طريقة هامة لفك تعليق مثبت السرعة للسيارة "فيديو"

[أبوعبدالاله]

للأهمية وضعت هذا الرابط بخصوص (طريقة فك مثبت السرعة)بعد السموحة من الادارة لأنه منقول
ولكن لخطورة الوضع آمل الاطلاع وعدم حذه...وشكرا


http://www.google.com.sa/url?sa=t&rct=j&q=%D8%B7%D8%B1%D9%8A%D9%82%D8%A9+%D9%87%D8%A7%D9%8 5%D8%A9+%D9%84%D9%81%D9%83+%D8%AA%D8%B9%D9%84%D9%8 A%D9%82+%D9%85%D8%AB%D8%A8%D8%AA+%D8%A7%D9%84%D8%B 3%D8%B1%D8%B9%D8%A9+%D9%84%D9%84%D8%B3%D9%8A%D8%A7 %D8%B1%D8%A9+%22%D9%81%D9%8A%D8%AF%D9%8A%D9%88%22&source=web&cd=1&ved=0CBwQFjAA&url=http%3A%2F%2Fwww.burnews.com%2Fnews-action-show-id-32390.htm&ei=b2cIT82WO4f44QSqm8mNCA&usg=AFQjCNGYaj6u7YoKHPztAfMfz4ZkpNm7ug

[مواسي الطعوس]

اذا كان الموتر سليم ((ما اختلفنا )) تقدر بعد تفظيه ....وتقدر تمسك فرامل ويفصل .؟؟؟؟؟؟ انتم مافهمتوا اذا علق ((تعطل كل شي ))

- هذا كلام مهب في الصميم وليس داخل في المشكله .

[- النشمي -]

اشوف اخر جمله في الرابط فيه دعايه لابو جميل



موتر مايسوا ريال كثرة مشاكله وبلاويه

[مريتو]

الله يعطيك العافية ومشكور ماقصرت

[مواسي الطعوس]

لا هم يقيسون الموتر السليم ..ويطبقون عليه ...وهذا غير صحيح ....تحصل صاحب السياره له اشهر يقودها ويعرف لها ..لكن اذا حصلت المشكله تبين المراجل ...

[hmody00]

وش دعوه ارواح الناس لعبه بين ايديهم؟؟؟ كيف تفك التعليق؟ ليش ماتحاسب الشركة على هالخطاء!!وين التعويضات المفروض الدوله بنفسها ترفع قضيه على تويوتا!!هالشيء ماحصل الا عندنا؟ دائما مايحصل اخطاء بالاجهزه والسيارات وتطلب الشركة الام استرجعها للمصنع في كل دول العالم الا العربية والسعودية بالذات ؟لاننا شعب نسكت عن الحق ونقول قضاء وقدر..

واتوقع هاذي بدايه العقوبة على جميل واعوانه وكل من رفع اسعار الجيوب وضيقو ع المسلمين؟ تبي تاخذ الجيب بــ20الف باذن الله..

[sameer_1798]

لا هم يقيسون الموتر السليم ..ويطبقون عليه ...وهذا غير صحيح ....تحصل صاحب السياره له اشهر يقودها ويعرف لها ..لكن اذا حصلت المشكله تبين المراجل ...
والله ماعرفنا لكم إذا الواحد ذكر بالطريقة الكتالوج وصورها بالفيديو قالوا هذه سيارات سليمه وإن جابوا اللي علقت سياراتهم وفحصوها مافيها شيء أو يتهرب راعيها ونحن بانتظار نتائج التحقيق للحوادث الاخيرة
المهم ان اللي عنده سيارة علقت لايسكت ومايضيع حق وراه مطالب بإذن الله .

[أبوعبدالاله]

الله يبارك فيكم على التفاعل...
والجيوب عقب موديل (97) لاشيء

[الطرس ممدوح]

الله يعطيك العافية ومشكور ماقصرت

[مواسي الطعوس]

الحقيقه ووضحت وكثرت ترديد الكلام مابه فائده . والشركه لن تحل المشكله الا لو تركت السيارات وهذه لن تحصل ....اذا مافيه حل من الشركه .....وكل عقله في راسه ويعرف مخلاصه .....مافي السوق غير هذه .....

