لاند g 2010 [الأرشيف] - منتديات مكشات

مشاهدة النسخة كاملة : لاند g 2010

يارب عفوك23

25/10/2011, 07:38 PM

السلام عليكم ورحمة الله وبركاته

اخواني الغوالي

حبيت استشير الجميع بالاند الجديد ونوعه g الجيب ماشاء الله نضيف

2010 وتوماتيك وبسعر معقول امامي

مدري يااخوان هل هو يجمل الحال بالبر وبالاستخدام بالبلد علما بدون دفولك وونش

ماخاب من استشار امثالكم من اهل خبره وعمر أكبر

شوركم يالربع

fahad marzouq

25/10/2011, 08:28 PM

والله تويوتا مأنقدر نستغني عنها

يارب عفوك23

25/10/2011, 08:38 PM

جزاك الله خير اخوي

sgl2002

25/10/2011, 09:19 PM

والله انا اشوف ان اللاند من ٢٠٠٨ وفوق ماعاد هو سيارة بر وكرف وتحمل

شاص

25/10/2011, 10:15 PM

عيبه الوحيد أن القير تماتيك على 6 سرندل وزنه مثل ماهو معروف ثقيل .. بالنسبة لي أفضل القير العايدي على الـ6 سرندل ..

قائد السريه

25/10/2011, 11:07 PM

لو هو قير عادي لاتتردد

اما قير تماتيك ماعندي علم انت جربه واستخر

باترول 82

25/10/2011, 11:43 PM

والله ياخوي انا معي 2010 gxr سته سرندل وقير تماتيك واستخدمه يوميا في المدينه مامثله لكن في البر ماجربته يفيدونك اهل الخبره

يارب عفوك23

26/10/2011, 12:46 AM

بارك الله بكم جميع

وفي انتظار اهل الخبرات

ابو منور 93

26/10/2011, 12:54 AM

اخوي نصيحة اذا انت راعي ولع وطلاعات اقل شي كل اسبوع لاتاخذ موتر 2010حرام عليك

عاشق الvx

26/10/2011, 01:59 AM

اول شي يالغالي ترا هالفئة تعتبر اقل فئة من ناحية المواصفات
اول عيب فيه انه مكيف واحد مايجي مكيف خلفي يعني اذا عندك عايله مايصلحلك ابد
ومراتبة لونها رصاصي وارضيته بلاستك ماهي موكيت
ومراتب الصف الثالث متقابله المرايات ومقابض الابواب والسمكه الي فوق دعاسه
الابواب لونها اسود وديكوراته كلها اسود في اسود وبدون ثلاجه
وترى زباينه محدودين اغلب الي ياخذه الشركات
او الحكومه مثل سيارات امن الطرق او الدفاع المدني
انا انصحك بالفئة الي اعلى منه الي هو الـgx
هذا افضل بكثير يجي داخليه بيج ويجي مكيفين وتخشيبه ومراتب الصف الثالث متوازيه
ومقابض الابواب والمرايات بنفس اللون وغيرها من المواصفات
او اذا تبي اكسسوارات زايده مثل جنوط كروم وزيق جانبي ودعاسه فيبر وغيره عندك الـgxr
بالنسبة للـ6 سرندل التماتيك يعتبر زين اذا استخدامك عادي
اما اذا انت راعي طلعات ونفوذ بتتضايق منه لانه ثقيل شوي خذ قير عايدي افضل
واذا تبي تماتيك عليك بالـ8 سرندل والله يكتبلك الي فيه الخير ....

مكشآتي للآخر

26/10/2011, 02:06 AM

قنوع

26/10/2011, 08:50 AM

SRAAAB

26/10/2011, 09:03 AM

الله يدلك على الخير

مكشآتي للآخر

26/10/2011, 09:53 AM

:D:D:D

اجل الفكسار 5.7 مخنز

ايه مخنز

ليه مافية قير عآدي؟

عاشق هدد 6

26/10/2011, 10:15 AM

ولله كانه تماتيك و6سلندر مانصحك التماتيك احرص دائيم على 8سلندر و6سلندر عادي ويالله من واقع تجربه

g زين لراعي البر الي قبله في البر واذا كانك على خفيف الطلعات gx زين

والله يوفقك بشريه الزينه

سليمان الربيعان

26/10/2011, 10:22 AM

وشلون بتشري جيب من تايوتا وانت توقيعك مقاطعه لشركة تايوتا
حبيت اسال
والله يوفقك بالسياره الزينه
تقبل تحياتي...

