المساعد الشخصي الرقمي

مشاهدة النسخة كاملة : نصائحكم يارجال في شراء ددسن قديم؟؟!


mr.salih
15/11/2011, 10:29 PM
السلام عليكم ورحمة الله وبركاتة

حياكم الله جميعا...

يا اخوان بيض الله وجيهكم جميعا حقيقة مالي بعد الله ألا انتم وما نستغني عن نصايحكم وارشاداتكم....المهم بعد بحث ومداولات واخذ وعطا...قررت عدم بيع السيارة الي عندي (كامري 98) وقررت اخذ سيارة قديمة في حدود 5 - 8 آلاف....يعني سيارة لديرة والطلعات الخفيفة وش رايكم...لاني سالت احد الاخوة عن اعلان شفته بالنت ددسن موديل 84 موضب وواقف لها اكثر من سنتين..والبدي تعبان شوي وطالب الرجال فيه 5 آلاف..بس انا ماني شايل ألا هم المكينة اخاف بكرة اطلع فالبر ثم يطفي علي واجلس بها..فشوركم..ووالله ماحدني على الموديلات القديمة الا ان الميزانية تعبانه (طالب جامعي)..وايضا صعبه ابيع سيارتي الي معي وشتري ونيت للبيت تعرفون الاهل!!..

وأهم شئ وشهو اهم شئ انتبه له وأحطه بالحسبان.إذا بشري سيارة قديمة؟
ننتظر نصائحكم.
صديق لمنتدى
15/11/2011, 10:40 PM
أهم شي لاتفرط بموترك والشباب إن شاء الله يفيدونك بالباقي والله يوفقنا وإياك للخير
اللهم آمين
اللهم آمين
اللهم آمين
ابومحــ م ـــد
15/11/2011, 10:48 PM
نصيحتي لك ياخوي مادامك طالب جامعي لاتشتري قديم ابد بعدين يتناقض عليك كل يوم خراب الين ياكل عليك مبالغ ماله داعي وايضاً تكثر عليك المصاريف تغيير زيت سيارتين وكفرات سيارتين وبنزين سيارتين وتجديد استمارتين ووووو
الراي
خلك على الكامري واصبر مثل ماصبرت قبل الين تخرج انشاء الله وبعدين اشتر اللي بمزاجك
قل امين ((( الله يفتحلك ابواب الرزق ويرزقك انشاء اللي ببالك ويرزقنا معك وجميع المسلين ))))) امين يارب العالمين
المؤمن كالغيث
15/11/2011, 10:56 PM
وعليكم السلام ورحمة الله وبركاته
من 93 الى 98
طيبه وصبورة وتصلح للبر
ربي يرزقك بالسيارة اللي ترضيك وتفهمك
mr.salih
16/11/2011, 01:23 AM
بيض الله وجيهكم فردا فردا... ووالله نصائح فادتني كثير ونبهتني عن اشياء غفلت عنها...بارك الله فيكم وزادكم من فضلة...وخلاص قفلنا على سالفة الونيت على مضض :(....وعساها خيره إن شاء الله والله يرزقنا من واسع فضلة والمسلمين.
hgvfdu
16/11/2011, 08:51 AM
نعم اترك القديم وابحث لك عن جديد سعره معقول
..بقايا انسان
17/11/2011, 05:49 PM
عنديلك ددسن موووووووووووووووووووووووديل 1984 بــــ5500 وانت جدد الاستماره والفحص 2500 تتتتتتتتتتتتتتتتتتتتتتتتتتتتتتعال شفة راسلني على خااااص
HAS5SAN
17/11/2011, 10:37 PM
دور لهايلكس من موديلات الـ80 وحوله
تراه اصرف من الددسن القديم
قليل خرابات وقطع رخيصه
الددسن ماراح تحصله نضيف
http://www.haraj.com.sa/userfiles21/2011-06-09/42e7660bfd9284793c0703cf161c5cf1.jpg

http://www.haraj.com.sa/userfiles20/2011-11-04/dbb27dec7ae01f83ad9f6d5e3a24e9e8.jpg

واستخر الله قبل كل شيء
والله يفتح لك أبواب فضله
ويرزقك من حيث لا تحتسب
راعي الونيت73
18/11/2011, 01:00 AM
خذ النصيحة (( مش حالك في ام شوشة الين تجيك المنقوشة )) اهم شي واصل تعليمك ولو على سيكل وبيرزقك الكريم سبحانه .... وتقبل مروري