[Cyber]

يا اخوان اذا علق النظام معناته ماتقدر تتحكم في اي شي
لدرجة ان الفرامل ماتقدر تمسكه ولا حتى القير تقدر تفظيه
فكيف تطفي السيارة

ركزوا شوي

[HAS5SAN]

الله يعطيك العافيه وللأمانة مادخلت الرابط
لكن يخوي بالعقل والمنطق وكم كنت أتمنى من الأخ
أصيل حجازي يرد بما انه خبرة ابيه يرد على
كيف ان قير الجيب إذا علق المثبت ماعاد يتحرر
مستحيل ياخي لأن عصى القير بتحكم يدوية وليست كهربائية
تقدر تعشق الموتر حتى وهو طافيء ايضاً الفرامل لا تستجيب
والباب لا يفتح ومكابح اليد (الجلنط ) مايمسك
يعني تقول الجيب داخله جن

[مغلي]

الحل الامثل = فاصل لطرمبة البنزين

[بن سليمان]

حشى ما صار موتر صار كمبيوتر مهنق
الكلام اذا هنق كمبيوتر الموتر واعطى اشاره بزيادة السرعه مثل ما حصل للطواله كان مثبت السرعه على 120 فجاءه الموتر طار لـ210

[مواسي الطعوس]

الله يرحم من توفوا قبل نعلم عن هذه المشكله ............كانت التعليلات وتحليلات الحوادث يقولون : نايم .....غافل.......... وبعد هذه انا اقول معلق البنص عليهم .؟؟؟؟؟؟

[abu morya]

الحل خل حولك ( أبو جلمبه )


وإذا صار شئ لا قدر الله ,,, أقرب قزازه

[أبوعبدالاله]

الله يعطيك العافيه وللأمانة مادخلت الرابط

لكن يخوي بالعقل والمنطق وكم كنت أتمنى من الأخ
أصيل حجازي يرد بما انه خبرة ابيه يرد على
كيف ان قير الجيب إذا علق المثبت ماعاد يتحرر
مستحيل ياخي لأن عصى القير بتحكم يدوية وليست كهربائية
تقدر تعشق الموتر حتى وهو طافيء ايضاً الفرامل لا تستجيب
والباب لا يفتح ومكابح اليد (الجلنط ) مايمسك

يعني تقول الجيب داخله جن



نأمل تواجد الخبير أصيل حجازي

[أبوعبدالاله]

الحل الامثل = فاصل لطرمبة البنزين




كيف تفصل وانت بالغمارة؟!

[مغلي]

كيف تفصل وانت بالغمارة؟!



http://st-takla.org/Gallery/var/albums/General/Things-Tool-Solid/Electric/www-St-Takla-org--On-Off-Switch-01.gif?m=1295649042

تركبه اليوم عند اي كهربائي شاطر وشغله ممتاز

وتحطه باي مكان فاضي امامك او تحت المسجل او تصرف المهم بمكان واضح جدا ومكان لايؤثر على الشكل العام

ووقت الزنقه (تذكرت القذافي) اضغط off

[مغلي]

الله يرحم من توفوا قبل نعلم عن هذه المشكله ............كانت التعليلات وتحليلات الحوادث يقولون : نايم .....غافل.......... وبعد هذه انا اقول معلق البنص عليهم .؟؟؟؟؟؟





:good2::good2::good2::good2::good2::good2::good2:

[x.ok]

شاهدت لي مقطع فيديو يصور تجربة تعليق دواسة البنزين بمعنى الدعسة على اخرها بدون ضغط من السائق في هذه الحالة كيف توقف السيارة اذا كان القير اوتماتيك

[ابومعتز99]

