اختلط الماء بالزيت باترول 97 نصائحكم تكفون الفزعه

[ابولمار1985]

ارتفعت الحراره الى النصف وبدا يطش المويه مع القربه لبرا قمت زودته شوي شوي مويه الى ان هدى الوضع ولا حظت زيت في قربة المويه حقت الرديتر وناظرت عيار الزيت سليم قلت اغير الزيت احسن وغيرته وعايرته الصباح لقيته مثل الحليب مختلط الزيت بالماء علما ان السياره الان شغاله وحرارتها كويسه ماترتفع وش نصائحكم وكيف اعرف ان الراس منشعر ووين افضل ورشه بالرياض وكم التكلفه :( ارجو تفاعلكم معي وشكرا:(

[ابولمار1985]

للمعلوميه القير عادي

[.. الشلاحي ..]

ياهلا يابو لمارة لا تستعجل على الراس ممكن مافيه اي شي
غالبا ان الماء لا خلط مع الزيت يكون اما طبات او وجه الراس ومدام ان الماء دخل المكينة اكيد السبب الطبات الجانبية وانصحك ان كانت هي السبب ان تغيرها كلها

[فهم العدواني]

اخوي هذي الطبات الداخليه تجي صغار وحده قدام المكينه داخل طرمبة المويه والثانيه خلف المكينه وثنتين داخل المبرداللي يجي تحت الكربريترووحده من هذولي هي المسئوله، وتوضح معك بعد المشي فك الغطى تلقى زي الحليب في نفس الغطى وانا اشور عليك انك تغير الطبات كلها وخذ نحاس

[ابولمار1985]

ارجو افاده زياده يااخوان و ابي احد يدلني ورشه كويسه

[كـاشت]

كل عام وانت بخير

مفرروض اول تشكر الاخوان الاعزاء على تجاوبهم معك وتتغلب على الانا....! بعدين أسأل زيادة اللي تبي

ومن العايدين للجميع

[عبقري91]

انشاء الله المشكله بصيطه بس لاتتسرع مثلي وغيرت المكينه ---وطلعة طبه داخليه

[ابولمار1985]

كل عام وانت بخير

مفرروض اول تشكر الاخوان الاعزاء على تجاوبهم معك وتتغلب على الانا....! بعدين أسأل زيادة اللي تبي

ومن العايدين للجميع
كل عام وانتم بخير
الاخ كاشت الفلسفه الزايده برا موضوعي
الاخوان الاعزاء اشكر كل من مر او شاركني موضوعي ويعلم الله ان لكم دعوه عن ظهر قلب لكل من نصحني والاجر والثواب من الله

[dejjo]

السلام عليكم ورحمة الله وبركاته

عيدكم مبارك وكل عام وانتم بخير والله يتقبل منا ومنكم

مثل ماذكرو الاخوان فوق وشيك على راس المكينه ممكن يكون فيه شلخ او كزجيت الراس (اوجيه) تحتاج تغيير

وان شاء الله تكون وجدت المشكلة

[ابولمار1985]

كيف اتفادى غش الورش هل فيه اختبار للراس قبل الفك