sgl2002

26/10/2011, 11:29 AM

إعوذ بالله يالياباني
سته سرندل وثمانية سرندل وخرآبيط
يازين الامريكي بسسسسسس
مابعده
سعر مناسب و8 سرندل و 6.2 لتر مو مثل المخنز الفكسآر 5.7 ومستانسين بعـد ههههههه
صدق من قال الناس إذوآآآآق

لا لا الأمريكي ماشاء الله

تقدر تطلع للبر لحالك وفي مقطعه وعز الصيف ولا حرارة ولا خرابات ولا يقطع عليك ماتدري وش علته

واذا غرز على طول يطلع واذا تعلق على طول يشبك الدبل مايعلق ولا شي ...

ياحبيبي لاتحاول تقنع نفسك وانت من داخلك تؤيد ان لا سيارة غير الباترول واللاند للبر.......

سيف الظفير

26/10/2011, 01:19 PM

خذ العلم مني

انا ثلاث جيوب ولله الحمد شريتها

V8 اسود سبيرين ونش 2008

V6 علاق لؤلؤي 2009 قير عادي

V8 لؤلؤي سبيرين ونش وفتحة 2009

وكلها لاندكروزر الشكل الجديد

نصيحة محب ابتعد عن اللي شفت

الدفلوك مهم جداً

الونش تقدر تركبة برا بـ 3500 او اقل

ولكن الـتماتيك هذا ماله علالالالاج

نصيحة من اخوك لا تقربة ابد السته سلندر عادي هو الزين

انا كان معي ولكن بعته عزمة خايس ما جاز لي ابد

والحين ولله الحمد معي 8 سلندر 4.7

وودي بالجديد 5.7 ولكن غلاه اغلاه عندي

.أبوعبدالرحمن

26/10/2011, 01:23 PM

أخوي الغالي عن تجربة سبق وجربت GX سته سلندر تماتيك

وعزمه ما شاء الله تبارك الله وثابت على السرعات العالية

وصوت المكينة أقل بكثير عن 2007 طبعا إللي أتكلم عنه

موديله 2011 وفيه واحد من الشباب سبق وشرا 2009

قير عايدي وما شاء الله يمدحه وبعدين باعه وشرا شاص

وباع الشاص ورجع للاند بس تماتيك

لكن أنت حاول تسأل المجربين أو مالكين السيارة

والأفضل من هذا كله استأجر لك سيارة وطلع كل أجوبة التساؤلات

إللي في خاطرك ، وبعد ما تفكر أنصحك بالـ GX لأنه أفضل في المواصفات

والله يرزقك باللي يسرك

ثلج

26/10/2011, 01:30 PM

عندنا ثلاث سيارات خذها ولا تتردد لاند كروزر سفاري وونيتهم
وانت وفلوسك,,,, موفق خير

يارب عفوك23

26/10/2011, 06:04 PM

حرم الله وجيه الجميع عن النار

يااخوان المشكله ماحصلت لـــــي gx كلها فوق 140

وانا حصلت ذا بــــ120 وماشي 70

واللله من الحيره

وربي وربكم يجيب الي فيه الخير

لاهنتم جميع

يارب عفوك23

27/10/2011, 06:20 PM

يرفع

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

رشيد4

28/10/2011, 01:53 AM

يرفع

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يالاخ بنقاطع التويوتا وجميع السيارات وش البديل عندك ولا حكي اخواني عليكم بالتويوتا ونيسان وجميع السيارات

غالي يا غالي

28/10/2011, 01:55 AM

شف يالغالي لا تقرب للفئة هذي ترا تبلش ببيعتها

زود دراهمك شوي وخذ جي اكس

ابيع وتكيييييف مركزي وعليك بال 8 سرندل

واذا ملزم على 6 خذ قير عادي اقوى وانشط

مكشآتي للآخر

31/10/2011, 08:01 PM

لا لا الأمريكي ماشاء الله

تقدر تطلع للبر لحالك وفي مقطعه وعز الصيف ولا حرارة ولا خرابات ولا يقطع عليك ماتدري وش علته

واذا غرز على طول يطلع واذا تعلق على طول يشبك الدبل مايعلق ولا شي ...

ياحبيبي لاتحاول تقنع نفسك وانت من داخلك تؤيد ان لا سيارة غير الباترول واللاند للبر.......

من الي ماهو بصآحي يبي يكشت في عز الصيف ؟؟؟؟ويطلع مقطعة بالصيف
ذآ مضروب على مخة