك

[ابو عمار الحربي]

اتوكل علي الله اتمشيه بس سرعته اتكون اقل طبعن الحواته ايركب عليه مطور واحد اربعين بس علي مهله يمشي

[accentkool]

ركب 75 ياماها بيصير طيارة

[مجنن بحر]

كل الشكر لمن شاركنا بحضورة

الاخ ابو تركي انا قريت ٦١ صفحه من الرابط اللي حطينه فية معلومات جميله ومفيدة لاكن لا يوجد بة رد وافي على استفساري
وسيتم نقل الاستفسار الي هنالك

ولكم كل الشكر

[بحار رابغ]

السلام عليكم ياخي ادينا وزن البوت ومالك هم ان شاءالله ودايم احسب ميزانيتك في البحر ونوع المكاين وقطع الغيار وكله يعتمد على الوزن ونوع القدح ويوجد لوح معدني في القدح مكتوب فيه كل شي يخص البوت واقصى حجم يتحمله القدح وبالتوفيق وانتبه لنوع المكاين شفت طويل او قصير وسلامتك

[بحريني والنعم]

ركب 85 ياماها " إسأل مجرب ولا تسأل طبيب "

[عاشق البحرE]

هلا بك أخوي مجنن بحر ..


بالنسبه لستفسارك و سؤالك ,, ماكينتين 40 حصان على طرادك النورس 24 قدم راح تكون اقصى سرعه له بين 35 الى 40 كم و لو كان فيه ركاب و بنزين فل راح تقل اكثر و أكثر ..



انا مركب ماكنتين 75 على طرادي 24 قدم و التفصيل الروضان ... و هذي التفصيله ثقيله و حد السرعه 51 كم في الساعه هذا لو كان الوزن عندي في الطراد قليل .. و مع ذلك تحسه بطئ شوي .. و أفكر اركب لي ماكنتين 140 او 150 حصان ..



النصيحه : ركب ماكنتين 75 او 85 و خلك طرادك مرتاح في المشي و سرعتك تتحكم فيها افضل لك و راح تكون حد السرعه الى 60 او 65 كم في الساعه و هذا هو المعقول للبحر ..

[X P]

ركب 75 او 85 او وحده 115

[X P]

الاربعين زينه وتمشيه بالمعقول لاكن على حسب الي معاك اذا تاخذ معاك اشخاص واجد راح تتعب المكاين اما اذا اثنين ثلاثه بتمشيك الاربعين بالراحه واحلى شي بالاربعين تنسيك المشاكل وتكرفها كررف وماراح تشتكي منها مثل المكاين الكبيره

[مجنن بحر]

جزاكم الله الف خير
على كل النصايح

[صيادالجبيل]

ركب 75 او 85 او وحده 115
نعم صحيح خذ هذا الرد من غير قصور في اهل الردودالباقية هذا رأيي.

[دل البحار]

مكينه 150 ياماها

[ابو ريان111]

اثنين مواطير 40 كافية ان شاءالله واذا تعطل واحد الثاني بيوديك حيث ما تبغي .