يارجال الناس مساكين ملعوب عليهم
احد الاقارب في المرور يقول كان فيه عيب مصنعي في اللكزس السيدان مدري اي نوع والمديل قديم الظاهر في التسعينات يقول العيب ان الايرباق ينفك بقوه في وجه السايق لمجرد اخذ مطب قوي وتسبب العيب ذا في وفيات لناس لكن الوكيل ماعنده مشكله وشغال تطمينات للناس ويطلع اسامي للسيارات (مفخره الارض وستيني وسبعيني هههههه ومدري ايش

[أبو براك 511]

المفروض تقام دعوى ( شكوى ) على الشركة
وتوقف استيراد المواتر الجديده لين يشوفون حل لمثبت السرعه

[قناص2000]

الله يجزاك خير ياخوي

[s3ed]

السلام عليكم

الله يسلم كل المسلمين من شرور السيارات

ليش كل هذة الحوادث سارت معاكم في السعودية. وماسمعنا عن اي حادث مماثل في الامارات

[- النشمي -]

يارجال الناس مساكين ملعوب عليهم
احد الاقارب في المرور يقول كان فيه عيب مصنعي في اللكزس السيدان مدري اي نوع والمديل قديم الظاهر في التسعينات يقول العيب ان الايرباق ينفك بقوه في وجه السايق لمجرد اخذ مطب قوي وتسبب العيب ذا في وفيات لناس لكن الوكيل ماعنده مشكله وشغال تطمينات للناس ويطلع اسامي للسيارات (مفخره الارض وستيني وسبعيني هههههه ومدري ايش


المثل يقول حبل الكذب قصير والحين انكشف امر تويوتا واكاذيبها

لكن عقب ماراحت ارواح وسجلوها تهور وسرعه زايده واندفنت العيوب المصنعيه لتويوتا معهم

[مغلي]

شاهدت لي مقطع فيديو يصور تجربة تعليق دواسة البنزين بمعنى الدعسة على اخرها بدون ضغط من السائق في هذه الحالة كيف توقف السيارة اذا كان القير اوتماتيك



ليتك تحرص على وضع الرابط للفيديو لتعم الفائده

[sameer_1798]

السلام عليكم

الله يسلم كل المسلمين من شرور السيارات

ليش كل هذة الحوادث سارت معاكم في السعودية. وماسمعنا عن اي حادث مماثل في الامارات

وعليكم السلام ورحمة الله
اعتقد من دلاخة سواقينا والناس تصنع من الحبة قبة
يعني البلا مننا إلا يمشون سوق سيارات ثانيه بالغصب

[علوش1]

السلام عليكم

الله يسلم كل المسلمين من شرور السيارات

ليش كل هذة الحوادث سارت معاكم في السعودية. وماسمعنا عن اي حادث مماثل في الامارات

لان عندكم وكلاء يخافون الله

من بعد القانون الصارم ..

مهب مثلنا الهم الاول والاخير الربح المادي وبس !!


:


:


الحل اللي بالفيديو اعتقد انه للموديلات السابقه من 2007 وتحت ..

ولا ماكان اضطر الامن اطلاق النار على سيارة الطواله ..

بناءا على توجيهات شركة تويوتا ..

[مغلي]

السلام عليكم

الله يسلم كل المسلمين من شرور السيارات

ليش كل هذة الحوادث سارت معاكم في السعودية. وماسمعنا عن اي حادث مماثل في الامارات




مثبت السرعه يبيله خطوط سفر عشان تستعمله

عندكم بين كل من الشارقه ودبي وعجمان رصيف 3 متر

وعندنا بين الرياض وجده 1000 كم --- الرياض وابها 1100 كم

[noor4noor]

افضل طريقة خل على الطبلون نبيطة جاهزة

[ALBDRANE]

ياحليله الي يقول تقدر تعشق القير حتى والسيارة طافيه الظاهر أنه ما قد ساق سيارة تماتيك وأنا أقول الرجال عنده علم يوم أشوفه كل ما احد سب في تايوت نط عليه أثرها ما يدري عن شي أو انه يحسب أن الجيوب الي فيها المشكله قيرها عادي والله ما ندري المهم أن الواحد ما ودك يجادل الا وهو على علم .

