«®°·.¸.•°°·.¸.•°™ياهل الوانيتات الدداسن والهايلكسات تعالو][§¤° ابشاوركم بخصوص الكفرات

[كثير السؤال]

السلام عليكم يالله حيهم يالله حيهم
ياجماعة الخير فكرت واحترت ودورت وتبهذلت



ودي الموضوع ذا يشمل كفرات الخط انواعها ومقارانات بينها وطريقة اختتيار الافضل لك

الاشهر بين الشباب نوعين
الاول يوكوهاما والثاني هانكوك
طبعا يجي مقاسات مخلتفه 205 و215 و225 و235
وفيه شي 70 و75

ياجماعة الخير ادق على الربع واشاورهم كل واحد يعطين راي
اخره جزمت على كفر 225 هانكوك مر ادق على واحد وقالي انهن ثقال ماينفعن للبر
ياولد الاجواد يقولون انه يفرش وانه اطلدز واحد للبران
قال يابن الحلال الكفر يفسخ بسرعه وانت تمسك خط يوميا والعريض بالخط بغيض
والثاني يقول اذا ماشريت 225 ابشقهن لك ماعليك منهم هن ازين شي للبر رقم واحد مايحتاج تنسم واجد وبالخط راسي وهاجد

وودي نسمع منكم ونشوف وش تنصحوننا به يالربع وان شاء الله يكون مرجع لكل شخص يرغب بتركيب الكفرات
اترك المكرفون لكم

[ابن مجدوع]

اخوي اول شي ترا اللي يشاور الايام ذي والله بيجيه هستيريا ! لكن اول شي وضح وش استخدامك .. يعني حياتك بالبر دايم ولا تمسك خطوط ولا وش ؟ عشان نقدر نفيدك اما كذا كل واحد بيفتي على حسب نظره .. تحياتي لك

[كثير السؤال]

استخدامي الرئيسي خطوط علشان الكليه
والبر كل اربعاء وخميس
ووقت العطل ووقت الامطار شبه يومي

وبالصيف كل سبوعين مره تقريبا وتعرف الصيف يبيله تنسيم

يعطيكم العافيه

[FAPioO]

انا مركب هانكوك ٢١٥
وصراحه جدا لين
وهذا الي يمتاز فيه الهانكوك
فرشته حلوه ولين
اليوكوهاما اجود بس فرشته وليونته موب زي الهانكوك وطبعا اغلى

[كثير السؤال]

انا مركب هانكوك 215
وصراحه جدا لين
وهذا الي يمتاز فيه الهانكوك
فرشته حلوه ولين
اليوكوهاما اجود بس فرشته وليونته موب زي الهانكوك وطبعا اغلى

اليوكوهاما يعطي منظر افضل للسياره
واكثر تحمل من الهانكوك
على مااظن الهانكوك من مكوناته النايلون
واليوكوهاما السلك

[ابونبيل]

انا مركب هونكووك 215 وسط لاهي 205 ولا 225

ارتفاعها 75 كفر ممتاز للبر يفرش اذا نسمت
لاكن خطه يصوفر بسرعه يعني كل اسبوع نضفه كانك تهتم بالشكل

والله يوفقك

[كثير السؤال]

انا مركب هونكووك 215 وسط لاهي 205 ولا 225

ارتفاعها 75 كفر ممتاز للبر يفرش اذا نسمت
لاكن خطه يصوفر بسرعه يعني كل اسبوع نضفه كانك تهتم بالشكل

والله يوفقك

حياك ابو نبيل

الكثير يركب هانكوك علشانه افضل للبر

ولاكن الغالب يركبه لان اليوكوهاما غاااااااااالي

معلومه اخرى اثناء تجوالي لاحظت انه كل ماكان الكفر اسخف كل ماكان اغلى
يعني 205 اغلى من 215 وهكذا
والسبب ان السخيف مرغوب

[عبدالعزيز بن احمد]

السلام عليكم ورحمة الله وبركاته

.انا طال عمرك مركب على ددسن غمارتين هانكوك 225 و ممتازة مريحة وجيدة وخصوصا امسك كل يومين 100 كيلو رايح و 100 كيلو راجع للرياض ما شكيت منها شئ ابد ابد ابد مررريحة جدا وفي النفود تفررش مررة وانا انصح بهن والله يوفقك

[كثير السؤال]

السلام عليكم ورحمة الله وبركاته

.انا طال عمرك مركب على ددسن غمارتين هانكوك 225 و ممتازة مريحة وجيدة وخصوصا امسك كل يومين 100 كيلو رايح و 100 كيلو راجع للرياض ما شكيت منها شئ ابد ابد ابد مررريحة جدا وفي النفود تفررش مررة وانا انصح بهن والله يوفقك

يالغالي على جنط البلد مركبهن ماتخاف يفسخن اذا نسمت الكفر

[واحد مبسوط]

حياك الله
انا من طلعت الهايلكس من الوكالة
وانا مركب
هانكوك
215 على 75
وماشاء الله
ارتفاع مناسب
رساوه ليونه

[احب الخلا]

انا معي ددسن ومركب يو كوهاما 215 والله انا مضبوطه فالنفود وراسيه فالخط وفيها شويه ثقل لكن لاحظت فيها شي تلقط حصى وتحذفه على البدي

[كثير السؤال]

شكرا لكم على طرح التجارب ومنكم نستفيد

[عبدالعزيز بن احمد]

يالغالي على جنط البلد مركبهن ماتخاف يفسخن اذا نسمت الكفر

لا لا لا

انا مركبهن على البلد مطاعس عليهن ما فسخن عن الجنط وممتازة مرررره

اسف على الرد المتاخر

[sgl2002]

ماهبل بي كثر الكفرات

وعن تجربة على ثلاث دداسن

افضل شي دنلوب ٢٢٥

لينه مره وتكد

وبالنفود اتحداك تغرز

والله اني امشي ممشا الجيوب واجي من جنب الهليكسات واوقف وين مابغيت
نسم وامش

صراحة افضل واروع ماجربت ولاغيرت بعدها الدنلوب حتى علئ الباترول الحين×

[LE2010]

هانكووووووووووووووك
اي مقااااس

[كثير السؤال]

شكرا لكم على تفاعلكم

[صحراء الدهناء]

انا معي ددسن ومركب يوكوهاما 205 ,,,75 حلوات ويتحمل للمره الثالثه وانا اركبهن اما الباقي ماجربته