المساعد الشخصي الرقمي

مشاهدة النسخة كاملة : جــهـــاز فــحص الريــشـــة (( جــديــــد ))


المري
27/03/2006, 07:10 AM
السلام عليكم

أخواني الأعزاء

الواحد منا اذا هو قانص وحصل جرة الحبارى او الكراوين او جاءه وقت الدعو او هدد الحمام يوقف ويركب

البتري في الريشة وينزل من السيارة ويفتح الشنطة حقت الجيب ويطلع الجهاز ويشغله علشان يتأكد من الريشة

هل هي شغاله ام لا؟؟ شغله طويلة عريضة

هذا قديما.

أما في الوقت الحاضر خلاص لاتحول ولا تفتح شنطة الجيب ولا تطلع الجهاز من محله ولا تشغله , وانت جالس

على الطاره يوجد جهاز صغير جدا وهذي صورته:

http://www.mekshat.com/pix/upload/images15/mk1168_tester1.jpg


اذا ركبت البتري في الريشه مرر الريشه على هذا الجهاز الصغير , اذا الريشه شغاله عطاك نفس نغمة الجهاز

واذا الريشة خربانه او البتري منتهي مايعطيك ولا نغمه, علما انها تصلح للريش الأمريكية والفرنسية والالمانيه والبريطانية والأسبانية.

واللي يبغى منها يراسلنى ويبشر بها علما ان سعرها في الشركة 99$ يعنى 370 ريال..

بس فيه تخفيضات عليها..

ملاحظة : صناعة أمريكية

اخوكم / المري
عجمي
27/03/2006, 10:43 AM
وعليكم السلام ورحمة الله وبركاتة


معلومة قيّمة يالمري وتشكر عليها .


لكن اخوي المري الجهاز نفسة يشتغل على بطارية والا ولاعة السيارة والا كيف وضعة ..


اخوك عجمي ,,
طير الهدد
27/03/2006, 10:56 AM
عز الله ما قصرت يا ابن مره بيض الله وجهك وانا صراحه باقترحلك لقب جديد (( الصقار الالكتروني ))
نايف الخالدي
27/03/2006, 11:15 AM
مشكور يابو معيض على هالمشاركه
الي تفيدنا وتفيد المنتدى
منسف الغترة
27/03/2006, 11:19 AM
الأخ العزيز المري

الجهاز وش يجي معه ؟؟

يعني جهاز وريشة والعدة كاملة بـ370ريال

إن كان العدة كاملة فأنا شراي ومستعد
ابو عايد
27/03/2006, 01:13 PM
السلام عليكم ورحمة الله وبركاته



تسلم يالمري .... تصدق انا والفيتو ندور هذا الجهاز ولكن هذا الجهاز جديد

اخي المري هل جربته ... وهل يشيك على بطارية الجهاز وارجو ان ترد لي خبر يابو معيض
المري
27/03/2006, 01:26 PM
هلا ابو عايد وحياك الله يالغالي..

الجهاز عملي جدا وزين ويوفر عليك تشغيل الجهاز كل اشوي .. بعض الاجهزه تتعطل من تشغيلها كل ساعة ..

وعليه ضمان اي خل او خراب لو بعد سنتين ترجعه وعلى طول تأخذ محله واحد وهي صغير بحيث انك تحطه في مظلة السيارة او تلزقه في طبلون السيارة.

ابو عايد نصيحة لكل واحد انه يحط معه واحد حتى لو انك لقيت ريشة ماتشتغل على جهازك لان التردد ماختلف الجهاز هذا يفحصها لك هل هي شغاله ام لا...

وشكرا

اخوك / المري
مارشال
27/03/2006, 02:48 PM
هل الجهاز موجود عندك يابومعيض ؟؟؟
المري
27/03/2006, 03:40 PM
نعم موجود عندي الأن , واذا بغيت واحد ارسله لك بأسرع وقت اخي مارشال..

أنت أمر بس يالغالي.

اخوك / المري
مجنون الحبارى
27/03/2006, 05:58 PM
اخى ((المرى))
مشكور وسلمت يداك اخوى انت دائما وراء كل جديد
لكن العفو منك بعض المفردات ما فهمتها ونادرا احنا فى ليبيا ما نستعمل مثل هالاجهزه
احنا جهاز تتبع الطير الحين بس توفر عندنا ولكن ليس بالقدر الكافى وبالسعر المناسب لكى يتسنى لكل صقار
امتلاكه نسأل الله الفرج والسلامه

اخوك ((مجنون الحبارى))
تواق
27/03/2006, 10:48 PM
ابو معيض


فعلا جهاز ممتاز ولقيته السنه هاذي في معرض ابو ظبي وجربته وكان عليه سعر 600 درهم
ابو عايد
28/03/2006, 03:23 PM
تسلم يالمري ويعطيك الف عافيه

وانشاء الله بيننا اتصال
ابوشجعاء
28/03/2006, 09:41 PM
تسلم اخوي المري وياليت ولاماعاد تنفع ليت الله يعطيك العافيه
ابوشجـــــــــــــــــــــــــعاء
الحجــــــــــــــــاز
28/3/2006م
اعقاب
29/03/2006, 01:39 AM
أنا شراي ومستعد
صقر
29/03/2006, 04:11 AM
مشكور اخي المري على المتابعة وطرح الجديد والمفيد.

بارك الله فيك.