[دورانجو]

يارجال الناس مساكين ملعوب عليهم
احد الاقارب في المرور يقول كان فيه عيب مصنعي في اللكزس السيدان مدري اي نوع والمديل قديم الظاهر في التسعينات يقول العيب ان الايرباق ينفك بقوه في وجه السايق لمجرد اخذ مطب قوي وتسبب العيب ذا في وفيات لناس لكن الوكيل ماعنده مشكله وشغال تطمينات للناس ويطلع اسامي للسيارات (مفخره الارض وستيني وسبعيني هههههه ومدري ايش



للاسف ماذا فعلت اداره المرور او وزاراتنا حين عرفت بهذا الخطأ

للاسف


لا شيء


لاننا في نظرهم اقل من البشر
نحن لا نختلف عن معمرالقذافي و حسني مبارك في نظرتهم لشعوبهم
ابــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــدا


جميعهم لا يعني لهم الانسان اي شيء

[دورانجو]

والله ماعرفنا لكم إذا الواحد ذكر بالطريقة الكتالوج وصورها بالفيديو قالوا هذه سيارات سليمه وإن جابوا اللي علقت سياراتهم وفحصوها مافيها شيء أو يتهرب راعيها ونحن بانتظار نتائج التحقيق للحوادث الاخيرة
المهم ان اللي عنده سيارة علقت لايسكت ومايضيع حق وراه مطالب بإذن الله .



هو اذا الله كتبله عمر بعد التعليق
و عـــــــــــــــــــــــاش
ان شاء الله مابيسكت هذا إن
عـــــــــــــــــاش

والله يحفظ المسلمين بحفظه

[بن مانع التميمي]

وش دعوه ارواح الناس لعبه بين ايديهم؟؟؟ كيف تفك التعليق؟ ليش ماتحاسب الشركة على هالخطاء!!وين التعويضات المفروض الدوله بنفسها ترفع قضيه على تويوتا!!هالشيء ماحصل الا عندنا؟ دائما مايحصل اخطاء بالاجهزه والسيارات وتطلب الشركة الام استرجعها للمصنع في كل دول العالم الا العربية والسعودية بالذات ؟لاننا شعب نسكت عن الحق ونقول قضاء وقدر..

واتوقع هاذي بدايه العقوبة على جميل واعوانه وكل من رفع اسعار الجيوب وضيقو ع المسلمين؟ تبي تاخذ الجيب بــ20الف باذن الله..







كلام سليم وصح لسااااااااانك

[السفاري سابقا]

اشوف ناس واجد بدت تركب فاصل على طرمبة البانزين شفته مع واحد سيارته كامري ركب فاصل على السلك حق طرمبة البانزين اللي تحت المرتبة الخلفية ومد سلك الفاصل مع اسلاك الوكالة وخلى الفاصل زرار تحت الدركسون واذا طفى الفاصل ثواني معدودة وتطفى السيارة .

صراحة السيارات الجديده صارت كمبيوتر وتخوف وصدقوني انه ماحد راح ياخذ حقك من الوكالة لاقدر الله وصار اي مشكلة

[أبوعبدالاله]

فيه طريقة سهلة وآمنة جدا

حط طوبة على البنص وتربع آمن :D

[22ابوعبدالله]

غير صحيح الكلام هذاا

علق النظام واحد من الشباب يعرف صاحب السياره شخصين وكلمه قبل ياصل
محطة البطيحان وقاله اضغط على زر التشغيل وعلق عليه يمكن 10 دقايق العجيب ان كل شي علق حتى الجلنط مايمسك والله لكن ستر الله عليه قبل يدخل الحفر ربي كاتب له حياه

فيه قصه حصلت لواحد من الجماعه هذا الله يطول عماركم شايب ويحلفون عياله والي يعرفوه انه ما يتعد 100 ابدااا

الرجال انقلب وتوفى وموتره 2009 او 2010 المهم الي قرر الحادث يقول الموتر كان يمشي بسرعه عاليه جدااا بعد لانه انقلب اكثر من اربع قلبات اوكثر وبعد الموتر هذا
كل الي يعرف هاك الرجال يقول اكيد انه معلق معه لانه مايسرع ابدا ابدا ابداا

انا شاء الله يلقا العوض عند ربه الله يرحمه ويسكنه الجنه

[مواسي الطعوس]

المشكله اذا جاك ناس وخلطت الجد وحولته هزل ...قضيه ماتنحل ؟؟؟

[أبوعبدالاله]

لو يحطون صندوق أسود بالسيارات مثل الطائرات يوضح أسباب الحوادث

[عاشق السيل]

اذا كان الموتر سليم ((ما اختلفنا )) تقدر بعد تفظيه ....وتقدر تمسك فرامل ويفصل .؟؟؟؟؟؟ انتم مافهمتوا اذا علق ((تعطل كل شي ))

.

تأييد 100%

[مواسي الطعوس]

حنا مثل السودانيين حدنا وقت قصير حتى تجي حادثه بعد اسبوع او اكثر نثور مره ثانيه . السودانيين يقولون انهم تظاهروا وقالو : اي يالبشير تستغيل والا ننسحب نحتج يوم واحد ..مو زي المصريين .

[x.ok]

لو يحطون صندوق أسود بالسيارات مثل الطائرات يوضح أسباب الحوادث

حسب علمي في الفورد صندوق معلومات

[ولد وايل 2010]

الله يحفظنا بحفظه

[Joker fj]

سؤال بارك الله فيكم سيارات الخليج فيه احد سمع عنها مثل هالمشاكل بارك الله فيكم من نوع جيوب تويوتا ؟؟؟؟؟؟؟؟

[رحال7]

اعتقد والله اعلم ان المشكله حتى في بعض السيارات الامريكيه وواليابانيه القديمه والتى فيها مشاكل لعدم استخدام المثبت لسنوات وسنوات وكذلك لوجود مشاكل كهربائيه مع تقادم عمر السياره..اما ما يحدث مع الموديلات الجديده من تويوتا فاحتمال ان السبب في القطع التي يتم تركيبها من قبل الوكاله شواء المثبت او غيره..ومن الصعب ان تظهر تويوتا وتكشف هذا الامر!! ومن المستحيل ان يقوم الوكيل بكشف المشكله كذلك ولكن ما نقول الا ربنا وربهم الله! تصورو العدد الهائل من السيارات التي باعوها على مر السنوات القليله الماضيه...يعني كارثه ان يسحبونها وكارثه اكبر السكوت..ياللهول!!

[demax]

كل يوم طالع لنا طعه جديده من ابو جميل

الله يكفينا شره ويرد كيده في نحره

حسبنا الله ونعم الوكيل

[ماون ماركز]

قول لصاحب الفيديو .. أربط الحزام أول ..

والطريقة .. مذكورة في كتيب السيارة .. لكن بعض الناس ما يقراء

تحياتي

[العد]

اذا كان الموتر سليم ((ما اختلفنا )) تقدر بعد تفظيه ....وتقدر تمسك فرامل ويفصل .؟؟؟؟؟؟ انتم مافهمتوا اذا علق ((تعطل كل شي ))

- هذا كلام مهب في الصميم وليس داخل في المشكله .

نعم كلامك صحيح والدليل

السوبربان اللي علق في القديه

و الالتيما اللي علقت في طريق القصيم

[بن سالم2008]

بارك الله فيكم

[درب الصحراء]

الحل الامثل = فاصل لطرمبة البنزين




بل الاحل الامثل انك ما تشتري سياراتهم

واذا عندك بدلها بسيارة من شركة ما عندها عيوب مصنعية مهلكة للحرث والنسل

[صحراء الدهناء]

الحل الامثل = فاصل لطرمبة البنزين


:good2::good2::good2: